Şu gün Türkmenistanyň Prezidenti Gurbanguly Berdimuhamedow nobatdaky wideoşekilli iş maslahatyny geçirdi. Oňa Ministrler Kabinetiniň Başlygynyň käbir orunbasarlary, birnäçe ministrlikleriň we pudak edaralarynyň, jemgyýetçilik guramalarynyň ýolbaşçylary, welaýatlaryň we Aşgabat şäheriniň häkimleri gatnaşdylar. Maslahatyň gün tertibine Berkarar döwletimiziň bagtyýarlyk döwründe ýurdumyzy durmuş-ykdysady taýdan ösdürmegiň maksatnamasyny we Türkmenistanda ýaýbaňlandyrylan giň gerimli özgertmeler maksatnamalaryny amala aşyrmak bilen bagly möhüm meseleler girizildi.
Hormatly Prezidentimiz göni aragatnaşyk arkaly geçirilýän wideoşekilli iş maslahatynda ilki bilen Ahal welaýatynyň häkimi M.Nurmämmedowyň häzirki döwürde sebitiň ekerançylyk meýdanlarynda alnyp barylýan işleriň ýagdaýy, ak ekinlere agronomçylyk görkezmelerine laýyklykda ideg edilişi, gowaça we beýleki ekinleriň ýaz ekişine taýýarlyk görmegiň çäklerinde durmuşa geçirilýän çäreler baradaky hasabatyny diňledi.
Hormatly Prezidentimiz oba milli maksatnamasyny üstünlikli durmuşa geçirmek bilen baglanyşykly meselelere ünsi çekip, bu babatda alnyp barylýan işleriň depginini we netijeliligini ýokarlandyrmak boýunça zerur çäreleri görmegi tabşyrdy. Şeýle hem döwlet Baştutanymyz kärendeçi daýhanlaryň mineral dökünleri bilen kada laýyk derejede üpjün edilmegi bilen baglanyşykly meselede bökdençligiň bolmaly däldigini belledi. Mundan başga-da, milli Liderimiz welaýatyň çägindäki ýerleriň melioratiw ýagdaýyny gowulandyrmak, oba ýollaryny abatlamak, köpçülikleýin bag nahallaryny ekmek boýunça geçiriljek ýowara ykjam taýýarlyk görmek bilen baglanyşykly meseleleri hemişe gözegçilikde saklamak barada birnäçe görkezmeleri berdi.
Iş maslahatynyň barşynda hormatly Prezidentimiz Ahal welaýatynyň Tejen şäheriniň häkiminiň orunbasarlary wezipelerine M.Emirsoýunowy we Ö.Abdyrahmanowy bellemek hakyndaky kararlara gol çekdi.
Soňra Balkan welaýatynyň häkimi B.Hojamämmedow welaýatda alnyp barylýan işleriň ýagdaýy, sebitiň senagat düzümini ösdürmek boýunça durmuşa geçirilýän çäreler, şeýle hem gowaçanyň we beýleki ekinleriň ýaz ekişine taýýarlyk görmek bilen baglanyşykly alnyp barylýan işler barada hasabat berdi.
Milli Liderimiz hasabaty diňläp, welaýatyň senagat düzüminiň ösdürilmeginde sebitde alnyp barylýan gurluşyk işleriniň depgininiň ýokarlandyrylmagynyň möhümdigini belledi we binalaryň öz wagtynda, ýokary hilli gurlup ulanmaga berilmegi bilen baglanyşykly meseleleriň hemişe üns merkezinde saklanylmagyny tabşyrdy. Şeýle hem hormatly Prezidentimiz welaýatyň çäklerinde alnyp barylýan möwsümleýin meýdan işleri barada aýdyp, sebitiň oba hojalyk pudagynyň mineral dökünler bilen üpjünçilik ýagdaýyna aýratyn üns bermegiň zerurdygyny belledi.
Soňra göni aragatnaşykda geçirilýän wideoşekilli iş maslahaty Daşoguz welaýatynyň häkimi E.Orazgeldiýewiň hasabaty bilen dowam etdi. Häkim häzirki döwürde welaýatda alnyp barylýan işleriň ýagdaýy, sebitiň maldarçylyk hojalyklarynda, ekerançylyk meýdanlarynda durmuşa geçirilýän çäreler barada habar berdi.
Döwlet Baştutanymyz häzirki döwürde ekerançylyk meýdanlarynda alnyp barylýan işleriň agrotehniki kadalara laýyklykda ýerine ýetirilmelidigini, kärendeçi daýhanlaryň mineral dökünlere bolan isleginiň doly kanagatlandyrylmalydygyny belläp, ýurdumyzyň ähli künjeklerinde bolşy ýaly, Daşoguz welaýatynda hem ähli ugurlar boýunça alnyp barylýan işlere yzygiderli gözegçiligiň ýola goýulmalydygyny nygtady. Şeýle hem hormatly Prezidentimiz sebitde geçiriljek çärelere ykjam taýýarlyk görmegiň zerurdygyny, ählihalk ýowarynda bag ekiljek meýdanlaryň häzirden kesgitlenmelidigini, ýeterlik bag nahallarynyň taýýarlanmalydygyny tabşyrdy.
Döwlet Baştutanymyz wideoşekilli iş maslahatyna şol bir wagtyň özünde Türkmenistanyň tebigaty goramak ministri B.Annabaýramowy hem çagyrdy. Ministr özüniň gözegçilik edýän düzümlerinde alnyp barylýan işleriň ýagdaýy, milli Liderimiziň ozal beren tabşyryklarynyň ýerine ýetirilişi, hususan-da, ilatyň abadançylygynyň möhüm şerti bolup durýan ekologiýa howpsuzlygyny üpjün etmek babatda netijeli gatnaşyklary berkitmek we giňeltmek maksady bilen, “Aralyň ekologiýasy: durnukly ösüş we halkara hyzmatdaşlygy” atly halkara maslahatyna görülýän taýýarlyk işleri barada hasabat berdi.
Ýurdumyzyň ekologiýa ýagdaýynyň abadanlaşdyrylmagynda möhüm ähmiýeti bolan bag ekmek işlerine aýratyn üns bermegiň zerurdygyny bellemek bilen, hormatly Prezidentimiz bu halkara çäresiniň ýokary gumaçylyk derejesini üpjün etmek boýunça ähli zerur çäreleri görmegi tabşyrdy. Şeýle hem döwlet Baştutanymyz Daşoguz welaýatynda ýurdumyz boýunça bag nahallaryny oturtmak çäresine badalga bermek işlerine ykjam taýýarlyk görmegiň zerurdygyny nygtady.
Soňra Lebap welaýatynyň häkimi Ý.Ýaýylow iş maslahatynda sebitde oba hojalyk işleriniň barşy, ýaz ekişinde ulanyljak tehnikalaryň taýýarlygy we welaýatda gurluşygy alnyp barylýan desgalarda işleriň depginini ýokarlandyrmak boýunça durmuşa geçirilýän çäreler barada hasabat berdi.
Hormatly Prezidentimiz ozaly bilen welaýatyň çäklerinde ýerleriň melioratiw ýagdaýyny gowulandyrmak, şoruny aýyrmak, zerur bolan mineral dökünleriň taýýarlygyny ýola goýmak boýunça möhüm çäreleri görmegi tabşyrdy. Mundan başga-da, milli Liderimiz ýollary abatlamak, ählihalk ýowaryna ykjam taýýarlyk görmek bilen baglanyşykly birnäçe görkezmeleri berdi.
Şeýle hem milli Liderimiz M.Joraýewi başga işe geçmegi sebäpli, Lebap welaýatynyň Sakar etrabynyň häkimi wezipesinden boşatmak hakyndaky Permana, Lebap welaýatynyň Sakar etrabynyň häkiminiň wezipesini wagtlaýyn ýerine ýetirmegi R.Jumamyradowyň, Lebap welaýatynyň Seýdi şäheriniň häkiminiň wezipesini wagtlaýyn ýerine ýetirmegi Ş.Kamalowyň üstüne ýüklemek hem-de B.Ibragimowy Lebap welaýatynyň Türkmenabat şäheriniň häkiminiň orunbasary wezipesine bellemek hakyndaky kararlara gol çekdi.
