2011-nji ýylyň jemi boýunça 38 adam Türkmenistanyň Ýaşlar baýragyna mynasyp boldy. Bu baýrak Türkmenistanyň Magtymguly adyndaky Ýaşlar guramasy tarapyndan jemgyýetçilik işlerine işjeň gatnaşan, işinde we döredijiliginde üstünlikleri gazanan ýaşlara berilýär.

Baýrak alanlaryň hatarynda talyplar, ýaş alymlar we mugallymlar, türgenler, artistler we başga-da ençeme kärleriň wekilleri bar. Ýaşlar baýragy durmuşyň ähli ugurlaryny öz içine alyp, türkmen ýaşlarynyň gyzyklanmalarynyň hemmetaraplaýyndygyny aýdyň görkezýär.