Geçen hepde döwlet ähmiýetli wakalaryň birnäçesini öz içine alyp, Türkmenistanyň ösüşiň we rowaçlygyň ýoly bilen ynamly gadam urmagynyň täze subutnamalaryny şöhlelendirdi. Paýtagtymyzda we ýurdumyzyň welaýatlarynda ýaýbaňlandyrylan gurluşygyň, toplumlaýyn senagatlaşdyrmagyň deňi-taýy bolmadyk gerimi hormatly Prezidentimiz Gurbanguly Berdimuhamedowyň başyny başlan, ýurdumyzy durmuş-ykdysady taýdan ösdürmegiň giň gerimli maksatnamalary bilen şertlendirilendir.
16—17-nji ýanwarda döwlet Baştutanymyz Balkan welaýatyna iş saparyny amala aşyryp, bu ýerde örän iri hem-de milli ykdysadyýetimiz üçin strategiki ähmiýetli desgalarda gurluşyk işleriniň barşy bilen tanyşdy.
Hormatly Prezidentimiz Garabogaz şäherinde bina edilýän karbamid önümçiligi boýunça zawodyň gurluşyk meýdançasyna baryp gördi.
Örän baý çig mal serişdelerine eýe bolmagy ýurdumyza ýod, brom hem-de beýleki himiýa önümleriniň köp görnüşlerini öndürijileriň iň irileriniň hatarynda orun almaga mümkinçilik berýär. Bu babatda örän gymmatly himiýa düzümleriniň täsin çeşmesi bolan Garabogazda bu zawodyň gurulmagy Türkmenistanyň senagat taýdan ösen döwlet hökmünde mynasyp orun almagynyň ýolunda ýene bir uly ädimdir. Garabogaz aýlagynyň “altyn düýbi” sulfat senagaty üçin çig mal bolup hyzmat edýär.
Zawodyň gurluşygyna ABŞ-nyň 1 milliard 571 million dollary gönükdirildi. Bu ýerde täze iş orunlarynyň 900-e golaýy dörediler. Bu önümçilikde başlangyç çig maly hökmünde tebigy gaz peýdalanylar.
Zawodda her ýylda ýokary hilli karbamidiň 1 million 155 müň tonnasy hem-de 640 müň tonna ammiak öndüriler. Olaryň aglaba bölegi eksporta iberiler. Şeýle hem taslamada durmuş maksatly desgalaryň birnäçesini, şol sanda 3 müň 500 adam üçin niýetlenen ýaşaýyş jaý toplumyny gurmak bellenildi. Zawody 2018-nji ýylyň sentýabrynda ulanmaga bermek göz öňünde tutulýar.
Kärhananyň işe girizilmegi netijesinde Türkmenistanyň himiýa senagatynyň kuwwatlyklary köp esse artdyrylar. Bu bolsa, öz nobatynda, pudagyň eksport mümkinçilikleriniň artmagyna getirer. Eýýäm häzirki wagtda öňdebaryjy kompaniýalar täze kärhanada öndüriljek karbamid dökünlerini satyn almaga uly gyzyklanma bildirýärler. Zawodyň ammarlaryndan karbamid dökünleri germetik konweýerlerde deňiz portuna ugradylar, ol ýerden bolsa Hazar deňzi boýunça daşary ýurtlara gämiler arkaly iberiler.
Şeýle hem Türkmenistanyň Prezidenti Gyýanly şäherçesinde tebigy gazy gaýtadan işlemek hem-de polietilen hem-de polipropilen önümçiligi boýunça gazhimiýa toplumynyň gurluşygy bilen tanyşdy.
Umumy bahasy ABŞ-nyň 3,4 milliard dollaryndan gowrak bolan kärhana ýylda 5 milliard kub metr tebigy gazy gaýtadan işlemäge hem-de 386 müň tonna polietilen we 81 müň tonna polipropilen öndürmäge ukyply bolar. Zawod dünýä bazarynda uly isleg bildirilýän önümleriň köp sanlysyny çykarar, olar bolsa ownuk-uşak zatlardan başlap, uçarlara çenli öndürmekde ulanylýar. 2018-nji ýylyň sentýabrynda ulanmaga bermek göz öňünde tutulan desganyň işe girizilmegi bilen, 1 müň 200-e golaý iş orunlary dörediler.
