Aşgabatda Türkmenistanda geljekki diplomatlar üçin guralan onlaýn-umumy sapaklar tapgyry tamamlandy.

Bäş günlük umumy sapaklar tapgyry ÝHHG-nyň bitaraplyk, gepleşikler, zenanlar diplomatiýada, diplomat bolmak «sungaty» we parahatçylygy we howpsuzlygy berkitmek işine inklýuziw gatnaşmak ýaly meseleler boýunça köpýyllyk taslama işiniň dowamydyr.

Umumy sapaklara Türkmenistanyň Daşary işler ministrliginiň Halkara gatnaşyklary institutynyň hem-de Halkara ynsanperwer ylymlary we ösüş uniwersitetiniň talyplarydyr mugallymlary gatnaşdylar.

Umumy sapaklary Belarusdan, Moldowadan, ABŞ-dan ýokary wezipeli diplomatlary geçirdiler. Sapaklaryň birinji tapgyrynda halkara gepleşikler mekdepleriniň mysalynda gepleşikleriň meňzeşligi, tapawudy, gepleşikleriň barşynda peýdaly netijeleri gazanmagyň syrlary açylyp görkezildi. Sapaklaryň ikinji tapgyrynda zenan diplomatlaryň dürli meseleleri çözmäge goşup biljek oňyn goşandy we olaryň kynçylyklary ýeňip geçip biljekdigi, şeýle hem gender deňligini ilerletmekde möhüm ähmiýeti hem-de zenanlaryň daşary syýasat işine giňişleýin gatnaşmagy ara alnyp maslalhatlaşyldy.