Soňra iş maslahatynyň barşynda Mary welaýatynyň häkimi K.Gurbanow häzirki döwürde welaýatda alnyp barylýan işleriň ýagdaýy, hormatly Prezidentimiziň ozal beren tabşyryklarynyň ýerine ýetirilşi, ak ekinlere ideg etmek boýunça durmuşa geçirilýän çäreler, şeýle hem ýaz ekişini guramaçylykly geçirmek babatda düzülen meýilnamanyň çäklerinde alnyp barylýan işler barada hasabat berdi.
Döwlet Baştutanymyz oba hojalyk pudagynda derwaýys möwsüm bolan ýaz ekişiniň agrotehniki kadalara laýyklykda we ýokary guramaçylyk derejesinde geçirilmegini üpjün etjek ähli zerur çäreleriň görülmelidigini belläp, welaýatyň ekerançylyk meýdanlary üçin mineral dökünleriň ýeterlik mukdarynyň üpjün edilmelidigini tabşyrdy. Şunuň bilen baglylykda, milli Liderimiz ýaz ekişinde ulanyljak oba hojalyk tehnikalaryny abatlamak boýunça alnyp barylýan işleri çaltlandyrmagyň zerurdygyny nygtady. Şeýle hem hormatly Prezidentimiz bag nahallaryny oturtmak boýunça ählihalk ýowaryna ykjam taýýarlyk görmek, bag ekiljek ýerleri kesgitlemek, baglara kadaly ideg etmek babatda birnäçe tabşyryklary berdi.
Milli Liderimiz iş maslahatynyň dowamynda Mary welaýatynyň Garagum etrabynyň häkiminiň orunbasary wezipesine T.Myratlyýewi we Mary welaýatynyň Türkmengala etrabynyň häkiminiň orunbasary wezipesine A.Baýramowy bellemek hakyndaky kararlara gol çekdi.
Soňra döwlet Baştutanymyz göni aragatnaşyga Ministrler Kabinetiniň Başlygynyň orunbasary, Türkmenistanyň Prezidentiniň Diwanynyň we Ministrler Kabinetiniň iş dolandyryjysy H.Muhammedowy, Ministrler Kabinetiniň Başlygynyň orunbasary Ş.Durdylyýewi, Aşgabat şäheriniň häkimi R.Nurmämmedowy birwagtda çagyrdy.
Ministrler Kabinetiniň Başlygynyň orunbasary, Türkmenistanyň Prezidentiniň Diwanynyň we Ministrler Kabinetiniň iş dolandyryjysy H.Muhammedow özüne ynanylan düzümiň işini guramaçylyk we maddy-enjamlaýyn taýdan üpjün etmek, täze çemeleşmeleri ornaşdyrmak, şeýle hem öz garamagyndaky iri desgalaryň gurluşygy bilen bagly hormatly Prezidentimiziň ozal beren tabşyryklarynyň ýerine ýetirilişi barada hasabat berdi.
Hormatly Prezidentimiz Gurbanguly Berdimuhamedow hasabaty diňläp, dolandyryş ulgamynyň işini has-da kämilleşdirmek, onuň netijeliligini ýokarlandyrmaga ýardam edýän häzirki zaman usullary we ösen tehnologiýalary giňden ornaşdyrmak boýunça zerur bolan çäreleri görmegi tabşyrdy.
Milli Liderimiz wise-premýer, Türkmenistanyň Prezidentiniň Diwanynyň we Ministrler Kabinetiniň iş dolandyryjysy H.Muhammedowa ýüzlenip, paýtagtymyzyň S.Türkmenbaşy şaýolunyň ugrunda ýerleşýän döwlet kabulhanasynyň binasyna ünsi çekdi hem-de bu binany ýaşaýyş jaý hökmünde ulanmak üçin şäher häkimliginiň garamagyna bermek boýunça gysga döwrüň içinde degişli işleri geçirmegi tabşyrdy.
Hormatly Prezidentimiz sözüni dowam edip, degişli ýolbaşçylara döwlet kabulhanasynda abatlaýyş işlerini geçirip, binanyň otaglarynyň ýerleşdirilişini ýaşaýyş jaý hökmünde ulanmak üçin üýtgedip, öýlere bölmegi tabşyrdy.
Binada gurluşyk işleriniň ýokary hilli we öz möhletinde alnyp barylmalydygyna ünsi çekip, döwlet Baştutanymyz jaýyň geljek ýylyň martyna çenli täze öý eýeleri üçin taýýar bolmalydygyny belledi. Ähli amatlyklar göz öňünde tutulan bu jaýdaky öýleri olaryň paýlanjak döwrüne çenli sekizinji çagasy doglan maşgalalara muzdsuz bermeli diýip, milli Liderimiz aýtdy.
Soňra Aşgabat şäheriniň häkimi paýtagtymyzy has-da ösdürmek, onuň binagärlik keşbini gowulandyrmak, ýaşaýjylaryň abadançylygyny ýokarlandyrmak boýunça amala aşyrylýan işler, milli Liderimiziň ýurdumyzy bagy-bossanlyga büremek boýunça başyny başlan giň gerimli maksatnamalaryny amala aşyrmagyň barşy, şeýle hem degişli şäher gulluklarynyň işleriniň netijeliligini ýokarlandyrmak babatda geçirilýän işler barada hasabat berdi.
Wideoşekilli iş maslahatynyň barşynda Ministrler Kabinetiniň Başlygynyň orunbasary Ş.Durdylyýew gözegçilik edýän pudaklarynda işleriň ýagdaýy, şeýle hem milli Liderimiziň ozal beren tabşyryklarynyň ýerine ýetirilişi, şol sanda ýurdumyzda ýaýbaňlandyrylan gurluşyk işleriniň depginleri we paýtagtymyzyň köçeleriniň durkuny täzelemek boýunça işleriň barşy hakynda habar berdi.
Hususan-da, ulag ýollaryny döwrebaplaşdyrmak we ösdürmek boýunça geçirilýän işler barada aýtmak bilen, wise-premýer hormatly Prezidentimizden täze gurulýan ýollaryň, köprüleriň, estakadalaryň we ýol çatryklarynyň iş depginleri we hili, şeýle hem meýilleşdirilýän desgalaryň bina ediljek meýdany bilen tanyşmagyny haýyş etdi.
Döwlet Baştutanymyz hasabatlary diňläp, Aşgabat şäheriniň binagärlik keşbini kemala getirmek meseleleri bilen baglylykda, degişli ýolbaşçylara paýtagtymyzda ýaýbaňlandyrylan giň gerimli özgertmeleriň depginini ýokarlandyrmak üçin degişli çäreleri görmegi tabşyrdy. Şunda milli Liderimiz amala aşyrylýan gurluşyk maksatnamasynyň ilkinji nobatdaky wezipelerine ünsi çekip, ýol gurluşygynda häzirki zaman tehnologiýalary ulanmak bilen bir hatarda, ýanaşyk ýerleri abadanlaşdyrmak, yşyklandyrmak, zerur bolan kommunikasiýa ulgamlaryny çekmek bilen bagly meselelere oýlanyşykly çemeleşmegiň zerurdygyny aýtdy.
Bag ekmek işleri barada durup geçmek bilen, hormatly Prezidentimiz Gurbanguly Berdimuhamedow Türkmenistanda amala aşyrylýan giň gerimli durmuş-ykdysady maksatnamalar bilen baglylykda, ekologiýa meseleleri ileri tutulmalydyr diýip belledi. Döwlet Baştutanymyz paýtagtymyzy has-da abadanlaşdyrmaga ýardam etjek ýaz paslynyň ählihalk ýowaryny geçirmegiň zerurdygyny nygtady we degişli ýolbaşçylara ýurdumyzy bagy-bossanlyga büremek boýunça geçirilýän işleriň çäklerinde paýtagtymyzyň daş-töweregini gurşap alan baglara degişli derejede ideg edilmegini we bu işleriň ýerine ýetirilmegine berk gözegçilik etmegi tabşyrdy.
