Şu gün “Awaza” milli syýahatçylyk zolagynda Garaşsyz Döwletleriň Arkalaşygyna agza döwletleriň Mekdep medeni-sport festiwalynyň ýapylyş dabarasy boldy. Baýramçylyk dabarasy ajaýyp “Seýrana” myhmanhanasynyň amfiteatrynda geçirildi. Oňa Türkmenistanyň Sport baradaky döwlet komitetiniň, Türkmenistanyň Bilim ministrliginiň, Medeniýet ministrliginiň, Türkmenistanyň Syýahatçylyk baradaky döwlet komitetiniň hem-de Ählirussiýa mekdep sporty federasiýasynyň wekilleri gatnaşdylar. Olaryň howandarlygynda ýaş türgenleriň halkara forumy geçirildi.
Sport ýaryşlarynyň ýeňijilerini we baýrak eýelerini sylaglamak dabarasynyň öň ýanynda, festiwala gatnaşyjylaryň hormatyna aýdym-sazly konsert boldy. Milli çagalar döredijilik bäsleşigine gatnaşýan ýaşlaryň ýerine ýetirmeginde sport, Watan baradaky aýdymlar ýaňlandy.
GDA agza döwletleriň Mekdep medeni-sport festiwalyna gatnaşyjylaryň hormatly Prezidentimiz Gurbanguly Berdimuhamedowa Ýüzlenmesinde dünýäniň halklarynyň çagalarynyň arasynda dostlugy pugtalandyrmaga, ýurdumyzyň halkara sport derejesinde abraýyny ýokarlandyrmaga gönükdirilen çäreleriň wajypdygy nygtaldy.
Muňa sport meýdançalarynda zehinli ýaş oglanlaryň we gyzlaryň ýüzlerçesini birleşdiren häzirki forum aýdyň subutnama bolup hyzmat edýär. Doganlyk ýurtlaryň wekilleriniň ýygnanan ýeri bolan Awaza ösüp gelýän ýaş nesliň agzybirligini, dostlugyny we bagtyýarlygyny alamatlandyrýar. Festiwala gatnaşyjylar “Awaza” milli syýahatçylyk zolagynda Garaşsyz Döwletleriň Arkalaşygyna agza döwletleriň Mekdep medeni-sport festiwalyny guramak başlangyjy we onuň geçirilendigi üçin türkmen döwletiniň Baştutanyna çuňňur hoşallyk bildirdiler.
Türgen ýetginjekleriň milli Liderimize Ýüzlenmesi dowamly el çarpyşmalar bilen garşylandy. Şeýle el çarpyşmalar alyp baryjylaryň ýaryşlarda ýeňiş gazananlary festiwaly guraýjylaryň kuboklary, medallary we hormat hatlary bilen sylaglaýyş dabarasynyň açylyşyny yglan etmeginden täzeden ýaňlandy. Ýetginjekleri sylaglamak dabarasy däpleri sportuň her görnüşi üçin – aýratynlykda we toparlaýyn tertibe laýyklykda geçirildi. Küşt boýunça ýaryşlarda Aşgabadyň topary birinji orny eýeledi, ikinji orna Russiýa Federasiýasynyň, üçünji orna Belarus Respublikasynyň topary mynasyp boldy.
Balkan welaýatynyň futbolçylaryna şowhunly el çarpyşmalar astynda ýaryşyň ýeňijileriniň altyn baýragy gowşuryldy. Hormat münberiniň ikinji ornuny Aşgabadyň, üçünji ornuny Russiýanyň topary eýeledi.
Kenarýaka woleýbolda degişlilikde Aşgabadyň we Balkan welaýatynyň toparlary altyn we kümüş baýraklaryň eýeleri boldular, üçünji orna Gazagystan Respublikasynyň woleýbolçylary çykdylar.
Şahsy hasapda tapawutlanan ýetginjek tennisçiler hem hormat münberine çykdylar: Gasan-zade /Azerbaýjan/ bürünç hem-de Eduard Antonýan /Ermenistan Respublikasy/ kümüş baýragyň eýesi we şu görnüşde Alekseý Utkin /Belarus Respublikasy/ çempion boldy.
