№ 1, 7-nji madda) şu üýtgetmeleri we goşmaçalary girizmeli:
1) 125-nji, 137-nji maddalaryň mazmunynda we 239-njy maddanyň birinji-bäşinji bölekleriniň dispozisiýalarynda «petekleri», «uçarlaryň» we «peteksiz» diýen sözleri degişlilikde «biletleri», «howa gämileriniň» we «biletsiz» diýen sözlere çalşyrmaly;
2) 302-nji maddanyň sanksiýasyny şu görnüşde beýan etmeli:
«fiziki şahslara binýatlyk mukdaryň ikisinden bäşisine, wezipeli adamlara — bäşisinden onusyna, ýuridik şahslara — onusyndan on bäşisine çenli möçberde jerime salynmagyna ýa-da ýuridik şahslaryň alty aýa çenli möhlete administratiw taýdan işiniň togtadylmagyna eltýär.»;
3) 312-nji madda şu mazmunly bölegi goşmaly:
«3. Şu maddanyň birinji we ikinji böleklerinde göz öňünde tutulan hukuk bozulmalary üçin administratiw temmisi ulanylandan soň olaryň bir ýylyň dowamynda gaýtadan edilmegi — fiziki şahslara binýatlyk mukdaryň bäşisinden onusyna, wezipeli adamlara — on ikisinden ýigrimisine, ýuridik şahslara — otuzysyndan ellisine çenli möçberde jerime salynmagyna ýa-da bir aýa çenli möhlete administratiw taýdan işiniň togtadylmagyna eltýär.»;
4) 313-nji maddanyň ikinji böleginiň dispozisiýasyny şu görnüşde beýan etmeli:
«2. Söwda işiniň subýektleri tarapyndan harytlaryň aýratyn görnüşlerine döwlet tarapyndan düzgünleşdirilýän aňryçäk bölek
nyrhlarynyň ýokarlandyrylmagy —»;
5) 320-nji madda şu mazmunly bölegi goşmaly:
«5. Şu maddanyň birinji-dördünji böleklerinde göz öňünde tutulan hukuk bozulmalary üçin administratiw temmisi ulanylandan soň olaryň bir ýylyň dowamynda gaýtadan edilmegi — fiziki şahslara binýatlyk mukdaryň üçüsinden bäşisine, wezipeli adamlara — bäşisinden onusyna, ýuridik şahslara — onusyndan ýigrimi bäşisine çenli möçberde jerime salynmagyna eltýär.»;
6) 456-njy maddanyň ikinji böleginiň 3-nji bendini şu görnüşde beýan etmeli:
«3) Türkmenistanyň Senagat we kommunikasiýa ministrliginiň «Türkmendemirýollary» agentliginiň «Türkmendemirýollary» döwlet kärhanasynyň Harbylaşdyrylan gorag bölüminiň başlygy we onuň orunbasary, şol bölümiň gorag we ýangyna garşy göreş toparynyň, ýangyn söndüriji otlusynyň hem-de gorag toparynyň başlygy we onuň orunbasary, ýangyn howpsuzlyk gözegçisi, garawulçylygyň başlygy, garawul başlygy;»;
7) 459-njy maddanyň ikinji böleginiň 1-nji, 2-nji bentlerinde we üçünji böleginde ««Türkmenhowaýollary» gullugynyň», «uçuşlaryň howpsuzlygy boýunça baş inspeksiýasynyň» we ««Türkmenhowaýollary» döwlet milli gullugynyň» diýen sözleri degişlilikde «Türkmenistanyň Senagat we kommunikasiýa ministrliginiň «Türkmenhowaýollary» agentliginiň» we «uçuşlaryň howpsuzlygynyň standartlary müdirliginiň» diýen sözlere çalşyrmaly;
8) 460-njy maddanyň ikinji bölegini şu görnüşde beýan etmeli:
«2. Şu maddanyň birinji böleginde görkezilen edaralaryň adyndan ygtyýarlyklarynyň çäklerinde administratiw hukuk bozulmalary barada işlere seretmäge we administratiw temmisini bermäge Türkmenistanyň Senagat we kommunikasiýa ministrliginiň «Türkmenawtoulaglary» agentliginiň «Türkmenulaggözegçilik» Döwlet kärhanasynyň direktorynyň, onuň orunbasarynyň, şu kärhananyň Ýollarda ulag gözegçiligi we Gümrük geçelgelerinde ulag gözegçiligi gulluklarynyň hem-de welaýat bölümleriniň başlyklarynyň, olaryň orunbasarlarynyň, baş gözegçileriniň, gözegçileriniň hem-de gümrükhananyň gözegçileriniň hukugy bardyr.»;
9) 464-nji maddanyň ikinji böleginiň 1-nji we 2-nji bentlerinde «inspektory» we «inspektorlary» diýen sözleri degişlilikde «gözegçisi» we «gözegçileri» diýen sözlere çalşyrmaly;
10) 466-njy maddanyň ikinji bölegini şu görnüşde beýan etmeli:
«2. Şu maddanyň birinji böleginde görkezilen edaralaryň adyndan ygtyýarlyklarynyň çäklerinde administratiw hukuk bozulmalary barada işlere seretmäge we administratiw temmisini bermäge Türkmenistanyň Oba hojalyk we daşky gurşawy goramak ministrliginiň şu aşakdaky wezipeli adamlarynyň hukugy bardyr:
1) Türkmenistanyň tohumlara gözegçilik etmek we sortlary synagdan geçirmek boýunça baş gözegçisi;
2) Tohumçylyk we sort synag döwlet gullugynyň başlygy;
3) Tohumçylyk we sort synag döwlet gullugynyň welaýat bölümleriniň başlyklary we gözegçileri.»;
11) 467-nji maddanyň ikinji bölegini şu görnüşde beýan etmeli:
«2. Şu maddanyň birinji böleginde görkezilen edaralaryň adyndan öz ygtyýarlyklarynyň çäklerinde administratiw hukuk bozulmalary barada işlere seretmäge we administratiw temmisini bermäge Türkmenistanyň Oba hojalyk we daşky gurşawy goramak ministrliginiň Ýer serişdeleri gullugynyň şu wezipeli adamlarynyň hukugy bardyr:
1) Ýer serişdeleri gullugynyň başlygy we onuň orunbasarlary;
2) Ýer serişdeleri gullugynyň Ýer serişdeleri müdirliginiň başlygy we onuň orunbasary;
3) Ýer serişdeleri gullugynyň Ýer gözegçiligi we ýerleriň ýagdaýyna syn etmek bölüminiň başlygy we döwlet gözegçileri;
4) welaýatlaryň ýer serişdeleri müdirlikleriniň başlyklary, olaryň orunbasarlary, ýer gözegçiligi we ýerleriň ýagdaýyna syn etmek boýunça döwlet gözegçileri;
5) etraplaryň, etrap hukukly şäherleriň ýer serişdeleri bölümleriniň ýolbaşçylary we döwlet gözegçileri.»;
12) 468-nji maddanyň ikinji böleginde «etraplaryň oba hojalyk boýunça önümçilik birleşikleriniň döwlet oba hojalyk tehniki gözegçilik inženerleri-inspektorlarynyň» diýen sözleri «Türkmenistanyň Oba hojalyk we daşky gurşawy goramak ministrliginiň welaýatlaryň we etraplaryň oba hojalyk önümçilik birleşikleriniň tehniki gözegçilik boýunça baş hünärmenleriniň» diýen sözlere çalşyrmaly;
13) 469-njy maddanyň ikinji bölegini şu görnüşde beýan etmeli:
«2. Şu maddanyň birinji böleginde görkezilen edaralaryň adyndan ygtyýarlyklarynyň çäklerinde administratiw hukuk bozulmalary barada işlere seretmäge we administratiw temmisini bermäge Türkmenistanyň Suw hojalygy baradaky döwlet komitetiniň Suw gözegçilik gullugynyň başlygynyň, baş inženeriniň we başlygynyň orunbasarynyň, welaýat (basseýn) suw gözegçilik gulluklarynyň ýolbaşçylarynyň we olaryň suw gözegçilik hünärmenleriniň hukugy bardyr.»;
14) 470-nji maddanyň ikinji bölegini şu görnüşde beýan etmeli:
«2. Şu maddanyň birinji böleginde görkezilen edaralaryň adyndan öz ygtyýarlyklarynyň çäklerinde administratiw hukuk bozulmalary barada işlere seretmäge we administratiw temmisini bermäge Türkmenistanyň Oba hojalyk we daşky gurşawy goramak ministrliginiň şu wezipeli adamlarynyň hukugy bardyr:
1) Daşky gurşawy goramak gullugynyň başlygy we onuň orunbasary;
2) Daşky gurşawy goramak, Ösümlik we haýwanat dünýäsini goramak hem-de Tokaý hojalygy müdirlikleriniň başlyklary we olaryň orunbasarlary;
3) welaýatlaryň daşky gurşawy goramak müdirlikleriniň başlyklary we olaryň orunbasarlary, döwlet tebigy goraghanalarynyň, döwlet biosfera goraghanalarynyň hem-de tokaý hojalyklarynyň ýolbaşçylary we olaryň orunbasarlary;
4) Ekologiýa gözegçiligi gullugynyň başlygy we onuň orunbasary;
5) Tokaý tohumçylyk we tebigy seýilgähleri gorag gullugynyň başlygy we onuň orunbasary.»;
15) 471-nji maddanyň ikinji böleginde «Türkmenistanyň Ministrler Kabinetiniň ýanyndaky Gidrometeorologiýa barada Milli komitetiň» diýen sözleri «Türkmenistanyň Oba hojalyk we daşky gurşawy goramak ministrliginiň Gidrometeorologiýa baradaky gullugynyň» diýen sözlere çalşyrmaly;
16) 472-nji maddany şu görnüşde beýan etmeli:
«472-nji madda. Döwlet balyk goraýyş we suwuň bioserişdelerine gözegçilik edarasynyň administratiw hukuk bozulmalary barada işlere seretmek boýunça ygtyýarlylygy
1. Döwlet balyk goraýyş we suwuň bioserişdelerine gözegçilik edarasy şu Kodeksiň 113-nji, 153-nji, 155-nji (balyk tutmak kadalarynyň we suwuň biologik serişdelerini gorap saklamagyň talaplarynyň bozulmagy), 160-njy, 200-202-nji, 204-205-nji, 207-nji, 209-njy maddalarynda we 365-nji maddasynyň ikinji böleginde göz öňünde tutulan administratiw hukuk bozulmalary barada işlere seredýär.
2. Şu maddanyň birinji böleginde görkezilen edaranyň adyndan ygtyýarlyklarynyň çäklerinde administratiw hukuk bozulmalary barada işlere seretmäge we administratiw temmisini bermäge Türkmenistanyň Maliýe we ykdysadyýet ministrliginiň ýanyndaky Ykdysadyýeti töwekgelçiliklerden goramak agentliginiň Döwlet balyk goraýyş we suwuň bioserişdelerine gözegçilik müdirliginiň başlygynyň we onuň orunbasarynyň, müdirligiň welaýatlardaky bölümleriniň başlyklarynyň we döwlet gözegçileriniň hukugy bardyr.»;
17) 473-nji maddanyň ikinji böleginde «Türkmenistanyň Aragatnaşyk ministrliginiň ýanyndaky Radioýygylyklar toplumynyň peýdalanylyşyna gözegçilik etmek boýunça döwlet gullugynyň» diýen sözleri «Türkmenistanyň Senagat we kommunikasiýa ministrliginiň «Türkmenaragatnaşyk» agentliginiň ýanyndaky Döwlet radioýygylyk gullugynyň» diýen sözlere çalşyrmaly;
18) 477-nji maddanyň üçünji böleginde «Türkmenistanyň Maliýe we ykdysadyýet ministriniň we onuň orunbasarlarynyň» diýen sözleri «Türkmenistanyň Maliýe we ykdysadyýet ministrliginiň ýanyndaky Maliýe gözegçiligi gullugynyň başlygynyň we onuň orunbasarynyň» diýen sözlere çalşyrmaly.
II. Şu Kanun resmi taýdan çap edilen gününden herekete girizilýär.
Türkmenistanyň Prezidenti
Gurbanguly BERDIMUHAMEDOW.
Aşgabat şäheri. 2019-njy ýylyň 5-nji oktýabry.