Göni aragatnaşyk arkaly wideoşekilli iş maslahaty Ministrler Kabinetiniň Başlygynyň orunbasary A.Goçyýewiň hasabaty bilen dowam etdi. Ol gözegçilik edýän ulgamlarynda işleriň ýagdaýy, maliýe-ykdysady toplumyň edaralarynyň işini kämilleşdirmek maksady bilen görülýän çäreler, şeýle hem Türkmenistanyň Prezidentiniň ozal beren tabşyryklarynyň ýerine ýetirilişi hakynda hasabat berdi.
Hormatly Prezidentimiz Gurbanguly Berdimuhamedow hasabaty diňläp, ýurdumyzyň maliýe we bank edaralarynyň öňünde durýan ilkinji nobatdaky wezipelere ünsi çekdi. Bu ulgamda bellenilen özgertmeler maksatnamalarynyň ählisini üstünlikli durmuşa geçirmek üçin dolandyrmagyň häzirki zaman görnüşlerini we usullaryny peýdalanmak arkaly işi yzygiderli kämilleşdirmek, işgärleriň hünärini ýokarlandyrmak zerurdyr. Şunuň bilen baglylykda, döwlet Baştutanymyz wise-premýere birnäçe anyk görkezmeleri berdi.
Soňra milli Liderimiz şol bir wagtyň özünde göni aragatnaşykda geçirilýän wideoşekilli iş maslahatyna Ministrler Kabinetiniň Başlygynyň orunbasary B.Hojamuhammedowy hem çagyrdy. Wise-premýer öz gözegçilik edýän ulgamynyň kärhanalarynyň we edaralarynyň alyp barýan işleri hakynda hasabat berdi.
Hormatly Prezidentimiz Gurbanguly Berdimuhamedow wise-premýer B.Hojamuhammedowa ýüzlenip, onuň garamagyndaky düzümleriň işinde bar bolan birnäçe kemçilikleri mysal getirdi. Milli Liderimiz “Türkmenhimiýa” döwlet konserniniň oba hojalyk ekinlerini mineral dökünler bilen üpjün etmek boýunça işleriň degişli derejede talabalaýyk alnyp barylmaýandygy üçin wise-premýere düýpli nägilelik bildirdi we bar bolan kemçilikleri gysga wagtyň içinde düzetmegi berk talap etdi.
Soňra milli Liderimiz göni aragatnaşyk arkaly geçirilýän wideoşekilli iş maslahatyna Türkmenistanyň Baş prokurory Ý.Ýazmyradowy çagyrdy. Ol prokuratura edaralarynyň alyp barýan işleri hem-de döwletimiziň we jemgyýetimiziň ähli ugurlarynda kanunçylygyň gyşarnyksyz berjaý edilmegine gönükdirilen çäreler barada hasabat berdi.
Hormatly Prezidentimiz Gurbanguly Berdimuhamedow prokuratura edaralarynyň alyp barýan işleriniň wajypdygyny belläp, ýurdumyzda kanunlaryň berk berjaý edilmegini we gyşarnyksyz ýerine ýetirilmegini üpjün etmek boýunça işlere jogapkärli çemeleşmegiň möhümdigini aýdyp, Baş prokurora degişli tabşyryklary berdi.
Wideoşekilli iş maslahatynyň barşynda ýurdumyzyň kazyýet ulgamynyň işini has-da kämilleşdirmek boýunça geçirilýän işler barada Türkmenistanyň Ýokary kazyýetiniň başlygy A.Hallyýew hasabat berdi.
Kazyýet edaralarynyň işi döwlet syýasatynyň esasy ugurlaryna we halkara hukugynyň kadalaryna gabat gelmelidir diýip, hormatly Prezidentimiz Gurbanguly Berdimuhamedow ýurdumyzda amala aşyrylýan toplumlaýyn hukuk özgertmelerinden gelip çykýan esasy wezipeleri çözmek boýunça işleri güýçlendirmegiň möhümdigini belledi.
Soňra hormatly Prezidentimiz göni aragatnaşyk arkaly geçirilýän wideoşekilli iş maslahatyna Türkmenistanyň Sagdyn jemgyýet howpsuzlygyny goraýyş döwlet gullugynyň başlygy A.Osmanowy çagyrdy. Ol “Göknar-2013” atly ýöriteleşdirilen çäreleriň meýilnamasyny taýýarlamak boýunça alnyp barylýan işler barada hasabat berdi. Habar berlişi ýaly, neşe serişdeleriniň ýaýradylmagyna garşy göreşmäge gönükdirilen bu meýilnamany biziň ýurdumyzda şu ýylyň 1-nji martyndan 1-nji noýabry aralygynda amala aşyrmak bellenildi. Şu maksatlar üçin ýurdumyzyň hukuk goraýjy edaralary we jemgyýetçilik guramalary bilen bilelikde degişli iş meýilnamasy düzüldi. Şunuň bilen baglylykda, A.Osmanow döwlet Baştutanymyza degişli gullugyň alyp barýan işleri, onuň maddy-enjamlaýyn binýadyny häzirki zaman tehnikasy we ýörite enjamlar bilen döwrebaplaşdyrmak bilen bagly ýerine ýetirilen işler barada hem aýtdy.
Hormatly Prezidentimiz hasabaty diňläp, “Göknar-2013” atly ýöriteleşdirilen çäreleriň meýilnamasyny umuman makullady. Neşe serişdeleri biziň halkymyzyň nesil dowamatyna uly howp döredýär we tutuş adamzadyň durmuşyna uly zyýan ýetirýär diýip, döwlet Baştutanymyz ilatyň, aýratyn-da ýaşlaryň arasynda bu ýowuz belanyň adamlaryň saglygyna we abadançylygyna ýetirýän zyýany barada wagyz-nesihat işlerini yzygiderli geçirmegiň zerurdygyny aýratyn belledi. Bu iş hukuk goraýjy, saglygy goraýyş edaralarynyň, jemgyýetçilik guramalarynyň wekilleriniň, Mejlisiň deputatlarynyň we il içinde hormatlanýan ýaşulularyň bilelikde gatnaşmagynda geçirilmelidir diýip, hormatly Prezidentimiz Gurbanguly Berdimuhamedow Türkmenistanda neşe serişdeleriniň ýaýradylmagyna garşy mundan beýläk-de barlyşyksyz göreşiň alnyp baryljakdygyny aýtdy.
Soňra döwlet Baştutanymyz göni aragatnaşyk arkaly wideoşekilli iş maslahatyna Ministrler Kabinetiniň Başlygynyň orunbasary S.Toýlyýewi we Türkmenistanyň Syýahatçylyk baradaky döwlet komitetiniň başlygy P.Taganowy çagyrdy.
Hökümet Baştutanynyň orunbasary gözegçilik edýän ulgamlaryndaky işler hakynda hasabat berip, bilim we ylym ulgamynda özgertmeleriň barşy, ýurdumyzda bolup geçýän durmuş-ykdysady özgertmeler babatda bu ugurlary mundan beýläk-de ösdürmegi maksat edinýän möhüm taslamalaryň durmuşa geçirilişi hakynda habar berdi.
