2012-nji ýylda geçiriljek Türkmenistanyň ýaşaýyş jaý gaznasynyň ýazuwy we ilat ýazuwy işlerine taýýarlyk işleri dowam edýär. Bu işleriň çäklerinde nobatdaky listing tapgyry başlandy. Listing – halkara adalga bolup, hojalyklaryň salgysyny, jaýlaryň we olarda ýaşaýan adamlaryň sanyny anyklamak bilen baglanyşykly işleri boýunça çäreleri geçirmekligi aňladýar.

Noýabr aýynyň 4-5-ne Türkmenistanyň statistika baradaky döwlet komitetiniň işgärleri Türkmenistanyň ähli ýerlerindäki öylere we jaýlara aýlanmak boýunça iş alyp bararlar.

Tutuş ilat ýazuwy geçirilende ýokardaky görkezijiler boýunça bu çäreleriň geçirilmegi öz içine aktuallaşdyrylan kartografiki maglumatlary hem jemleýän doly maglumatlaryň bolmagyna mümkinçilik berer.