Oglanlaryň yzýany bilen tennisçi gyzlar sylaglandy. Ýeňijiniň altyn medaly we kubok belarus mekdep okuwçysy Ulýana Şirowa gowşuryldy. Aşgabatly mekdep okuwçysy Meňli Durdyýewa kümüş baýragyň eýesi boldy. Bürünç baýrak Ermenistan Respublikasyndan Meri Oganesýana gowşuryldy.
Tennis ýaryşynyň wekilleri hormat münberinde degişli orunlary eýeläp, amfiteatryň sahnasyna ýene-de iki gezek çykdylar. Garyşyk-jübütleýin görnüşde birinji orny Belarus Respublikasynyň türgenleri, ikinji orny Ermenistan Respublikasynyň, üçünji orny Gyrgyz Respublikasynyň türgenleri eýelediler. Toparlaýyn görnüşde altyn baýraklar belarusly mekdep okuwçylaryna gowşuryldy. Aşgabadyň tennisçileri hormat münberiniň ikinji basgançagyna, Ermenistanyň tennisçileri bolsa üçünji basgançaga çykdylar.
Sylaglamak dabarasy strit-bol boýunça ýaryşa gatnaşyjylara baýraklaryň gowşurylmagy bilen tamamlandy. Sportuň bu görnüşinde altyn baýrak russiýaly gyzlara gowşuryldy. Kümüş baýraga aşgabatly basketbolçylar mynasyp boldular. Bürünç baýragyna Balkan welaýatynyň topary mynasyp boldy.
Şeýlelik bilen, Türkmenistanyň iň owadan künjekleriniň biri bolan “Awaza” milli syýahatçylyk zolagynda geçirilen dostlugyň, hoşniýetliligiň we ynsanperwerligiň bu uly festiwaly oňa gatnaşan ýaşlaryň her biriniň ýüreginde ýakymly duýgulary hem-de ajaýyp ýatlamalary galdyrdy. GDA agza döwletleriň toparlarynyň tälimçileriniň we halypalarynyň pikirlerine görä, hormatly Prezidentimiz Gurbanguly Berdimuhamedowyň alyp barýan parahatçylyk döredijilikli daşary syýasatynyň netijesinde Türkmenistan dünýäniň döwletleri bilen dostlukly aragatnaşyklary çuňlaşdyrmakda we giňeltmekde wajyp we baý tejribä eýe bolup, medeniýetlerimizi we sungatlarymyzy ýakynlaşdyrmak başlangyçlary bilen yzygiderli çykyş edýär. Bu bolsa dostluk we ynsanperwerlik ýörelgeleriniň pugtalandyrylmagyna, parahatçylygyň ilçisi hasaplanýan sporty has-da ösdürmäge ýardam edýär.
Sport ýaryşlarynyň ýeňijilerini we baýrak eýelerini sylaglamak dabarasynyň öň ýanynda, festiwala gatnaşyjylaryň hormatyna aýdym-sazly konsert boldy. Milli çagalar döredijilik bäsleşigine gatnaşýan ýaşlaryň ýerine ýetirmeginde sport, Watan baradaky aýdymlar ýaňlandy.
GDA agza döwletleriň Mekdep medeni-sport festiwalyna gatnaşyjylaryň hormatly Prezidentimiz Gurbanguly Berdimuhamedowa Ýüzlenmesinde dünýäniň halklarynyň çagalarynyň arasynda dostlugy pugtalandyrmaga, ýurdumyzyň halkara sport derejesinde abraýyny ýokarlandyrmaga gönükdirilen çäreleriň wajypdygy nygtaldy.
Muňa sport meýdançalarynda zehinli ýaş oglanlaryň we gyzlaryň ýüzlerçesini birleşdiren häzirki forum aýdyň subutnama bolup hyzmat edýär. Doganlyk ýurtlaryň wekilleriniň ýygnanan ýeri bolan Awaza ösüp gelýän ýaş nesliň agzybirligini, dostlugyny we bagtyýarlygyny alamatlandyrýar. Festiwala gatnaşyjylar “Awaza” milli syýahatçylyk zolagynda Garaşsyz Döwletleriň Arkalaşygyna agza döwletleriň Mekdep medeni-sport festiwalyny guramak başlangyjy we onuň geçirilendigi üçin türkmen döwletiniň Baştutanyna çuňňur hoşallyk bildirdiler.