Hormatly Prezidentimiz Gurbanguly Berdimuhamedow hasabaty diňläp, bilim we ylym babatda maksatnamalaýyn – belli bir maksatly wezipeleriň yzygiderli durmuşa geçirilmegi olary ýurdumyzyň innowasion ösüşiniň talaplaryna laýyk gelýän hil taýdan täze derejä çykarmak üçin oňat şertleri döretdi diýip nygtady. Milli Liderimiz bu ileri tutulýan ugurlarda bellenilen çäreleri amala aşyrmak bilen baglanyşykly ähli meseleleri berk gözegçilikde saklamagy, öňdebaryjy özgertmeleriň depginlerini gowşatmazlygy talap edip, milli özboluşlylygymyzy unutmazdan, işde iň oňat daşary ýurt tejribesini nazara almagyň zerurdygyny belledi. Diňe bir düzümleri ösdürmek däl-de, eýsem, ýaş hünärmenleri taýýarlamak, halkara taslamalaryna gatnaşmak, bu ulgamlaryň maddy-enjamlaýyn binýadyny döwrebaplaşdyrmak üçin ähli mümkinçilikleri netijeli peýdalanmak zerurdyr diýip, döwlet Baştutanymyz aýratyn nygtady.
Öz nobatynda Syýahatçylyk baradaky döwlet komitetiniň ýolbaşçysy bu pudaklaýyn edara tarapyndan geçirilýän işler hakynda habar bermek bilen, ýurdumyzyň syýahatçylyk ulgamyny we ilkinji nobatda onuň esasy bölegi bolan “Awaza” milli syýahatçylyk zolagyny ösdürmek barada görülýän çäreler hakynda jikme-jik hasabat berdi. Hususan-da, deňiz şypahanasynyň täze desgalaryny gurmak, onuň düzümlerini giňeltmek boýunça işleriň barşy hakynda habar aýdyldy. Awazada ähli myhmanhanalary pasportlaşdyrmak boýunça geçirilýän işler bilen baglylykda degişli resminamanyň nusgasy milli Liderimiziň garamagyna hödürlendi.
Hormatly Prezidentimiz Gurbanguly Berdimuhamedow hasabaty diňläp, bäsdeşlige ukyply syýahatçylyk ulgamyny kemala getirmek boýunça we esasan hem onuň has girdejili bölegi bolan halkara syýahatçylygyny ösdürmek boýunça ilkinji nobatdaky wezipeleri belledi. Bu babatda işiň has möhüm ugurlary kesgitlenildi. Munuň özi syýahatçylyk ugurlarynyň çäklerini we köpdürlüligini giňeltmekden, edilýän hyzmatlaryň hilini ýokarlandyrmakdan, bu pudak üçin hünärli işgärleri taýýarlamakdan, täze halkara gatnaşyklaryny, Türkmenistanyň ägirt uly syýahatçylyk-dikeldiş kuwwatyny, onuň taryhy-medeni mirasyny we ajaýyp tebigy ýerlerini, milli myhmansöýerligimiziň, häzirki zaman senagatynyň mümkinçiliklerini giňden wagyz etmegi maksat edinen netijeli maglumat beriş-mahabatlandyryş we maslahat-sergi işini ýola goýmakdan ybaratdyr.
Bularyň hemmesi biziň ýurdumyza daşary ýurt syýahatçylarynyň gelmegini ep-esli artdyrmaga ýardam eder, halkara işewür hyzmatdaşlyk ugry ýaly pudagyň özüne çekijiligini ýokarlandyrmaga mümkinçilik berer diýip,milli Liderimiz aýtdy.
Hormatly Prezidentimiz myhmanhanalaryň pasportunyň hödürlenen nusgasyny makullap, “Awaza” milli syýahatçylyk zolagynyň aýry-aýry hojalyklaryny doly pasportlaşdyrmak hyzmat edişiň derejesini ýokarlandyrmak boýunça mümkinçiliklere we maýa goýumlarynyň özüni ödeýşine anyk ýagdaýda baha bermek üçin, şeýle hem tutuşlygyna alnanda, şypahanany ösdürmegiň ykdysady taýdan esaslandyrylan meýilnamalaryny işläp taýýarlamak üçin başlangyç şertler bolmalydyr diýip belledi.
Göni aragatnaşyk arlkay geçirilýän wideoşekilli iş maslahaty Türkmenistanyň Ministrler Kabinetiniň Başlygynyň orunbasary A.Ýegeleýewiň hasabaty bilen dowam etdi. Wise-premýer ýurdumyzyň ulag-aragatnaşyk ulgamynda işleriň ýagdaýy, ulag we aragatnaşyk kärhanalaryny döwrebaplaşdyrmak, olaryň işiniň netijeliligini ýokarlandyrmak boýunça amala aşyrylýan çäreler barada hasabat berdi. Şol sanda wise-premýer “Demirgazyk-Günorta” transmilli ulag geçelgesiniň Bereket-Etrek demir ýoluny gurmak boýunça işleri ýola goýmak maksadynda görlen çäreler barada habar berdi.
Üstaşyr we içerki ýük daşamagyň agramly bölegi üstüne düşýän demir ýollarynyň milli ulgamyny has-da ösdürmegiň möhümdigine ünsi çekmek bilen, hormatly Prezidentimiz täze demir ýollaryny gurmagyň hiline we iş depginlerine berk gözegçilik etmegiň möhümdigini belledi. Şunuň bilen baglylykda, milli Liderimiz “Demirgazyk –Günorta” halkara demir ýolunyň esasy bölegi bolup durýan Bereket-Etrek demir ýolunyň gurluşygyny tehniki taýdan üpjün etmek meselelerine degip geçmek bilen, degişli taslamanyň ýokary hilli amala aşyrylmagyna ünsi çekdi.
Soňra göni aragatnaşyk arkaly geçirilýän wideoşekilli iş maslahatyna Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň Merkezi Geňeşiniň başlygy M.Ýazmuhammedowa çagyryldy.
Hormatly Prezidentimiz Gurbanguly Berdimuhamedow TKAMM-niň täze saýlanan ýolbaşçysyna ýüzlenip, ony bu jogapkärli wezipä saýlanmagy bilen gutlady hem-de oňa raýatlaryň kanuny hukuklaryny we bähbitlerini goramaga, olaryň tutanýerli zähmet çekmegi üçin oňaýly şertleriň döredilmegine gönükdirilen işinde üstünlikleri arzuw etdi.
Döwlet Baştutanymyzyň nygtaýşy ýaly, türkmen döwletiniň we jemgyýetiniň ösüşiniň täze taryhy döwrüniň wakalaryny nazara almak bilen, ýurdumyzyň kärdeşler birleşikleriniň işini kämilleşdirmek olaryň öňünde durýan möhüm wezipeleriň biridir. Berkarar döwletimiziň bagtyýarlyk döwri jemgyýetçilik guramalarynyň işinde hil taýdan öňe ilerlemeleriň, olaryň işine täzeçil çemeleşmegiň zerurlygyny talap edýär diýip, milli Liderimiz belledi.
M.Ýazmuhammedowa özüne bildirilen ýokary ynam üçin hormatly Prezidentimize tüýs ýürekden hoşallyk bildirip, ýurdumyzyň kärdeşler birleşikleriniň işiniň gerimini giňeltmek, täze taryhy döwrüň maksatlaryny we döwlet Baştutanymyzyň öňde goýan wezipelerini nazara almak bilen, olaryň işini kämilleşdirmek üçin ähli tagallalary etjekdigine ynandyrdy.
Göni arkatnaşyk arkaly wideoşekilli iş maslahatynda Türkmenistanyň Ýokary gözegçilik edarasynyň başlygy B.Atdaýew ýolbaşçylyk edýän düzüminiň işi, şeýle hem döwlet Baştutanymyzyň ozal beren tabşyryklarynyň ýerine ýetirilişi hakynda hasabat berdi.
Hormatly Prezidentimiz milli ykdysadyýetimiziň ähli pudaklarynyň öňünde türkmen döwletiniň mundan beýläk-de rowaçlanmagyna we ösüşine hem-de türkmenistanlylaryň abadan durmuşyny üpjün etmäge gönükdirilen ägirt uly wezipeleriň durýandygyny belläp, Ýokary gözegçilik edarasynyň ýolbaşçysyna pudaklaýyn ösüş maksatnamalarynyň durmuşa geçirilişiniň barşyna toplumlaýyn seljermeleri amala aşyrmak bilen baglanyşykly birnäçe tabşyryklary berdi.
