I. Türkmenistanyň şu kanunçylyk namalaryna üýtgetmeleri we goşmaçalary girizmeli:

1. 2009-njy ýylyň 18-nji aprelinde Türkmenistanyň Kanuny bilen tassyklanan Türkmenistanyň Jenaýat iş ýörediş kodeksinde (Türkmenistanyň Mejlisiniň Maglumatlary, 2009 ý., № 2, 29-njy madda; 2010 ý., № 3, 42-nji madda; 2011 ý., № 3, 56-njy madda; 2012 ý., № 1, 43-nji madda, № 4, 110-njy madda; 2014 ý., № 1, 41-nji madda, № 2, 78-nji madda; 2016 ý., № 1, 7-nji we 65-nji maddalar; 2017 ý., № 3, 110-njy madda; 2018 ý., № 2, 33-nji madda; 2019 ý., №1, 8-nji madda, № 4, 89-njy madda; 2020 ý., № 3, 35-nji madda; Türkmenistanyň Milli Geňeşiniň Maglumatlary, 2022 ý., № 2, 28-nji madda):

1) 33-nji maddanyň ikinji böleginde «71-73-nji» diýen sanlary «70-72-nji» diýen sanlara çalşyrmaly;

2) 61-nji maddanyň ikinji bölegini şu görnüşde beýan etmeli:

«2. Türkmenistanyň Jenaýat kodeksiniň 101-nji maddasynyň ikinji böleginde, 124-nji, 128-nji we 129-njy maddalarynda, 132-nji maddasynyň üçünji böleginde, 133-nji maddasynyň dördünji böleginde, 165-nji, 174-nji, 179-195-nji maddalarynda, 203-nji maddasynyň üçünji böleginde, 208-211-nji maddalarynda, 231-nji, 234-nji, 274-nji maddalarynda, 276-njy maddasynyň üçünji we dördünji böleklerinde, 293-nji, 294-nji, 301-nji, 306-308-nji maddalarynda, 327-nji maddasynyň üçünji böleginde, 329-njy maddasynyň dördünji böleginde, 363-nji maddasynyň ikinji, üçünji we dördünji böleklerinde, 367-nji, 371-nji maddalarynda, 391-nji maddasynyň üçünji böleginde göz öňünde tutulan jenaýat işleri, şeýle hem döwlet wezipeli adamlary we kazyýetiň oturdaşlary tarapyndan edilen jenaýatlar baradaky jenaýat işleri welaýat, welaýat hukukly şäher kazyýetiniň birinji basgançakly kazyýet hökmünde seretmegine degişlidir.»;

3) 76-njy maddada:

1-nji bendi şu görnüşde beýan etmeli:

«1) içeri işler edaralary – kanun arkaly özleriniň ygtyýarlyklaryna degişli edilen işler boýunça;»;

6-njy, 7-nji we 8-nji bentleri aýyrmaly;

9-njy, 10-njy we 11-nji bentleri degişlilikde 6-njy, 7-nji we 8-nji bentler diýip hasap etmeli;

4) 79-njy maddanyň bäşinji böleginde:

8-nji bentde «mugt hukuk kömegini almaga» diýen sözlerden soň «ýa-da adwokatdan ýüz döndermäge» diýen sözleri goşmaly;

şu mazmunly bentleri goşmaly:

«14) adwokatyň işe gatnaşmaga goýberilen pursadyndan başlap, onuň bilen sany we dowamlylygy çäklendirilmedik, ikiçäk we ýaşyrynlygy saklamak şertlerinde duşuşmaga;

15) jenaýat iş ýöredişi alyp barýan edaranyň bilermenler seljermesini bellemek hakyndaky karary (kesgitnamasy) we bilermenleriň netijenamasy bilen tanyşmaga.»;

5) 80-nji maddanyň ikinji böleginiň 12-nji bendinde «ýaşyryn» diýen sözi «ýaşyrynlygy saklamak şertlerinde» diýen sözlere çalşyrmaly;

6) 86-njy maddanyň ikinji böleginde, 341-nji maddanyň birinji böleginde, 382-nji maddanyň mazmunynda we 538-nji maddanyň birinji böleginde «111-nji we 115-nji maddalarynda, 132-nji maddasynyň birinji böleginde» we «23-nji, 77-nji maddalarynyň» diýen sözleri degişlilikde «113-nji maddasynda, 131-nji maddasynyň birinji böleginde» we «20-nji maddasynyň ikinji böleginiň, 76-njy maddasynyň» diýen sözlere çalşyrmaly;

