Londonda Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky döwlet agentliginiň guramagynda “Türkmenistanyň nebitgaz pudagy—maýa goýum üçin mümkinçilikler” atly forum geçirildi.
Oňa Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky döwlet agentliginiň, “Türkmennebit” we “Türkmengaz” Döwlet konsernleriniň, şeýle hem Malaýziýanyň “Petronas Carigali Sdn. Bhd”, “Dragon OilPlc” anglo-arap, Hytaýyň “CNPC”, Italiýanyň “ENI S.P.A”, Awstriýanyň “MitroInternational Limited”, Germaniýanyň “RWE” ýaly dünýäde meşhur kompaniýalaryň ýolbaşçylary, hünärmenleri we beýlekiler gatnaşdylar. Onuň barşynda Türkmenistanyň nebitgaz senagatyny mundan beýläk-de ösdürmegiň we energetika pudagyndaky halkara hyzmatdaşlygyň geljekki ugurlary bilen baglanyşykly meseleleriň toplumy ara alnyp maslahatlaşyldy. Hazar deňziniň türkmen böleginiň geljegi uly hasaplanylýan toplumlaryny, deňizden uglewodorod serişdelerini almak babatda iri taslamalary durmuşa geçirmäge maýa goýumlary çekmek meselelerine aýratyn üns berildi.
Forumda bellenilişi ýaly, hormatly Prezidentimiz Gurbanguly Berdimuhamedowyň durmuşa geçirýän energetika syýasaty Türkmenistanyň ýangyç-energetika toplumynyň hemmetaraplaýyn ösdürilmegine, onuň diwersifikasiýa edilmegine we dünýä energiýa ulgamyna sazlaşykly goşulmagyna gönükdirilendir. Türkmen energiýa göterijilerini dünýä bazarlaryna eksport etmegiň ugurlaryny giňeltmek ägirt uly uglewodorod serişdeleriniň gorlaryna eýe bolan ýurdumyzyň energetika strategiýasynyň möhüm ugry bolup durýar. Bu bolsa Türkmenistanyň halkara energetika gatnaşyklarynda ygtybarly we uzakmöhletleýin hyzmatdaş derejesine eýe bolmagyny üpjün edýär.
Londonda geçirilen duşuşyga gatnaşyjylar nebitgaz pudagynda Türkmenistan bilen özara gatnaşyklaryň taslamalary, döwlet maýa goýum syýasatynyň giňişleýin maglumatlary, Türkmenistanyň hökümetiniň daşary ýurtly maýadarlary bilen hyzmatldaşlygy baradaky meýilnamalary we geljegi uly türkmen bazaryna täze hyzmatdaşlygyň çekilmeginiň ugurlary bilen tanyşdyryldy.
Bellenilişi ýaly, häzirki döwürde Türkmenistanda önümi paýlaşmak hakyndaky şertnamalar esasynda dürli ýurtlaryň köpsanly belli kompaniýalary üstünlikli iş alyp barýarlar. “Petronas”, “Dragon Oýl”, “CNPC” ýaly dünýä ykdysadyýetiniň binýatlaýyn puldaklary bolup durýan iri hyzmatdaşlaryň netijeli gatnaşyklary dünýäniň işewür toparlarynyň nebitgaz işewürlerine bolan gyzyklanmalarynyň barşynda Türkmenistanyň ägirt uly mümkinçiliklere eýediginiň aýdyň subutnamasydyr.
Hususan-da, Beýik Britaniýanyň paýtagtynda geçen forumda “Türkmennebit” döwlet konserniniň “Hazarnebit” nebit çykaryjy kärhananyň hünärmenleri bilen bilelikde iş alyp barýan “Buried Hill Energy”, “Gaffney, Cline&nd Associates”, “WP Eksploration” ýaly kompaniýalaryň top-menejmenti görkezildi. Hazar deňziniň türkmen ýalpagyndaky uglewodorodlary işläp taýýarlamak boýunça toplanylan tejribe we onuň geljegi barada gürrüň berýän tanyşdyryş çäreleri geçirildi.
