Hormatly harby deňizçiler!
Sizi Mirasa sarpa goýmak, Watany özgertmek ýylynda ýurdumyzda uly dabara bilen bellenýän Türkmenistanyň Harby-Deňiz Güýçleriniň güni mynasybetli tüýs ýürekden gutlaýaryn!
Türkmenistanyň Harby-Deňiz Güýçleriniň gününiň döredilmegi mukaddes Garaşsyzlygymyzyň ajaýyp miwesidir. Bu baýram ýurdumyzyň Harby-Deňiz güýçleriniň harby gullukçylarynyň Garaşsyz Watanymyzyň deňiz çäkleriniň bitewüligini gorap saklamakda, ýurdumyzyň we halkymyzyň howpsuzlygyny üpjün etmekde hem-de Birleşen Milletler Guramasy tarapyndan ykrar edilen Türkmenistanyň Bitaraplyk hukuk ýagdaýyndan gelip çykýan hukuklaryny we borçlaryny berjaý etmekde, dünýä döwletleri bilen parahatçylykly we dostlukly ýaşamak syýasatyny amala aşyrmakda bitirýän hyzmatlary göz öňünde tutulyp döredildi.
Türkmenistanyň Harby-Deňiz Güýçleri geljekde hem Türkmenistanyň parahatçylyk söýüjilige eýerýän syýasatynyň we Hazar deňziniň asudalygynyň ygtybarly kepili bolmalydyr.
Hormatly Watan goragçylary!
Berkarar döwletimiziň bagtyýarlyk döwründe harby deňizçileriň ýaşaýyş-durmuş, gulluk we iş şertleri yzygiderli gowulanýar. Türkmenistanyň Ýaragly Güýçleriniň ähli goşun görnüşleri bilen bir hatarda, ýurdumyzyň Harby-Deňiz Güýçleriniň maddy-enjamlaýyn binýady barha pugtalanýar, dünýäniň iň kämil tehnikalary we enjamlary, gämileri satyn alynýar.
Deňizçi harby gullukçylaryň söweşjeň we ynsanperwer taýýarlygy ýokarlanýar. Ýurdumyzyň Harby-Deňiz Güýçleriniň harby kuwwatynyň we deňizçi harby gullukçylarynyň söweşjeň ussatlygynyň özboluşly gözden geçirilişine öwrülen «Hazar—2016» atly görkezme söweşjeň taktiki tälimi hem muňa aýdyň şaýatlyk edýär. Biz geljekde hem ýurdumyzyň Harby-Deňiz Güýçleriniň maddy-enjamlaýyn binýadyny pugtalandyrmaga, deňizçi harby gullukçylaryň harby hünär ussatlygyny ýokarlandyrmaga, deňiz çäklerimiziň howpsuzlygyny we bitewüligini üpjün etmäge aýratyn üns bereris.
Goranyş häsiýetli Harby doktrinamyza laýyklykda, Türkmenistanyň harby howpsuzlygyny üpjün etmek döwletimiziň alyp barýan syýasatynyň örän möhüm ugry bolup durýar. Şonuň üçin hem Bitarap Watanymyzyň taryhynda ilkinji gezek Türkmenistanyň Ýaragly Güýçleriniň Harby-Deňiz Güýçleriniň serkerdeligi döredildi. Ýurdumyzyň deňiz serhedini ygtybarly goramak, şeýle hem Türkmenistanyň Goranmak ministrliginiň we Türkmenistanyň Döwlet serhet gullugynyň harby gämileri üçin ýokary harby taýýarlykly deňizçi hünärmenleri taýýarlamak maksady bilen, Türkmenistanyň Goranmak ministrliginiň Harby-deňiz instituty hem-de onuň binýadynda Ýöriteleşdirilen harby-deňiz mekdebi döredildi. 2015-nji ýylyň 9-njy oktýabrynda Türkmenistanyň Harby-Deňiz Güýçleriniň güni mynasybetli bu ýokary harby okuw mekdebiniň dünýä ülňülerine laýyk gelýän täze binalar toplumy gurlup, ulanmaga berildi.
Ýurdumyzyň bu ýokary harby okuw mekdebinde okuw-terbiýeçilik işleri hemişe döwrüň ösen talaplaryna laýyklykda alnyp barylmalydyr. Harby-deňiz institutynda bilim alan deňizçi harby gullukçylarymyz ýurdumyzyň deňiz çäklerini ygtybarly goramalydyrlar.
Merdana deňizçi harby gullukçylar!
