Mähriban halkym!
Eziz watandaşlar!
Sizi jemgyýetimizi jebislige we beýik ösüşlere ruhlandyrýan ajaýyp baýram — Türkmenistanyň Konstitusiýasynyň we Magtymguly Pyragynyň şygryýet güni bilen tüýs ýürekden gutlaýaryn. Bu umumymilli baýrama bagyşlanyp geçiriljek dabaralaryň berkarar Watanymyzyň kuwwatyny mundan beýläk-de artdyrmakda, beýik işleri amala aşyrmakda mähriban halkymyza ägirt uly gujur-gaýrat, çäksiz ylham berjekdigine berk ynanýaryn.
Şanly senelerimizi, toýdur baýramlarymyzy watansöýüjilik duýgusy, ajaýyp üstünlikler, belent sepgitler bilen garşy almak indi asylly däbe öwrüldi. Türkmenistanyň Konstitusiýasynyň we Magtymguly Pyragynyň şygryýet gününe döwürleriň we nesilleriň aýrylmaz baglanyşygyny, ynsanperwerligiň beýik gymmatlyklaryna, parahatçylyk hem-de döredijilik ýörelgelerine üýtgewsiz ygrarlydygymyzy alamatlandyrýan milli baýram hökmünde aýratyn sarpa goýulýar. Bu baýram mynasybetli ýurdumyzyň paýtagtynda, welaýat merkezlerinde, etraplarda, obadyr şäherlerimizde medeni-durmuş maksatly täze binalar açylyp, ulanmaga berilýär, ylmy-amaly maslahatlar geçirilýär, medeni-jemgyýetçilik çäreleri giňden ýaýbaňlandyrylýar. Mukaddes topragymyzda uludan tutulýan bu dabaralar Türkmenistanyň Konstitusiýasynyň we Magtymguly Pyragynyň şygryýet gününiň ähmiýetini has-da ýokarlandyrýar, bagtyýar halkymyzyň kalbynda hem-de ýüreginde eziz Diýarymyzyň şöhratly geçmişine, şu gününe bolan çäksiz buýsanç we guwanç duýgularyny artdyrýar.
Eziz watandaşlar!
Konstitusiýa Garaşsyzlygymyzyň we Bitaraplygymyzyň, berkararlygymyzyň hem-de bagtyýarlygymyzyň Esasy Kanunydyr. Konstitusiýa jemgyýetimiziň hem-de döwletimiziň gurluşynyň esasy ugurlaryny kesgitleýän örän möhüm resminamadyr. Esasy Kanunymyz parahatçylyk söýüjilik, ynsanperwerlik, döredijilik, adalatlylyk hakyndaky düşünjelerimizi, halklary birleşdirýän hem-de dostlukly gatnaşyklara ýardam berýän oňyn bitaraplyk ýörelgelerimizi özünde jemleýär. Baş Kanunymyz döwletimiziň syýasy, ykdysady, medeni, hukuk binýadynyň pugtalandyrylmagynda, adam hukuklarynyň hemmetaraplaýyn goralmagynda we berjaý edilmeginde, durmuş-ykdysady, hukuk özgertmelerimiziň üstünlikli durmuşa geçirilmeginde möhüm orny eýeleýär. Adamy jemgyýetiň we döwletiň esasy gymmatlygy hökmünde ykrar edýän Konstitusiýamyzyň kadalaryna hem-de ýörelgelerine laýyklykda syýasatda, ykdysadyýetde, durmuş-medeni ulgamlarda iri möçberli özgertmeler üstünlikli amala aşyrylýar. Kabul edilen milli maksatnamalarymyza, giň gerimli syýasy-jemgyýetçilik we durmuş-ykdysady özgertmelerimize laýyklykda, güneşli Diýarymyzyň şäherdir obalarynda senagat we durmuş maksatly desgalar, has oňaýly we ähli amatlyklary bolan ýaşaýyş jaýlary, myhmanhana toplumlary, dynç alyş we sagaldyş merkezleri, çagalar baglary, orta mekdepler, medeniýet öýleri, senagat kärhanalary we beýleki köp sanly döwrebap desgalar gurulýar, halkymyzyň ýaşaýyş-durmuş derejesini ýokarlandyrmak bilen bagly wezipeler üstünlikli durmuşa geçirilýär. Şunuň bilen birlikde, häzirki döwürde Esasy Kanunymyzy dünýä ülňülerine, döwrüň talabyna laýyk getirmek wezipeleri hem tapgyrma-tapgyr amala aşyrylýar, milli kanunçylygymyzyň binýady yzygiderli kämilleşdirilýär.