Hormatly Prezidentimiz Gurbanguly Berdimuhamedow göni aragatnaşyk arkaly geçirilýän wideoşekilli iş maslahatyny tamamlap, oňa gatnaşanlara eziz Watanymyzy has-da ösdürmegiň, türkmen halkynyň abadan we bagtly durmuşynyň bähbidine alyp barýan işlerinde uly üstünlikleri arzuw etdi.
Hormatly Prezidentimiz göni aragatnaşyk arkaly geçirilýän wideoşekilli iş maslahatynda ilki bilen Ahal welaýatynyň häkimi M.Nurmämmedowyň häzirki döwürde sebitiň ekerançylyk meýdanlarynda alnyp barylýan işleriň ýagdaýy, ak ekinlere agronomçylyk görkezmelerine laýyklykda ideg edilişi, gowaça we beýleki ekinleriň ýaz ekişine taýýarlyk görmegiň çäklerinde durmuşa geçirilýän çäreler baradaky hasabatyny diňledi.
Hormatly Prezidentimiz oba milli maksatnamasyny üstünlikli durmuşa geçirmek bilen baglanyşykly meselelere ünsi çekip, bu babatda alnyp barylýan işleriň depginini we netijeliligini ýokarlandyrmak boýunça zerur çäreleri görmegi tabşyrdy. Şeýle hem döwlet Baştutanymyz kärendeçi daýhanlaryň mineral dökünleri bilen kada laýyk derejede üpjün edilmegi bilen baglanyşykly meselede bökdençligiň bolmaly däldigini belledi. Mundan başga-da, milli Liderimiz welaýatyň çägindäki ýerleriň melioratiw ýagdaýyny gowulandyrmak, oba ýollaryny abatlamak, köpçülikleýin bag nahallaryny ekmek boýunça geçiriljek ýowara ykjam taýýarlyk görmek bilen baglanyşykly meseleleri hemişe gözegçilikde saklamak barada birnäçe görkezmeleri berdi.
Iş maslahatynyň barşynda hormatly Prezidentimiz Ahal welaýatynyň Tejen şäheriniň häkiminiň orunbasarlary wezipelerine M.Emirsoýunowy we Ö.Abdyrahmanowy bellemek hakyndaky kararlara gol çekdi.
Soňra Balkan welaýatynyň häkimi B.Hojamämmedow welaýatda alnyp barylýan işleriň ýagdaýy, sebitiň senagat düzümini ösdürmek boýunça durmuşa geçirilýän çäreler, şeýle hem gowaçanyň we beýleki ekinleriň ýaz ekişine taýýarlyk görmek bilen baglanyşykly alnyp barylýan işler barada hasabat berdi.
Milli Liderimiz hasabaty diňläp, welaýatyň senagat düzüminiň ösdürilmeginde sebitde alnyp barylýan gurluşyk işleriniň depgininiň ýokarlandyrylmagynyň möhümdigini belledi we binalaryň öz wagtynda, ýokary hilli gurlup ulanmaga berilmegi bilen baglanyşykly meseleleriň hemişe üns merkezinde saklanylmagyny tabşyrdy. Şeýle hem hormatly Prezidentimiz welaýatyň çäklerinde alnyp barylýan möwsümleýin meýdan işleri barada aýdyp, sebitiň oba hojalyk pudagynyň mineral dökünler bilen üpjünçilik ýagdaýyna aýratyn üns bermegiň zerurdygyny belledi.
Soňra göni aragatnaşykda geçirilýän wideoşekilli iş maslahaty Daşoguz welaýatynyň häkimi E.Orazgeldiýewiň hasabaty bilen dowam etdi. Häkim häzirki döwürde welaýatda alnyp barylýan işleriň ýagdaýy, sebitiň maldarçylyk hojalyklarynda, ekerançylyk meýdanlarynda durmuşa geçirilýän çäreler barada habar berdi.
Döwlet Baştutanymyz häzirki döwürde ekerançylyk meýdanlarynda alnyp barylýan işleriň agrotehniki kadalara laýyklykda ýerine ýetirilmelidigini, kärendeçi daýhanlaryň mineral dökünlere bolan isleginiň doly kanagatlandyrylmalydygyny belläp, ýurdumyzyň ähli künjeklerinde bolşy ýaly, Daşoguz welaýatynda hem ähli ugurlar boýunça alnyp barylýan işlere yzygiderli gözegçiligiň ýola goýulmalydygyny nygtady. Şeýle hem hormatly Prezidentimiz sebitde geçiriljek çärelere ykjam taýýarlyk görmegiň zerurdygyny, ählihalk ýowarynda bag ekiljek meýdanlaryň häzirden kesgitlenmelidigini, ýeterlik bag nahallarynyň taýýarlanmalydygyny tabşyrdy.
Döwlet Baştutanymyz wideoşekilli iş maslahatyna şol bir wagtyň özünde Türkmenistanyň tebigaty goramak ministri B.Annabaýramowy hem çagyrdy. Ministr özüniň gözegçilik edýän düzümlerinde alnyp barylýan işleriň ýagdaýy, milli Liderimiziň ozal beren tabşyryklarynyň ýerine ýetirilişi, hususan-da, ilatyň abadançylygynyň möhüm şerti bolup durýan ekologiýa howpsuzlygyny üpjün etmek babatda netijeli gatnaşyklary berkitmek we giňeltmek maksady bilen, “Aralyň ekologiýasy: durnukly ösüş we halkara hyzmatdaşlygy” atly halkara maslahatyna görülýän taýýarlyk işleri barada hasabat berdi.
Ýurdumyzyň ekologiýa ýagdaýynyň abadanlaşdyrylmagynda möhüm ähmiýeti bolan bag ekmek işlerine aýratyn üns bermegiň zerurdygyny bellemek bilen, hormatly Prezidentimiz bu halkara çäresiniň ýokary gumaçylyk derejesini üpjün etmek boýunça ähli zerur çäreleri görmegi tabşyrdy. Şeýle hem döwlet Baştutanymyz Daşoguz welaýatynda ýurdumyz boýunça bag nahallaryny oturtmak çäresine badalga bermek işlerine ykjam taýýarlyk görmegiň zerurdygyny nygtady.
Soňra Lebap welaýatynyň häkimi Ý.Ýaýylow iş maslahatynda sebitde oba hojalyk işleriniň barşy, ýaz ekişinde ulanyljak tehnikalaryň taýýarlygy we welaýatda gurluşygy alnyp barylýan desgalarda işleriň depginini ýokarlandyrmak boýunça durmuşa geçirilýän çäreler barada hasabat berdi.
Hormatly Prezidentimiz ozaly bilen welaýatyň çäklerinde ýerleriň melioratiw ýagdaýyny gowulandyrmak, şoruny aýyrmak, zerur bolan mineral dökünleriň taýýarlygyny ýola goýmak boýunça möhüm çäreleri görmegi tabşyrdy. Mundan başga-da, milli Liderimiz ýollary abatlamak, ählihalk ýowaryna ykjam taýýarlyk görmek bilen baglanyşykly birnäçe görkezmeleri berdi.
Şeýle hem milli Liderimiz M.Joraýewi başga işe geçmegi sebäpli, Lebap welaýatynyň Sakar etrabynyň häkimi wezipesinden boşatmak hakyndaky Permana, Lebap welaýatynyň Sakar etrabynyň häkiminiň wezipesini wagtlaýyn ýerine ýetirmegi R.Jumamyradowyň, Lebap welaýatynyň Seýdi şäheriniň häkiminiň wezipesini wagtlaýyn ýerine ýetirmegi Ş.Kamalowyň üstüne ýüklemek hem-de B.Ibragimowy Lebap welaýatynyň Türkmenabat şäheriniň häkiminiň orunbasary wezipesine bellemek hakyndaky kararlara gol çekdi.