Gyýanlyda gurulýan toplum daşky gurşaw üçin zyýansyzdyr, bu onuň möhüm aýratynlygy bolup durýar. Bu bolsa öz nobatynda ekologiýa taýdan arassa önümleri öndürmek üçin şert döredýär. Ahal welaýatynda tebigy gazdan benzin öndürmek boýunça zawodyň gurluşygyna hem şu nukdaýnazardan seretmek gerek. Ýakyn geljekde biz şeýle gazhimiýa toplumlarynyň birnäçesiniň gurluşygyna hem badalga bereris diýip, döwlet Baştutanymyz belledi. Tebigy gazy toplumlaýyn gaýtadan we çuňňur işlemegi, ony gaýtadan işlemek arkaly alnan önümleriň eksportuny artdyrmagy göz öňünde tutmak bilen, Türkmenistan diňe bir tebigy gaz we nebit ýaly ilkinji energiýa serişdeleriniň bazarynda öz tutýan ornuny pugtalandyrmak bilen çäklenmän, gymmat bahaly polimer önümleriniň bazarynda hem özüniň mynasyp ornuny eýelär.
Şeýle hem hormatly Prezidentimiz Türkmenbaşy şäheriniň täze Halkara deňiz menziliniň gurluşygynyň barşy bilen tanyşdy, desga ýurdumyzy toplumlaýyn senagatlaşdyrmagyň möhüm bölegi bolup durýar.
Port menziliniň umumy uzynlygy 3 müň 800 metre barabar bolar.
Täze portuň her ýyldaky geçirijilik ukyby 17—18 million tonna deňdir. Bu görkeziji ozal hereket edýän port bilen bilelikde 25—26 million tonna çenli artar. Taslamanyň bahasy ABŞ-nyň 1,5 milliard dollaryndan gowrakdyr. Taslamanyň amala aşyrylmagy 2 müň 500-den gowrak iş orunlarynyň döredilmegini üpjün eder. Desganyň gurluşygyny 2017-nji ýylyň dekabr aýynda tamamlamak göz öňünde tutulýar. Häzirki wagtda bu ýerde 5,3 müňden gowrak işgär zähmet çekýär, olaryň 4,9 müňden gowragy türkmen hünärmenleri, 377-si bolsa daşary ýurt hünärmenleridir. Hazar deňziniň ekologiýa abadançylygyny saklamak maksady bilen, her bir terminalda bioarassalaýjy enjamlar gurnalar. Taslama “Ýaşyl port” halkara ülňülerine laýyklykda işlenip taýýarlanyldy.
Türkmenbaşydaky täze Halkara deňiz porty diňe ykdysady we söwda esaslandyrmasy bilen çäklenmeýär, şeýle hem bu taslama geosyýasy ýagdaýa düýpli täsir eder, ulag ulgamynda halkara hyzmatdaşlygyň möhüm bölekleriniň biri bolup, sebitde we onuň çäginden daşarda umumy ýagdaýa oňyn täsirini ýetirer.
17-nji ýanwarda Balkan welaýatynda iş saparynyň ikinji gününiň çäklerinde hormatly Prezidentimiz Gurbanguly Berdimuhamedow “Awaza” milli syýahatçylyk zolagynda täze döwrebap sport toplumynyň gurluşygynyň barşy bilen tanyşdy.
Onuň düzümine sportuň oýun görnüşleri, başa-baş göreşler üçin zallar, ýüzüş howuzlary, hokkeý we figuralaýyn typmak üçin meýdançalary bolan Buzly köşk, şeýle hem fitnes-merkez girýär. Mundan başga-da, taslamada iş otaglary bolan edara binasy, köpçülikleýin habar beriş serişdeleriniň wekilleriniň işlemegi üçin ähli zerur enjamlar bilen üpjün edilen 150 orunlyk mejlisler zaly, restoran, topluma ýanaşyk ýerde bolsa basketbol we tennis, woleýbol we futbol oýnamak üçin açyk meýdançalar göz öňünde tutuldy. Şeýle hem bu ýerde jemi 250 orunlyk awtoduralgalaryň ikisi bar.
Köpugurly sport merkeziniň umumy meýdany 28,5 gektara barabardyr. Onuň gurluşygy Senagat ministrliginiň buýurmasy boýunça ýurdumyzyň Senagatçylar we telekeçiler birleşmesiniň agzasy bolan “Myradym” hususy kärhanasy tarapyndan amala aşyrylýar.
Şeýle hem şol gün hormatly Prezidentimiz ýurdumyzyň deňiz çäklerini goramak boýunça Hazar deňzinde söweşjeň gullugyny alyp barýan Türkmenistanyň Harby-deňiz güýçleriniň “Gaýratly” gämisiniň ýanyna geldi. Döwlet Baştutanymyz harby gäminiň taktiki-tehniki aýratynlyklary we söweşe ukyplylygy bilen tanyşdy. Şeýle hem hormatly Prezidentimiz bu ýerde gäminiň işgärleri üçin döredilen şertler bilen gyzyklandy hem-de harby deňizçiler, Türkmenistanyň Goranmak ministrliginiň Harby-deňiz institutynyň bu ýerde okuw tejribesini geçýän talyplary bilen gürrüňdeş boldy.
