Asylly däbe görä, her ýylda noýabryň soňky ýekşenbesinde Türkmenistanda Hasyl toýy giňden we dabaraly ýagdaýda bellenilýär. Ýurdumyzyň ýokary hasyl ýetişdirýän ussatlarynyň hormatyna esaslandyrylan bu şanly senä bagyşlanyp uly baýramçylyk maksatnamasy taýýarlandy. Şoňa laýyklykda dürli maslahatlar, sergiler we bäsleşikler, ýurdumyzyň tanymal türkmen daýhanlary bilen duşuşyklar, meşhur aýdymçylaryň, sazandalaryň, tans we folklor toparlarynyň gatnaşmagynda konsertler, sport bäsleşikleri guralýar. Ýurdumyzyň ähli künjeklerinde dogduk topragymyzyň sahawatyny we türkmen halkynyň zähmetiniň we ata Watanymyzyň rowaçlygyny aýdyň görkezýän saçaklar giňden ýazyldy we ýarmarkalar guraldy.
Şu gün Köpetdagyň etegindäki gözel künjekde ýerleşen Halkara atçylyk sporty toplumynda ýurdumyzda giňden bellenilýän Hasyl toýunyň esasy dabaralary geçirildi.
Ir säher bilen bu ýerde uly baýramçylyk ýagdaýy höküm sürdi. Bu ýerde guralýan dabaralara Türkmenistanyň Ministrler Kabinetiniň agzalary, Mejlisiň, ministrlikleriň we pudak edaralarynyň, biziň ýurdumyzda işleýän diplomatik wekilhanalaryň, Umumymilli “Galkynyş” hereketiniň düzümine girýän jemgyýetçilik guramalarynyň ýolbaşçylary, alym-agronomlar, talyp ýaşlar, paýtagtymyzyň ilaty we köp sanly myhmanlar gatnaşdy.
Baýramçylyk dabaralaryna gatnaşmak üçin ýurdumyzyň ähli welaýatlaryndan hormatly ýaşulular, oba senagat toplumynyň sebitleýin düzümleriniň ýolbaşçylary, döredijilik toparlary we öz halal hem-de yhlasly zähmeti bilen Watan harmanynyň has-da beýgelmegine goşant goşan edermen pagtaçylar geldiler.
Döwlet nyşanlary, dürli şygarlar we owadan güller bilen bezelen Halkara atçylyk sport toplumynda döwlet baýdaklarymyz al-asmanda pasyrdaýar we baýramçylyk dabarasy giňden ýaýbaňlandyrylýar. Toplumyň seýilgäh zolagynyň girelgesinde dabara gatnaşyjylar güler ýüz bilen garşylandy, olara milli tagamlar, toý-baýramyň bezegi bolan peşme hödürlendi. Öz halal zähmeti bilen Watanymyzyň şöhratyny artdyrýan babadaýhanlary, täze Galkynyş we beýik özgertmeler eýýamynda Watanymyzyň gazananlaryny wasp edýän aýdym-sazly çykyşlar dabara özboluşly öwüşgin çaýdy. Welaýatlaryň döredijilik toparlarynyň we Türkmen oba hojalyk uniwersitetiniň “Altyn asyr” medeni merkeziniň ýerine ýetirýän aýdym-sazly çykyşlary, joşgunly tanslary dabara gatnaşyjylaryň ruhuny göterdi.
Bu ýerdäki ýagdaýlar uly we oba baýramçylygyny ýatladýardy: ýörite sahnalarda bagşylar, häzirki zaman aýdymlaryny ýerine ýetirijiler we döredijilik toparlary çykyş etdiler, olar umumymilli toýa ýurdumyzyň dürli welaýatlaryndan gelipdirler, el işini edýän zenanlar nepis, şol bir wagtyň özünde amaly-haşam sungatyna degişli zatlary taýýarlaýardylar, märeke suratlkeşleriň, heýkeltaraşlaryň we zergärleriň işlerini synladylar, ýaş sportsmenler bolsa milli oýunlar we sportuň häzirki zaman görnüşleri boýunça bäsleşip, öz ussatlyklaryny görkezdiler. Hemişe bolşy ýaly, “goç urşy”, “horaz urşy” we beýlekiler tomaşaçylarda uly gyzyklanma döretdi. Bäsleşiklerde üstün çykanlara tomaşaçylaryň şowhunly el çarpmagynda bu dabarany guraýjylaryň gymmat bahaly baýraklary gowşuryldy.