Soňra iş maslahatynyň barşynda Mary welaýatynyň häkimi K.Gurbanow häzirki döwürde welaýatda alnyp barylýan işleriň ýagdaýy, hormatly Prezidentimiziň ozal beren tabşyryklarynyň ýerine ýetirilşi, ak ekinlere ideg etmek boýunça durmuşa geçirilýän çäreler, şeýle hem ýaz ekişini guramaçylykly geçirmek babatda düzülen meýilnamanyň çäklerinde alnyp barylýan işler barada hasabat berdi.
Döwlet Baştutanymyz oba hojalyk pudagynda derwaýys möwsüm bolan ýaz ekişiniň agrotehniki kadalara laýyklykda we ýokary guramaçylyk derejesinde geçirilmegini üpjün etjek ähli zerur çäreleriň görülmelidigini belläp, welaýatyň ekerançylyk meýdanlary üçin mineral dökünleriň ýeterlik mukdarynyň üpjün edilmelidigini tabşyrdy. Şunuň bilen baglylykda, milli Liderimiz ýaz ekişinde ulanyljak oba hojalyk tehnikalaryny abatlamak boýunça alnyp barylýan işleri çaltlandyrmagyň zerurdygyny nygtady. Şeýle hem hormatly Prezidentimiz bag nahallaryny oturtmak boýunça ählihalk ýowaryna ykjam taýýarlyk görmek, bag ekiljek ýerleri kesgitlemek, baglara kadaly ideg etmek babatda birnäçe tabşyryklary berdi.
Milli Liderimiz iş maslahatynyň dowamynda Mary welaýatynyň Garagum etrabynyň häkiminiň orunbasary wezipesine T.Myratlyýewi we Mary welaýatynyň Türkmengala etrabynyň häkiminiň orunbasary wezipesine A.Baýramowy bellemek hakyndaky kararlara gol çekdi.
Soňra döwlet Baştutanymyz göni aragatnaşyga Ministrler Kabinetiniň Başlygynyň orunbasary, Türkmenistanyň Prezidentiniň Diwanynyň we Ministrler Kabinetiniň iş dolandyryjysy H.Muhammedowy, Ministrler Kabinetiniň Başlygynyň orunbasary Ş.Durdylyýewi, Aşgabat şäheriniň häkimi R.Nurmämmedowy birwagtda çagyrdy.
Ministrler Kabinetiniň Başlygynyň orunbasary, Türkmenistanyň Prezidentiniň Diwanynyň we Ministrler Kabinetiniň iş dolandyryjysy H.Muhammedow özüne ynanylan düzümiň işini guramaçylyk we maddy-enjamlaýyn taýdan üpjün etmek, täze çemeleşmeleri ornaşdyrmak, şeýle hem öz garamagyndaky iri desgalaryň gurluşygy bilen bagly hormatly Prezidentimiziň ozal beren tabşyryklarynyň ýerine ýetirilişi barada hasabat berdi.
Hormatly Prezidentimiz Gurbanguly Berdimuhamedow hasabaty diňläp, dolandyryş ulgamynyň işini has-da kämilleşdirmek, onuň netijeliligini ýokarlandyrmaga ýardam edýän häzirki zaman usullary we ösen tehnologiýalary giňden ornaşdyrmak boýunça zerur bolan çäreleri görmegi tabşyrdy.
Milli Liderimiz wise-premýer, Türkmenistanyň Prezidentiniň Diwanynyň we Ministrler Kabinetiniň iş dolandyryjysy H.Muhammedowa ýüzlenip, paýtagtymyzyň S.Türkmenbaşy şaýolunyň ugrunda ýerleşýän döwlet kabulhanasynyň binasyna ünsi çekdi hem-de bu binany ýaşaýyş jaý hökmünde ulanmak üçin şäher häkimliginiň garamagyna bermek boýunça gysga döwrüň içinde degişli işleri geçirmegi tabşyrdy.
Hormatly Prezidentimiz sözüni dowam edip, degişli ýolbaşçylara döwlet kabulhanasynda abatlaýyş işlerini geçirip, binanyň otaglarynyň ýerleşdirilişini ýaşaýyş jaý hökmünde ulanmak üçin üýtgedip, öýlere bölmegi tabşyrdy.
Binada gurluşyk işleriniň ýokary hilli we öz möhletinde alnyp barylmalydygyna ünsi çekip, döwlet Baştutanymyz jaýyň geljek ýylyň martyna çenli täze öý eýeleri üçin taýýar bolmalydygyny belledi. Ähli amatlyklar göz öňünde tutulan bu jaýdaky öýleri olaryň paýlanjak döwrüne çenli sekizinji çagasy doglan maşgalalara muzdsuz bermeli diýip, milli Liderimiz aýtdy.
Soňra Aşgabat şäheriniň häkimi paýtagtymyzy has-da ösdürmek, onuň binagärlik keşbini gowulandyrmak, ýaşaýjylaryň abadançylygyny ýokarlandyrmak boýunça amala aşyrylýan işler, milli Liderimiziň ýurdumyzy bagy-bossanlyga büremek boýunça başyny başlan giň gerimli maksatnamalaryny amala aşyrmagyň barşy, şeýle hem degişli şäher gulluklarynyň işleriniň netijeliligini ýokarlandyrmak babatda geçirilýän işler barada hasabat berdi.
Wideoşekilli iş maslahatynyň barşynda Ministrler Kabinetiniň Başlygynyň orunbasary Ş.Durdylyýew gözegçilik edýän pudaklarynda işleriň ýagdaýy, şeýle hem milli Liderimiziň ozal beren tabşyryklarynyň ýerine ýetirilişi, şol sanda ýurdumyzda ýaýbaňlandyrylan gurluşyk işleriniň depginleri we paýtagtymyzyň köçeleriniň durkuny täzelemek boýunça işleriň barşy hakynda habar berdi.
Hususan-da, ulag ýollaryny döwrebaplaşdyrmak we ösdürmek boýunça geçirilýän işler barada aýtmak bilen, wise-premýer hormatly Prezidentimizden täze gurulýan ýollaryň, köprüleriň, estakadalaryň we ýol çatryklarynyň iş depginleri we hili, şeýle hem meýilleşdirilýän desgalaryň bina ediljek meýdany bilen tanyşmagyny haýyş etdi.
Döwlet Baştutanymyz hasabatlary diňläp, Aşgabat şäheriniň binagärlik keşbini kemala getirmek meseleleri bilen baglylykda, degişli ýolbaşçylara paýtagtymyzda ýaýbaňlandyrylan giň gerimli özgertmeleriň depginini ýokarlandyrmak üçin degişli çäreleri görmegi tabşyrdy. Şunda milli Liderimiz amala aşyrylýan gurluşyk maksatnamasynyň ilkinji nobatdaky wezipelerine ünsi çekip, ýol gurluşygynda häzirki zaman tehnologiýalary ulanmak bilen bir hatarda, ýanaşyk ýerleri abadanlaşdyrmak, yşyklandyrmak, zerur bolan kommunikasiýa ulgamlaryny çekmek bilen bagly meselelere oýlanyşykly çemeleşmegiň zerurdygyny aýtdy.
Bag ekmek işleri barada durup geçmek bilen, hormatly Prezidentimiz Gurbanguly Berdimuhamedow Türkmenistanda amala aşyrylýan giň gerimli durmuş-ykdysady maksatnamalar bilen baglylykda, ekologiýa meseleleri ileri tutulmalydyr diýip belledi. Döwlet Baştutanymyz paýtagtymyzy has-da abadanlaşdyrmaga ýardam etjek ýaz paslynyň ählihalk ýowaryny geçirmegiň zerurdygyny nygtady we degişli ýolbaşçylara ýurdumyzy bagy-bossanlyga büremek boýunça geçirilýän işleriň çäklerinde paýtagtymyzyň daş-töweregini gurşap alan baglara degişli derejede ideg edilmegini we bu işleriň ýerine ýetirilmegine berk gözegçilik etmegi tabşyrdy.
