Türkmenistanda saýlawlary we sala salşyklary geçirmek baradaky Merkezi toparyň mejlisi geçirildi. Onda möhletinden öň çykyp giden Mejlisiň deputatlarynyň, Halk maslahatlarynyň we Geňeşleriň agzalarynyň ýerine birnäçe okruglar boýunça geçirilen saýlawlaryň gutarnykly netijeleri jemlendi. Oňa Merkezi saýlaw toparynyň agzalary, Merkezi saýlaw toparynyň ýanynda döredilen iş toparlarynyň wekilleri, milli synçylar, köpçülikleýin habar beriş serişdeleriniň wekilleri gatnaşdylar.
Mejlisiň barşynda nygtalyşy ýaly, bäsdeşlik, aýanlyk we açyklyk ýörelgelerinde geçirilen saýlawlar Türkmenistanyň ösüşiň demokratik ýoluna hem-de döwletiň we jemgyýetimiziň durmuşynyň ähli ulgamlarynda hormatly Prezidentimiz Gurbanguly Berdimuhamedow tarapyndan başy başlanan ösüşlere beslenen özgertmeler ugruna ygrarlydygynyň nobatdaky ajaýyp subutnamasyna öwrüldi.
Saýlawçylaryň ýokary işjeňligi bellenildi, saýlaw okruglarynyň ýedisi boýunça Mejlisiň deputatlygyna saýlawlara sanawa girizilen saýlawçylaryň 92,12 göterimi gatnaşdy.
Saýlanan deputatlary Merkezi saýlaw toparynda degişlilikde, Aşgabat şäheriniň saýlaw okruglary boýunça: 5-nji “Parahatçylyk” okrugy boýunça — G.Tagandurdyýewany, 7-nji “Güneş” saýlaw okrugy boýunça — Ý.Gurbannazarowany; Lebap welaýatynyň saýlaw okruglary boýunça: 74-nji “Zergär” saýlaw okrugy boýunça — S.Tagandurdyýewany, 81-nji “Amul” saýlaw okrugy boýunça — Ö. Enermyradowy, 91-nji “Hojambaz” saýlaw okrugy boýunça — K.Abaýewi, Mary welaýatynyň saýlaw okruglary boýunça: 99-njy “Kemine” saýlaw okrugy boýunça — S.Taganowy, 103-nji “Zarpçy” saýlaw okrugy boýunça — K.Gurbanowy hasaba aldylar.
Milli parlamentiň gaýtadan saýlanan deputatlaryna şahadatnamalar gowşuryldy. Şu pursatdan başlap, olar ýurdumyzyň ýokary kanunçykaryjylyk edarasynda halkyň doly hukukly wekilleri bolup durýar.
Welaýat halk maslahatlarynyň agzalygyna saýlawlara saýlawçylaryň umumy sanynyň 91,74 göterimi, etrap we şäher halk maslahatlarynyň agzalygyna — 91,66 göterimi, Geňeşleriň agzalygyna — 90,97 göterimi gatnaşdylar.
Balkan welaýatynyň Türkmenbaşy etrabynyň Garabogaz şäheriniň Geňeşleriniň agzalary üçin saýlawçylaryň 91,14 göterimi ses berdi.
Halk häkimiýetiniň wekilçilikli edaralarynyň her mandatyna iki we ondan köp dalaşgärleriň bäsleşmegi saýlawlaryň demokratiýalylygynyň hem-de bäsdeşliliginiň ýokary derejesine aýdyň şaýatlyk edýär.
Halkyň saýlanlarynyň köpüsi bilim, saglygy goraýyş ulgamlarynyň, döwlet häkimiýet we dolandyryş edaralarynyň işgärleri, oba zähmetkeşleri, halk hojalygynyň dürli pudaklarynyň tejribeli hünärmenleri, syýasy partiýalaryň agzalary, jemgyýetçilik guramalarynyň we birleşikleriniň işjeňleridir.
Merkezi saýlaw toparynyň mejlisiniň barşynda hemme saýlaw okruglary boýunça saýlawlaryň geçişine gözegçiligi amala aşyran milli synçylaryň işlerini işjeň alyp barandygy bellenildi. Synçylar saýlaw toparlarynyň mejlislerine, saýlaw gutulary möhürlenen mahaly gatnaşdylar, ses berlişigiň başlanmagynyň öňýanynda, onuň barşynda, sesler sanalanda, şeýle hem okrug boýunça saýlawlaryň netijeleri kesgitlenende hem-de umumy netijeler jemlenilende saýlaw uçastoklarynda boldular.