“Türkmennebit” we “Türkmengaz” döwlet konsernleriniň ýolbaşçy düzümleriniň wekilleriniň, “Türkmengeologiýa” döwlet korporasiýasynyň, Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky Döwlet agentliginiň wekilleriniň, şeýle hem “Dragon Oýl (Türkmenistan) LTD”, “Peronas Çarigali Türkmenistan”, “CNPC internasional Türkmenistan” ýaly kompaniýalaryň wekilleriniň çykyşlary “Türkmenistanyň nebitgaz pudagy—maýa goýum üçin mümkinçilikler” atly foruma gatnaşyjylarda uly gyzyklanma döretdi. Daşary ýurtly işewürler öz çykyşlarynda Türkmenistanyň nebit we gaz ýataklaryny gözlemek, özleşdirmek we işläp taýýarlamak babatda birnäçe iri taslamalary ýerine ýetirip gazanan tejribeleri barada aýtdylar.
Forumyň jemini jemlemek bilen, oňa gatnaşyjylar bu ýerde geçirilen gepleşikleriň ýokary netijä eýe bolandygyny bellediler. Şu duşuşyk energetika pudagyndaky netijeli gatnaşyklary mundan beýläk-de giňeltmekde möhüm orun eýelär.
Forumyň çäklerinde türkmen wekiliýetleriň agzalary daşary ýurtlaryň nebit kompaniýalaryň ýolbaşçylary bilen ikitaraplaýyn duşuşyklary we gepleşikleri geçirdiler. Olaryň barşynda özara peýdaly gatnaşyklary giňeltmegiň mümkinçiliklerine garaldy. Daşary ýurtlaryň işewür toparlarynyň wekilleri Türkmenistanyň ägirt uly ykdysady mümkinçilikleri we sazlaşykly ösüş depgini hem-de hormatly Prezidentimiz Gurbanguly Berdimuhamedowyň durmuşa geçirýän “açyk gapylar” syýasaty bilen şertlendirilen türkmen bazyrynyň uly geljeginiň bardygyny bellediler.
Oňa Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky döwlet agentliginiň, “Türkmennebit” we “Türkmengaz” Döwlet konsernleriniň, şeýle hem Malaýziýanyň “Petronas Carigali Sdn. Bhd”, “Dragon OilPlc” anglo-arap, Hytaýyň “CNPC”, Italiýanyň “ENI S.P.A”, Awstriýanyň “MitroInternational Limited”, Germaniýanyň “RWE” ýaly dünýäde meşhur kompaniýalaryň ýolbaşçylary, hünärmenleri we beýlekiler gatnaşdylar. Onuň barşynda Türkmenistanyň nebitgaz senagatyny mundan beýläk-de ösdürmegiň we energetika pudagyndaky halkara hyzmatdaşlygyň geljekki ugurlary bilen baglanyşykly meseleleriň toplumy ara alnyp maslahatlaşyldy. Hazar deňziniň türkmen böleginiň geljegi uly hasaplanylýan toplumlaryny, deňizden uglewodorod serişdelerini almak babatda iri taslamalary durmuşa geçirmäge maýa goýumlary çekmek meselelerine aýratyn üns berildi.
Forumda bellenilişi ýaly, hormatly Prezidentimiz Gurbanguly Berdimuhamedowyň durmuşa geçirýän energetika syýasaty Türkmenistanyň ýangyç-energetika toplumynyň hemmetaraplaýyn ösdürilmegine, onuň diwersifikasiýa edilmegine we dünýä energiýa ulgamyna sazlaşykly goşulmagyna gönükdirilendir. Türkmen energiýa göterijilerini dünýä bazarlaryna eksport etmegiň ugurlaryny giňeltmek ägirt uly uglewodorod serişdeleriniň gorlaryna eýe bolan ýurdumyzyň energetika strategiýasynyň möhüm ugry bolup durýar. Bu bolsa Türkmenistanyň halkara energetika gatnaşyklarynda ygtybarly we uzakmöhletleýin hyzmatdaş derejesine eýe bolmagyny üpjün edýär.
