Türkmenistanyň Prezidenti Gurbanguly Berdimuhamedow Bangladeş Halk Respublikasynyň Prezidenti jenap Mohammad Abdul Hamide ýurduň Munşiganj etrabyndaky Meghna derýasynda bolup geçen, köp sanly adam pidalaryna getiren gämi heläkçiligi zerarly gynanç hatyny iberdi.

Türkmen döwletiniň Baştutany Türkmenistanyň halkynyň we Hökümetiniň adyndan, şeýle hem hut öz adyndan gurban bolanlaryň maşgalalaryna, dogan-garyndaşlaryna hem-de ýakynlaryna çuňňur gynanjyny we medet beriji sözlerini, ejir çekenlere bolsa, tiz wagtda sagalmaklary baradaky arzuwlaryny beýan etdi.