Şu gün paýtagtymyzyň Sergi köşgünde “Türkmengurluşyk-2014” halkara sergisi işine başlady. Ony ýurdumyzyň Söwda-senagat edarasy bilen gurluşyk toplumynyň edaralary bilelikde gurady.
Serginiň dabaraly açylyşyna Hökümetiň agzalary, Mejlisiň, ministrlikleriň we pudak edaralarynyň, Türkmenistanda resmi taýdan bellenen daşary ýurt wekilhanalarynyň ýolbaşçylary, jemgyýetçilik guramalarynyň we köpçülikleýin habar beriş serişdeleriniň wekilleri gatnaşdylar.
Bu ýere ýygnananlar hormatly Prezidentimiz Gurbanguly Berdimuhamedowyň foruma gatnaşyjylara Gutlagyny aýratyn joşgun bilen diňlediler. Milli Liderimiz Gutlagynda Aşgabatda, Hazaryň kenarynda, ýurdumyzyň ähli sebitlerinde durmuşa geçirilýän möçberi taýdan ägirt uly gurluşyk taslamalarynyň ähmiýetini aýratyn belledi. Döwlet Baştutanymyz bu halkara sergisiniň we maslahatyň Berkarar döwletimiziň bagtyýarlyk döwründe pudagyň gazanan üstünliklerini dünýä ýaýmak, dostlukly döwletleriň hünärmenleri bilen gurluşyk taslamalaryny bilelikde amala aşyrmagyň meselelerini ara alyp maslahatlaşmak, özara tejribe alyşmak üçin uly ähmiýetiniň boljakdygyna berk ynam bildirdi.
Şu ýyl Sergi köşgünde ýöriteleşdirilen ykdysady gözden geçirilişde 15 ýurtdan 220-den gowrak wekiller öz önümlerini görkezýärler. Daşary ýurt işewürliginiň wekilleriniň sergä şeýle üns berilmegi ýurdumyzyň geljegi uly we depginli ösýän bazaryna bolan uly gyzyklanma şaýatlyk edýär. Sergide pudaklaýyn edaralar, gurluşyk materiallar senagatynyň kärhanalary hem-de türkmen we daşary ýurt gurluşyk firmalary önümlerini hödürleýär. Ähmiýetli pudaklaýyn foruma Türkiýeden, Hytaýdan, Russiýadan, Eýrandan, Germaniýadan, Gazagystandan we Ýewropanyň we Aziýanyň birnäçe beýleki ýurtlaryndan kompaniýalar gatnaşýar.
Ýurdumyzyň hususy gurluşyk ulgamy aýratyn orny eýeleýär. “Myradym”, “Gujurly inžener”, “Aga gurluşyk”, “Berk ýol” we köpsanly beýleki kompaniýalaryň alyp barýan işlerinde soňky ýyllarda iri taslamalaryň ençemesi durmuşa geçirildi. Öňdebaryjy daşary ýurt gurluşyk kompaniýalary, innowasion gurluşyk we bezeg serişdelerini, ýörite tehnikalary öndürijiler bolan “Vinci”, “Buig”, “Polimex”, “Gap Insaat”, “Ticcurila”, “Foamglass”, Magnitogorskiniň metallurgiýa kombinaty, “Kabir panel”, “JCB”, “Hyundai”, “Ammann” we beýlekiler ýaly kompaniýalar öz önümlerini görkezýärler.
Syrçaly daşlary, sement, kerpiç, magdan däl gurluşyk serişdelerini, metal önümlerini öndürýän ýöriteleşdirilen ugurly edaralarynyň, pudagyň kärhanalarynyň diwarlyklary ýurdumyzyň gurluşyk senagatynyň ösüş depginini beýan edýär.
Sergide paýtagtymyzyň geljekki ösüşini, barha özgerýän şäherlerimiziň we obalarymyzyň keşbini dürli ähmiýetli desgalaryň taslama nusgalary aýdyň görkezdi. Olar edara binalarynyň söwda we dynç alyş merkezleriniň, ýokary amatly ýaşaýyş jaýlarynyň taslamalarydyr. Ykdysady gözden geçirilişde görkezilen köpsanly ajaýyp ýaşaýyş jaý toplumlarynyň, ak mermerli binalaryň, kärhanalaryň maýa goýum taslamalary eýýäm ýakyn wagtda durmuşa geçiriler. Türkmen şäherleriniň we obalarynyň geljegine göz aýlamaga, taslamalara baha bermäge mümkinçilik döredýändigi bilen paýtagtymyzyň Sergi köşgündäki sergi has-da gyzyklydyr.