Döwlet Baştutanymyz harby gullukçylary 27-nji ýanwarda bellenilýän Watan goragçylarynyň güni bilen gutlap, olara berk jan saglyk hem-de harby gullukda uly üstünlikleri arzuw etdi.
Geçen hepdäniň ortasynda hormatly Prezidentimiz Gurbanguly Berdimuhamedow Mary welaýatyna iş saparyny amala aşyryp, bu ýerde bug-gaz elektrik stansiýasynyň gurluşygynyň barşy bilen tanyşdy.
1574 MWt kuwwaty bolan bug elektrik stansiýasy Türkmenistanyň Energetika ministrliginiň “Türkmenenergo” döwlet elektroenergetika korporasiýasynyň buýurmasy boýunça Mary DES-iň çäklerinde gurulýar.
Dünýäde meşhur “General Eleсtriс” kompaniýasynyň gatnaşmagynda gurulýan desganyň gurluşygyny 2018-nji ýylyň dekabrynda tamamlamak göz öňünde tutulýar.
Häzirki wagtda ýurdumyzyň elektroenergetikasy ösüşiň durnukly ýokary depginlerini gazandy hem-de dünýä bazarlarynda isleg bildirilýän elektroenergiýanyň eksportuny artdyrmak üçin mümkinçilige eýedir. Ýurdumyzyň dürli sebitlerinde gysga wagtyň dowamynda gurlan kuwwatly elektrostansiýalaryň hem-de täze elektrik geçirijileriniň işlemegi netijesinde pudagyň birnäçe esse ösen kuwwaty indi diňe bir ýurdumyzyň sarp edijilerini doly üpjün etmek bilen çäklenmän, eýsem, elektroenergiýasyny daşary ýurtlara ibermäge hem mümkinçilik berýär.
Döwlet Baştutanymyz täze desgany synlap, ýurdumyzy senagat taýdan ösen, dünýäniň öňdebaryjy döwletleriniň birine öwürmegi öz öňümizde wezipe edip goýduk. Bäsleşige ukyply, ýokary hilli harytlary halkara bazarlaryna has köp çykarmak, şeýle hem ýurdumyza beýleki döwletlerden getirilýän harytlaryň ornuny tutýan önümleri özümizde giň gerim bilen öndürmek möhümdir. Umuman, daşary ýurtlara önümlerimizi ýerlemekden gelýän serişdeleri halkymyzyň bähbidine ulanarys diýip, Türkmenistanyň Prezidenti belledi.
Döwlet Baştutanymyz Balkan we Mary welaýatlaryna iş saparlarynyň barşynda gurulýan desgalaryň işçileri we hünärmenleri bilen gürrüňdeş bolup, olaryň sowallaryna, şol sanda ýurdumyzyň Prezidentiniň saýlawlary bilen bagly sowallaryna jogap berdi.
20-nji ýanwarda hormatly Prezidentimiz Gurbanguly Berdimuhamedow Ministrler Kabinetiniň nobatdaky mejlisini geçirdi. Onda döwlet durmuşyna, milli ykdysadyýetimiziň pudaklarynyň işine degişli möhüm meselelere garaldy we birnäçe resminamalar kabul edildi.
Mejlisde garalan möhüm meseleleriň hatarynda oba hojalyk önümlerini öndürijilere maliýe goldawyny bermek, uglewodorodlaryň çykarylýan we gaýtadan işlenilýän möçberlerini artdyrmak, telekommunikasiýa we maglumat bermek boýunça hyzmatlaryň ýokary derejesini üpjün etmek bilen bagly meseleler boldy.
Şeýle hem Ýapyk binalarda we söweş sungaty boýunça V Aziýa oýunlaryna taýýarlyk görmegiň, Olimpiýa şäherjiginiň sport desgalarynda halkara synag ýaryşlaryny geçirmegiň çäklerinde Aşgabat şäherini abadanlaşdyrmak bilen bagly meselelere garaldy.
Mejlisiň barşynda 2016-njy ýylda kabul edilen “Türkmenistanyň halk çeper döredijiligi hakyndaky” Kanuny amala aşyrmaga gönükdirilen çärelere garaldy.
Türkmenistanyň Prezidenti bugdaý we gowaça ösdürilip ýetişdirilende ulanylýan himiki serişdeleri satyn almak, şeýle hem «Ýurdumyzyň welaýatlarynda hem-de Aşgabat şäherinde maýyplar we beýleki durmuş goraglylygyna aýratyn mätäçlik çekýän adamlar üçin ýaşaýyş jaýlaryny gurmak hakyndaky» Kararlara gol çekdi. Döwlet Baştutanymyzyň belleýşi ýaly, ilatyň bu topary üçin öýler mugt berilmelidir.
