Şu gün Türkmenistanyň Prezidenti Gurbanguly Berdimuhamedow “Oguzkent” myhmanhanasyndaky kabulhanasynda Halkara awtomobil federasiýasynyň baştutany jenap Žan Todty kabul etdi. Ol biziň ýurdumyzda ilkinji gezek geçirilýän awtomobil ýaryşy boýunça Türkmenistanyň çempionatyna gatnaşmak üçin Aşgabada geldi.
Myhman ýüzbe-ýüz duşuşmaga döredilen mümkinçilik üçin hoşallyk bildirip, biziň ýurdumyza ilkinji gezek gelýändigini aýtdy hem-de hormatly Prezidentimiz Gurbanguly Berdimuhamedowy Türkmenistanyň Halkara awtomobil sporty federasiýasyna girmegi bilen gutlady. Şeýle hem milli Liderimize milletiň saglygynyň berkidilmegine we halkyň abadançylygyna gönükdirilen döwlet syýasatyny durmuşa geçirmegiň ýolunda uly üstünlikler arzuw etdi.
Hoşniýetli sözler üçin minnetdarlyk bildirip, milli Liderimiz Türkmenistanyň yzygiderli ösdürilmegine aýratyn ähmiýet berýän awtomobil sporty ulgamynda öňdebaryjy halkara guramalary bilen netijeli gatnaşyklaryň mundan beýläk-de dowam etdiriljekdigine ynam bildirdi.
Gürrüňdeşligiň barşynda awtomobil sporty ulgamyndaky gatnaşyklaryň geljekki ugurlary ara alnyp maslahatlaşyldy. Halkara awtomobil federasiýasynyň ýolbaşçysy Türkmenistanyň halkara we sebitleýin federasiýalary bilen gatnaşygyň örän netijeli boljakdygyny nygtady. Şeýle hem türkmen paýtagtynda awtodormlaryň gurulmagy bu pudakdaky geljegi uly taslamalaryň biridigi tassyklandy. Milli Liderimiz myhmany şeýle desgalaryň açylyş dabarasyna gatnaşmaga çagyrdy.
Jenap Žan Todtyň belleýşi ýaly, halkara sport düzümlerinde Türkmenistanyň häzirki ösüşine syn edilýär we Türkmenistanyň Prezidentiniň ýolbaşçylygynda türkmen sportuny ösdürmek boýunça durmuşa geçirilýän ägirt uly meýilnamalaryň hem-de özgertmeleriň netijelerine uly gyzyklanma bildirilýär. Aşgabatda we ýurduň beýleki sebitlerinde gurulýan dünýä derejeli sport desgalary hem-de toplumlary köpleriň ünsüni özüne çekýär. Şunuň bilen baglylykda, myhman häzirki zaman sport düzümi bolan Türkmenistan bilen hyzmatdaşlygyň mundan beýläk-de berkidilmegine we ösdürilmegine uly gyzyklanma bildirýändiklerini belledi.
Şeýle hem şu jähetden Türkmenistanyň Prezidenti Gurbanguly Berdimuhamedowyň soňky ýyllarda uly meşhurlyk gazanan we üç goňşy ýurtlaryň çäginden geçýän halkara awtomoto gözden geçirilişiniň ýokary guramaçylyk derejesine eýe bolan “Ýüpek ýoly 2009” awtomobil ýaryşyny geçirmek boýunça 2009-njy ýylda öňe süren başlangyjynyň örän netijeli bolandygyny bellenildi.
Duşuşygyň barşynda ählumumy möçberde bolşy ýaly, ýurduň içinde ýol hereketiniň howpsuzlygy bilen baglanyşykly meseleler degip geçildi. Şunuň bilen baglylykda, myhman Türkmenistanyň Prezidenti Gurbanguly Berdimuhamedowyň başlangyjy boýunça ýurtda ýol hereketiniň howpsuzlygynyň bir aýlygynyň geçirilmeginiň aýratyn ähmiýete eýedigini belledi.
Döwlet Baştutanymyzyň belleýşi ýaly, bu işiň mundan beýläk-de maksada laýyk ösdürilmegine üns bereris. Şeýle hem duşuşykda ýurduň saglygy goraýyş ulgamyndaky özgertmeleri durmuşa geçirmegiň barşynda sport lukmançylygyny ösdürmek boýunça pikir alyşmalar boldy.
Halkara awtomobil federasiýasynyň ýolbaşçysy Žan Todt hormatly Prezidentimize mähirli kabul edilendigi üçin tüýs ýürekden hoşallyk bildirdi we milli Liderimiz Gurbanguly Berdimuhamedowa alyp barýan jogapkärli işlerinde hem-de ähli giň möçberli meýilnamalaryň durmuşa geçirilmeginde uly üstünlikler, türkmen halkyna bolsa, parahatçylyk, bagt hem-de gülläp ösüş arzuw etdi.