Türkmenistana ýol gurluşygynda öz täzeliklerini teklip etmäge taýýar kompaniýalaryň diwarlyklary sergä gatnaşyjylar üçin aýratyn özüne çekiji boldy. Bu gün ýurdumyzda iň döwrebap ulag düzümini kemala getirmek boýunça iri taslamalar amala aşyrylýar. Müňlerçe kilometr awtomobil ýollary, köprüler, estakadalar, ýol desgalary gurulýar. Olaryň bina edilmegi aýratyn inženerçilik çözgütleri we iň täze tehnologiýalary talap edýär.
Sergi köşgüniň açyk meýdançalarynda bolsa gurluşyk we ýörite tehnikalaryň, beton garyjy, ýük göteriji ulaglaryň, buldozerleriň, ýörite tehnikalaryň dürli görnüşler görkezilýär.
Wekilçilikli serginiň çäklerinde “Türkmenistanyň gurluşyk pudagynyň ösüşi” atly maslahat öz işine başlady. Ol pudaklaýyn ministrlikleriň we edaralaryň ýolbaşçylaryny, öňdebaryjy daşary ýurt kompaniýalarynyň wekillerini, gurluşyk senagatynyň hünärmenlerini, dünýäniň köp ýurtlaryndan bilermenleri jemledi. Maslahata gatnaşyjylara milli ykdysadyýetiň gurluşyk pudagynyň ösüşi barada jikme-jik maglumatlar berildi, bu pudakda gazanylan üstünlikler aýdyň beýan edilýän wideofilm görkezildi.
Maslahatyň barşynda ara alnyp maslahatlaşylan möhüm meseleleriň hatarynda gurluşyk senagatyndaky täze tehnologiýalar we innowasion serişdeler, bu ulgamda hyzmatdaşlygyň geljegi, şeýle hem has iri maýa goýum taslamalaryny durmuşa geçirmek babatda gurluşyk serişdelerini öndürmegiň geljegi uly ugurlaryny agzamak bolar.
Onda türkmen paýtagtyny we sebitleri ösdürmegiň geljegine, pudakda ýurdumyzyň hususy işewürliginiň barha artýan ornuna, ýer titremesine durnukly gurluşyklar, çylşyrymly inženerçilik desgalary gurmagyň meselelerine garaldy.
Gurluşyk senagatynyň ösdürilmegi hormatly Prezidentimiz Gurbanguly Berdimuhamedowyň ýolbaşçylygynda durmuşa geçirilýän döwletiň ykdysady syýasatynyň ileri tutulýan ugurlarynyň biridir. Öňdebaryjy daşary ýurt kompaniýalarynyň sergä uly gyzyklanmasy hem Türkmenistanyň gurluşyk senagatynyň artýan mümkinçilikleri bilen şertlenendir. Milli gurluşyk senagatynda işjeň peýdalanylýan täze tehnologiýalar, bu ulgamda işleýän ýurdumyzyň hususy kompaniýalarynyň okgunly ösüşi sanlyja ýyllarda ýurdumyzyň şäherleriniň we obalarynyň keşbini düýpli özgertdi. Muňa 12-nji we 13-nji nobatdaky ýaşaýyş jaý gurluşyklarynyň iri taslamalary üstünlikli amala aşyrylýan, Olimpiýa şäherjiginiň binalary gurulýan, ulag we aragatnaşyk düzümleriniň toplumlaýyn döwrebaplaşdyrylýan türkmen paýtagty ajaýyp mysal bolup durýar.
Ýurdumyzyň ägirt uly ykdysady kuwwatyny durmuşa geçirmek, onuň serişdelerini doly möçberde Türkmenistanyň halkynyň hyzmatyna goýmak maksady bilen, iri möçberli senagat taslamalary hem amala aşyrylýar. Ine, 26-njy awgustda tebigy gazdan ekologiýa taýdan arassa benzin öndürmek boýunça dünýäde deňi-taýy bolmadyk kärhananyň gurluşygyna badalga berildi. Gurluşyk senagatyna ägirt uly serişdeleri goýup, pudaga innowasiýalary ornaşdyrmak bilen, Türkmenistan mundan beýläkki ykdysady ösüşiniň mäkäm binýadyny goýup, hakykatda, öz geljegini gurýar.
