Şu gün Türkmenistanyň Prezidenti Gurbanguly Berdimuhamedow bilen Azerbaýjan Respublikasynyň Prezidenti Ilham Aliýewiň arasynda telefon arkaly söhbetdeşlik boldy.
Iki ýurduň Liderleri mähirli salamlaşyp, halkara derejesine eýe bolan hem-de medeni we taryhy umumylygy bilen baglanyşýan halklary parahatçylyk, döredijilik we ynsanperwerlik ýörelgeleriniň esasynda jebisleşdirýän Nowruz baýramy bilen birek-biregi ýene-de bir gezek mähirli gutladylar.
Prezidentler Gurbanguly Berdimuhamedow we Ilham Aliýew berk dostluk we hoşniýetli goňşuçylyk däplerine esaslanýan ikitaraplaýyn gatnaşyklaryň ýagdaýyny hem-de geljegini ara alyp maslahatlaşmak üçin dörän mümkinçilige kanagatlanma bildirip, taraplaryň türkmen we azerbaýjan halklarynyň abadançylygynyň bähbidine hyzmatdaşlygy mundan beýläk-de ösdürmäge meýillidigini nygtadylar. Türkmen we azerbaýjan halklary doganlyk halklar bolupdy we şeýle bolmagynda galýar.
Pursatdan peýdalanyp, Azerbaýjan Respublikasynyň baştutany şu ýylyň başynda ýurdumyza gelen Kawkazyň jemgyýetçilik guramalarynyň wekiliýetiniň mähirli kabul edilendigi üçin türkmen Liderine tüýs ýürekden hoşallyk bildirdi. Şol wekiliýetiň düzüminde Azerbaýjanyň wekilleri hem bardy. Oňa jogap edip, hormatly Prezidentimiz Gurbanguly Berdimuhamedow ýakyn goňşulary bilen gatnaşyklara hemişe uly sarpa goýan Türkmenistanyň geljekde-de bu netijeli gatnaşyklary hemmetaraplaýyn berkitjekdigini nygtady.
Hyzmatdaşlygyň ileri tutulýan ugurlary barada pikir alyşmalaryň barşynda Türkmenistanyň we Azerbaýjan Respublikasynyň Baştutanlary özara bähbitli söwda-ykdysady gatnaşyklary giňeltmek üçin uly kuwwatyň bardygyny bellediler. Şunuň bilen baglylykda, söhbetdeşler netijeli hyzmatdaşlygy ösdürmäge we onuň täze möhüm usullaryny işläp taýýarlamaga ýardam edýän bilelikdäki hökümetara toparynyň uly ornuny bellediler. Şunuň bilen birlikde, iki ýurduň Liderleri Daşary işler ministrlikleriniň arasyndaky geňeşmeleri yzygiderli dowam etdirmek barada ylalaşdylar. Şol geňeşmeler bolsa oňyn döwletara gatnaşyklaryny hemmetaraplaýyn pugtalandyrmaga gönükdirilendir.
Iki ýurduň Liderleri mähirli salamlaşyp, halkara derejesine eýe bolan hem-de medeni we taryhy umumylygy bilen baglanyşýan halklary parahatçylyk, döredijilik we ynsanperwerlik ýörelgeleriniň esasynda jebisleşdirýän Nowruz baýramy bilen birek-biregi ýene-de bir gezek mähirli gutladylar.
Prezidentler Gurbanguly Berdimuhamedow we Ilham Aliýew berk dostluk we hoşniýetli goňşuçylyk däplerine esaslanýan ikitaraplaýyn gatnaşyklaryň ýagdaýyny hem-de geljegini ara alyp maslahatlaşmak üçin dörän mümkinçilige kanagatlanma bildirip, taraplaryň türkmen we azerbaýjan halklarynyň abadançylygynyň bähbidine hyzmatdaşlygy mundan beýläk-de ösdürmäge meýillidigini nygtadylar. Türkmen we azerbaýjan halklary doganlyk halklar bolupdy we şeýle bolmagynda galýar.
Pursatdan peýdalanyp, Azerbaýjan Respublikasynyň baştutany şu ýylyň başynda ýurdumyza gelen Kawkazyň jemgyýetçilik guramalarynyň wekiliýetiniň mähirli kabul edilendigi üçin türkmen Liderine tüýs ýürekden hoşallyk bildirdi. Şol wekiliýetiň düzüminde Azerbaýjanyň wekilleri hem bardy. Oňa jogap edip, hormatly Prezidentimiz Gurbanguly Berdimuhamedow ýakyn goňşulary bilen gatnaşyklara hemişe uly sarpa goýan Türkmenistanyň geljekde-de bu netijeli gatnaşyklary hemmetaraplaýyn berkitjekdigini nygtady.
Hyzmatdaşlygyň ileri tutulýan ugurlary barada pikir alyşmalaryň barşynda Türkmenistanyň we Azerbaýjan Respublikasynyň Baştutanlary özara bähbitli söwda-ykdysady gatnaşyklary giňeltmek üçin uly kuwwatyň bardygyny bellediler. Şunuň bilen baglylykda, söhbetdeşler netijeli hyzmatdaşlygy ösdürmäge we onuň täze möhüm usullaryny işläp taýýarlamaga ýardam edýän bilelikdäki hökümetara toparynyň uly ornuny bellediler. Şunuň bilen birlikde, iki ýurduň Liderleri Daşary işler ministrlikleriniň arasyndaky geňeşmeleri yzygiderli dowam etdirmek barada ylalaşdylar. Şol geňeşmeler bolsa oňyn döwletara gatnaşyklaryny hemmetaraplaýyn pugtalandyrmaga gönükdirilendir.