Türkmenistanyň Prezidenti Gurbanguly Berdimuhamedow Russiýa Federasiýasynyň Prezidenti Wladimir Putine Russiýanyň Workuta şäherindäki “Sewernaýa” kömür şahtasynda bolup geçen, köp sanly adam pidalaryna, şikes ýetmelerine getiren heläkçilikli hadysa zerarly gynanç hatyny iberdi.

Türkmen döwletiniň Baştutany Türkmenistanyň halkynyň we Hökümetiniň adyndan, şeýle hem hut öz adyndan gurban bolanlaryň dogan-garyndaşlaryna we ýakynlaryna ýürekden gynanjyny we medet beriji sözlerini, ejir çekenlere bolsa, tiz wagtda sagalmaklary baradaky sözlerini beýan etdi.