Ertir Halkara sergi we maslahat öz işini dowam eder.
Serginiň dabaraly açylyşyna Hökümetiň agzalary, Mejlisiň, ministrlikleriň we pudak edaralarynyň, Türkmenistanda resmi taýdan bellenen daşary ýurt wekilhanalarynyň ýolbaşçylary, jemgyýetçilik guramalarynyň we köpçülikleýin habar beriş serişdeleriniň wekilleri gatnaşdylar.
Bu ýere ýygnananlar hormatly Prezidentimiz Gurbanguly Berdimuhamedowyň foruma gatnaşyjylara Gutlagyny aýratyn joşgun bilen diňlediler. Milli Liderimiz Gutlagynda Aşgabatda, Hazaryň kenarynda, ýurdumyzyň ähli sebitlerinde durmuşa geçirilýän möçberi taýdan ägirt uly gurluşyk taslamalarynyň ähmiýetini aýratyn belledi. Döwlet Baştutanymyz bu halkara sergisiniň we maslahatyň Berkarar döwletimiziň bagtyýarlyk döwründe pudagyň gazanan üstünliklerini dünýä ýaýmak, dostlukly döwletleriň hünärmenleri bilen gurluşyk taslamalaryny bilelikde amala aşyrmagyň meselelerini ara alyp maslahatlaşmak, özara tejribe alyşmak üçin uly ähmiýetiniň boljakdygyna berk ynam bildirdi.
Şu ýyl Sergi köşgünde ýöriteleşdirilen ykdysady gözden geçirilişde 15 ýurtdan 220-den gowrak wekiller öz önümlerini görkezýärler. Daşary ýurt işewürliginiň wekilleriniň sergä şeýle üns berilmegi ýurdumyzyň geljegi uly we depginli ösýän bazaryna bolan uly gyzyklanma şaýatlyk edýär. Sergide pudaklaýyn edaralar, gurluşyk materiallar senagatynyň kärhanalary hem-de türkmen we daşary ýurt gurluşyk firmalary önümlerini hödürleýär. Ähmiýetli pudaklaýyn foruma Türkiýeden, Hytaýdan, Russiýadan, Eýrandan, Germaniýadan, Gazagystandan we Ýewropanyň we Aziýanyň birnäçe beýleki ýurtlaryndan kompaniýalar gatnaşýar.
Ýurdumyzyň hususy gurluşyk ulgamy aýratyn orny eýeleýär. “Myradym”, “Gujurly inžener”, “Aga gurluşyk”, “Berk ýol” we köpsanly beýleki kompaniýalaryň alyp barýan işlerinde soňky ýyllarda iri taslamalaryň ençemesi durmuşa geçirildi. Öňdebaryjy daşary ýurt gurluşyk kompaniýalary, innowasion gurluşyk we bezeg serişdelerini, ýörite tehnikalary öndürijiler bolan “Vinci”, “Buig”, “Polimex”, “Gap Insaat”, “Ticcurila”, “Foamglass”, Magnitogorskiniň metallurgiýa kombinaty, “Kabir panel”, “JCB”, “Hyundai”, “Ammann” we beýlekiler ýaly kompaniýalar öz önümlerini görkezýärler.
Syrçaly daşlary, sement, kerpiç, magdan däl gurluşyk serişdelerini, metal önümlerini öndürýän ýöriteleşdirilen ugurly edaralarynyň, pudagyň kärhanalarynyň diwarlyklary ýurdumyzyň gurluşyk senagatynyň ösüş depginini beýan edýär.
Sergide paýtagtymyzyň geljekki ösüşini, barha özgerýän şäherlerimiziň we obalarymyzyň keşbini dürli ähmiýetli desgalaryň taslama nusgalary aýdyň görkezdi. Olar edara binalarynyň söwda we dynç alyş merkezleriniň, ýokary amatly ýaşaýyş jaýlarynyň taslamalarydyr. Ykdysady gözden geçirilişde görkezilen köpsanly ajaýyp ýaşaýyş jaý toplumlarynyň, ak mermerli binalaryň, kärhanalaryň maýa goýum taslamalary eýýäm ýakyn wagtda durmuşa geçiriler. Türkmen şäherleriniň we obalarynyň geljegine göz aýlamaga, taslamalara baha bermäge mümkinçilik döredýändigi bilen paýtagtymyzyň Sergi köşgündäki sergi has-da gyzyklydyr.