Oguzhanyň ýyldyzynyň şekilinde gurlan suw çüwdüriminiň merkezinde alty sany ahalteke bedewleriniň heýkeli oturdylypdyr. Şeýle hem bu ýerde guralan sergide türkmen topragynda bitýän datly önümler, pagtanyň, dänäniň we beýleki oba hojalyk ekinleriniň ýokary hasylly görnüşleri sortlary görkezilýär.
Sergide oba hojalyk ekinlerini ösdürip ýetişdirmegiň we olary gaýtadan işlemegiň ähli tapgyrlary jikme-jik görkezilýär. Bu ýerde goýlan taýýar önümler, şeýle hem häzirki zaman pagta arassalaýjy kärhanalarynyň we elewatorlaryň maketleri has-da özüne çekiji boldy.
Türkmen pagtaçylarynyň gazanýan üstünliklerine bagyşlanan sergide Watan harmanyna 1 million 50 müň tonnadan gowrak “ak altyny” tabşyran pagtaçylaryň gazanan üstünlikleri, ak hanalar, pagta gaýtadan işlenilende alynýan önümler görkezilýär. Häzirki döwürde türkmen pagtasyndan alynýan süýüm diňe bir milli dokma senagatymyz üçin esasy çig mal bolmak bilen çäklenmän, eýsem, Hytaý, Russiýa, Angliýa, Koreýa, Türkiýe, Eýran, Indoneziýa, Singapur, Latwiýa, Litwa, Ukraina ýaly döwletleriň talapkär bazarlaryna ugradylýan gymmatly önüm bolup durýar.
Serginiň ýörite bölümi gallaçylyk pudagyna bagyşlanypdyr. Babadaýhanlarymyzyň yhlasly zähmeti we hormatly Prezidentimiz Gurbanguly Berdimuhamedowyň başlangyjy hem-de ýolbaşçylygy bilen, oba hojalyk pudagynda üstünlikli durmuşa geçirilýän özgertmeleriň netijesinde Watanymyzyň harmanyna goşulýan bugdaýyň mukdary artýar. Bu bolsa ýurdumyzy un we çörek önümleriniň dürli görnüşleri bilen doly üpjün edýär. Döwlet Baştutanymyzyň Kararyna laýyklykda “Türkmengallaönümleri” assosiasiýasy şu ýyl ýurdumyz üçin zerur bolan galladan artygyny eksport etmäge mümkinçilik aldy. Munuň özi, häzirki döwürde ýurdumyzyň gallaçylygy milli ykdysadyýetiň eksporty ugur edinýän pudaga öwürýär.
Ýurdumyzyň suwaryş ulgamynyň, atçylygynyň, maldarçylygynyň, tebigaty goramak pudagynyň, azyk we gaýtadan işleýän, dokma senagatynyň gazanan üstünlikleri barada gürrüň berýän bölümler myhmanlarda we dabara gatnaşyjylarda uly gyzyklanma döretdi.
Şeýle hem şol ýerde Türkmenistanyň ekerançylyk meýdanlarynda giňden ulanylýan häzirki zaman tehnikalarynyň sergisi guralypdyr. Bu ýerde daýhanlaryň ýakyn ýardamçylary bolan kombaýnlar, sürüm traktorlary, ýöriteleşdirilen enjamlar görkezilýär. Olaryň kömegi arkaly, şu ýylda dänäniň we pagtanyň bol hasyly ösdürilip ýetişdirildi hem-de ýygnaldy. Şeýle hem bu ýerde kombaýnlaryň bunkerlerinden agyp düşýän pagta hasylyna, ýük ulaglaryna, täze hasyly daşamak üçin niýetlenen tirkeg gurallaryna syn etmek bolýar.
Ýurdumyzyň her welaýaty milli naharlary we dürli tagamlary taýýarlap toý saçaklaryny giňden ýazyp, dabara gatnaşyjylara hödür-kerem edýär. Munuň özi türkmen toýlarynyň esasyny düzýär.
