Türkmenistanyň Daşky gurşawy goramak ministrliginiň Gidrometeorologiýa baradaky gullugynyň habar bermegine görä, howanyň ýakymly maýlamagyna garamazdan, 9 – 15-nji fewral aralygynda ýurdumyzyň welaýatlarynyň köpüsinde ýagyş ýagar.

Aşgabatda üýtgäp durýan bulutly howa bolup, ýagyş ýagar. Howanyň temperaturasy gündizlerine +8...+10 gradusdan +22...+24 gradusa çenli, gijelerine +1...+3 gradusdan +8...+10 gradusa çenli maýyl bolar.

Ahal welaýatynda üýtgäp durýan bulutly howa bolup, ýagyş ýagar. Howanyň temperaturasy gündizlerine +6...+11 gradusdan +21...+26 gradusa çenli, gijelerine –2...+3 gradusdan +7...+12 gradusa çenli maýyl bolar.

Balkan welaýatynda bulutly we ýagyşly howa bolup, howanyň temperaturasy gündizlerine +20...+25 gradus, gijelerine –2...+3 gradusdan +5...+10 gradusa çenli maýyl bolar.

Mary welaýatynda bulutly howa bolup, howanyň temperaturasy gündizlerine +7...+12 gradusdan +20...+25 gradusa çenli, gijelerine –1...+4 gradusdan +7...+12 gradusa çenli maýyl bolar.

Lebap welaýatynda üýtgäp durýan bulutly howa bolup, ýagyş ýagar. Howanyň temperaturasy gündizlerine +5...+10 gradusdan +19...+24 gradusa çenli, gijelerine –4...+1 gradusdan +6...+11 gradusa çenli maýyl bolar.

Daşoguz welaýatynda üýtgäp durýan bulutly howa bolup, gar gatyşykly ýagyş ýagar. Howanyň temperaturasy gündizlerine –1...+4 gradusdan +11...+16 gradusa çenli, gijelerine –4...–9 gradus sowukdan –1...+4 gradus aralygynda maýyl bolar.