Göni aragatnaşyk arkaly wideoşekilli iş maslahaty Ministrler Kabinetiniň Başlygynyň orunbasary A.Goçyýewiň hasabaty bilen dowam etdi. Ol gözegçilik edýän ulgamlarynda işleriň ýagdaýy, maliýe-ykdysady toplumyň edaralarynyň işini kämilleşdirmek maksady bilen görülýän çäreler, şeýle hem Türkmenistanyň Prezidentiniň ozal beren tabşyryklarynyň ýerine ýetirilişi hakynda hasabat berdi.
Hormatly Prezidentimiz Gurbanguly Berdimuhamedow hasabaty diňläp, ýurdumyzyň maliýe we bank edaralarynyň öňünde durýan ilkinji nobatdaky wezipelere ünsi çekdi. Bu ulgamda bellenilen özgertmeler maksatnamalarynyň ählisini üstünlikli durmuşa geçirmek üçin dolandyrmagyň häzirki zaman görnüşlerini we usullaryny peýdalanmak arkaly işi yzygiderli kämilleşdirmek, işgärleriň hünärini ýokarlandyrmak zerurdyr. Şunuň bilen baglylykda, döwlet Baştutanymyz wise-premýere birnäçe anyk görkezmeleri berdi.
Soňra milli Liderimiz şol bir wagtyň özünde göni aragatnaşykda geçirilýän wideoşekilli iş maslahatyna Ministrler Kabinetiniň Başlygynyň orunbasary B.Hojamuhammedowy hem çagyrdy. Wise-premýer öz gözegçilik edýän ulgamynyň kärhanalarynyň we edaralarynyň alyp barýan işleri hakynda hasabat berdi.
Hormatly Prezidentimiz Gurbanguly Berdimuhamedow wise-premýer B.Hojamuhammedowa ýüzlenip, onuň garamagyndaky düzümleriň işinde bar bolan birnäçe kemçilikleri mysal getirdi. Milli Liderimiz “Türkmenhimiýa” döwlet konserniniň oba hojalyk ekinlerini mineral dökünler bilen üpjün etmek boýunça işleriň degişli derejede talabalaýyk alnyp barylmaýandygy üçin wise-premýere düýpli nägilelik bildirdi we bar bolan kemçilikleri gysga wagtyň içinde düzetmegi berk talap etdi.
Soňra milli Liderimiz göni aragatnaşyk arkaly geçirilýän wideoşekilli iş maslahatyna Türkmenistanyň Baş prokurory Ý.Ýazmyradowy çagyrdy. Ol prokuratura edaralarynyň alyp barýan işleri hem-de döwletimiziň we jemgyýetimiziň ähli ugurlarynda kanunçylygyň gyşarnyksyz berjaý edilmegine gönükdirilen çäreler barada hasabat berdi.
Hormatly Prezidentimiz Gurbanguly Berdimuhamedow prokuratura edaralarynyň alyp barýan işleriniň wajypdygyny belläp, ýurdumyzda kanunlaryň berk berjaý edilmegini we gyşarnyksyz ýerine ýetirilmegini üpjün etmek boýunça işlere jogapkärli çemeleşmegiň möhümdigini aýdyp, Baş prokurora degişli tabşyryklary berdi.
Wideoşekilli iş maslahatynyň barşynda ýurdumyzyň kazyýet ulgamynyň işini has-da kämilleşdirmek boýunça geçirilýän işler barada Türkmenistanyň Ýokary kazyýetiniň başlygy A.Hallyýew hasabat berdi.
Kazyýet edaralarynyň işi döwlet syýasatynyň esasy ugurlaryna we halkara hukugynyň kadalaryna gabat gelmelidir diýip, hormatly Prezidentimiz Gurbanguly Berdimuhamedow ýurdumyzda amala aşyrylýan toplumlaýyn hukuk özgertmelerinden gelip çykýan esasy wezipeleri çözmek boýunça işleri güýçlendirmegiň möhümdigini belledi.
Soňra hormatly Prezidentimiz göni aragatnaşyk arkaly geçirilýän wideoşekilli iş maslahatyna Türkmenistanyň Sagdyn jemgyýet howpsuzlygyny goraýyş döwlet gullugynyň başlygy A.Osmanowy çagyrdy. Ol “Göknar-2013” atly ýöriteleşdirilen çäreleriň meýilnamasyny taýýarlamak boýunça alnyp barylýan işler barada hasabat berdi. Habar berlişi ýaly, neşe serişdeleriniň ýaýradylmagyna garşy göreşmäge gönükdirilen bu meýilnamany biziň ýurdumyzda şu ýylyň 1-nji martyndan 1-nji noýabry aralygynda amala aşyrmak bellenildi. Şu maksatlar üçin ýurdumyzyň hukuk goraýjy edaralary we jemgyýetçilik guramalary bilen bilelikde degişli iş meýilnamasy düzüldi. Şunuň bilen baglylykda, A.Osmanow döwlet Baştutanymyza degişli gullugyň alyp barýan işleri, onuň maddy-enjamlaýyn binýadyny häzirki zaman tehnikasy we ýörite enjamlar bilen döwrebaplaşdyrmak bilen bagly ýerine ýetirilen işler barada hem aýtdy.
Hormatly Prezidentimiz hasabaty diňläp, “Göknar-2013” atly ýöriteleşdirilen çäreleriň meýilnamasyny umuman makullady. Neşe serişdeleri biziň halkymyzyň nesil dowamatyna uly howp döredýär we tutuş adamzadyň durmuşyna uly zyýan ýetirýär diýip, döwlet Baştutanymyz ilatyň, aýratyn-da ýaşlaryň arasynda bu ýowuz belanyň adamlaryň saglygyna we abadançylygyna ýetirýän zyýany barada wagyz-nesihat işlerini yzygiderli geçirmegiň zerurdygyny aýratyn belledi. Bu iş hukuk goraýjy, saglygy goraýyş edaralarynyň, jemgyýetçilik guramalarynyň wekilleriniň, Mejlisiň deputatlarynyň we il içinde hormatlanýan ýaşulularyň bilelikde gatnaşmagynda geçirilmelidir diýip, hormatly Prezidentimiz Gurbanguly Berdimuhamedow Türkmenistanda neşe serişdeleriniň ýaýradylmagyna garşy mundan beýläk-de barlyşyksyz göreşiň alnyp baryljakdygyny aýtdy.
Soňra döwlet Baştutanymyz göni aragatnaşyk arkaly wideoşekilli iş maslahatyna Ministrler Kabinetiniň Başlygynyň orunbasary S.Toýlyýewi we Türkmenistanyň Syýahatçylyk baradaky döwlet komitetiniň başlygy P.Taganowy çagyrdy.
Hökümet Baştutanynyň orunbasary gözegçilik edýän ulgamlaryndaky işler hakynda hasabat berip, bilim we ylym ulgamynda özgertmeleriň barşy, ýurdumyzda bolup geçýän durmuş-ykdysady özgertmeler babatda bu ugurlary mundan beýläk-de ösdürmegi maksat edinýän möhüm taslamalaryň durmuşa geçirilişi hakynda habar berdi.
Hormatly Prezidentimiz Gurbanguly Berdimuhamedow hasabaty diňläp, bilim we ylym babatda maksatnamalaýyn – belli bir maksatly wezipeleriň yzygiderli durmuşa geçirilmegi olary ýurdumyzyň innowasion ösüşiniň talaplaryna laýyk gelýän hil taýdan täze derejä çykarmak üçin oňat şertleri döretdi diýip nygtady. Milli Liderimiz bu ileri tutulýan ugurlarda bellenilen çäreleri amala aşyrmak bilen baglanyşykly ähli meseleleri berk gözegçilikde saklamagy, öňdebaryjy özgertmeleriň depginlerini gowşatmazlygy talap edip, milli özboluşlylygymyzy unutmazdan, işde iň oňat daşary ýurt tejribesini nazara almagyň zerurdygyny belledi. Diňe bir düzümleri ösdürmek däl-de, eýsem, ýaş hünärmenleri taýýarlamak, halkara taslamalaryna gatnaşmak, bu ulgamlaryň maddy-enjamlaýyn binýadyny döwrebaplaşdyrmak üçin ähli mümkinçilikleri netijeli peýdalanmak zerurdyr diýip, döwlet Baştutanymyz aýratyn nygtady.
