Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 41-si hasaba alyndy.

Daşary ýurt walýutasyna Russiýadan, Gibraltardan, Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini we polipropileni satyn aldylar. Owganystandan gelen täjirler “Türkmengaz” döwlet konserninde öndürilen suwuklandyrylan gazy satyn aldylar. “Türkmenhimiýa” döwlet konserniniň tehniki uglerodyny we ýoduny Amerikanyň Birleşen Ştatlaryndan we Eýrandan gelen telekeçileri satyn aldylar. Şeýle-de düz reňkli we tüýjümek önümler, jinsi matalar, nah ýüplük, pagta süýümi, çig ýag kislotalary ýerlenildi. Olary satyn alan ýurtlar: Russiýa, Beýik Britaniýa, Lihtenşteýn, Birleşen Arap Emirlikleri, Türkiýe, Koreýa Respublikasy, Ukrainadyr. Geleşikleriň umumy bahasy ABŞ-nyň 50 million dollaryna golaý boldy.

Depozit manat serişdelerine Hytaýdan, Beýik Britaniýadan, Awstriýadan, Birleşen Arap Emirliklerinden, Hindistandan, Gyrgyzystandan gelen telekeçiler dokma senagatynyň önümlerini, pagta ýagyny, nah ýüplükleri we matalary satyn aldylar. Geleşikleriň umumy bahasy 20 million 500 müň manatdan gowrak boldy.

Ýurdumyzyň telekeçileri içerki bazarda, 200 müň manatlykdan gowrak möçberde polipropileni satyn aldylar.