Azerbaýjan Respublikasynyň Russiýa Federasiýasyndaky Adatdan daşary we Doly ygtyýarly ilçisi, Azerbaýjanyň we Türkmenistanyň halk artisti Polat Bülbül ogly “Türkmenistanyň halk artisti” diýen hormatly adyň dakylmagy mynasybetli hormatly Prezidentimize hoşallyk hatyny iberdi.

Polat Bülbül ogly dostlukly gatnaşyklaryň okgunly ösdürilýändigini, gatnaşyklary pugtalandyrmaga saldamly goşandyny goşjakdygyny, özüniň ýakynda Türkmenistana bolan saparynyň Türkmenistanyň soňky ýyllarda ähli ulgamlarda ýeten haýran galdyryjy üstünliklerinyň şaýady bolmaga mümkinçilik berendigini belledi.