Şeýle hem Mejlisde Araly halas etmegiň Halkara gaznasyna ýurdumyzyň 2017—2019-njy ýyllarda başlyklyk etmeginiň meselelerine garaldy. Döwlet Baştutanymyz Halkara gaznanyň Ýerine ýetiriji komiteti hakynda Düzgünnama hem-de beýleki resminamalara gol çekip, daşky gurşawy goramak meseleleri boýunça Merkezi Aziýada hyzmatdaşlygy berkitmäge hemmetaraplaýyn ýardam etmegiň möhümdigini belledi.
Ministrler Kabinetiniň mejlisi tamamlanandan soň, döwlet Baştutanymyz şu ýyl Ýapyk binalarda we söweş sungaty boýunça Aşgabatda geçiriljek V Aziýa oýunlary mahalynda oňa gatnaşýanlara hyzmat etmäge niýetlenen awtoulaglaryň görnüşleri bilen tanyşdy.
Geçen hepdede Mejlisde Koreýa Halk Demokratik Respublikasynyň Türkmenistandaky Adatdan daşary we Doly ygtyýarly ilçisi Kim Hen Çžundan ynanç haty kabul edildi.
Ýurdumyzda döwlet Baştutanynyň wezipesine saýlawlaryň öň ýanyndaky möwsüm dowam edýär. Türkmenistanyň Prezidenti wezipesine dalaşgärler saýlawçylar bilen duşuşyp, olary öz maksatnamalary bilen tanyşdyrýarlar, olaryň sowallaryna jogap berýärler.
Türkmenistanyň Prezidentiniň ýanyndaky Demokratiýa we adam hukuklary baradaky Türkmen milli institutynda Türkmenistanyň adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek boýunça Pudagara toparynyň nobatdaky mejlisi geçirildi. Oňa Mejlisiň, birnäçe ministrlikleriň we pudak edaralarynyň, ýurdumyzyň jemgyýetçilik guramalarynyň wekilleri gatnaşdylar. Duşuşygyň barşynda Toparyň geçen ýylda geçiren işleriniň jemleri jemlenildi, bu düzümiň alyp barýan işleriniň esasy ugurlary bilen baglanyşykly meseleler ara alnyp maslahatlaşyldy.
Paýtagtymyzdaky Olimpiýa şäherjiginiň işewürlik merkezinde şu ýylyň sentýabr aýynda Aşgabatda geçiriljek Ýapyk binalarda we söweş sungaty boýunça V Aziýa oýunlaryna toplumlaýyn taýýarlyk görülmegine bagyşlanylan metbugat maslahaty boldy. Maslahata Aziada—2017-niň Ýerine ýetiriji komitetiniň, Milli Olimpiýa komitetiniň, Sport baradaky döwlet komitetiniň, ýurdumyzyň habar beriş serişdeleriniň wekilleri we halkara sport ýaryşlaryny guramak boýunça daşary ýurt hünärmenleri gatnaşdylar.
Duşuşykda bellenilişi ýaly, Olimpiýa şäherjigi özboluşly sport desgasy bolup durýar. Ýaz paslynda bu ýerde nobatdaky synag ýaryşlary hökmünde kikboksing, suwda ýüzmek we agyr atletika boýunça halkara ýaryşlary geçiriler.
Geçen hepdede Lebap welaýatynyň Serdarabat etrabynda kuwwaty bir-gije gündizde 30 müň kub metr agyz suwuny arassalamaga ukyply täze desga ulanmaga berildi. Ol “Türkmenistanyň ilatly ýerlerini arassa agyz suwy bilen üpjün etmegiň baş meýilnamasyna” laýyklykda bina edildi. Bu maksatnamanyň çäklerinde häzirki wagtda ýurdumyzyň ähli welaýatlarynda suw arassalaýan zawodlar, suw süýjediji desgalar gurulýar, bar bolan suw arassalaýjy desgalaryň we suw geçiriji ulgamlaryň durky täzelenilýär.
Lebap welaýat häkimliginde döwlet Baştutanymyzyň tabşyrygyna laýyklykda, 2016-njy ýylda ýurdumyzda iň oňat etrap diýen ady almak ugrunda guralan bäsleşikde ýeňiş gazanan Farap etrabyna mynasyp bolan sylagyny gowşurmak dabarasy boldy.