Türkmenistan Birleşen Milletler Guramasynyň Baş Assambleýasynyň kabul eden degişli Rezolýusiýasyny, halkara hukugynyň ýörelgelerini öz Esasy Kanunynda beýan eden dünýädäki ýeke-täk döwletdir. Biziň ýurdumyz dünýä bileleşiginiň doly hukukly agzasy hem-de Bitarap döwlet hökmünde parahatçylyk söýüjilik we ynsanperwerlik taglymatlaryny öňe sürýär, özara hormat goýmak we deňhukuklylyk esasynda iri halkara guramalaryň we düzümleriň çäklerinde, şeýle hem döwletara derejesinde netijeli halkara hyzmatdaşlygyň giňeldilmegine uly ähmiýet berýär. Biziň alyp barýan içeri we daşary syýasatymyz, durmuşa geçirýän milli maksatnamalarymyz, oňyn özgertmelerimiz Garaşsyz Watanymyzyň hem-de merdana halkymyzyň bagtyýar geljegini üpjün etmäge gönükdirilendir.
Mähriban halkym!
Eziz watandaşlar!
Akyldar şahyrymyz Magtymguly Pyragynyň bitewi döwletde agzybir ýaşamak hakyndaky arzuwlary biziň günlerimizde doly hasyl boldy. Merdana halkymyz ýokary depginler bilen ösýän berkarar döwletimizde abadan durmuşda ýaşaýar, döredýär, gurýar. Mähriban halkymyzyň erkana we bolelin durmuşda ýaşamagy üçin ähli şertler döredilýär. Türkmenistanyň Konstitusiýasynyň gününiň Magtymguly Pyragynyň şygryýet baýramy bilen sazlaşykly gelmegi bolsa akyldar şahyrymyzyň arzuwlan berkarar türkmen döwletinde halkymyzyň asuda, abadan we bagtyýar durmuşda ýaşaýandygyna aýdyň şaýatlyk edýär.
Sizi Türkmenistanyň Konstitusiýasynyň we Magtymguly Pyragynyň şygryýet güni bilen ýene-de bir gezek tüýs ýürekden gutlaýaryn. Siziň her biriňize berk jan saglyk, uzak ömür, bagtyýar durmuş, bedew bady bilen ynamly öňe barýan Garaşsyz, Bitarap Watanymyzyň mundan beýläk-de gülläp ösmegi ugrundaky alyp barýan işleriňizde uly üstünlikleri arzuw edýärin.
Türkmenistanyň Prezidenti
Gurbanguly Berdimuhamedow.
Eziz watandaşlar!
Sizi jemgyýetimizi jebislige we beýik ösüşlere ruhlandyrýan ajaýyp baýram — Türkmenistanyň Konstitusiýasynyň we Magtymguly Pyragynyň şygryýet güni bilen tüýs ýürekden gutlaýaryn. Bu umumymilli baýrama bagyşlanyp geçiriljek dabaralaryň berkarar Watanymyzyň kuwwatyny mundan beýläk-de artdyrmakda, beýik işleri amala aşyrmakda mähriban halkymyza ägirt uly gujur-gaýrat, çäksiz ylham berjekdigine berk ynanýaryn.
Şanly senelerimizi, toýdur baýramlarymyzy watansöýüjilik duýgusy, ajaýyp üstünlikler, belent sepgitler bilen garşy almak indi asylly däbe öwrüldi. Türkmenistanyň Konstitusiýasynyň we Magtymguly Pyragynyň şygryýet gününe döwürleriň we nesilleriň aýrylmaz baglanyşygyny, ynsanperwerligiň beýik gymmatlyklaryna, parahatçylyk hem-de döredijilik ýörelgelerine üýtgewsiz ygrarlydygymyzy alamatlandyrýan milli baýram hökmünde aýratyn sarpa goýulýar. Bu baýram mynasybetli ýurdumyzyň paýtagtynda, welaýat merkezlerinde, etraplarda, obadyr şäherlerimizde medeni-durmuş maksatly täze binalar açylyp, ulanmaga berilýär, ylmy-amaly maslahatlar geçirilýär, medeni-jemgyýetçilik çäreleri giňden ýaýbaňlandyrylýar. Mukaddes topragymyzda uludan tutulýan bu dabaralar Türkmenistanyň Konstitusiýasynyň we Magtymguly Pyragynyň şygryýet gününiň ähmiýetini has-da ýokarlandyrýar, bagtyýar halkymyzyň kalbynda hem-de ýüreginde eziz Diýarymyzyň şöhratly geçmişine, şu gününe bolan çäksiz buýsanç we guwanç duýgularyny artdyrýar.
Eziz watandaşlar!