Dabara gatnaşyjylar we köp sanly myhmanlar döwlet Baştutanymyzyň Garaşsyz, baky Bitarap Türkmenistanyň merdana oba zähmetkeşlerine, edermen hasyl ussatlaryna we ähli halkyna iberen Gutlagyny uly ruhubelentlik bilen diňlediler. Hormatly Prezidentimiz Gurbanguly Berdimuhamedow edermen oba zähmetkeşlerine iberen gutlagynda: “Hasyl toýy türkmen daýhanlarynyň halal zähmetine döwlet derejesinde goýulýan belent sarpadan nyşandyr we ýurdumyzda zähmet ýeňişleriniň dabaralanmasydyr. Bereketli topragymyzdan bol hasyl öndürip, netijeli zähmet çekmekleri üçin oba zähmekeşlerine döwlet tarapyndan yzygiderli goldaw berilýär. Oba hojalyk işgärleriniň dünýäniň ösen ýurtlaryndan satyn alynýan ýokary öndürijilikli tehniklar bilen yzygiderli üpjün edilmegi, täze tarp ýerleriň özleşdirilmegi üçin goýberilýän serişdeleriň artdyrylmagy, täze ekerançylyk meýdanlarynyň açylmagy hem-de mineral dökün, tehniki hyzmat, ýokary hilli tohum bilen ýeňillikli bahadan üpjün edilmegi, öndürilýän önümleriň döwlet satyn alyş nyrhlarynyň yzygiderli ýokarlandyrylmagy munuň aýdyň subutnamasydyr. Täze oba syýasatyny ýaýbaňlandyrmak, türkmen obasynyň keşbini özgertmek, oba ilatynyň ýaşaýyş-durmuş derejesini yzygiderli ýokarlandyrmak döwletimiziň esasy ugurlarynyň biridir. Oba zähmetkeşlerine mundan beýläk-de täze kuwwatly tehnikalar, traktorlar däne we pagta ýygýan kombaýnlar, suw hojalyk tehnikalary yzygiderli satyn alnyp berler, dünýä ylmynyň gazanan täze döwrebap tilsimatlaryny önümçilige ornaşdyrmak boýunça zerur işleriň geçirilmegi dowam etdiriler” diýip belleýär.
Dabaraly ýagdaýda ýurdumyzyň obasenagat toplumynyň işgärleriniň adyndan Türkmenistanyň Prezidenti Gurbanguly Berdimuhamedowa Goşant atly ajaýyp ahalteke bedewi sowgat berildi.
Ýokary hasyl ösdürip ýetişdiren daýhanlary, oba hojalygy boýunça tejribeli hünärmenleri we alymlary Hasyl toýy mynasybetli sylaglamak dabarasy baýramçylygyň jemlemesi boldy, olara hormatly Prezidentimiziň adyndan gymmat bahaly sowgatlar gowşuryldy.
Soňra toplumyň esasy sahnasynda sungat ussatlarynyň çykyşlary ýaýbaňlandyryldy. Onda täze Galkynyş we beýik özgertmeler eýýamynda hasyl ussatlaynyň gazanan üstünliklerine, edermen babadaýhanlaryň öndürijilikli zähmetine bagyşlanan aýdym-sazlar ýaňlandy.
Mälim bolşy ýaly, türkmen toýlarynda atçapyşygy baýramçylygyň esasy bezegi bolýar. Bu gezek hem Hasyl toýy mynasybetli ahalteke bedewleriniň çapyşyklary guraldy. Onda ýurdumyzyň ýyndam bedewleri Türkmenistanyň Prezidentiniň baýraklaryny almak ugrunda bäsleşdiler.
At çapyşyklarynyň arasynda “Türkmen atlary” Döwlet birleşiginiň Milli atçylyk-sport merkeziniň çapyksuwarlarynyň görkezme çykyşlary boldy. Şeýle hem märeke “Galkynyş” toparynyň akrobatlaryň we atlylaryň çykyşlaryna tomaşa etdi.
Baýramçylyk mynasybetli geçirilen birinji çapyşykda Türkmenistanyň Prezidentiniň baýragy bolan awtoulag ugrundaky bäsleşikde dört we ulyýaşar bedewler 2800 aralykdan güýç synanyşdylar. Çekeleşikli geçen bäsleşikde pellehana birinji bolup Gökhan geldi. Ol bu aralygy 3 minut 37,5 sekuntda geçmegi başardy.
