Paýtagtymyzyň Garaşsyzlyk seýilgähinde «Galkynyş zamanasy we milli folklor» atly festiwalyň dabaraly ýapylyşy we uly konsert boldy. Ol Türkmenistanyň Medeniýet we teleradioýaýlymlar ministrligi tarapyndan guraldy.

Ýurdumyzyň welaýatlarynyň bäşisinden gelen folklor toparlaryny birleşdiren iri döredijilik gözden geçirilişiniň guralmagynyň özi döwlet we onuň Lideri tarapyndan milli medeniýetiň ösdürilmegine, türkmen halkynyň bahasyna ýetip bolmajak ruhy mirasynyň saklanyp galmagyna, öwrenilmegine hem-de giňden ýaýradylmagyna uly üns berilýändigine şaýatlyk edýär.

Şu gün «Aşgabat» aýdym-saz merkezine ýygnanan köpsanly tomaşaçylar ajaýyp baýramçylyga gatnaşdylar. Dabarada ýurdumyzyň bäş welaýatynyň hem döredijilik toparlarynyň ýerine ýetirmeginde aýdymlar we sazlar ýaňlandy, ajaýyp milli tanslar ýerine ýetirildi, wäşileriň sahna oýunlary görkezildi. Folklor çykyşlarynda türkmen baýramçylyklarynyň bezegi bolan gadymy däpler janlandyryldy.

Konsertiň soňunda dabaraly ýagdaýda festiwalyň laureatlary sylaglandy. Olara konserte gatnaşyjynyň diplomlary, hormat hatlary we gymmat bahaly sowgatlar berildi.

Festiwala gatnaşyjylar hormatly Prezidentimiz Gurbanguly Berdimuhamedowa Türkmenistanyň ykdysady kuwwatyny berkitmegiň hatyrasyna alyp barýan işleri we Watanymyzyň barha artýan şan-şöhraty hem-de halkyň ruhy taýdan galkynmagy, ýurdumyzda medeniýetiň ösdürilmegine berýän uly ünsi üçin minnetdarlyk bildirdiler.

Bu ýerde sergi guraldy. Onda beýik Galkynyş eýýamynda ýurdumyzda giňden ýaýbaňlandyrylan türkmen halkynyň original we özboluşly sungaty hem-de progressiw özgertmeler barada gürrüň berilýär.