Umuman, geçen hepdäniň wakalary döwlet Baştutanymyz Gurbanguly Berdimuhamedowyň eziz Watanymyzyň ykdysady kuwwatyny berkitmäge, türkmenistanlylaryň ähli babatda durmuş abadançylygyny üpjün etmäge gönükdirilen syýasatynyň üstünlikli amala aşyrylmagy netijesinde ýurdumyzyň ösüşiň we rowaçlygyň ýoly bilen ynamly gadam urmagyny dowam edýändigini görkezdi.
16—17-nji ýanwarda döwlet Baştutanymyz Balkan welaýatyna iş saparyny amala aşyryp, bu ýerde örän iri hem-de milli ykdysadyýetimiz üçin strategiki ähmiýetli desgalarda gurluşyk işleriniň barşy bilen tanyşdy.
Hormatly Prezidentimiz Garabogaz şäherinde bina edilýän karbamid önümçiligi boýunça zawodyň gurluşyk meýdançasyna baryp gördi.
Örän baý çig mal serişdelerine eýe bolmagy ýurdumyza ýod, brom hem-de beýleki himiýa önümleriniň köp görnüşlerini öndürijileriň iň irileriniň hatarynda orun almaga mümkinçilik berýär. Bu babatda örän gymmatly himiýa düzümleriniň täsin çeşmesi bolan Garabogazda bu zawodyň gurulmagy Türkmenistanyň senagat taýdan ösen döwlet hökmünde mynasyp orun almagynyň ýolunda ýene bir uly ädimdir. Garabogaz aýlagynyň “altyn düýbi” sulfat senagaty üçin çig mal bolup hyzmat edýär.
Zawodyň gurluşygyna ABŞ-nyň 1 milliard 571 million dollary gönükdirildi. Bu ýerde täze iş orunlarynyň 900-e golaýy dörediler. Bu önümçilikde başlangyç çig maly hökmünde tebigy gaz peýdalanylar.
Zawodda her ýylda ýokary hilli karbamidiň 1 million 155 müň tonnasy hem-de 640 müň tonna ammiak öndüriler. Olaryň aglaba bölegi eksporta iberiler. Şeýle hem taslamada durmuş maksatly desgalaryň birnäçesini, şol sanda 3 müň 500 adam üçin niýetlenen ýaşaýyş jaý toplumyny gurmak bellenildi. Zawody 2018-nji ýylyň sentýabrynda ulanmaga bermek göz öňünde tutulýar.
Kärhananyň işe girizilmegi netijesinde Türkmenistanyň himiýa senagatynyň kuwwatlyklary köp esse artdyrylar. Bu bolsa, öz nobatynda, pudagyň eksport mümkinçilikleriniň artmagyna getirer. Eýýäm häzirki wagtda öňdebaryjy kompaniýalar täze kärhanada öndüriljek karbamid dökünlerini satyn almaga uly gyzyklanma bildirýärler. Zawodyň ammarlaryndan karbamid dökünleri germetik konweýerlerde deňiz portuna ugradylar, ol ýerden bolsa Hazar deňzi boýunça daşary ýurtlara gämiler arkaly iberiler.
Şeýle hem Türkmenistanyň Prezidenti Gyýanly şäherçesinde tebigy gazy gaýtadan işlemek hem-de polietilen hem-de polipropilen önümçiligi boýunça gazhimiýa toplumynyň gurluşygy bilen tanyşdy.
Umumy bahasy ABŞ-nyň 3,4 milliard dollaryndan gowrak bolan kärhana ýylda 5 milliard kub metr tebigy gazy gaýtadan işlemäge hem-de 386 müň tonna polietilen we 81 müň tonna polipropilen öndürmäge ukyply bolar. Zawod dünýä bazarynda uly isleg bildirilýän önümleriň köp sanlysyny çykarar, olar bolsa ownuk-uşak zatlardan başlap, uçarlara çenli öndürmekde ulanylýar. 2018-nji ýylyň sentýabrynda ulanmaga bermek göz öňünde tutulan desganyň işe girizilmegi bilen, 1 müň 200-e golaý iş orunlary dörediler.
Gyýanlyda gurulýan toplum daşky gurşaw üçin zyýansyzdyr, bu onuň möhüm aýratynlygy bolup durýar. Bu bolsa öz nobatynda ekologiýa taýdan arassa önümleri öndürmek üçin şert döredýär. Ahal welaýatynda tebigy gazdan benzin öndürmek boýunça zawodyň gurluşygyna hem şu nukdaýnazardan seretmek gerek. Ýakyn geljekde biz şeýle gazhimiýa toplumlarynyň birnäçesiniň gurluşygyna hem badalga bereris diýip, döwlet Baştutanymyz belledi. Tebigy gazy toplumlaýyn gaýtadan we çuňňur işlemegi, ony gaýtadan işlemek arkaly alnan önümleriň eksportuny artdyrmagy göz öňünde tutmak bilen, Türkmenistan diňe bir tebigy gaz we nebit ýaly ilkinji energiýa serişdeleriniň bazarynda öz tutýan ornuny pugtalandyrmak bilen çäklenmän, gymmat bahaly polimer önümleriniň bazarynda hem özüniň mynasyp ornuny eýelär.