Beýleki çapyşyklar hem örän gyzykly boldy. Ikinji çapyşykda dört we ulyýaşar bedewler 2400 metr aralykdan güýç synanyşdylar. Onda bu aralygy 3 minut 05,3 sekuntda geçip, Gelşikli ýeňji boldy. Üçünji çapyşykda ikinji topardan bolan üçýaşar bedewler 1800 metr aralyga goşuldylar. Onda Aýden ýeňiji boldy. Dördünji çapyşykda üçüinji topardan bolan üçýaşar bedewler 1600 metr aralyga goşuldylar. Bu ýaryşda Guşganat pellehanadan birinji geçmegi başardy. Bäşinji çapyşyga gatnaşan ikiýaşar bedewleriň menzili 1400 metr boldy. Onda Altyn ýeňji boldy. Ol bu aralyga 1 minut 47,0 sekunt sarp etdi. Ähli baýrakly orunlary eýelän çapyksuwarlara hormatly Prezidentimiziň adyndan gymmat bahaly sowgatlar gowşuryldy.
At çapyşyklary tamamlanandan soň, ýurdumyzyň Halkara atçylyk sporty toplumynda aýdym-sazlaryň owazlary ýaňlandy, joşgunly tanslar ýerine ýetirildi, mahlasy, bu ýerde baýramçylyk şowhuny dowam etdi.
Halkara atçylyk sporty toplumynyň “Toý mekanynda” şu günki wakanyň şanyna, mähriban Watanymyzyň rowaçlygynyň hormatyna we Türkmenistanyň Prezidenti Gurbanguly Berdimuhamedowyň baş saglygyna toý sadakasy berildi.
Ýurdumyzyň atçylyk sport toplumlarynyň ählisinde welaýatlaryň iň ýyndam bedewleriniň gatnaşmagynda çapyşyklar guraldy, şeýle hem türkmen babadaýhanlaryny hormatlamak bilen bagly dabaralar geçirildi, şonda meşhur estrada aýdymçylary we artistler, belli bagşylar hem-de iň gowy folklor we tans toparlary, şeýle hem ýaş we tejribeli türgenler çykyş etdiler.
Türkmenistanyň Şekillendiriş sungaty muzeýinde we Türkmenistanyň Döwlet çeperçilik akademiýasynyň Sergi zalynda guralan sergiler Hasyl baýramyna we bolelinligiň toýuna bagyşlandy. Paýtagtymyzdaky “Parahat” medeni-dynç alyş merkezinde öňde baryjy kärendeçileriň, mehanizatorlaryň, oba hojalyk işgärleriniň hormatyna medeniýet we sungat ussatlarynyň gatnaşmagynda baýramçylyk dabarasy geçirildi.
Şu gün Köpetdagyň etegindäki gözel künjekde ýerleşen Halkara atçylyk sporty toplumynda ýurdumyzda giňden bellenilýän Hasyl toýunyň esasy dabaralary geçirildi.
Ir säher bilen bu ýerde uly baýramçylyk ýagdaýy höküm sürdi. Bu ýerde guralýan dabaralara Türkmenistanyň Ministrler Kabinetiniň agzalary, Mejlisiň, ministrlikleriň we pudak edaralarynyň, biziň ýurdumyzda işleýän diplomatik wekilhanalaryň, Umumymilli “Galkynyş” hereketiniň düzümine girýän jemgyýetçilik guramalarynyň ýolbaşçylary, alym-agronomlar, talyp ýaşlar, paýtagtymyzyň ilaty we köp sanly myhmanlar gatnaşdy.
Baýramçylyk dabaralaryna gatnaşmak üçin ýurdumyzyň ähli welaýatlaryndan hormatly ýaşulular, oba senagat toplumynyň sebitleýin düzümleriniň ýolbaşçylary, döredijilik toparlary we öz halal hem-de yhlasly zähmeti bilen Watan harmanynyň has-da beýgelmegine goşant goşan edermen pagtaçylar geldiler.
Döwlet nyşanlary, dürli şygarlar we owadan güller bilen bezelen Halkara atçylyk sport toplumynda döwlet baýdaklarymyz al-asmanda pasyrdaýar we baýramçylyk dabarasy giňden ýaýbaňlandyrylýar. Toplumyň seýilgäh zolagynyň girelgesinde dabara gatnaşyjylar güler ýüz bilen garşylandy, olara milli tagamlar, toý-baýramyň bezegi bolan peşme hödürlendi. Öz halal zähmeti bilen Watanymyzyň şöhratyny artdyrýan babadaýhanlary, täze Galkynyş we beýik özgertmeler eýýamynda Watanymyzyň gazananlaryny wasp edýän aýdym-sazly çykyşlar dabara özboluşly öwüşgin çaýdy. Welaýatlaryň döredijilik toparlarynyň we Türkmen oba hojalyk uniwersitetiniň “Altyn asyr” medeni merkeziniň ýerine ýetirýän aýdym-sazly çykyşlary, joşgunly tanslary dabara gatnaşyjylaryň ruhuny göterdi.