Konstitusiýa Garaşsyzlygymyzyň we Bitaraplygymyzyň, berkararlygymyzyň hem-de bagtyýarlygymyzyň Esasy Kanunydyr. Konstitusiýa jemgyýetimiziň hem-de döwletimiziň gurluşynyň esasy ugurlaryny kesgitleýän örän möhüm resminamadyr. Esasy Kanunymyz parahatçylyk söýüjilik, ynsanperwerlik, döredijilik, adalatlylyk hakyndaky düşünjelerimizi, halklary birleşdirýän hem-de dostlukly gatnaşyklara ýardam berýän oňyn bitaraplyk ýörelgelerimizi özünde jemleýär. Baş Kanunymyz döwletimiziň syýasy, ykdysady, medeni, hukuk binýadynyň pugtalandyrylmagynda, adam hukuklarynyň hemmetaraplaýyn goralmagynda we berjaý edilmeginde, durmuş-ykdysady, hukuk özgertmelerimiziň üstünlikli durmuşa geçirilmeginde möhüm orny eýeleýär. Adamy jemgyýetiň we döwletiň esasy gymmatlygy hökmünde ykrar edýän Konstitusiýamyzyň kadalaryna hem-de ýörelgelerine laýyklykda syýasatda, ykdysadyýetde, durmuş-medeni ulgamlarda iri möçberli özgertmeler üstünlikli amala aşyrylýar. Kabul edilen milli maksatnamalarymyza, giň gerimli syýasy-jemgyýetçilik we durmuş-ykdysady özgertmelerimize laýyklykda, güneşli Diýarymyzyň şäherdir obalarynda senagat we durmuş maksatly desgalar, has oňaýly we ähli amatlyklary bolan ýaşaýyş jaýlary, myhmanhana toplumlary, dynç alyş we sagaldyş merkezleri, çagalar baglary, orta mekdepler, medeniýet öýleri, senagat kärhanalary we beýleki köp sanly döwrebap desgalar gurulýar, halkymyzyň ýaşaýyş-durmuş derejesini ýokarlandyrmak bilen bagly wezipeler üstünlikli durmuşa geçirilýär. Şunuň bilen birlikde, häzirki döwürde Esasy Kanunymyzy dünýä ülňülerine, döwrüň talabyna laýyk getirmek wezipeleri hem tapgyrma-tapgyr amala aşyrylýar, milli kanunçylygymyzyň binýady yzygiderli kämilleşdirilýär.
Türkmenistan Birleşen Milletler Guramasynyň Baş Assambleýasynyň kabul eden degişli Rezolýusiýasyny, halkara hukugynyň ýörelgelerini öz Esasy Kanunynda beýan eden dünýädäki ýeke-täk döwletdir. Biziň ýurdumyz dünýä bileleşiginiň doly hukukly agzasy hem-de Bitarap döwlet hökmünde parahatçylyk söýüjilik we ynsanperwerlik taglymatlaryny öňe sürýär, özara hormat goýmak we deňhukuklylyk esasynda iri halkara guramalaryň we düzümleriň çäklerinde, şeýle hem döwletara derejesinde netijeli halkara hyzmatdaşlygyň giňeldilmegine uly ähmiýet berýär. Biziň alyp barýan içeri we daşary syýasatymyz, durmuşa geçirýän milli maksatnamalarymyz, oňyn özgertmelerimiz Garaşsyz Watanymyzyň hem-de merdana halkymyzyň bagtyýar geljegini üpjün etmäge gönükdirilendir.
Mähriban halkym!
Eziz watandaşlar!
Akyldar şahyrymyz Magtymguly Pyragynyň bitewi döwletde agzybir ýaşamak hakyndaky arzuwlary biziň günlerimizde doly hasyl boldy. Merdana halkymyz ýokary depginler bilen ösýän berkarar döwletimizde abadan durmuşda ýaşaýar, döredýär, gurýar. Mähriban halkymyzyň erkana we bolelin durmuşda ýaşamagy üçin ähli şertler döredilýär. Türkmenistanyň Konstitusiýasynyň gününiň Magtymguly Pyragynyň şygryýet baýramy bilen sazlaşykly gelmegi bolsa akyldar şahyrymyzyň arzuwlan berkarar türkmen döwletinde halkymyzyň asuda, abadan we bagtyýar durmuşda ýaşaýandygyna aýdyň şaýatlyk edýär.
Sizi Türkmenistanyň Konstitusiýasynyň we Magtymguly Pyragynyň şygryýet güni bilen ýene-de bir gezek tüýs ýürekden gutlaýaryn. Siziň her biriňize berk jan saglyk, uzak ömür, bagtyýar durmuş, bedew bady bilen ynamly öňe barýan Garaşsyz, Bitarap Watanymyzyň mundan beýläk-de gülläp ösmegi ugrundaky alyp barýan işleriňizde uly üstünlikleri arzuw edýärin.
Türkmenistanyň Prezidenti
Gurbanguly Berdimuhamedow.