Türgen ýetginjekleriň milli Liderimize Ýüzlenmesi dowamly el çarpyşmalar bilen garşylandy. Şeýle el çarpyşmalar alyp baryjylaryň ýaryşlarda ýeňiş gazananlary festiwaly guraýjylaryň kuboklary, medallary we hormat hatlary bilen sylaglaýyş dabarasynyň açylyşyny yglan etmeginden täzeden ýaňlandy. Ýetginjekleri sylaglamak dabarasy däpleri sportuň her görnüşi üçin – aýratynlykda we toparlaýyn tertibe laýyklykda geçirildi. Küşt boýunça ýaryşlarda Aşgabadyň topary birinji orny eýeledi, ikinji orna Russiýa Federasiýasynyň, üçünji orna Belarus Respublikasynyň topary mynasyp boldy.
Balkan welaýatynyň futbolçylaryna şowhunly el çarpyşmalar astynda ýaryşyň ýeňijileriniň altyn baýragy gowşuryldy. Hormat münberiniň ikinji ornuny Aşgabadyň, üçünji ornuny Russiýanyň topary eýeledi.
Kenarýaka woleýbolda degişlilikde Aşgabadyň we Balkan welaýatynyň toparlary altyn we kümüş baýraklaryň eýeleri boldular, üçünji orna Gazagystan Respublikasynyň woleýbolçylary çykdylar.
Şahsy hasapda tapawutlanan ýetginjek tennisçiler hem hormat münberine çykdylar: Gasan-zade /Azerbaýjan/ bürünç hem-de Eduard Antonýan /Ermenistan Respublikasy/ kümüş baýragyň eýesi we şu görnüşde Alekseý Utkin /Belarus Respublikasy/ çempion boldy.
Oglanlaryň yzýany bilen tennisçi gyzlar sylaglandy. Ýeňijiniň altyn medaly we kubok belarus mekdep okuwçysy Ulýana Şirowa gowşuryldy. Aşgabatly mekdep okuwçysy Meňli Durdyýewa kümüş baýragyň eýesi boldy. Bürünç baýrak Ermenistan Respublikasyndan Meri Oganesýana gowşuryldy.
Tennis ýaryşynyň wekilleri hormat münberinde degişli orunlary eýeläp, amfiteatryň sahnasyna ýene-de iki gezek çykdylar. Garyşyk-jübütleýin görnüşde birinji orny Belarus Respublikasynyň türgenleri, ikinji orny Ermenistan Respublikasynyň, üçünji orny Gyrgyz Respublikasynyň türgenleri eýelediler. Toparlaýyn görnüşde altyn baýraklar belarusly mekdep okuwçylaryna gowşuryldy. Aşgabadyň tennisçileri hormat münberiniň ikinji basgançagyna, Ermenistanyň tennisçileri bolsa üçünji basgançaga çykdylar.
Sylaglamak dabarasy strit-bol boýunça ýaryşa gatnaşyjylara baýraklaryň gowşurylmagy bilen tamamlandy. Sportuň bu görnüşinde altyn baýrak russiýaly gyzlara gowşuryldy. Kümüş baýraga aşgabatly basketbolçylar mynasyp boldular. Bürünç baýragyna Balkan welaýatynyň topary mynasyp boldy.
Şeýlelik bilen, Türkmenistanyň iň owadan künjekleriniň biri bolan “Awaza” milli syýahatçylyk zolagynda geçirilen dostlugyň, hoşniýetliligiň we ynsanperwerligiň bu uly festiwaly oňa gatnaşan ýaşlaryň her biriniň ýüreginde ýakymly duýgulary hem-de ajaýyp ýatlamalary galdyrdy. GDA agza döwletleriň toparlarynyň tälimçileriniň we halypalarynyň pikirlerine görä, hormatly Prezidentimiz Gurbanguly Berdimuhamedowyň alyp barýan parahatçylyk döredijilikli daşary syýasatynyň netijesinde Türkmenistan dünýäniň döwletleri bilen dostlukly aragatnaşyklary çuňlaşdyrmakda we giňeltmekde wajyp we baý tejribä eýe bolup, medeniýetlerimizi we sungatlarymyzy ýakynlaşdyrmak başlangyçlary bilen yzygiderli çykyş edýär. Bu bolsa dostluk we ynsanperwerlik ýörelgeleriniň pugtalandyrylmagyna, parahatçylygyň ilçisi hasaplanýan sporty has-da ösdürmäge ýardam edýär.
