Türkmenistanyň Bilim ministrliginiň goldamagynda Halkara ynsanperwer ylymlary we ösüş uniwersitetiniň gurnan Türkmenistanyň ýokary okuw mekdepleriniň talyplarynyň arasynda ýöriteleşdirilen iňlis dili boýunça Onlaýn-olimpiadanyň jemi jemlendi.
Olimpiadanayň meseleleriniň aýratynlygy we çylşyrymlylygy olaryň ýokary okuw mekdebiniň okaýan ugruna görä göz öňünde tutulandy. 1-nji toparda inžener-tehnologiýa, 2-njide ynsanperwer, üçünjide ykdysadyýet we dolandyryş ugrundan bilim alýan talyplar gatnaşdylar.
Inžener-tehnologiýa ugrundan ýeňijileriň 8-si kesgitlenildi. Olar – Rahym Çaryýew (Türkmen döwlet binagärlik-gurluşyk instituty), Aýläle Ýusubowa, Zubeýda Jumagylyjowa (Türkmenistanyň Döwlet energetika instituty, Mary ş.), Bibimerýem Gulamowa, Kuwwat Wekilow (Türkmenistanyň inžener-tehniki we ulag kommunikasiýalary instituty), Wekil Bekmyradow (Türkmenistanyň Oguzhan adyndaky Inžener-tehnologiýalar uniwersiteti), Beki Jumagulyýew, Daýanç Orazgylyjowdyr (Magtymguly adyndaky Türkmen döwlet uniwersiteti).
2-nji orunlaryň 15-sini we üçünji ýerleriňem 26-syny ýokarda agzalan ýokary okuw mekdepleriniň, şeýle hem Ýagşygeldi Kakaýew adyndaky Halkara nebit we gaz uniwersitetiniň, Türkmen oba hojalyk institutynyň (Daşoguz ş.), Türkmenistanyň Telekommunikasiýalar we informatika institutynyň, S.A. Nyýazow adyndaky Türkmen oba hojalyk uniwersitetiniň, Seýitnazar Seýdi adyndaky Türkmen döwlet mugallymçylyk institutynyň wekilleri eýelediler.
Ynsanperwer ugurdan ýokary okuw mekdepleriniň talyplary – Baýram Nepesow, Rahmet Soltanow (Türkmenistanyň DIM-niň Halkara gatnaşyklary instituty), Arazgeldi Durdyýew (Halkara ynsanperwer ylymlary we ösüş uniwersiteti), Diber Ysmaýylowa, Laçyn Şamuhammedowa, Mähri Gummyýewa, Hansoltan Nuryýewa (Döwletmämmet Azady adyndaky Türkmen milli dünýä dilleri instituty) we Mährijemal Meredowa (Magtymguly adyndaky Türkmen döwlet uniwersiteti) öňe saýlandylar.
2-nji ýerleriň 14-sinden 6-sy Döwletmämmet Azady adyndaky TMDDI-niň, 4-si Magtymguly adyndaky TDU-nyň, HYYÖU-niň we DIM-niň HGI-niň talyplaryna berildi.
Olardan başga-da, üçünji ýerleriň 17-sine S.A. Nyýazow adyndaky Türkmen oba hojalyk uniwersitetiniň, Seýitnazar Seýdi adyndaky Türkmen döwlet mugallymçylyk institutynyň hem-de Telekommunikasiýalar we informatika institutynyň talyplary mynasyp boldular.
Ykdysadyýet we dolandyryş ugrundan bilim alýan talyplaryň 4-si – Merýem Ýusupgulyýewa (Türkmen döwlet maliýe instituty), Döwletmyrat Muhammetgulyýew, Baýramgeldi Nazarow we Maral Allaberdiýewa (HYYÖU-niň) öňe saýlandylar.
Hormat münberiniň ikinji gatynda 6 ornuň 4-sini HYYÖU-niň talyplary eýelediler. Galan 2 ýeri Magtymguly adyndaky TDU-nyň we Türkmenistanyň DIM-niň HGI-niň wekilleri galdylar.
Üçünji ýerleriň 9-syndan 4-si – Türkmen döwlet maliýe institutynyň, 3-si – HYYÖU-niň, Inžener-tehniki we ulag kommunikasiýalary institutynyň we Magtymguly adyndaky TDU-nyň talyplaryna 1 orundan berildi.
Umuman, bäsleşigiň jemi boýunça ýokary okuw mekdepleriniň 14-sinden ýeňijilerň 20-si we baýrakly orunlary alanlaryň 87-si yglan edildi. Olimpiada ýokary okuw mekdepleriniň 17-sinden jemi 300 talyp gatnaşdy.
Olimpiada talyplaryň bilim alýan ugurlarynda dil taýýarlgynyň derejesine baha bermek, daşary ýurt dillerini suwara bilýän zehinli we başarjaň ýaşlary ýüze çykarmak maksady bilen geçirildi.
Ýaşlaryň dil biliminiň derejsini ýüze çykarmaga niýetlenen her dürli talyplar olimpiadalary «Türkmenistanda daşary ýurt dillerini okatmagyň konsepsiýasyny» we «Türkmenistanda sanly bilim ulgamyny ösdürmegiň konsepsiýasyny» durmuşa geçirmegiň çäklerinde geçirilýär. Şeýle bäsleşikleriň esasy wezipeleriniň hatarynda bütewi sanly bilim ulgamy arkaly daşary ýurt dillerini okatmagy kämilleşdrimek babatda ýokary okuw mekdepleriniň gatnaşyklaryny giňeltmek bar.
