Türkmenistanyň «Gala» haryt nyşanly dokma harytlary häzirki zaman modasyna laýyk gelýän geýimleriň ýurdumyzda iň isleg bildirilýän görnüşleriniň biridir.

Ýöriteleşdirilen dokma söwda dükanlarynda bütin maşgala üçin niýetlenen amatly we ýokary hilli «Gala» haryt nyşanly harytlaryň giň görnüşi hödürlenýär. Olarda çagalar, ýetginjekler we uly ýaşly adamlar üçin trikotaž sport lybaslary aýratyn orun tutýar. Bu nusgalar işjeň durmuş ýörelgesi göz öňünde tutulyp işlenip düzüldi hem-de özünde oňaýlylygy, berkligi we häzirki zaman moda meýillerini jemleýär.

Ýaşlaryň arasynda jübüli, belent ýakaly jalbar-penjekden ybarat bolan iki bölekli lybaslar uly meşhurlykdan peýdalanýar. Oýlanyşykly biçüw hereket erkinligini üpjün edýär, ýumşak we çydamly trikotaž matasy bolsa geýimleri gündelik geýmek, gezelenç etmek we sport bilen meşgullanmak üçin amatlydyr.

Şeýle hem lybaslarda ýokary hilli materiallardan taýýarlanan egin-eşikler bar. 2017-nji ýylda Ýapyk binalarda we söweş sungaty boýunça V Aziýa oýunlarynyň tumary sport ruhunyň we ýeňşe bolan ymtylyşyň nyşany bolan türkmen alabaýyň şekili çekilen futbolkalar aýratyn ünsi çekýär.

Täze önümleriň hatarynda sport döwrebaplygyny kämilleşdirýän örülen başgaplar hem bar. Reňkleriň baý öwüşginliligi netijesinde alyjylar her bir lybasa laýyk gelýän esbaby saýlap bilýärler. Başgaplarda eplenen ýerindäki «Gala» haryt nyşany harytlary tanalmagyny has-da artdyrýar.

«Gala» haryt nyşanly önümleri döwrebap tehnologiýalary ulanmak arkaly ekologiýa taýdan arassa materiallardan taýýarlanylýar we ýokary hil ülňülerine doly jogap berýär.