Gurbanguly Berdimuhamedow Türkmenistanyň ykdysady üstünlikleriniň Türkmenistanyň Garaşsyzlygynyň16 yllygyna bagyşlanan sergisine gatnaşyjylary we ony guraýjylary mähirli gutlady.

Gutlagda: “Eziz halkymyz «Türkmenistany ykdysady, syýasy we medeni taýdan ösdürmegiň 2020-nji ýyla çenli döwür üçin Baş ugry» Milli maksatnamamyzda kesgitlenen wezipeleri tutanerli durmuşa geçirýär”-diýip bellenilýär.- Biz Garaşsyzlyk alan ilkinji günlerimizden ýurdumyzy ykdysady taýdan ösdürmäge aýratyn üns berip başladyk. Adamlaryň abadan durmuşyny, halal zähmetiniň rehnetini görmegini üpjün etjek, halkymyzyň ruhuny tug deýin belentde parlatjak ýol-ýörelgeleri saýlap alyp, dünewi, hukuk, demokratik döwletiň syýasy we ykdysady, ruhy binýatlaryny esaslandyrdyk. Şu ýyllarda dünýäniň beýleki döwletleri bilen özara bähbitli, dostlukly gatnaşyklary ýola goýduk.

Türkmen halkynyň agzybir, halal, päk zähmet çekip, Garaşsyz döwletini has pugtalandyrýandygyny ýurdumyzyň ykdysady üstünlikleriniň sergisi dünýä jemgyýetçiligine ýene bir gezek has aýdyň görkezer. Sergini synlan adamlar ykdysady, medeni ugurlardaky rowaçlyklarymyzy görüp, il-gün agzybir bolanda, gudrat döreýändiginiň şaýady bolar-diýlip gutlagyň dowamynda aýdylýar.