Şu gün paýtagtymyzyň Sergi köşgünde Eýran Yslam Respublikasynyň IX ýöriteleşdirilen sergisiniň ýapylyş dabarasy boldy. Üç günläp dowam eden serginiň işine goňşy ýurduň esasy sebitleýin önümçilik we tehnologiki merkezlerine wekilçilik edýän iri kompaniýalaryň we kärhanalaryň 120-den gowragy gatnaşdy.
Köpsanly kompaniýalar—döwrebap gurluşyk serişdelerini we enjamlary, stanoklary we elektrik hereketlendirijilerini, ulag serişdelerini we ätiýaçlyk şaýlaryny, dag magdan we himiýa pudaklarynyň önümlerini, durmuşda ulanylýan tehnikalary, dokma önümlerini, azyk harytlaryny öndürýän we iberýän kompaniýalar sergi meýdançalarynda özleriniň üstünliklerini we ykdysady kuwwatyny görkezdiler.
Eýranly hyzmatdaşlaryň we olaryň türkmen kärdeşleriniň pikirine görä, giň möçberli serginiň geçirilmegi özara bähbitli türkmen-eýran hyzmatdaşlygyny mundan beýläk-de ösdürmäge saldamly goşant goşar. Serginiň işlän günlerinde Sergi köşgüne ýurdumyzyň halk hojalygynyň dürli pudaklarynyň ýolbaşçylary, hünärmenleriň ýüzlerçesi, şeýle hem aşgabatlylaryň köpsanlysy we paýtagtymyzyň myhmanlary gelip gördüler. Ýurdumyzyň telekeçileri bu sergä aýratyn gyzyklanma bildirdiler. Olar bu ýerde Eýran Yslam Respublikasynyň ykdysady kuwwaty we geljegi uly ugurlaryň birnäçesinde, hususan-da, gurluşyk we gurluşyk serişdelerini öndürmek ulgamynda, oba hojalygynda we beýleki ugurlarda özara bähbitli hyzmatdaşlygyň mümkinçilikleri barada köp maglumatlary aldylar.
Serginiň geçirilen günlerinde guralan türkmen-eýran işewürler maslahaty hem Eýran Yslam Respublikasynyň işewür toparlarynyň Türkmenistan bilen söwda-ykdysady gatnaşyklary hemmetaraplaýyn giňeltmäge çalyşýandygyny görkezdi. Milli Liderimiz Gurbanguly Berdimuhamedowyň durmuşa geçirýän “açyk gapylar” syýasaty netijesinde Türkmenistanyň halkara abraýy barha artýar.
Işewürler maslahatynyň gün tertibine ikitaraplaýyn söwda-ykdysady we maýa goýum hyzmatdaşlygyny has-da giňeltmek, häzirki döwürde gatnaşyklaryň wajyp ugurlaryny kesgitlemek meseleleri girizildi.
Türkmen tarapyndan forumyň işine hökümet agzalary, esasy pudaklaýyn ministrlikleriň we edaralaryň, Ylymlar akademiýasynyň, şeýle hem Senagatçylar we telekeçiler birleşmesiniň wekilleri gatnaşdylar.
Eýran Yslam Respublikasynyň Prezidentiniň Ylym we tehnologiýalar boýunça orunbasary, Aýratyn zehinlileriň milli gaznasynyň başlygy jenap Surena Sattariniň ýolbaşçylygyndaky eýran wekiliýetiniň düzümine Senagat we magdanlar, Söwda ministrlikleriniň, Ylym we tehnologiýalar ministrliginiň Ylym-tehnologiýa parkynyň ýolbaşçylary, şeýle hem nebitgaz ulgamynda, energetika toplumynda, himiýa senagatynda, dokma pudagynda, telekommunikasiýalar ulgamynda, taslamalary işläp düzmekde we gurluşykda, söwdada, bank we maliýe ulgamlarynda, saglygy goraýyş we derman senagatynda, şeýle hem ylmy-tehnologiki barlaglar we innowasiýalar ulgamynda işleýän edaralaryň hem-de firmalaryň ýolbaşçylary girdi.
Forumyň işiniň barşynda Türkmenistanyň we Eýranyň ykdysady kuwwaty barada gürrüň berýän wideofilmler görkezildi. Forumda şu serginiň we işewürler maslahatynyň geçirilmeginiň iki tarapyň hem dostlukly goňşy halklaryň bähbitlerine oňyn hyzmatdaşlyk däplerine ygrarlydygyna şaýatlyk edýändigi nygtaldy.
Forumyň gün tertibine ýangyç-energetika, söwda-ykdysady ulgamlarda, gurluşykda, himiýa senagatynda, dokma pudagynda we oba hojalygynda hyzmatdaşlyk etmek bilen baglanyşykly meseleler girizildi.
Bu ýerde ýurdumyzyň ministrlikleriniň, pudak edaralarynyň we önümçilik kärhanalarynyň wekilleriniň eýran işewürliginiň menejerleri we hünärmenleri bilen ikitaraplaýyn duşuşyklary geçirildi. Duşuşyklaryň barşynda özara peýdaly gatnaşyklar ýola goýuldy, söwda-ykdysady gatnaşyklaryň möhüm ugurlary kesgitlenildi.
Eýran Yslam Respublikasynyň IX ýöriteleşdirilen sergisine gatnaşyjylar Türkmenistanyň Prezidenti Gurbanguly Berdimuhamedowa Ýüzlenme kabul edip, myhmansöýerlik we netijeli hyzmatdaşlygy işjeňleşdirmegiň ýolunda möhüm ädime öwrülen gözden geçirilişiň ýokary derejede guralandygy üçin tüýs ýürekden hoşallyk bildirdiler.