Ähli saýlaw uçastoklarynyň aragatnaşygyň häzirki zaman serişdeleri bilen enjamlaşdyrylmagy netijesinde, maglumatlaryň işlenilmegi we Türkmenistanda Saýlawlary we sala salşyklary geçirmek baradaky Merkezi topara iberilmegi dessine amala aşyryldy. Saýlawlaryň bütin gününiň dowamynda ses berlişigiň netijeleri telewideniýäniň we radionyň ýaýlymlary boýunça beýan edildi.
Merkezi saýlaw toparynyň mejlisinde halk maslahatlarynyň we Geňeşleriň gaýtadan saýlanan agzalarynyň sanawyna garaldy we ol tassyklandy. Olar hereket edýän milli kanunçylygyň düzgünlerine laýyklykda ýakyn günlerde ýerli metbugatda çap ediler.
Mejlisiň ahyrynda oňa gatnaşyjylar saýlawlaryň ýokary guramaçylyk derejesinde, ýurdumyzda hereket edýän kanunçylyga hem-de halkara hukugynyň umumy kabul edilen kadalaryna laýyklykda geçirilendigini nygtadylar.
Şeýlelikde, milli parlamentiň gaýtadan saýlanan deputatlarynyň, halk maslahatlarynyň we Geňeşleriň gaýtadan saýlanan agzalarynyň öňünde wajyp wezipe — ýurdumyzda amala aşyrylýan ösüşlere beslenen özgertmeleriň we ösüşiň toplumlaýyn maksatnamalarynyň işjeň wagyzçysy bolmak wezipesi durýar. Döwlet Baştutanymyzyň öz çykyşlarynda nygtaýşy ýaly, döwletimiziň mundan beýläkki rowaçlygyna we gülläp ösüşine, türkmenistanlylaryň hal-ýagdaýynyň ýokarlandyrylmagyna gönükdirilen iri möçberli özgermeleriň üstünlikli durmuşa geçirilmegi köp babatda Türkmenistanyň iň uzakdaky şäherçelerini we obalaryny gurşap alan özgertmeleriň netijeliligine baglydyr.
Bir söz bilen aýdylanda, ildeşlerimiziň bildiren ynamy üçin jogapkärçilik ýokarydyr. Halkyň saýlanlary anyk işleri bilen şol ynama hötde gelmeli bolar.
Merkezi saýlaw toparynyň mejlisinde beýleki guramaçylyk meseleleriň hem birnäçesine garalyp, olar boýunça degişli çözgütler kabul edildi.
Mejlisiň barşynda nygtalyşy ýaly, bäsdeşlik, aýanlyk we açyklyk ýörelgelerinde geçirilen saýlawlar Türkmenistanyň ösüşiň demokratik ýoluna hem-de döwletiň we jemgyýetimiziň durmuşynyň ähli ulgamlarynda hormatly Prezidentimiz Gurbanguly Berdimuhamedow tarapyndan başy başlanan ösüşlere beslenen özgertmeler ugruna ygrarlydygynyň nobatdaky ajaýyp subutnamasyna öwrüldi.
Saýlawçylaryň ýokary işjeňligi bellenildi, saýlaw okruglarynyň ýedisi boýunça Mejlisiň deputatlygyna saýlawlara sanawa girizilen saýlawçylaryň 92,12 göterimi gatnaşdy.
Saýlanan deputatlary Merkezi saýlaw toparynda degişlilikde, Aşgabat şäheriniň saýlaw okruglary boýunça: 5-nji “Parahatçylyk” okrugy boýunça — G.Tagandurdyýewany, 7-nji “Güneş” saýlaw okrugy boýunça — Ý.Gurbannazarowany; Lebap welaýatynyň saýlaw okruglary boýunça: 74-nji “Zergär” saýlaw okrugy boýunça — S.Tagandurdyýewany, 81-nji “Amul” saýlaw okrugy boýunça — Ö. Enermyradowy, 91-nji “Hojambaz” saýlaw okrugy boýunça — K.Abaýewi, Mary welaýatynyň saýlaw okruglary boýunça: 99-njy “Kemine” saýlaw okrugy boýunça — S.Taganowy, 103-nji “Zarpçy” saýlaw okrugy boýunça — K.Gurbanowy hasaba aldylar.
Milli parlamentiň gaýtadan saýlanan deputatlaryna şahadatnamalar gowşuryldy. Şu pursatdan başlap, olar ýurdumyzyň ýokary kanunçykaryjylyk edarasynda halkyň doly hukukly wekilleri bolup durýar.