Bu ýerdäki ýagdaýlar uly we oba baýramçylygyny ýatladýardy: ýörite sahnalarda bagşylar, häzirki zaman aýdymlaryny ýerine ýetirijiler we döredijilik toparlary çykyş etdiler, olar umumymilli toýa ýurdumyzyň dürli welaýatlaryndan gelipdirler, el işini edýän zenanlar nepis, şol bir wagtyň özünde amaly-haşam sungatyna degişli zatlary taýýarlaýardylar, märeke suratlkeşleriň, heýkeltaraşlaryň we zergärleriň işlerini synladylar, ýaş sportsmenler bolsa milli oýunlar we sportuň häzirki zaman görnüşleri boýunça bäsleşip, öz ussatlyklaryny görkezdiler. Hemişe bolşy ýaly, “goç urşy”, “horaz urşy” we beýlekiler tomaşaçylarda uly gyzyklanma döretdi. Bäsleşiklerde üstün çykanlara tomaşaçylaryň şowhunly el çarpmagynda bu dabarany guraýjylaryň gymmat bahaly baýraklary gowşuryldy.
Oguzhanyň ýyldyzynyň şekilinde gurlan suw çüwdüriminiň merkezinde alty sany ahalteke bedewleriniň heýkeli oturdylypdyr. Şeýle hem bu ýerde guralan sergide türkmen topragynda bitýän datly önümler, pagtanyň, dänäniň we beýleki oba hojalyk ekinleriniň ýokary hasylly görnüşleri sortlary görkezilýär.
Sergide oba hojalyk ekinlerini ösdürip ýetişdirmegiň we olary gaýtadan işlemegiň ähli tapgyrlary jikme-jik görkezilýär. Bu ýerde goýlan taýýar önümler, şeýle hem häzirki zaman pagta arassalaýjy kärhanalarynyň we elewatorlaryň maketleri has-da özüne çekiji boldy.
Türkmen pagtaçylarynyň gazanýan üstünliklerine bagyşlanan sergide Watan harmanyna 1 million 50 müň tonnadan gowrak “ak altyny” tabşyran pagtaçylaryň gazanan üstünlikleri, ak hanalar, pagta gaýtadan işlenilende alynýan önümler görkezilýär. Häzirki döwürde türkmen pagtasyndan alynýan süýüm diňe bir milli dokma senagatymyz üçin esasy çig mal bolmak bilen çäklenmän, eýsem, Hytaý, Russiýa, Angliýa, Koreýa, Türkiýe, Eýran, Indoneziýa, Singapur, Latwiýa, Litwa, Ukraina ýaly döwletleriň talapkär bazarlaryna ugradylýan gymmatly önüm bolup durýar.
Serginiň ýörite bölümi gallaçylyk pudagyna bagyşlanypdyr. Babadaýhanlarymyzyň yhlasly zähmeti we hormatly Prezidentimiz Gurbanguly Berdimuhamedowyň başlangyjy hem-de ýolbaşçylygy bilen, oba hojalyk pudagynda üstünlikli durmuşa geçirilýän özgertmeleriň netijesinde Watanymyzyň harmanyna goşulýan bugdaýyň mukdary artýar. Bu bolsa ýurdumyzy un we çörek önümleriniň dürli görnüşleri bilen doly üpjün edýär. Döwlet Baştutanymyzyň Kararyna laýyklykda “Türkmengallaönümleri” assosiasiýasy şu ýyl ýurdumyz üçin zerur bolan galladan artygyny eksport etmäge mümkinçilik aldy. Munuň özi, häzirki döwürde ýurdumyzyň gallaçylygy milli ykdysadyýetiň eksporty ugur edinýän pudaga öwürýär.
Ýurdumyzyň suwaryş ulgamynyň, atçylygynyň, maldarçylygynyň, tebigaty goramak pudagynyň, azyk we gaýtadan işleýän, dokma senagatynyň gazanan üstünlikleri barada gürrüň berýän bölümler myhmanlarda we dabara gatnaşyjylarda uly gyzyklanma döretdi.