Siz geljekde hem harby gullugy Garaşsyz, hemişelik Bitarap Türkmenistanyň Harby doktrinasyna laýyklykda alyp barmalysyňyz, ata Watany goramak borjuny ähli zatdan belentde goýmalysyňyz, deňiz çäklerimizde Watanymyzyň, halkymyzyň polat galkany, sarsmaz galasy bolmalysyňyz hem-de Hazar deňzindäki serhedimizde parahatçylygy we howpsuzlygy yzygiderli üpjün edip, türkmen deňizçileriniň şöhratly däplerini mynasyp dowam etdirmelisiňiz!
Hazar deňzi bilen baglanyşykly meseleler Türkmenistanyň daşary syýasy strategiýasynda örän wajyp orny eýeleýär. Türkmenistan mundan beýläk hem Hazar deňziniň ekologiki abadançylygyny üpjün etmäge, biologiki köpdürlüligini saklamaga we onuň baý uglewodorod gorlaryny oýlanyşykly ulanmaga, parahatçylykly, dostlukly, hoşniýetli goňşuçylyk gatnaşyklarynyň we netijeli hyzmatdaşlygyň deňzi hökmünde onuň hukuk ýagdaýynyň berkidilmegine gönükdirilen yzygiderli işleri dowam etdirer. Bu ugurda hoşniýetli goňşuçylyk gatnaşyklaryndan, birek-birege hormat goýmak we deňhukukly hyzmatdaşlyk etmek ýörelgelerinden gelip çykýan wezipeleri durmuşa geçirmek siziň mukaddes borjuňyzdyr. Siziň bu jogapkärli we asylly borja abraý bilen hötde geljekdigiňize berk ynanýaryn!
Hormatly harby deňizçiler!
Sizi Türkmenistanyň Harby-Deňiz Güýçleriniň güni bilen ýene-de bir gezek tüýs ýürekden gutlaýaryn! Siziň ähliňize berk jan saglyk, maşgala abadançylygyny, egsilmez bagt, mukaddes harby gullugyňyzda uly üstünlikleri arzuw edýärin!
Türkmenistanyň Prezidenti,
Türkmenistanyň Ýaragly Güýçleriniň Belent Serkerdebaşysy
Gurbanguly Berdimuhamedow
Sizi Mirasa sarpa goýmak, Watany özgertmek ýylynda ýurdumyzda uly dabara bilen bellenýän Türkmenistanyň Harby-Deňiz Güýçleriniň güni mynasybetli tüýs ýürekden gutlaýaryn!
Türkmenistanyň Harby-Deňiz Güýçleriniň gününiň döredilmegi mukaddes Garaşsyzlygymyzyň ajaýyp miwesidir. Bu baýram ýurdumyzyň Harby-Deňiz güýçleriniň harby gullukçylarynyň Garaşsyz Watanymyzyň deňiz çäkleriniň bitewüligini gorap saklamakda, ýurdumyzyň we halkymyzyň howpsuzlygyny üpjün etmekde hem-de Birleşen Milletler Guramasy tarapyndan ykrar edilen Türkmenistanyň Bitaraplyk hukuk ýagdaýyndan gelip çykýan hukuklaryny we borçlaryny berjaý etmekde, dünýä döwletleri bilen parahatçylykly we dostlukly ýaşamak syýasatyny amala aşyrmakda bitirýän hyzmatlary göz öňünde tutulyp döredildi.
Türkmenistanyň Harby-Deňiz Güýçleri geljekde hem Türkmenistanyň parahatçylyk söýüjilige eýerýän syýasatynyň we Hazar deňziniň asudalygynyň ygtybarly kepili bolmalydyr.
Hormatly Watan goragçylary!
Berkarar döwletimiziň bagtyýarlyk döwründe harby deňizçileriň ýaşaýyş-durmuş, gulluk we iş şertleri yzygiderli gowulanýar. Türkmenistanyň Ýaragly Güýçleriniň ähli goşun görnüşleri bilen bir hatarda, ýurdumyzyň Harby-Deňiz Güýçleriniň maddy-enjamlaýyn binýady barha pugtalanýar, dünýäniň iň kämil tehnikalary we enjamlary, gämileri satyn alynýar.
