Ýakynda Türkmenistanyň Telekommunikasiýalar we informatika institutynda «Talyp ýaşlaryň arasynda programma üpjünçiligi boýunça bäsleşik» geçirildi.
Bäsleşigiň esasy maksady talyplaryň hünär taýýarlygynyň hilini we döredijilik ukybyny ýokarlandyrmak, gelejekde öz kärine bolan höwesini artdyrmakda, başarnyklaryny açyp görkezmekden ybaratdyr.
Geçirlen bäsleşige her birinde 6 adam bolan 7 topar – jemi 42 talyp gatnaşdy.
Gatnaşyjylara eminler topary tarapyndan çylşyrymly ýumuşlary berildi. Bäsleşigiň netijeleri boýunça eminler tarapyndan öňdebaryjy topara Hormat hatlary we gymmat bahaly sowgatlar gowşuryldy.
Şeýle-de, Türkmenistanyň Telekommunikasiýalar we informatika institutynyň IT meýdançasynda ýaş alymlar geňeşi tarapyndan sergi hem gurnaldy.
