Şu günler Türkmenistanyň Prezidenti Gurbanguly Berdimuhamedowyň tabşyrygy boýunça döwlet baştutanynyň Täjigistan Respublikasyna resmi sapary mahalynda onuň ýanynda bolan delegasiýanyň agzalary türkmenleriň kowçum bolup ýaşaýan ýeri bolan Hatlon welaýatynyň Jilikul etrabyna baryp gördüler.

Hormatly myhmanlary welaýatyň başlygy Taýbulon Abzal bilen etrabyň ýolbaşçylary garşylaýarlar, şol ýerde häzirki wagtda türkmen diasporalarynyň biri ýaşaýar. Goňşy ýurduň doly hukukly raýatlary bolan biziň watan-daşlarymyz özleriniň taryhy Watanyndan gelen wekilleri ägirt uly şadyýanlyk hem myhmansöýerlik bilen gar¬şylaýarlar, şol ýerde häzirki günde beýik işler amala aşyrylýar, oňa dünýä türkmenleriniň ählisi kanuny ýagdaý-da buýsanýarlar.

Türkmen diasporasynyň wekilleri we Jilikul etrabynyň jemgyýetçiligi bilen geçirilen duşuşyklaryň barşynda Türkmenistandan baran myhmanlar Prezident Gurbanguly Berdimuhamedowyň dostlukly Täjigistana üstünlikli tamamlanan ilkinji resmi saparynyň jemleri barada, ýokary derejede gazanylan ylalaşyklaryň hyzmatdaşlyk babatda açýan mümkinçilikleri hakda gürrüň berdiler.

Garaşsyz, Bitarap Türkmenistanyň häzirki güni barada söz açyp, türkmen delegasiýasynyň agzalary ýurdumyzda türkmen lideriniň başlangyjy boýunça bilim we saglygy goraýyş, ylym we medeniýet ulgamlaryny ösdürmek we kämilleşdirmek maksady bilen ýurtda geçirilýän uly möçberli özgertmeler hem reformalar, tutuş ykdysadyýetiň we döwlet ösüşiniň geljegi barada uly ruhubelentlik bilen gürrüň berdiler.

Türkmenistanyň Prezidentiniň adyndan türkmen diasporasynyň wekillerine ýadygärlik sowgatlar we kitaplar gowşuryldy.

Belent derejeli myhmanlaryň hormatyna etrapda uly sadaka berildi we baýramçylyk konserti guraldy, şonda Gurbanguly Berdimuhamedowyň Täjigistana uzak garaşylan saparynyň şanyna düzülen goşgular we aýdymlar ýaňlandy.

Duşuşyga Türkmenistanyň Täjigistandaky Adatdan daşary we Doly ygtyýarly Ilçisi A.Gurbanow gatnaşdy.