Deňizçi harby gullukçylaryň söweşjeň we ynsanperwer taýýarlygy ýokarlanýar. Ýurdumyzyň Harby-Deňiz Güýçleriniň harby kuwwatynyň we deňizçi harby gullukçylarynyň söweşjeň ussatlygynyň özboluşly gözden geçirilişine öwrülen «Hazar—2016» atly görkezme söweşjeň taktiki tälimi hem muňa aýdyň şaýatlyk edýär. Biz geljekde hem ýurdumyzyň Harby-Deňiz Güýçleriniň maddy-enjamlaýyn binýadyny pugtalandyrmaga, deňizçi harby gullukçylaryň harby hünär ussatlygyny ýokarlandyrmaga, deňiz çäklerimiziň howpsuzlygyny we bitewüligini üpjün etmäge aýratyn üns bereris.
Goranyş häsiýetli Harby doktrinamyza laýyklykda, Türkmenistanyň harby howpsuzlygyny üpjün etmek döwletimiziň alyp barýan syýasatynyň örän möhüm ugry bolup durýar. Şonuň üçin hem Bitarap Watanymyzyň taryhynda ilkinji gezek Türkmenistanyň Ýaragly Güýçleriniň Harby-Deňiz Güýçleriniň serkerdeligi döredildi. Ýurdumyzyň deňiz serhedini ygtybarly goramak, şeýle hem Türkmenistanyň Goranmak ministrliginiň we Türkmenistanyň Döwlet serhet gullugynyň harby gämileri üçin ýokary harby taýýarlykly deňizçi hünärmenleri taýýarlamak maksady bilen, Türkmenistanyň Goranmak ministrliginiň Harby-deňiz instituty hem-de onuň binýadynda Ýöriteleşdirilen harby-deňiz mekdebi döredildi. 2015-nji ýylyň 9-njy oktýabrynda Türkmenistanyň Harby-Deňiz Güýçleriniň güni mynasybetli bu ýokary harby okuw mekdebiniň dünýä ülňülerine laýyk gelýän täze binalar toplumy gurlup, ulanmaga berildi.
Ýurdumyzyň bu ýokary harby okuw mekdebinde okuw-terbiýeçilik işleri hemişe döwrüň ösen talaplaryna laýyklykda alnyp barylmalydyr. Harby-deňiz institutynda bilim alan deňizçi harby gullukçylarymyz ýurdumyzyň deňiz çäklerini ygtybarly goramalydyrlar.
Merdana deňizçi harby gullukçylar!
Siz geljekde hem harby gullugy Garaşsyz, hemişelik Bitarap Türkmenistanyň Harby doktrinasyna laýyklykda alyp barmalysyňyz, ata Watany goramak borjuny ähli zatdan belentde goýmalysyňyz, deňiz çäklerimizde Watanymyzyň, halkymyzyň polat galkany, sarsmaz galasy bolmalysyňyz hem-de Hazar deňzindäki serhedimizde parahatçylygy we howpsuzlygy yzygiderli üpjün edip, türkmen deňizçileriniň şöhratly däplerini mynasyp dowam etdirmelisiňiz!
Hazar deňzi bilen baglanyşykly meseleler Türkmenistanyň daşary syýasy strategiýasynda örän wajyp orny eýeleýär. Türkmenistan mundan beýläk hem Hazar deňziniň ekologiki abadançylygyny üpjün etmäge, biologiki köpdürlüligini saklamaga we onuň baý uglewodorod gorlaryny oýlanyşykly ulanmaga, parahatçylykly, dostlukly, hoşniýetli goňşuçylyk gatnaşyklarynyň we netijeli hyzmatdaşlygyň deňzi hökmünde onuň hukuk ýagdaýynyň berkidilmegine gönükdirilen yzygiderli işleri dowam etdirer. Bu ugurda hoşniýetli goňşuçylyk gatnaşyklaryndan, birek-birege hormat goýmak we deňhukukly hyzmatdaşlyk etmek ýörelgelerinden gelip çykýan wezipeleri durmuşa geçirmek siziň mukaddes borjuňyzdyr. Siziň bu jogapkärli we asylly borja abraý bilen hötde geljekdigiňize berk ynanýaryn!
Hormatly harby deňizçiler!
Sizi Türkmenistanyň Harby-Deňiz Güýçleriniň güni bilen ýene-de bir gezek tüýs ýürekden gutlaýaryn! Siziň ähliňize berk jan saglyk, maşgala abadançylygyny, egsilmez bagt, mukaddes harby gullugyňyzda uly üstünlikleri arzuw edýärin!
Türkmenistanyň Prezidenti,
Türkmenistanyň Ýaragly Güýçleriniň Belent Serkerdebaşysy
Gurbanguly Berdimuhamedow