I. 2013-nji ýylyň 29-njy awgustynda Türkmenistanyň Kanuny bilen tassyklanan Türkmenistanyň Administratiw hukuk bozulmalary hakynda kodeksine (Türkmenistanyň Mejlisiniň Maglumatlary, 2013 ý., № 3, 52-nji madda, № 4, 76-njy madda; 2014 ý., № 1, 45-nji madda, № 2, 79-njy madda, № 4, 162-nji madda; 2015 ý., № 1, 10-njy madda, № 3, 104-nji madda, № 4, 124-nji we 143-nji maddalar; 2016 ý., № 1, 6-njy, 29-njy we 62-nji maddalar, № 4, 140-njy we 162-nji maddalar; 2017 ý., № 1, 12-nji we 30-njy maddalar, № 2, 74-nji madda, № 3, 105-nji madda, № 4, 147-nji we 167-nji maddalar; 2018 ý., № 2, 43-nji madda, № 4, 90-njy we 106-njy maddalar; 2019 ý., № 1, 7-nji madda, № 4, 65-nji we 90-njy maddalar; 2020 ý., № 3, 37-nji madda; 2021 ý., № 1, 13-nji madda) şu üýtgetmeleri we goşmaçany girizmeli:

1) 35-nji maddada we 435-nji maddanyň 6-njy bendinde «Akyly düzüw dällik», «akyly düzüw däl» we «akyly düzüw däldigi» diýen sözleri degişlilikde «Akyly ýerinde dällik», «akyly ýerinde däl» we «akyly ýerinde däldigi» diýen sözlere çalşyrmaly;

2) 57-nji maddanyň mazmunyny «1.» san belgisi bilen belgilemeli we oňa şu mazmunly bölegi goşmaly:

«2. Administratiw temmisi berilmegine sezewar edilen on alty ýaşdan on sekiz ýaşa çenli bolan kämillik ýaşyna ýetmedik adam, onuň ýerine ýetirilmeginiň tamamlanýan gününden soň, alty aýyň dowamynda administratiw hukuk bozulmany täzeden etmedik bolsa, onda ol administratiw jogapkärçilige çekilmedik hasap edilýär.»;

3) 456-njy maddanyň ikinji böleginiň 3-nji bendinde «Türkmendemirýollary» agentliginiň» diýen sözleri «Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmendemirýollary» agentliginiň» diýen sözlere çalşyrmaly;

4) 459-njy maddanyň ikinji böleginiň 1-nji, 2-nji bentlerinde we üçünji böleginde «Türkmenhowaýollary» agentliginiň» diýen sözleri «Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentliginiň» diýen sözlere çalşyrmaly;

5) 460-njy maddanyň ikinji böleginde «Türkmenawtoulaglary» agentliginiň» diýen sözleri «Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň» diýen sözlere çalşyrmaly;

6) 473-nji maddanyň ikinji böleginde «Türkmenaragatnaşyk» agentliginiň ýanyndaky Döwlet radioýygylyk gullugynyň ýolbaşçysynyň» diýen sözleri «Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň ýanyndaky Döwlet radioýygylyk gullugynyň direktorynyň» diýen sözlere çalşyrmaly;

7) 590-njy maddanyň birinji böleginde «Türkmenistanyň raýat iş ýörediş kanunçylygynda» diýen sözleri «ýerine ýetiriş önümçiligi hakynda Türkmenistanyň kanunçylygynda» diýen sözlere çalşyrmaly.

II. Şu Kanun resmi taýdan çap edilen gününden herekete girizilýär.

Türkmenistanyň Prezidenti
Gurbanguly Berdimuhamedow.

Aşgabat şäheri, 2021-nji ýylyň 18-nji dekabry.