Şeýle hem şol ýerde Türkmenistanyň ekerançylyk meýdanlarynda giňden ulanylýan häzirki zaman tehnikalarynyň sergisi guralypdyr. Bu ýerde daýhanlaryň ýakyn ýardamçylary bolan kombaýnlar, sürüm traktorlary, ýöriteleşdirilen enjamlar görkezilýär. Olaryň kömegi arkaly, şu ýylda dänäniň we pagtanyň bol hasyly ösdürilip ýetişdirildi hem-de ýygnaldy. Şeýle hem bu ýerde kombaýnlaryň bunkerlerinden agyp düşýän pagta hasylyna, ýük ulaglaryna, täze hasyly daşamak üçin niýetlenen tirkeg gurallaryna syn etmek bolýar.
Ýurdumyzyň her welaýaty milli naharlary we dürli tagamlary taýýarlap toý saçaklaryny giňden ýazyp, dabara gatnaşyjylara hödür-kerem edýär. Munuň özi türkmen toýlarynyň esasyny düzýär.
Dabara gatnaşyjylar we köp sanly myhmanlar döwlet Baştutanymyzyň Garaşsyz, baky Bitarap Türkmenistanyň merdana oba zähmetkeşlerine, edermen hasyl ussatlaryna we ähli halkyna iberen Gutlagyny uly ruhubelentlik bilen diňlediler. Hormatly Prezidentimiz Gurbanguly Berdimuhamedow edermen oba zähmetkeşlerine iberen gutlagynda: “Hasyl toýy türkmen daýhanlarynyň halal zähmetine döwlet derejesinde goýulýan belent sarpadan nyşandyr we ýurdumyzda zähmet ýeňişleriniň dabaralanmasydyr. Bereketli topragymyzdan bol hasyl öndürip, netijeli zähmet çekmekleri üçin oba zähmekeşlerine döwlet tarapyndan yzygiderli goldaw berilýär. Oba hojalyk işgärleriniň dünýäniň ösen ýurtlaryndan satyn alynýan ýokary öndürijilikli tehniklar bilen yzygiderli üpjün edilmegi, täze tarp ýerleriň özleşdirilmegi üçin goýberilýän serişdeleriň artdyrylmagy, täze ekerançylyk meýdanlarynyň açylmagy hem-de mineral dökün, tehniki hyzmat, ýokary hilli tohum bilen ýeňillikli bahadan üpjün edilmegi, öndürilýän önümleriň döwlet satyn alyş nyrhlarynyň yzygiderli ýokarlandyrylmagy munuň aýdyň subutnamasydyr. Täze oba syýasatyny ýaýbaňlandyrmak, türkmen obasynyň keşbini özgertmek, oba ilatynyň ýaşaýyş-durmuş derejesini yzygiderli ýokarlandyrmak döwletimiziň esasy ugurlarynyň biridir. Oba zähmetkeşlerine mundan beýläk-de täze kuwwatly tehnikalar, traktorlar däne we pagta ýygýan kombaýnlar, suw hojalyk tehnikalary yzygiderli satyn alnyp berler, dünýä ylmynyň gazanan täze döwrebap tilsimatlaryny önümçilige ornaşdyrmak boýunça zerur işleriň geçirilmegi dowam etdiriler” diýip belleýär.
Dabaraly ýagdaýda ýurdumyzyň obasenagat toplumynyň işgärleriniň adyndan Türkmenistanyň Prezidenti Gurbanguly Berdimuhamedowa Goşant atly ajaýyp ahalteke bedewi sowgat berildi.
Ýokary hasyl ösdürip ýetişdiren daýhanlary, oba hojalygy boýunça tejribeli hünärmenleri we alymlary Hasyl toýy mynasybetli sylaglamak dabarasy baýramçylygyň jemlemesi boldy, olara hormatly Prezidentimiziň adyndan gymmat bahaly sowgatlar gowşuryldy.
Soňra toplumyň esasy sahnasynda sungat ussatlarynyň çykyşlary ýaýbaňlandyryldy. Onda täze Galkynyş we beýik özgertmeler eýýamynda hasyl ussatlaynyň gazanan üstünliklerine, edermen babadaýhanlaryň öndürijilikli zähmetine bagyşlanan aýdym-sazlar ýaňlandy.