Öz nobatynda Syýahatçylyk baradaky döwlet komitetiniň ýolbaşçysy bu pudaklaýyn edara tarapyndan geçirilýän işler hakynda habar bermek bilen, ýurdumyzyň syýahatçylyk ulgamyny we ilkinji nobatda onuň esasy bölegi bolan “Awaza” milli syýahatçylyk zolagyny ösdürmek barada görülýän çäreler hakynda jikme-jik hasabat berdi. Hususan-da, deňiz şypahanasynyň täze desgalaryny gurmak, onuň düzümlerini giňeltmek boýunça işleriň barşy hakynda habar aýdyldy. Awazada ähli myhmanhanalary pasportlaşdyrmak boýunça geçirilýän işler bilen baglylykda degişli resminamanyň nusgasy milli Liderimiziň garamagyna hödürlendi.
Hormatly Prezidentimiz Gurbanguly Berdimuhamedow hasabaty diňläp, bäsdeşlige ukyply syýahatçylyk ulgamyny kemala getirmek boýunça we esasan hem onuň has girdejili bölegi bolan halkara syýahatçylygyny ösdürmek boýunça ilkinji nobatdaky wezipeleri belledi. Bu babatda işiň has möhüm ugurlary kesgitlenildi. Munuň özi syýahatçylyk ugurlarynyň çäklerini we köpdürlüligini giňeltmekden, edilýän hyzmatlaryň hilini ýokarlandyrmakdan, bu pudak üçin hünärli işgärleri taýýarlamakdan, täze halkara gatnaşyklaryny, Türkmenistanyň ägirt uly syýahatçylyk-dikeldiş kuwwatyny, onuň taryhy-medeni mirasyny we ajaýyp tebigy ýerlerini, milli myhmansöýerligimiziň, häzirki zaman senagatynyň mümkinçiliklerini giňden wagyz etmegi maksat edinen netijeli maglumat beriş-mahabatlandyryş we maslahat-sergi işini ýola goýmakdan ybaratdyr.
Bularyň hemmesi biziň ýurdumyza daşary ýurt syýahatçylarynyň gelmegini ep-esli artdyrmaga ýardam eder, halkara işewür hyzmatdaşlyk ugry ýaly pudagyň özüne çekijiligini ýokarlandyrmaga mümkinçilik berer diýip,milli Liderimiz aýtdy.
Hormatly Prezidentimiz myhmanhanalaryň pasportunyň hödürlenen nusgasyny makullap, “Awaza” milli syýahatçylyk zolagynyň aýry-aýry hojalyklaryny doly pasportlaşdyrmak hyzmat edişiň derejesini ýokarlandyrmak boýunça mümkinçiliklere we maýa goýumlarynyň özüni ödeýşine anyk ýagdaýda baha bermek üçin, şeýle hem tutuşlygyna alnanda, şypahanany ösdürmegiň ykdysady taýdan esaslandyrylan meýilnamalaryny işläp taýýarlamak üçin başlangyç şertler bolmalydyr diýip belledi.
Göni aragatnaşyk arlkay geçirilýän wideoşekilli iş maslahaty Türkmenistanyň Ministrler Kabinetiniň Başlygynyň orunbasary A.Ýegeleýewiň hasabaty bilen dowam etdi. Wise-premýer ýurdumyzyň ulag-aragatnaşyk ulgamynda işleriň ýagdaýy, ulag we aragatnaşyk kärhanalaryny döwrebaplaşdyrmak, olaryň işiniň netijeliligini ýokarlandyrmak boýunça amala aşyrylýan çäreler barada hasabat berdi. Şol sanda wise-premýer “Demirgazyk-Günorta” transmilli ulag geçelgesiniň Bereket-Etrek demir ýoluny gurmak boýunça işleri ýola goýmak maksadynda görlen çäreler barada habar berdi.
Üstaşyr we içerki ýük daşamagyň agramly bölegi üstüne düşýän demir ýollarynyň milli ulgamyny has-da ösdürmegiň möhümdigine ünsi çekmek bilen, hormatly Prezidentimiz täze demir ýollaryny gurmagyň hiline we iş depginlerine berk gözegçilik etmegiň möhümdigini belledi. Şunuň bilen baglylykda, milli Liderimiz “Demirgazyk –Günorta” halkara demir ýolunyň esasy bölegi bolup durýan Bereket-Etrek demir ýolunyň gurluşygyny tehniki taýdan üpjün etmek meselelerine degip geçmek bilen, degişli taslamanyň ýokary hilli amala aşyrylmagyna ünsi çekdi.
Soňra göni aragatnaşyk arkaly geçirilýän wideoşekilli iş maslahatyna Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň Merkezi Geňeşiniň başlygy M.Ýazmuhammedowa çagyryldy.
Hormatly Prezidentimiz Gurbanguly Berdimuhamedow TKAMM-niň täze saýlanan ýolbaşçysyna ýüzlenip, ony bu jogapkärli wezipä saýlanmagy bilen gutlady hem-de oňa raýatlaryň kanuny hukuklaryny we bähbitlerini goramaga, olaryň tutanýerli zähmet çekmegi üçin oňaýly şertleriň döredilmegine gönükdirilen işinde üstünlikleri arzuw etdi.
Döwlet Baştutanymyzyň nygtaýşy ýaly, türkmen döwletiniň we jemgyýetiniň ösüşiniň täze taryhy döwrüniň wakalaryny nazara almak bilen, ýurdumyzyň kärdeşler birleşikleriniň işini kämilleşdirmek olaryň öňünde durýan möhüm wezipeleriň biridir. Berkarar döwletimiziň bagtyýarlyk döwri jemgyýetçilik guramalarynyň işinde hil taýdan öňe ilerlemeleriň, olaryň işine täzeçil çemeleşmegiň zerurlygyny talap edýär diýip, milli Liderimiz belledi.
M.Ýazmuhammedowa özüne bildirilen ýokary ynam üçin hormatly Prezidentimize tüýs ýürekden hoşallyk bildirip, ýurdumyzyň kärdeşler birleşikleriniň işiniň gerimini giňeltmek, täze taryhy döwrüň maksatlaryny we döwlet Baştutanymyzyň öňde goýan wezipelerini nazara almak bilen, olaryň işini kämilleşdirmek üçin ähli tagallalary etjekdigine ynandyrdy.
Göni arkatnaşyk arkaly wideoşekilli iş maslahatynda Türkmenistanyň Ýokary gözegçilik edarasynyň başlygy B.Atdaýew ýolbaşçylyk edýän düzüminiň işi, şeýle hem döwlet Baştutanymyzyň ozal beren tabşyryklarynyň ýerine ýetirilişi hakynda hasabat berdi.
Hormatly Prezidentimiz milli ykdysadyýetimiziň ähli pudaklarynyň öňünde türkmen döwletiniň mundan beýläk-de rowaçlanmagyna we ösüşine hem-de türkmenistanlylaryň abadan durmuşyny üpjün etmäge gönükdirilen ägirt uly wezipeleriň durýandygyny belläp, Ýokary gözegçilik edarasynyň ýolbaşçysyna pudaklaýyn ösüş maksatnamalarynyň durmuşa geçirilişiniň barşyna toplumlaýyn seljermeleri amala aşyrmak bilen baglanyşykly birnäçe tabşyryklary berdi.
Hormatly Prezidentimiz Gurbanguly Berdimuhamedow göni aragatnaşyk arkaly geçirilýän wideoşekilli iş maslahatyny tamamlap, oňa gatnaşanlara eziz Watanymyzy has-da ösdürmegiň, türkmen halkynyň abadan we bagtly durmuşynyň bähbidine alyp barýan işlerinde uly üstünlikleri arzuw etdi.