Belent maksatlara ruhlanýan talyp ýaşlary okatmak ata-babalarymyzyň geçen gahrymançylykly ýolunyň, Watanymyzyň şöhratly taryhyny, medeniýetini, ylym-bilim, saglygy goraýyş ulgamlarynda düýpli özgertmeleri girizmek üçin şeýle-de häzirki zaman multimedia enjamlarydyr sanly innowasion tehnologiýalardan baş çykarmaklary üçin talyp ýaşlarmyza hormatly Prezidentimiz tarapyndan ähli mümkinçilikler döredilýär.

Döwlet Baştutanymyzyň ozal beren tabşyryklaryndan ugur alyp, Türkmenistanda sanly bilim ulgamyny ösdürmegiň Konsepsiýasynda we ony durmuşa geçirmegiň meýilnamasynda kesgitlenen wezipeleri durmuşa geçirmek maksady bilen, şu ýylyň aprel-maý aýlarynda ýurdumyzyň ýokary okuw mekdeplerinde sanly ulgam arkaly halkara olimpiadalary geçirilmegi göz öňünde tutlýar.

Halkara ynsanperwer ylymlary we ösüş uniwersitetinde talyplaryň ikinji açyk halkara matematika olimpiadasyny, şeýle–de Ýagşygeldi Kakaýew adyndaky Halkara nebit we gaz uniwersitetinde himiýa dersi boýunça halkara internet olimpiadasyny hem-de Türkmenistanyň Döwlet energetika institutynyň guramagynda nazary mehanika dersi boýunça birinji açyk halkara internet olimpiadasyny geçirmek meýilleşdirilýär.

Bu geçirljek Halkara olimpiadalara türkmen talyplary bilen bir hatarda dürli ýurtlaryň ýokary okuw mekdepleriniň talyplarynyň gatnaşmaklaryna garaşylýar.