Duşuşygyň ahyrynda döwlet Baştutanymyz myhmany ýurdumyzda giňden bellenilýän Bilimler we talyp ýaşlar güni mynasybetli ýaýbaňlandyrylan sport çärelerine gatnaşmaga çagyrdy.
Myhman ýüzbe-ýüz duşuşmaga döredilen mümkinçilik üçin hoşallyk bildirip, biziň ýurdumyza ilkinji gezek gelýändigini aýtdy hem-de hormatly Prezidentimiz Gurbanguly Berdimuhamedowy Türkmenistanyň Halkara awtomobil sporty federasiýasyna girmegi bilen gutlady. Şeýle hem milli Liderimize milletiň saglygynyň berkidilmegine we halkyň abadançylygyna gönükdirilen döwlet syýasatyny durmuşa geçirmegiň ýolunda uly üstünlikler arzuw etdi.
Hoşniýetli sözler üçin minnetdarlyk bildirip, milli Liderimiz Türkmenistanyň yzygiderli ösdürilmegine aýratyn ähmiýet berýän awtomobil sporty ulgamynda öňdebaryjy halkara guramalary bilen netijeli gatnaşyklaryň mundan beýläk-de dowam etdiriljekdigine ynam bildirdi.
Gürrüňdeşligiň barşynda awtomobil sporty ulgamyndaky gatnaşyklaryň geljekki ugurlary ara alnyp maslahatlaşyldy. Halkara awtomobil federasiýasynyň ýolbaşçysy Türkmenistanyň halkara we sebitleýin federasiýalary bilen gatnaşygyň örän netijeli boljakdygyny nygtady. Şeýle hem türkmen paýtagtynda awtodormlaryň gurulmagy bu pudakdaky geljegi uly taslamalaryň biridigi tassyklandy. Milli Liderimiz myhmany şeýle desgalaryň açylyş dabarasyna gatnaşmaga çagyrdy.
Jenap Žan Todtyň belleýşi ýaly, halkara sport düzümlerinde Türkmenistanyň häzirki ösüşine syn edilýär we Türkmenistanyň Prezidentiniň ýolbaşçylygynda türkmen sportuny ösdürmek boýunça durmuşa geçirilýän ägirt uly meýilnamalaryň hem-de özgertmeleriň netijelerine uly gyzyklanma bildirilýär. Aşgabatda we ýurduň beýleki sebitlerinde gurulýan dünýä derejeli sport desgalary hem-de toplumlary köpleriň ünsüni özüne çekýär. Şunuň bilen baglylykda, myhman häzirki zaman sport düzümi bolan Türkmenistan bilen hyzmatdaşlygyň mundan beýläk-de berkidilmegine we ösdürilmegine uly gyzyklanma bildirýändiklerini belledi.
Şeýle hem şu jähetden Türkmenistanyň Prezidenti Gurbanguly Berdimuhamedowyň soňky ýyllarda uly meşhurlyk gazanan we üç goňşy ýurtlaryň çäginden geçýän halkara awtomoto gözden geçirilişiniň ýokary guramaçylyk derejesine eýe bolan “Ýüpek ýoly 2009” awtomobil ýaryşyny geçirmek boýunça 2009-njy ýylda öňe süren başlangyjynyň örän netijeli bolandygyny bellenildi.
Duşuşygyň barşynda ählumumy möçberde bolşy ýaly, ýurduň içinde ýol hereketiniň howpsuzlygy bilen baglanyşykly meseleler degip geçildi. Şunuň bilen baglylykda, myhman Türkmenistanyň Prezidenti Gurbanguly Berdimuhamedowyň başlangyjy boýunça ýurtda ýol hereketiniň howpsuzlygynyň bir aýlygynyň geçirilmeginiň aýratyn ähmiýete eýedigini belledi.
Döwlet Baştutanymyzyň belleýşi ýaly, bu işiň mundan beýläk-de maksada laýyk ösdürilmegine üns bereris. Şeýle hem duşuşykda ýurduň saglygy goraýyş ulgamyndaky özgertmeleri durmuşa geçirmegiň barşynda sport lukmançylygyny ösdürmek boýunça pikir alyşmalar boldy.
Halkara awtomobil federasiýasynyň ýolbaşçysy Žan Todt hormatly Prezidentimize mähirli kabul edilendigi üçin tüýs ýürekden hoşallyk bildirdi we milli Liderimiz Gurbanguly Berdimuhamedowa alyp barýan jogapkärli işlerinde hem-de ähli giň möçberli meýilnamalaryň durmuşa geçirilmeginde uly üstünlikler, türkmen halkyna bolsa, parahatçylyk, bagt hem-de gülläp ösüş arzuw etdi.
Duşuşygyň ahyrynda döwlet Baştutanymyz myhmany ýurdumyzda giňden bellenilýän Bilimler we talyp ýaşlar güni mynasybetli ýaýbaňlandyrylan sport çärelerine gatnaşmaga çagyrdy.