I. Türkmenistanyň şu kanunçylyk namalaryna üýtgetmeleri girizmeli:

1. 1992-nji ýylyň 19-njy fewralynda kabul edilen «Türkmenistanyň Döwlet baýdagy hakynda» Türkmenistanyň Kanunynda (2001-nji ýylyň 24-nji ýanwarynda kabul edilen Türkmenistanyň Kanunynyň görnüşinde) (Türkmenistanyň Mejlisiniň Maglumatlary, 2001 ý., № 1, 3-nji madda; 2011 ý., № 1, 19-njy madda; 2014 ý., № 4, 163-nji madda; 2016 ý., № 1, 66-njy madda):

3-nji maddada:

ikinji tesimi şu görnüşde beýan etmeli:

«Prezident köşgüniň, Türkmenistanyň Mejlisiniň, Türkmenistanyň Ministrler Kabinetiniň, ministrlikleriň, pudaklaýyn dolandyryş edaralarynyň, gaýry döwlet häkimiýet edaralarynyň, ýerine ýetiriji häkimiýetiň ýerli edaralarynyň we ýerli öz-özüňi dolandyryş edaralarynyň jaýlarynda — hemişelik;»;

üçünji tesimde «halk maslahatlarynyň» diýen sözleri «Türkmenistanyň Halk Maslahatynyň, welaýat, etrap, şäher halk maslahatlarynyň» diýen sözlere çalşyrmaly.

2. 2009-njy ýylyň 15-nji awgustynda kabul edilen «Türkmenistanyň prokuraturasy hakynda» Türkmenistanyň Kanunynda (2015-nji ýylyň 21-nji noýabrynda kabul edilen Türkmenistanyň Kanunynyň görnüşinde) (Türkmenistanyň Mejlisiniň Maglumatlary, 2015 ý., № 4, 139-njy madda; 2017 ý., № 1, 31-nji madda; 2018 ý., № 2, 39-njy madda):

12-nji maddada:

adynda «dolandyryş,» diýen sözi aýyrmaly;

birinji we ikinji böleklerde «ýerli häkimiýet» diýen sözleri «häkimiýetiň ýerli» diýen sözlere çalşyrmaly;

76-njy maddanyň ýedinji, sekizinji, on dördünji böleklerinde we 78-nji maddanyň ikinji böleginde «ýerli häkimiýet» diýen sözleri «häkimiýetiň ýerli» diýen sözlere çalşyrmaly.

3. 2010-njy ýylyň 10-njy maýynda kabul edilen «Türkmenistanda adwokatura we adwokatlyk işi hakynda» Türkmenistanyň Kanunynda (Türkmenistanyň Mejlisiniň Maglumatlary, 2010 ý., № 2, 29-njy madda; 2015 ý., № 3, 105-nji madda; 2017 ý., № 1, 13-nji madda; 2018 ý., № 2, 43-nji madda):

1-nji maddada:

birinji bölekde «we dolandyryş» diýen sözleri aýyrmaly;

dördünji bölekde:

ikinji tesimde «we dolandyryş» diýen sözleri aýyrmaly;

üçünji tesimde «kepillendirijileriniň» diýen sözi «notariuslarynyň» diýen söze çalşyrmaly;

5-nji maddanyň birinji böleginiň 5-nji bendinde «ýerli häkimiýet» diýen sözleri «häkimiýetiň ýerli» diýen sözlere çalşyrmaly;

7-nji maddanyň birinji böleginiň 2-nji bendinde «maýyplara» diýen sözi «maýyplygy bolan adamlara» diýen sözlere çalşyrmaly;

14-nji maddanyň birinji böleginiň 1-nji bendinde «ýerli häkimiýet» diýen sözleri «häkimiýetiň ýerli» diýen sözlere çalşyrmaly;

19-njy maddanyň dördünji böleginde «Ýerli ýerine ýetiriji häkimiýet» diýen sözleri «Ýerine ýetiriji häkimiýetiň ýerli» diýen sözlere çalşyrmaly;

29-njy maddanyň ikinji böleginde «ýerli ýerine ýetiriji häkimiýet» diýen sözleri «ýerine ýetiriji häkimiýetiň ýerli» diýen sözlere çalşyrmaly.

4. 2012-nji ýylyň 10-njy ýanwarynda kabul edilen «Syýasy partiýalar hakynda» Türkmenistanyň Kanunynyň (Türkmenistanyň Mejlisiniň Maglumatlary, 2012 ý., № 1, 5-nji madda; 2014 ý., № 3, 110-njy madda) 5-nji maddasynyň ikinji böleginde «dolandyryş,» diýen sözi aýyrmaly.

5. 2013-nji ýylyň 22-nji iýunynda kabul edilen «Türkmenistanyň raýatlygy hakynda» Türkmenistanyň Kanunynyň (Türkmenistanyň Mejlisiniň Maglumatlary, 2013 ý., № 2, 41-nji madda) 17-nji maddasynyň 1-nji bendinde «we dolandyryş» diýen sözleri aýyrmaly.

6. 2016-njy ýylyň 26-njy martynda kabul edilen «Döwlet gullukçysynyň etikasy we gulluk özüni alyp barşy hakynda» Türkmenistanyň Kanunynyň (Türkmenistanyň Mejlisiniň Maglumatlary, 2016 ý., № 1, 49-njy madda) 6-njy maddasynyň üçünji böleginiň 3-nji bendinde «we dolandyryş» diýen sözleri aýyrmaly.

7. 2016-njy ýylyň 15-nji oktýabrynda kabul edilen «Adam söwdasyna garşy hereket etmek hakynda» Türkmenistanyň Kanunynda (Türkmenistanyň Mejlisiniň Maglumatlary, 2016 ý., № 4, 137-nji madda):

15-nji maddanyň birinji böleginde «we dolandyryş» diýen sözleri aýyrmaly;

32-nji maddanyň birinji we altynjy böleklerinde «ýerine ýetiriji ýerli häkimiýet edaralary» we «Ýerine ýetiriji ýerli häkimiýet edaralaryň» diýen sözleri degişlilikde «ýerine ýetiriji häkimiýetiň ýerli edaralary» we «Ýerine ýetiriji häkimiýetiň ýerli edaralarynyň» diýen sözlere çalşyrmaly.

II. Şu Kanun resmi taýdan çap edilen gününden herekete girizilýär.

Türkmenistanyň Prezidenti
Gurbanguly BERDIMUHAMEDOW.

Aşgabat şäheri. 2018-nji ýylyň 20-nji oktýabry.