7) 94-nji maddanyň ikinji we üçünji böleklerinde, 96-njy maddanyň bäşinji böleginde, 100-nji maddanyň üçünji böleginde, 145-nji maddanyň üçünji böleginde, 243-nji maddanyň ikinji böleginde, 277-nji maddanyň bäşinji böleginde, 308-nji maddanyň ýedinji böleginde, 346-njy maddanyň mazmunynda, 383-nji maddanyň birinji böleginde, 418-nji maddanyň bäşinji böleginiň 3-nji bendinde we altynjy böleginde, 424-nji maddanyň birinji böleginiň 4-nji bendinde, 460-njy maddanyň mazmunynda, 471-nji maddanyň üçünji böleginde, 474-nji maddanyň mazmunynda, 478-nji maddanyň birinji böleginde, 482-nji maddanyň birinji böleginde we 500-nji maddanyň üçünji böleginde «201-nji», «202-nji», «66-njy», «204-nji», «206-njy», «74-nji», «72-nji», «71-nji we 73-nji», «66-njy», «68-nji», «63, 64-nji», «79-njy», «63-nji we 64-nji», «75-nji we 76-njy» we «81-nji» diýen sanlary degişlilikde «220-nji», «221-nji», «65-nji», «223-nji», «225-nji», «73-nji», «71-nji», «70-nji we 72-nji», «65-nji», «67-nji», «62-nji, 63-nji», «78-nji», «62-nji we 63-nji», «74-nji we 75-nji» we «80-nji» diýen sanlara çalşyrmaly;

8) 126-njy maddanyň birinji bölegine şu mazmunly bendi goşmaly:

«10) Türkmenistanyň Jenaýat kodeksiniň 50-nji maddasyna laýyklykda muzdsuz alynmaga degişli emlägiň jenaýaty amala aşyrmagyň netijesinde alnan ýa-da şol emläkden gazanylan girdeji bolup durýan ýa-da jenaýaty amala aşyrmakda närse, enjam ýa-da beýleki serişde hökmünde ýa-da terrorçylygyň, ekstremistik işiň (ekstremizmiň), guramaçylykly toparyň, bikanun ýaragly we harbylaşdyrylan düzümleriň, jenaýatçylykly birleşmäniň (jenaýatçylykly guramanyň) maliýeleşdirilmegi üçin ulanylan ýa-da ulanylmagy üçin niýetlenendigini tassyklaýan ýagdaýlar.»;

9) 196-njy maddanyň ikinji bölegini şu görnüşde beýan etmeli:

«2. Şu Kodeksde emlägi muzdsuz almak göz öňünde tutulan ýa-da amala aşyrylan jenaýat üçin jerime ýa-da beýleki emläk bilen öwezini dolmak görnüşde jogapkärçilik göz öňünde tutulan jenaýatlar baradaky işler boýunça anyklaýjy, sülçi, prokuror we kazyýet (kazy) degişlilikde güman edilýäniň, aýyplanýanyň emläginiň, onuň bahasynyň muzdsuz alynmaga degişli närsäniň bahasyna laýyk gelýän bolsa, ýa-da şol närsäniň gymmatyna deň-derejesine (ekwiwalent) barabar bolsa, we güman edilýäniň, aýyplanýanyň ýa-da Türkmenistanyň kanunçylygyna laýyklykda güman edilýän, aýyplanýan tarapyndan ýetirilen zyýan üçin jogapkärçilik çekýän şahslaryň emlägi, onuň gymmaty ýetirilen maddy zyýanyň öwezini dolmaklygy, jerimäni we beýleki emläk bilen öndürip almaklygy üpjün etjek emläginiň saklanylmagy üçin gaýragoýulmasyz çäreleri hem-de şeýle emlägi gozgamasyz etmek boýunça çäreleri görmelidir.»;

10) 213-nji maddanyň birinji, ikinji we dördünji böleklerinde «111-nji we 115-nji maddalarynda, 132-nji maddasynyň birinji böleginde», «134-nji maddasynyň birinji böleginde, 137-nji we 153-nji maddalarynda», «134-nji maddasynyň birinji böleginde» diýen sözleri degişlilikde «113-nji maddasynda we 131-nji maddasynyň birinji böleginde», «132-nji maddasynyň birinji böleginde, 135-nji we 151-nji maddalarynda», «132-nji maddasynyň birinji böleginde» diýen sözlere çalşyrmaly;

