22-nji aprelde Astana şäherinde geçirilen Sebitleýin ekologiýa sammitinde eden çykyşynda Türkmenistanyň Prezidenti Serdar Berdimuhamedow Merkezi Aziýada serhetüsti suw serişdeleriniň rejeli we adalatly peýdalanylmagy baradaky meselä aýratyn üns çekdi.

Döwlet Baştutanymyz bu ugurda ýurdumyzyň resmi garaýşynyň hemişe açykdygyny we yzygiderlidigini nygtady.

Türkmenistanyň Prezidenti serhetüsti derýalaryň suw meselelerini çözmegiň esasyny düzmeli bolan üç sany binýatlyk ýörelgelerini kesgitledi:

birinji ýörelge – suw meseleleri boýunça esasy konwensiýalaryň we beýleki halkara namalaryň berk berjaý edilmegi;

ikinji ýörelge – serhetüsti derýalaryň ugrunda ýerleşýän ähli döwletleriň bähbitleriniň deň derejede göz öňünde tutulmagy;

üçünji ýörelge – halkara guramalaryň, ilkinji nobatda, Birleşen Milletler Guramasynyň bu işe giňden gatnaşmagy.