«Ojar Aziýa» hususy kärhanasy 2026-njy ýylyň 7–13-nji oktýabry aralygynda Kabul şäherindäki Owganystanyň Halkara sergi merkezinde geçirilen Ymam Abu Hanifanyň adyny göterýän 5-nji milli we halkara söwda sergisine gatnaşdy.

«Türkmenistanyň nebiti we gazy – 2026» (OGT 2026) XXXI halkara maslahatynyň we sergisiniň kümüş hemaýatkärine öwrülen «Baker Hughes» energetika-tehnologik kompaniýasy forumda ýataklary özleşdirmek, gaz infrastrukturasy we energiýa netijeliligini ýokarlandyrmak babatda halkara bilermenler tejribesini hödürlär. 

2026-njy ýylyň 14-16-njy oktýabry aralygynda Ýagşygeldi Kakaýew adyndaky Halkara nebit we gaz uniwersitetiniň rektorynyň Ýaponiýa sapary amala aşyryldy. Saparyň esasy maksady ylym-bilim hyzmatdaşlygyny ösdürmek we wodorod energetikasy ulgamyndaky özara gatnaşyklary giňeltmekden ybarat boldy.

15-nji oktýabrda Daşkentde «Wakalar gözýetimi» atly XI halkara häzirki zaman sungat sergisiniň çäginde türkmen ussatlarynyň sergisi açyldy. P. Benkow adyndaky Respublikan ýöriteleşdirilen sungat mekdebiniň sergi meýdançasynda tanymal suratkeşler Azat Myradowyň, Gunça Myradowanyň we Toýly Çopanowyň çeken 30-dan gowrak suraty görkezildi.

Şu ýylyň oktýabr aýynyň başynda Hazar deňziniň türkmen kenarynda ýerleşýän «Awaza» milli syýahatçylyk zolagynda Merkezi Aziýa ýurtlarynyň we Azerbaýjan Respublikasynyň döwlet Baştutanlarynyň konsultatiw duşuşygy geçirildi.