Şeýle hem hormatly Prezidentimiz Türkmenbaşy şäheriniň täze Halkara deňiz menziliniň gurluşygynyň barşy bilen tanyşdy, desga ýurdumyzy toplumlaýyn senagatlaşdyrmagyň möhüm bölegi bolup durýar.
Port menziliniň umumy uzynlygy 3 müň 800 metre barabar bolar.
Täze portuň her ýyldaky geçirijilik ukyby 17—18 million tonna deňdir. Bu görkeziji ozal hereket edýän port bilen bilelikde 25—26 million tonna çenli artar. Taslamanyň bahasy ABŞ-nyň 1,5 milliard dollaryndan gowrakdyr. Taslamanyň amala aşyrylmagy 2 müň 500-den gowrak iş orunlarynyň döredilmegini üpjün eder. Desganyň gurluşygyny 2017-nji ýylyň dekabr aýynda tamamlamak göz öňünde tutulýar. Häzirki wagtda bu ýerde 5,3 müňden gowrak işgär zähmet çekýär, olaryň 4,9 müňden gowragy türkmen hünärmenleri, 377-si bolsa daşary ýurt hünärmenleridir. Hazar deňziniň ekologiýa abadançylygyny saklamak maksady bilen, her bir terminalda bioarassalaýjy enjamlar gurnalar. Taslama “Ýaşyl port” halkara ülňülerine laýyklykda işlenip taýýarlanyldy.
Türkmenbaşydaky täze Halkara deňiz porty diňe ykdysady we söwda esaslandyrmasy bilen çäklenmeýär, şeýle hem bu taslama geosyýasy ýagdaýa düýpli täsir eder, ulag ulgamynda halkara hyzmatdaşlygyň möhüm bölekleriniň biri bolup, sebitde we onuň çäginden daşarda umumy ýagdaýa oňyn täsirini ýetirer.
17-nji ýanwarda Balkan welaýatynda iş saparynyň ikinji gününiň çäklerinde hormatly Prezidentimiz Gurbanguly Berdimuhamedow “Awaza” milli syýahatçylyk zolagynda täze döwrebap sport toplumynyň gurluşygynyň barşy bilen tanyşdy.
Onuň düzümine sportuň oýun görnüşleri, başa-baş göreşler üçin zallar, ýüzüş howuzlary, hokkeý we figuralaýyn typmak üçin meýdançalary bolan Buzly köşk, şeýle hem fitnes-merkez girýär. Mundan başga-da, taslamada iş otaglary bolan edara binasy, köpçülikleýin habar beriş serişdeleriniň wekilleriniň işlemegi üçin ähli zerur enjamlar bilen üpjün edilen 150 orunlyk mejlisler zaly, restoran, topluma ýanaşyk ýerde bolsa basketbol we tennis, woleýbol we futbol oýnamak üçin açyk meýdançalar göz öňünde tutuldy. Şeýle hem bu ýerde jemi 250 orunlyk awtoduralgalaryň ikisi bar.
Köpugurly sport merkeziniň umumy meýdany 28,5 gektara barabardyr. Onuň gurluşygy Senagat ministrliginiň buýurmasy boýunça ýurdumyzyň Senagatçylar we telekeçiler birleşmesiniň agzasy bolan “Myradym” hususy kärhanasy tarapyndan amala aşyrylýar.
Şeýle hem şol gün hormatly Prezidentimiz ýurdumyzyň deňiz çäklerini goramak boýunça Hazar deňzinde söweşjeň gullugyny alyp barýan Türkmenistanyň Harby-deňiz güýçleriniň “Gaýratly” gämisiniň ýanyna geldi. Döwlet Baştutanymyz harby gäminiň taktiki-tehniki aýratynlyklary we söweşe ukyplylygy bilen tanyşdy. Şeýle hem hormatly Prezidentimiz bu ýerde gäminiň işgärleri üçin döredilen şertler bilen gyzyklandy hem-de harby deňizçiler, Türkmenistanyň Goranmak ministrliginiň Harby-deňiz institutynyň bu ýerde okuw tejribesini geçýän talyplary bilen gürrüňdeş boldy.
Döwlet Baştutanymyz harby gullukçylary 27-nji ýanwarda bellenilýän Watan goragçylarynyň güni bilen gutlap, olara berk jan saglyk hem-de harby gullukda uly üstünlikleri arzuw etdi.