Köpsanly kompaniýalar—döwrebap gurluşyk serişdelerini we enjamlary, stanoklary we elektrik hereketlendirijilerini, ulag serişdelerini we ätiýaçlyk şaýlaryny, dag magdan we himiýa pudaklarynyň önümlerini, durmuşda ulanylýan tehnikalary, dokma önümlerini, azyk harytlaryny öndürýän we iberýän kompaniýalar sergi meýdançalarynda özleriniň üstünliklerini we ykdysady kuwwatyny görkezdiler.
Eýranly hyzmatdaşlaryň we olaryň türkmen kärdeşleriniň pikirine görä, giň möçberli serginiň geçirilmegi özara bähbitli türkmen-eýran hyzmatdaşlygyny mundan beýläk-de ösdürmäge saldamly goşant goşar. Serginiň işlän günlerinde Sergi köşgüne ýurdumyzyň halk hojalygynyň dürli pudaklarynyň ýolbaşçylary, hünärmenleriň ýüzlerçesi, şeýle hem aşgabatlylaryň köpsanlysy we paýtagtymyzyň myhmanlary gelip gördüler. Ýurdumyzyň telekeçileri bu sergä aýratyn gyzyklanma bildirdiler. Olar bu ýerde Eýran Yslam Respublikasynyň ykdysady kuwwaty we geljegi uly ugurlaryň birnäçesinde, hususan-da, gurluşyk we gurluşyk serişdelerini öndürmek ulgamynda, oba hojalygynda we beýleki ugurlarda özara bähbitli hyzmatdaşlygyň mümkinçilikleri barada köp maglumatlary aldylar.
Serginiň geçirilen günlerinde guralan türkmen-eýran işewürler maslahaty hem Eýran Yslam Respublikasynyň işewür toparlarynyň Türkmenistan bilen söwda-ykdysady gatnaşyklary hemmetaraplaýyn giňeltmäge çalyşýandygyny görkezdi. Milli Liderimiz Gurbanguly Berdimuhamedowyň durmuşa geçirýän “açyk gapylar” syýasaty netijesinde Türkmenistanyň halkara abraýy barha artýar.
Işewürler maslahatynyň gün tertibine ikitaraplaýyn söwda-ykdysady we maýa goýum hyzmatdaşlygyny has-da giňeltmek, häzirki döwürde gatnaşyklaryň wajyp ugurlaryny kesgitlemek meseleleri girizildi.
Türkmen tarapyndan forumyň işine hökümet agzalary, esasy pudaklaýyn ministrlikleriň we edaralaryň, Ylymlar akademiýasynyň, şeýle hem Senagatçylar we telekeçiler birleşmesiniň wekilleri gatnaşdylar.
Eýran Yslam Respublikasynyň Prezidentiniň Ylym we tehnologiýalar boýunça orunbasary, Aýratyn zehinlileriň milli gaznasynyň başlygy jenap Surena Sattariniň ýolbaşçylygyndaky eýran wekiliýetiniň düzümine Senagat we magdanlar, Söwda ministrlikleriniň, Ylym we tehnologiýalar ministrliginiň Ylym-tehnologiýa parkynyň ýolbaşçylary, şeýle hem nebitgaz ulgamynda, energetika toplumynda, himiýa senagatynda, dokma pudagynda, telekommunikasiýalar ulgamynda, taslamalary işläp düzmekde we gurluşykda, söwdada, bank we maliýe ulgamlarynda, saglygy goraýyş we derman senagatynda, şeýle hem ylmy-tehnologiki barlaglar we innowasiýalar ulgamynda işleýän edaralaryň hem-de firmalaryň ýolbaşçylary girdi.
Forumyň işiniň barşynda Türkmenistanyň we Eýranyň ykdysady kuwwaty barada gürrüň berýän wideofilmler görkezildi. Forumda şu serginiň we işewürler maslahatynyň geçirilmeginiň iki tarapyň hem dostlukly goňşy halklaryň bähbitlerine oňyn hyzmatdaşlyk däplerine ygrarlydygyna şaýatlyk edýändigi nygtaldy.
Forumyň gün tertibine ýangyç-energetika, söwda-ykdysady ulgamlarda, gurluşykda, himiýa senagatynda, dokma pudagynda we oba hojalygynda hyzmatdaşlyk etmek bilen baglanyşykly meseleler girizildi.
Bu ýerde ýurdumyzyň ministrlikleriniň, pudak edaralarynyň we önümçilik kärhanalarynyň wekilleriniň eýran işewürliginiň menejerleri we hünärmenleri bilen ikitaraplaýyn duşuşyklary geçirildi. Duşuşyklaryň barşynda özara peýdaly gatnaşyklar ýola goýuldy, söwda-ykdysady gatnaşyklaryň möhüm ugurlary kesgitlenildi.
Eýran Yslam Respublikasynyň IX ýöriteleşdirilen sergisine gatnaşyjylar Türkmenistanyň Prezidenti Gurbanguly Berdimuhamedowa Ýüzlenme kabul edip, myhmansöýerlik we netijeli hyzmatdaşlygy işjeňleşdirmegiň ýolunda möhüm ädime öwrülen gözden geçirilişiň ýokary derejede guralandygy üçin tüýs ýürekden hoşallyk bildirdiler.