Mälim bolşy ýaly, türkmen toýlarynda atçapyşygy baýramçylygyň esasy bezegi bolýar. Bu gezek hem Hasyl toýy mynasybetli ahalteke bedewleriniň çapyşyklary guraldy. Onda ýurdumyzyň ýyndam bedewleri Türkmenistanyň Prezidentiniň baýraklaryny almak ugrunda bäsleşdiler.
At çapyşyklarynyň arasynda “Türkmen atlary” Döwlet birleşiginiň Milli atçylyk-sport merkeziniň çapyksuwarlarynyň görkezme çykyşlary boldy. Şeýle hem märeke “Galkynyş” toparynyň akrobatlaryň we atlylaryň çykyşlaryna tomaşa etdi.
Baýramçylyk mynasybetli geçirilen birinji çapyşykda Türkmenistanyň Prezidentiniň baýragy bolan awtoulag ugrundaky bäsleşikde dört we ulyýaşar bedewler 2800 aralykdan güýç synanyşdylar. Çekeleşikli geçen bäsleşikde pellehana birinji bolup Gökhan geldi. Ol bu aralygy 3 minut 37,5 sekuntda geçmegi başardy.
Beýleki çapyşyklar hem örän gyzykly boldy. Ikinji çapyşykda dört we ulyýaşar bedewler 2400 metr aralykdan güýç synanyşdylar. Onda bu aralygy 3 minut 05,3 sekuntda geçip, Gelşikli ýeňji boldy. Üçünji çapyşykda ikinji topardan bolan üçýaşar bedewler 1800 metr aralyga goşuldylar. Onda Aýden ýeňiji boldy. Dördünji çapyşykda üçüinji topardan bolan üçýaşar bedewler 1600 metr aralyga goşuldylar. Bu ýaryşda Guşganat pellehanadan birinji geçmegi başardy. Bäşinji çapyşyga gatnaşan ikiýaşar bedewleriň menzili 1400 metr boldy. Onda Altyn ýeňji boldy. Ol bu aralyga 1 minut 47,0 sekunt sarp etdi. Ähli baýrakly orunlary eýelän çapyksuwarlara hormatly Prezidentimiziň adyndan gymmat bahaly sowgatlar gowşuryldy.
At çapyşyklary tamamlanandan soň, ýurdumyzyň Halkara atçylyk sporty toplumynda aýdym-sazlaryň owazlary ýaňlandy, joşgunly tanslar ýerine ýetirildi, mahlasy, bu ýerde baýramçylyk şowhuny dowam etdi.
Halkara atçylyk sporty toplumynyň “Toý mekanynda” şu günki wakanyň şanyna, mähriban Watanymyzyň rowaçlygynyň hormatyna we Türkmenistanyň Prezidenti Gurbanguly Berdimuhamedowyň baş saglygyna toý sadakasy berildi.
* * *
Hasyl toýy mynasybetli Türkmenistanyň ähli künjeklerinde köp sanly baýramçylyk çäreleri geçirildi. Paýtagtymyzda ýurdumyzyň ussat çörek bişirijileriniň arasynda guralan bäsleşigiň ýeňijileri kesgitlendi, şolaryň taýýarlan çörek-bulka önümleri bäsleşigiň çäklerinde guralan sergide görkezildi.
Ýurdumyzyň atçylyk sport toplumlarynyň ählisinde welaýatlaryň iň ýyndam bedewleriniň gatnaşmagynda çapyşyklar guraldy, şeýle hem türkmen babadaýhanlaryny hormatlamak bilen bagly dabaralar geçirildi, şonda meşhur estrada aýdymçylary we artistler, belli bagşylar hem-de iň gowy folklor we tans toparlary, şeýle hem ýaş we tejribeli türgenler çykyş etdiler.
Türkmenistanyň Şekillendiriş sungaty muzeýinde we Türkmenistanyň Döwlet çeperçilik akademiýasynyň Sergi zalynda guralan sergiler Hasyl baýramyna we bolelinligiň toýuna bagyşlandy. Paýtagtymyzdaky “Parahat” medeni-dynç alyş merkezinde öňde baryjy kärendeçileriň, mehanizatorlaryň, oba hojalyk işgärleriniň hormatyna medeniýet we sungat ussatlarynyň gatnaşmagynda baýramçylyk dabarasy geçirildi.