Geçen hepdäniň ortasynda hormatly Prezidentimiz Gurbanguly Berdimuhamedow Mary welaýatyna iş saparyny amala aşyryp, bu ýerde bug-gaz elektrik stansiýasynyň gurluşygynyň barşy bilen tanyşdy.
1574 MWt kuwwaty bolan bug elektrik stansiýasy Türkmenistanyň Energetika ministrliginiň “Türkmenenergo” döwlet elektroenergetika korporasiýasynyň buýurmasy boýunça Mary DES-iň çäklerinde gurulýar.
Dünýäde meşhur “General Eleсtriс” kompaniýasynyň gatnaşmagynda gurulýan desganyň gurluşygyny 2018-nji ýylyň dekabrynda tamamlamak göz öňünde tutulýar.
Häzirki wagtda ýurdumyzyň elektroenergetikasy ösüşiň durnukly ýokary depginlerini gazandy hem-de dünýä bazarlarynda isleg bildirilýän elektroenergiýanyň eksportuny artdyrmak üçin mümkinçilige eýedir. Ýurdumyzyň dürli sebitlerinde gysga wagtyň dowamynda gurlan kuwwatly elektrostansiýalaryň hem-de täze elektrik geçirijileriniň işlemegi netijesinde pudagyň birnäçe esse ösen kuwwaty indi diňe bir ýurdumyzyň sarp edijilerini doly üpjün etmek bilen çäklenmän, eýsem, elektroenergiýasyny daşary ýurtlara ibermäge hem mümkinçilik berýär.
Döwlet Baştutanymyz täze desgany synlap, ýurdumyzy senagat taýdan ösen, dünýäniň öňdebaryjy döwletleriniň birine öwürmegi öz öňümizde wezipe edip goýduk. Bäsleşige ukyply, ýokary hilli harytlary halkara bazarlaryna has köp çykarmak, şeýle hem ýurdumyza beýleki döwletlerden getirilýän harytlaryň ornuny tutýan önümleri özümizde giň gerim bilen öndürmek möhümdir. Umuman, daşary ýurtlara önümlerimizi ýerlemekden gelýän serişdeleri halkymyzyň bähbidine ulanarys diýip, Türkmenistanyň Prezidenti belledi.
Döwlet Baştutanymyz Balkan we Mary welaýatlaryna iş saparlarynyň barşynda gurulýan desgalaryň işçileri we hünärmenleri bilen gürrüňdeş bolup, olaryň sowallaryna, şol sanda ýurdumyzyň Prezidentiniň saýlawlary bilen bagly sowallaryna jogap berdi.
20-nji ýanwarda hormatly Prezidentimiz Gurbanguly Berdimuhamedow Ministrler Kabinetiniň nobatdaky mejlisini geçirdi. Onda döwlet durmuşyna, milli ykdysadyýetimiziň pudaklarynyň işine degişli möhüm meselelere garaldy we birnäçe resminamalar kabul edildi.
Mejlisde garalan möhüm meseleleriň hatarynda oba hojalyk önümlerini öndürijilere maliýe goldawyny bermek, uglewodorodlaryň çykarylýan we gaýtadan işlenilýän möçberlerini artdyrmak, telekommunikasiýa we maglumat bermek boýunça hyzmatlaryň ýokary derejesini üpjün etmek bilen bagly meseleler boldy.
Şeýle hem Ýapyk binalarda we söweş sungaty boýunça V Aziýa oýunlaryna taýýarlyk görmegiň, Olimpiýa şäherjiginiň sport desgalarynda halkara synag ýaryşlaryny geçirmegiň çäklerinde Aşgabat şäherini abadanlaşdyrmak bilen bagly meselelere garaldy.
Mejlisiň barşynda 2016-njy ýylda kabul edilen “Türkmenistanyň halk çeper döredijiligi hakyndaky” Kanuny amala aşyrmaga gönükdirilen çärelere garaldy.
Türkmenistanyň Prezidenti bugdaý we gowaça ösdürilip ýetişdirilende ulanylýan himiki serişdeleri satyn almak, şeýle hem «Ýurdumyzyň welaýatlarynda hem-de Aşgabat şäherinde maýyplar we beýleki durmuş goraglylygyna aýratyn mätäçlik çekýän adamlar üçin ýaşaýyş jaýlaryny gurmak hakyndaky» Kararlara gol çekdi. Döwlet Baştutanymyzyň belleýşi ýaly, ilatyň bu topary üçin öýler mugt berilmelidir.
