Mukaddes Garaşsyzlygymyzyň şanly 35 ýyllyk taryhy senesiniň uludan toýlanylýan «Garaşsyz, baky Bitarap Türkmenistan – bedew batly at-myradyň mekany» ýyly kalplarymyza unudylmajak röwşen nuruny çaýyp, hakydalara hemişelik ýazylýar. Şanly ýylymyzyň arka atylýan her bir güni ýatdan çykmajak ajaýyp dabaralara, baýramçylyk çärelerine ulaşýar.
Türkmenistanyň Döwlet medeniýet merkeziniň Mukamlar köşgünde ýurdumyzyň Hökümet agzalarynyň, ministrlikleriň we pudaklaýyn dolandyryş edaralarynyň ýolbaşçylarynyň, köpçülikleýin habar beriş serişdeleriniň wekilleriniň gatnaşmaklarynda mukaddes Garaşsyzlygymyzyň şanly 35 ýyllygy mynasybetli halkara atçylyk we atly sport ugurlary boýunça guraljak medeni çäreleri hem-de dabaralary ýokary derejede geçirmek boýunça maslahat boldy.
2026-njy ýylyň 28-nji awgustynda Türkmenistanyň Daşary işler ministri Raşid Meredow Fransiýa Respublikasynyň Türkmenistandaky Adatdan daşary we Doly ygtyýarly Ilçisi Filipp Merlen bilen duşuşdy.
2026-njy ýylyň 28-nji awgustynda Türkmenistanyň DIM-de Türkmenistanyň Daşary işler ministri Raşid Meredowyň ýurtda diplomatik wezipesini tamamlaýan Ýewropa Bileleşiginiň Türkmenistandaky ilçisi Beata Peksa bilen duşuşygy boldy.
Mary welaýatynda täze – 2026-2027-nji okuw ýylynyň barha ýakynlaşmagy bilen taýýarlyk çäreleri barha güýçlendirilýär. Şu ýyl welaýatyň orta mekdeplerine 27 müňden gowrak çaga 1-nji synpa kabul ediler. Mekdebe ilkinji gadam basan bagtyýar çagalara hormatly Prezidentimiziň adyndan noutbuk kompýuterleri sowgat berler.
