Ýewropa Bileleşiginiň daşary syýasat we howpsuzlyk boýunça Ýokary wekili Hawýer Solananyň baştutanlygynda Ýewropa Bileleşiginiň wekilçilikli delegasiýasy şu gün türkmen paýtagtyna geldi

Daşoguz welaýatynyň Gurbansoltan eje adyndaky etrabynda doglan we häzirki wagtda sport ussatlygynyň ýokary mekdebinde kämillik ýoluny geçýän Ömürbek Bazarbaýew Taýlandyň Çiang-Maý şäherinde tamamlanan erkekleriň arasyndaky 79-njy dünýä çempionatynda 62 kilograma çenli agram derejesinde planetanyň güýçli ştangaçylarynyň bäşligine girdi

Türkmenistanyň Prezidentiniň Permany bilen Çarymyrat Amanow 6 aý synag möhleti bilen Türkmenistanyň Milli howpsuzlyk ministri wezipesine bellenildi.
Türkmenistanyň Prezidentiniň Permany bilen Orazgeldi Amanmyradow 6 aý synag möhleti bilen Türkmenistanyň Içeri işler ministri wezipesine bellenildi.

Düýn agşam Türkmenistanyň Prezidenti Gurbanguly Berdimuhamedow nobatdaky iş sapary bilen Aşgabada aýlanyp, birnäçe möhüm desgalaryň gurluşygynyň barşyny barlady, şeýle hem täze şäher gurluşyklary üçin ýerleri kesgitledi

Düýn Türkmenistanyň Prezidenti Gurbanguly Berdimuhamedow ýurdumyzyň Içeri işler ministrliginde giňişleýin maslahat geçirdi, şol maslahatda içeri işler ministri H. Annagurbanowyň günäsi bilen we başdan sowmalygynda ýol berlen gödek düzgün bozulmalary halka ýetirip, IIM-iň hatarlarynda kanunçylygy pugtalandyrmagyň meselelerini gozgady

Düýn agşam GDA-nyň ýerine ýetiriji komitetiniň başlygynyň birinji orunbasary Wladimir Garkunyň baştutanlygyndaky delegasiýa Aş¬gabada geldi

Prezident Gurbanguly Berdimuhamedowyň Täjigistana sapary geçen hepdäniň esasy wakasy boldy, ol täze taryhy şertlerde iki döwletiň hyzmatdaşlygyna täzeçe çemeleşmeleri kesgitledi. Bolup geçen gepleşikleriň netijeliligi, gol çekilen ylalaşyklaryň uzakmöhletleýin häsiýeti Türkmenistanyň milli, sebitleýin we dünýä bähbitleriniň ýakynlaşmagyna gönükdirilen strategiýasynyň döwrüň talaplaryna laýyk gelýändigini, ählumumy ykrar edilmegine we abraýa mynasypdygyny aýdyň tassyklady

Türkmenistanyň Prezidenti Gurbanguly Berdimuhamedowyň tabşyrygy boýunça döwlet baştutanynyň Täjigistan Respublikasyna resmi sapary mahalynda onuň ýanynda bolan delegasiýanyň agzalary türkmenleriň ýaşaýan ýeri bolan Hatlon welaýatynyň Jilikul etrabyna baryp gördüler

Türkmenistanda Internet ulgamyny mundan beýläk-de ösdürmek, döwrebaplaşdyrmak we giňeltmek maksady bilen, Türkmenistanyň Prezidenti Karara gol çekdi. Resminama laýyklykda Türkmenistanyň Aragatnaşyk ministrligine Internet ulgamyny ösdürmek, döwrebaplaşdyrmak we giňeltmek taslamasy üçin geçirilen halkara bäsleşiginiň jemlerine laýyklykda enjamlary satyn almak barada Russiýa Federasiýasynyň «TehnoSerw AS» jogapkärçiligi çäklendirilen jemgyýeti bilen umumy bahasy 1 585 337 amerikan dollary bolan şertnamany öz serişdeleriniň hasabyna baglaşmaga ygtyýar berildi

Türkmenistanda gussaly sene—1948-nji ýyldaky weýrançylykly Aşgabat ýertitremesiniň pidalarynyň Ählihalk matam güni bellenilýär. Türkmen halkynyň taryhynda gussaly wakalaryň biriniň bolup geçeli bäri 59 ýyl geçdi, şol waka baradaky ýatlama her bir türkmenistanlynyň ýüregini henize bu güne çenli hem gam-gussa batyrýar. 1948-nji ýylyň Garaşsyzlyk aýynyň 5-inden 6-syna geçilýän gije 1 sagat 12 minutda tebigy betbagtçylygyň ägirt uly güýji bir pursatda owadan we gülläp ösýän şäheri hem-de onuň töwereklerini büs-bütinleýin weýran etdi, biziň watandaşlarymyzyň 176 müňüsiniň ömür tanapyny kesip, her bir maşgala diýen ýaly ýetimçiligiň we öwezini dolup bolmajak ýitginiň gam-gussasyny getirdi. Onlarça ýyl geçenden soň, Garaşsyzlyk ýyllarynda bütin dünýä bu heläkçiligiň hakyky möçberleri hakyndaky hakykaty bildi, halkymyz bolsa milli däplere görä, öz dogan-garyndaşlarynyň we ýakynlarynyň ýadygärligini hatyralap, bu gussaly senäni Ählihalk matam güni hökmünde bellemäge mümkinçilik aldy