Türkmenistana ýol gurluşygynda öz täzeliklerini teklip etmäge taýýar kompaniýalaryň diwarlyklary sergä gatnaşyjylar üçin aýratyn özüne çekiji boldy. Bu gün ýurdumyzda iň döwrebap ulag düzümini kemala getirmek boýunça iri taslamalar amala aşyrylýar. Müňlerçe kilometr awtomobil ýollary, köprüler, estakadalar, ýol desgalary gurulýar. Olaryň bina edilmegi aýratyn inženerçilik çözgütleri we iň täze tehnologiýalary talap edýär.
Sergi köşgüniň açyk meýdançalarynda bolsa gurluşyk we ýörite tehnikalaryň, beton garyjy, ýük göteriji ulaglaryň, buldozerleriň, ýörite tehnikalaryň dürli görnüşler görkezilýär.
Wekilçilikli serginiň çäklerinde “Türkmenistanyň gurluşyk pudagynyň ösüşi” atly maslahat öz işine başlady. Ol pudaklaýyn ministrlikleriň we edaralaryň ýolbaşçylaryny, öňdebaryjy daşary ýurt kompaniýalarynyň wekillerini, gurluşyk senagatynyň hünärmenlerini, dünýäniň köp ýurtlaryndan bilermenleri jemledi. Maslahata gatnaşyjylara milli ykdysadyýetiň gurluşyk pudagynyň ösüşi barada jikme-jik maglumatlar berildi, bu pudakda gazanylan üstünlikler aýdyň beýan edilýän wideofilm görkezildi.
Maslahatyň barşynda ara alnyp maslahatlaşylan möhüm meseleleriň hatarynda gurluşyk senagatyndaky täze tehnologiýalar we innowasion serişdeler, bu ulgamda hyzmatdaşlygyň geljegi, şeýle hem has iri maýa goýum taslamalaryny durmuşa geçirmek babatda gurluşyk serişdelerini öndürmegiň geljegi uly ugurlaryny agzamak bolar.
Onda türkmen paýtagtyny we sebitleri ösdürmegiň geljegine, pudakda ýurdumyzyň hususy işewürliginiň barha artýan ornuna, ýer titremesine durnukly gurluşyklar, çylşyrymly inženerçilik desgalary gurmagyň meselelerine garaldy.
Gurluşyk senagatynyň ösdürilmegi hormatly Prezidentimiz Gurbanguly Berdimuhamedowyň ýolbaşçylygynda durmuşa geçirilýän döwletiň ykdysady syýasatynyň ileri tutulýan ugurlarynyň biridir. Öňdebaryjy daşary ýurt kompaniýalarynyň sergä uly gyzyklanmasy hem Türkmenistanyň gurluşyk senagatynyň artýan mümkinçilikleri bilen şertlenendir. Milli gurluşyk senagatynda işjeň peýdalanylýan täze tehnologiýalar, bu ulgamda işleýän ýurdumyzyň hususy kompaniýalarynyň okgunly ösüşi sanlyja ýyllarda ýurdumyzyň şäherleriniň we obalarynyň keşbini düýpli özgertdi. Muňa 12-nji we 13-nji nobatdaky ýaşaýyş jaý gurluşyklarynyň iri taslamalary üstünlikli amala aşyrylýan, Olimpiýa şäherjiginiň binalary gurulýan, ulag we aragatnaşyk düzümleriniň toplumlaýyn döwrebaplaşdyrylýan türkmen paýtagty ajaýyp mysal bolup durýar.
Ýurdumyzyň ägirt uly ykdysady kuwwatyny durmuşa geçirmek, onuň serişdelerini doly möçberde Türkmenistanyň halkynyň hyzmatyna goýmak maksady bilen, iri möçberli senagat taslamalary hem amala aşyrylýar. Ine, 26-njy awgustda tebigy gazdan ekologiýa taýdan arassa benzin öndürmek boýunça dünýäde deňi-taýy bolmadyk kärhananyň gurluşygyna badalga berildi. Gurluşyk senagatyna ägirt uly serişdeleri goýup, pudaga innowasiýalary ornaşdyrmak bilen, Türkmenistan mundan beýläkki ykdysady ösüşiniň mäkäm binýadyny goýup, hakykatda, öz geljegini gurýar.
Ertir Halkara sergi we maslahat öz işini dowam eder.