Şeýle hem Mejlisde Araly halas etmegiň Halkara gaznasyna ýurdumyzyň 2017—2019-njy ýyllarda başlyklyk etmeginiň meselelerine garaldy. Döwlet Baştutanymyz Halkara gaznanyň Ýerine ýetiriji komiteti hakynda Düzgünnama hem-de beýleki resminamalara gol çekip, daşky gurşawy goramak meseleleri boýunça Merkezi Aziýada hyzmatdaşlygy berkitmäge hemmetaraplaýyn ýardam etmegiň möhümdigini belledi.
Ministrler Kabinetiniň mejlisi tamamlanandan soň, döwlet Baştutanymyz şu ýyl Ýapyk binalarda we söweş sungaty boýunça Aşgabatda geçiriljek V Aziýa oýunlary mahalynda oňa gatnaşýanlara hyzmat etmäge niýetlenen awtoulaglaryň görnüşleri bilen tanyşdy.
Geçen hepdede Mejlisde Koreýa Halk Demokratik Respublikasynyň Türkmenistandaky Adatdan daşary we Doly ygtyýarly ilçisi Kim Hen Çžundan ynanç haty kabul edildi.
Ýurdumyzda döwlet Baştutanynyň wezipesine saýlawlaryň öň ýanyndaky möwsüm dowam edýär. Türkmenistanyň Prezidenti wezipesine dalaşgärler saýlawçylar bilen duşuşyp, olary öz maksatnamalary bilen tanyşdyrýarlar, olaryň sowallaryna jogap berýärler.
Türkmenistanyň Prezidentiniň ýanyndaky Demokratiýa we adam hukuklary baradaky Türkmen milli institutynda Türkmenistanyň adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek boýunça Pudagara toparynyň nobatdaky mejlisi geçirildi. Oňa Mejlisiň, birnäçe ministrlikleriň we pudak edaralarynyň, ýurdumyzyň jemgyýetçilik guramalarynyň wekilleri gatnaşdylar. Duşuşygyň barşynda Toparyň geçen ýylda geçiren işleriniň jemleri jemlenildi, bu düzümiň alyp barýan işleriniň esasy ugurlary bilen baglanyşykly meseleler ara alnyp maslahatlaşyldy.
Paýtagtymyzdaky Olimpiýa şäherjiginiň işewürlik merkezinde şu ýylyň sentýabr aýynda Aşgabatda geçiriljek Ýapyk binalarda we söweş sungaty boýunça V Aziýa oýunlaryna toplumlaýyn taýýarlyk görülmegine bagyşlanylan metbugat maslahaty boldy. Maslahata Aziada—2017-niň Ýerine ýetiriji komitetiniň, Milli Olimpiýa komitetiniň, Sport baradaky döwlet komitetiniň, ýurdumyzyň habar beriş serişdeleriniň wekilleri we halkara sport ýaryşlaryny guramak boýunça daşary ýurt hünärmenleri gatnaşdylar.
Duşuşykda bellenilişi ýaly, Olimpiýa şäherjigi özboluşly sport desgasy bolup durýar. Ýaz paslynda bu ýerde nobatdaky synag ýaryşlary hökmünde kikboksing, suwda ýüzmek we agyr atletika boýunça halkara ýaryşlary geçiriler.
Geçen hepdede Lebap welaýatynyň Serdarabat etrabynda kuwwaty bir-gije gündizde 30 müň kub metr agyz suwuny arassalamaga ukyply täze desga ulanmaga berildi. Ol “Türkmenistanyň ilatly ýerlerini arassa agyz suwy bilen üpjün etmegiň baş meýilnamasyna” laýyklykda bina edildi. Bu maksatnamanyň çäklerinde häzirki wagtda ýurdumyzyň ähli welaýatlarynda suw arassalaýan zawodlar, suw süýjediji desgalar gurulýar, bar bolan suw arassalaýjy desgalaryň we suw geçiriji ulgamlaryň durky täzelenilýär.
Lebap welaýat häkimliginde döwlet Baştutanymyzyň tabşyrygyna laýyklykda, 2016-njy ýylda ýurdumyzda iň oňat etrap diýen ady almak ugrunda guralan bäsleşikde ýeňiş gazanan Farap etrabyna mynasyp bolan sylagyny gowşurmak dabarasy boldy.
Umuman, geçen hepdäniň wakalary döwlet Baştutanymyz Gurbanguly Berdimuhamedowyň eziz Watanymyzyň ykdysady kuwwatyny berkitmäge, türkmenistanlylaryň ähli babatda durmuş abadançylygyny üpjün etmäge gönükdirilen syýasatynyň üstünlikli amala aşyrylmagy netijesinde ýurdumyzyň ösüşiň we rowaçlygyň ýoly bilen ynamly gadam urmagyny dowam edýändigini görkezdi.