Londonda geçirilen duşuşyga gatnaşyjylar nebitgaz pudagynda Türkmenistan bilen özara gatnaşyklaryň taslamalary, döwlet maýa goýum syýasatynyň giňişleýin maglumatlary, Türkmenistanyň hökümetiniň daşary ýurtly maýadarlary bilen hyzmatldaşlygy baradaky meýilnamalary we geljegi uly türkmen bazaryna täze hyzmatdaşlygyň çekilmeginiň ugurlary bilen tanyşdyryldy.
Bellenilişi ýaly, häzirki döwürde Türkmenistanda önümi paýlaşmak hakyndaky şertnamalar esasynda dürli ýurtlaryň köpsanly belli kompaniýalary üstünlikli iş alyp barýarlar. “Petronas”, “Dragon Oýl”, “CNPC” ýaly dünýä ykdysadyýetiniň binýatlaýyn puldaklary bolup durýan iri hyzmatdaşlaryň netijeli gatnaşyklary dünýäniň işewür toparlarynyň nebitgaz işewürlerine bolan gyzyklanmalarynyň barşynda Türkmenistanyň ägirt uly mümkinçiliklere eýediginiň aýdyň subutnamasydyr.
Hususan-da, Beýik Britaniýanyň paýtagtynda geçen forumda “Türkmennebit” döwlet konserniniň “Hazarnebit” nebit çykaryjy kärhananyň hünärmenleri bilen bilelikde iş alyp barýan “Buried Hill Energy”, “Gaffney, Cline&nd Associates”, “WP Eksploration” ýaly kompaniýalaryň top-menejmenti görkezildi. Hazar deňziniň türkmen ýalpagyndaky uglewodorodlary işläp taýýarlamak boýunça toplanylan tejribe we onuň geljegi barada gürrüň berýän tanyşdyryş çäreleri geçirildi.
“Türkmennebit” we “Türkmengaz” döwlet konsernleriniň ýolbaşçy düzümleriniň wekilleriniň, “Türkmengeologiýa” döwlet korporasiýasynyň, Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky Döwlet agentliginiň wekilleriniň, şeýle hem “Dragon Oýl (Türkmenistan) LTD”, “Peronas Çarigali Türkmenistan”, “CNPC internasional Türkmenistan” ýaly kompaniýalaryň wekilleriniň çykyşlary “Türkmenistanyň nebitgaz pudagy—maýa goýum üçin mümkinçilikler” atly foruma gatnaşyjylarda uly gyzyklanma döretdi. Daşary ýurtly işewürler öz çykyşlarynda Türkmenistanyň nebit we gaz ýataklaryny gözlemek, özleşdirmek we işläp taýýarlamak babatda birnäçe iri taslamalary ýerine ýetirip gazanan tejribeleri barada aýtdylar.
Forumyň jemini jemlemek bilen, oňa gatnaşyjylar bu ýerde geçirilen gepleşikleriň ýokary netijä eýe bolandygyny bellediler. Şu duşuşyk energetika pudagyndaky netijeli gatnaşyklary mundan beýläk-de giňeltmekde möhüm orun eýelär.
Forumyň çäklerinde türkmen wekiliýetleriň agzalary daşary ýurtlaryň nebit kompaniýalaryň ýolbaşçylary bilen ikitaraplaýyn duşuşyklary we gepleşikleri geçirdiler. Olaryň barşynda özara peýdaly gatnaşyklary giňeltmegiň mümkinçiliklerine garaldy. Daşary ýurtlaryň işewür toparlarynyň wekilleri Türkmenistanyň ägirt uly ykdysady mümkinçilikleri we sazlaşykly ösüş depgini hem-de hormatly Prezidentimiz Gurbanguly Berdimuhamedowyň durmuşa geçirýän “açyk gapylar” syýasaty bilen şertlendirilen türkmen bazyrynyň uly geljeginiň bardygyny bellediler.
