Düýn Türkmenistanyň Prezidenti Gurbanguly Berdimuhamedow bilen Türkiýe Respublikasynyň Prezidenti Abdulla Gülüň arasynda telefon arkaly söhbetdeşlik boldy.
Abdulla Gül Gurbanguly Berdimuhamedowy doglan güni mynasybetli tüýs ýürekden gutlady, berk jan saglygyny, egsilmez gujur-gaýrat we onuň ähli asylly başlangyçlarynda üstünlikler arzuw etdi. Türk halky doganlyk türkmen halkynyň progressiw özgertmeler we reformalar ýolunda gazanýan üstünliklerine tüýs ýürekden buýsanýar diýip, ol belledi.
Gutlaglary we hoşniýetli sözleri üçin minnetdarlyk bildirip, türkmen Lideri Türkmenistany we Türkiýäni özara baglanyşdyrýan dostluk we netijeli hyzmatdaşlyk gatnaşyklary mundan beýläk-de umumy eşretiň hatyrasyna berkidiler we ösdüriler diýip ynam bildirdi.
Gepleşigiň ahyrynda söhbetdeşler Türkmenistanyň we Türkiýäniň halklarynyň adyna parahatçylyk, bagtyýarlyk we gülläp ösüş baradaky arzuwlaryny beýan etdiler.