Welaýat halk maslahatlarynyň agzalygyna saýlawlara saýlawçylaryň umumy sanynyň 91,74 göterimi, etrap we şäher halk maslahatlarynyň agzalygyna — 91,66 göterimi, Geňeşleriň agzalygyna — 90,97 göterimi gatnaşdylar.
Balkan welaýatynyň Türkmenbaşy etrabynyň Garabogaz şäheriniň Geňeşleriniň agzalary üçin saýlawçylaryň 91,14 göterimi ses berdi.
Halk häkimiýetiniň wekilçilikli edaralarynyň her mandatyna iki we ondan köp dalaşgärleriň bäsleşmegi saýlawlaryň demokratiýalylygynyň hem-de bäsdeşliliginiň ýokary derejesine aýdyň şaýatlyk edýär.
Halkyň saýlanlarynyň köpüsi bilim, saglygy goraýyş ulgamlarynyň, döwlet häkimiýet we dolandyryş edaralarynyň işgärleri, oba zähmetkeşleri, halk hojalygynyň dürli pudaklarynyň tejribeli hünärmenleri, syýasy partiýalaryň agzalary, jemgyýetçilik guramalarynyň we birleşikleriniň işjeňleridir.
Merkezi saýlaw toparynyň mejlisiniň barşynda hemme saýlaw okruglary boýunça saýlawlaryň geçişine gözegçiligi amala aşyran milli synçylaryň işlerini işjeň alyp barandygy bellenildi. Synçylar saýlaw toparlarynyň mejlislerine, saýlaw gutulary möhürlenen mahaly gatnaşdylar, ses berlişigiň başlanmagynyň öňýanynda, onuň barşynda, sesler sanalanda, şeýle hem okrug boýunça saýlawlaryň netijeleri kesgitlenende hem-de umumy netijeler jemlenilende saýlaw uçastoklarynda boldular.
Ähli saýlaw uçastoklarynyň aragatnaşygyň häzirki zaman serişdeleri bilen enjamlaşdyrylmagy netijesinde, maglumatlaryň işlenilmegi we Türkmenistanda Saýlawlary we sala salşyklary geçirmek baradaky Merkezi topara iberilmegi dessine amala aşyryldy. Saýlawlaryň bütin gününiň dowamynda ses berlişigiň netijeleri telewideniýäniň we radionyň ýaýlymlary boýunça beýan edildi.
Merkezi saýlaw toparynyň mejlisinde halk maslahatlarynyň we Geňeşleriň gaýtadan saýlanan agzalarynyň sanawyna garaldy we ol tassyklandy. Olar hereket edýän milli kanunçylygyň düzgünlerine laýyklykda ýakyn günlerde ýerli metbugatda çap ediler.
Mejlisiň ahyrynda oňa gatnaşyjylar saýlawlaryň ýokary guramaçylyk derejesinde, ýurdumyzda hereket edýän kanunçylyga hem-de halkara hukugynyň umumy kabul edilen kadalaryna laýyklykda geçirilendigini nygtadylar.
Şeýlelikde, milli parlamentiň gaýtadan saýlanan deputatlarynyň, halk maslahatlarynyň we Geňeşleriň gaýtadan saýlanan agzalarynyň öňünde wajyp wezipe — ýurdumyzda amala aşyrylýan ösüşlere beslenen özgertmeleriň we ösüşiň toplumlaýyn maksatnamalarynyň işjeň wagyzçysy bolmak wezipesi durýar. Döwlet Baştutanymyzyň öz çykyşlarynda nygtaýşy ýaly, döwletimiziň mundan beýläkki rowaçlygyna we gülläp ösüşine, türkmenistanlylaryň hal-ýagdaýynyň ýokarlandyrylmagyna gönükdirilen iri möçberli özgermeleriň üstünlikli durmuşa geçirilmegi köp babatda Türkmenistanyň iň uzakdaky şäherçelerini we obalaryny gurşap alan özgertmeleriň netijeliligine baglydyr.
Bir söz bilen aýdylanda, ildeşlerimiziň bildiren ynamy üçin jogapkärçilik ýokarydyr. Halkyň saýlanlary anyk işleri bilen şol ynama hötde gelmeli bolar.
Merkezi saýlaw toparynyň mejlisinde beýleki guramaçylyk meseleleriň hem birnäçesine garalyp, olar boýunça degişli çözgütler kabul edildi.