I. 2009-njy ýylyň 18-nji aprelinde Türkmenistanyň Kanuny bilen tassyklanan Türkmenistanyň Jenaýat iş ýörediş kodeksine (Türkmenistanyň Mejlisiniň Maglumatlary, 2009 ý., № 2, 29-njy madda; 2010 ý., № 3, 42-nji madda; 2011 ý., № 3, 56-njy madda; 2012 ý., № 1, 43-nji madda, № 4, 110-njy madda; 2014 ý., № 1, 41-nji madda, № 2, 78-nji madda; 2016 ý., № 1, 7-nji we 65-nji maddalar; 2017 ý., № 3, 110-njy madda) şu üýtgetmeleri we goşmaçalary girizmeli:

1) kodeksiň ýazgysynda «hukuk maslahathanasynyň», «Hukuk maslahathanasynyň», «hukuk maslahathanasyna» we «Hukuk maslahathanasyna» diýen sözleri degişlilikde «ýuridik maslahathanasynyň», «Ýuridik maslahathanasynyň», «ýuridik maslahathanasyna» we «Ýuridik maslahathanasyna» diýen sözlere çalşyrmaly;

2) 130-njy madda şu mazmunly bölegi goşmaly:

«6. Kazyýet, prokuratura, derňew, anyklaýyş we kazyýet bilermenler seljermesi edaralary tarapyndan maddy subutnamalary almagyň, hasabyny ýöretmegiň, saklamagyň, ibermegiň we ýok etmegiň tertibi Türkmenistanyň Ministrler Kabineti tarapyndan kesgitlenýär.»;

3) 250-nji maddanyň birinji böleginde, 275-nji maddanyň ikinji böleginde we 277-nji maddanyň dördünji böleginde «ýerli häkimiýet» diýen sözleri degişlilikde «häkimiýetiň ýerli edaralarynyň» we «häkimiýetiň ýerli» diýen sözlere çalşyrmaly;

4) 260-njy maddanyň on ikinji böleginde «ýerli häkimiýet we» diýen sözleri «häkimiýetiň ýerli edaralarynyň we ýerli» diýen sözlere çalşyrmaly;

5) 421-nji maddanyň ikinji bölegini şu görnüşde beýan etmeli:

«2. Höküm kazyýet önümçiliginiň ýöredilýän dilinde beýan edilýär.»;

6) 443-nji maddanyň dördünji böleginde «kesgitnama» diýen sözden soň «ýa-da karar» diýen sözleri goşmaly;

7) 461-nji maddanyň ikinji böleginde «kesgitnama» diýen sözi «kesgitnama (karar)» diýen sözlere çalşyrmaly;

8) 464-nji maddanyň ikinji böleginiň 2-nji bendinden soň şu mazmunly bentleri goşmaly:

«2¹) şikaýat edilýän ýa-da teklipnama getirilýän hökümi ýa-da başga çözgüdi çykaran kazyýetiň ady;

2²) şikaýat edilýän ýa-da teklipnama getirilýän höküm ýa-da başga çözgüt çykarylan adamyň özi barada maglumat (familiýasy, ady, atasynyň ady, jenaýat kanunynyň haýsy maddasy bilen iş kesilen), şeýle hem iş boýunça birden köp adam geçýän bolsa, şikaýat edilmedik ýa-da teklipnama getirilmedik adamlar barada maglumat (familiýasy, ady, atasynyň ady, jenaýat kanunynyň haýsy maddasy bilen iş kesilen);»;

9) 482-nji maddanyň birinji böleginde «dördünji» diýen sözi «bäşinji» diýen söze çalşyrmaly;

10) 48-nji babyň adyny şu görnüşde beýan etmeli:

«48-nji bap. Täze ýüze çykan ýagdaýlar boýunça işleriň önümçiligini dikeltmek»;

11) 498-nji maddanyň adynda, birinji böleginde we ikinji böleginiň birinji tesiminde «Işleriň täzeden gozgalmagynyň», «iş täzeden gozgalyp» we «jenaýat işini täzeden gozgamak» diýen sözleri degişlilikde «Işleriň önümçiligini dikeltmegiň», «işiň önümçiligi dikeldilip» we «jenaýat işiniň önümçiligini dikeltmek» diýen sözlere çalşyrmaly;

12) 500-nji maddanyň adynda, ikinji böleginde, dördünji böleginiň 2-nji bendinde «Işi täzeden gozgamagyň», «täzeden gozgalmagyna» we «işiň täzeden gozgalmagynyň» diýen sözleri degişlilikde «Işiň önümçiligini dikeltmegiň», «önümçiliginiň dikeldilmegine» we «işiň önümçiligini dikeltmegiň» diýen sözlere çalşyrmaly;

13) 500-nji maddanyň birinji böleginde «gaýtadan» diýen sözi «täzeden» diýen söze çalşyrmaly;

14) 502-nji maddanyň birinji we bäşinji böleklerinde «täzeden gozgalmagyna» we «Işiň täzeden gozgalmagyna» diýen sözleri degişlilikde «önümçiliginiň dikeldilmegine» we «Işiň önümçiliginiň dikeldilmegine» diýen sözlere çalşyrmaly;

15) 503-nji maddanyň adynda, ikinji we üçünji böleklerinde, 504-nji maddanyň birinji tesiminde «Işi täzeden gozgamak» we «işi täzeden gozgamak» diýen sözleri degişlilikde «Işiň önümçiligini dikeltmek» we «işiň önümçiligini dikeltmek» diýen sözlere çalşyrmaly;

16) 505-nji maddanyň birinji böleginde «iş täzeden gozgalandan» diýen sözleri «işiň önümçiligi dikeldilenden» diýen sözlere çalşyrmaly;

17) 506-njy maddada «iş täzeden gozgalanda» we «täzeden gozgalmagyna» diýen sözleri degişlilikde «işiň önümçiligi dikeldilende» we «önümçiliginiň dikeldilmegine» diýen sözlere çalşyrmaly.

II. Şu Kanun resmi taýdan çap edilen gününden herekete girizilýär.