I. 2013-nji ýylyň 4-nji maýynda Türkmenistanyň Kanuny bilen tassyklanylan Türkmenistanyň Saýlaw kodeksine (Türkmenistanyň Mejlisiniň Maglumatlary, 2013 ý., № 2, 25-nji madda; 2014 ý., № 3, 116-njy madda; 2016 ý., № 4, 145-nji madda; 2017 ý., № 1, 6-njy madda, № 4, 180-nji madda; 2018 ý., № 2, 43-nji madda) şu üýtgetmeleri girizmeli:

1) 33-nji maddada:

16-njy bendi şu görnüşde beýan etmeli:

«16) welaýat halk maslahatynyň agzalarynyň saýlawlarynda gaýtadan saýlawlary geçirmek hakynda karar kabul edýär we onuň geçirilmegini guraýar;»;

17-nji bentde «saýlawlary belleýär we onuň» diýen sözleri «saýlawlaryň» diýen söze çalşyrmaly;

2) 34-nji maddada:

12-nji bentde «ýerli häkimiýet» diýen sözleri «ýerine ýetiriji häkimiýetiň ýerli» diýen sözlere çalşyrmaly;

17-nji bendi şu görnüşde beýan etmeli:

«17) etrap, şäher halk maslahatynyň agzalarynyň saýlawlarynda gaýtadan saýlawlary geçirmek hakynda karar kabul edýär we onuň geçirilmegini guraýar;»;

18-nji bentde «saýlawlary belleýär we onuň» diýen sözleri «saýlawlaryň» diýen söze çalşyrmaly;

3) 35-nji maddanyň 8-nji bendinde «ýerli häkimiýet» diýen sözleri «ýerine ýetiriji häkimiýetiň ýerli» diýen sözlere çalşyrmaly;

4) 36-njy maddanyň 18-nji bendini şu görnüşde beýan etmeli:

«18) Geňeş agzalarynyň saýlawlarynda gaýtadan saýlawlary geçirmek hakynda karar kabul edýär we onuň geçirilmegini guraýar;»;

5) 41-nji maddanyň ikinji we 67-nji maddanyň birinji böleklerinde «ýerli häkimiýet» diýen sözleri «häkimiýetiň ýerli» diýen sözlere çalşyrmaly;

6) 45-nji maddada:

birinji bölegiň birinji tesimini şu görnüşde beýan etmeli:

«Türkmenistanyň Prezidentligine dalaşgärleri syýasy partiýalar özleriniň gurultaýlarynda hödürleýärler.»;

üçünji bölegiň ikinji tesiminde «ýa-da olaryň bilelikdäki mejlislerinde, ýygnaklarynda» diýen sözleri aýyrmaly;

7) 70-nji maddada:

üçünji bölekde «bäş gün» diýen sözleri «on gün» diýen sözlere çalşyrmaly;

bäşinji bölegi aýyrmaly;

altynjy we ýedinji bölekleri degişlilikde bäşinji we altynjy bölekler diýip hasap etmeli;

8) 88-nji maddanyň bäşinji böleginde «on bäş günden» we «bir aýdan» diýen sözleri degişlilikde «bir aýdan» we «üç aýdan» diýen sözlere çalşyrmaly;

9) 89-njy maddanyň birinji böleginde «saýlawlary, sala salşyklary bellemek hakynda karar resmi taýdan çap edilen gününden on bäş günden gijä galman» diýen sözleri aýyrmaly.

II. Şu Kanun resmi taýdan çap edilen gününden herekete girizilýär.

Türkmenistanyň Prezidenti
Gurbanguly BERDIMUHAMEDOW

Aşgabat şäheri.
2018-nji ýylyň 1-nji dekabry.