11) 218-nji maddada:

birinji bölekden soň şu mazmunly bölegi goşmaly:

«2. Kаzyýеt, kаzy, prоkurоr, şеýlе-dе prоkurоryň rugsаdy bilеn аnyklаýjy, sülçi Türkmеnistаnyň Jеnаýat kоdеksiniň 70-72-nji mаddаlаryndа görkеzilеn esаslаr bоýunçа jenaýat işini gozgamakdan ýüz döndermek hakynda anyklaýyş edarasy, sülçi, prokuror we kazy karar, kazyýet bolsa kesgitnama çykarmаgа hаklydyrlаr.»;

ikinji, üçünji, dördünji bölekleri degişlilikde üçünji, dördünji, bäşinji bölekler diýip hasap etmeli;

12) 223-nji maddanyň birinji böleginde «111, 118-nji maddalarynda, 132-nji maddasynyň birinji böleginde, 138, 157, 160, 209, 221-223-nji, 226-njy maddalarynda, 229-njy maddasynyň birinji böleginde, 234-nji maddasynyň birinji böleginde, 235-nji maddasynyň birinji böleginde, 237-nji maddasynyň birinji we ikinji böleklerinde, 262, 263-nji maddalarynda, 264-nji maddasynyň birinji böleginde, 265-nji maddasynyň birinji böleginde, 279-njy maddasynyň birinji we ikinji böleklerinde, 304, 318, 321-323-nji maddalarynda» diýen sözleri «131-nji maddasynyň birinji böleginde, 136-njy, 156-njy, 159-njy, 229-njy, 243-nji, 244-nji maddalarynda, 250-nji maddasynyň birinji böleginde, 255-nji maddasynyň birinji böleginde, 256-njy maddasynyň birinji böleginde, 258-nji maddasynyň birinji we ikinji böleklerinde, 284-nji, 285-nji maddalarynda, 286-njy maddasynyň birinji böleginde, 287-nji maddasynyň birinji böleginde, 310-njy, 339-njy, 356-njy, 359-361-nji maddalarynda» diýen sözlere çalşyrmaly;

13) 224-nji maddada:

birinji bölekde «101-106, 120-124, 126-127, 129-131, 134, 136-137, 143-154, 158-159, 161-163, 181-200, 205, 209, 211-213, 219, 223-225, 233, 240, 242, 245-246, 250-253, 255, 257-260, 267-270, 274, 275, 275¹, 280-281, 311-317, 317-1, 319-320, 324-325, 330-331, 337-359-njy maddalarynda» diýen sözleri «101-106-njy, 118-122-nji, 124-nji, 125-nji, 127-130-njy, 132-nji, 134-nji, 135-nji, 141-152-nji, 157-nji, 158-nji, 160-njy, 161-nji, 196-219-njy, 224-nji, 229-njy, 231-234-nji, 237-nji, 241-nji, 244-246-njy, 254-nji, 261-nji, 263-nji, 266-268-nji, 271-275-nji, 277-nji, 279-282-nji, 289-292-nji, 301-nji, 304-nji, 305-nji, 311-316-njy, 346-355-nji, 357-nji, 358-nji, 362-nji, 363-nji, 369-njy, 370-nji, 384-407-nji maddalarynda» diýen sözlere çalşyrmaly;

ikinji bölekde «167-180, 214 (eger olar Türkmenistanyň gümrük araçäginden geçirmegiň ýörite düzgünleri bellenilen harytlaryň ýa-da başga närseleriň Türkmenistanyň gümrük araçäginden uly möçberde geçirilip, kontrabanda edilmegi we neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasy bilen bagly bolmasa), 215, 254 (Türkmenistanyň gümrük araçäginden geçirmegiň ýörite düzgünleri bellenilen harytlaryň ýa-da başga närseleriň Türkmenistanyň gümrük araçäginden uly möçberde geçirilip, kontrabanda edilmeginden we neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasyndan başga), 271-273, 274¹, 274², 276-277¹, 283-285 we 332-nji maddalarynda» diýen sözleri «165-195-nji, 235-nji (neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasy bilen bagly bolmasa), 236-njy, 276-njy (neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasyndan başga), 293-300-nji, 302-nji, 303-nji, 306-308-nji, 318-320-nji we 371-nji maddalarynda» diýen sözlere çalşyrmaly;

üçünji bölekde «107-119¹, 125, 128, 132, 135, 138-142, 155-157, 160, 164-166, 207, 207¹, 208, 214 (eger olar Türkmenistanyň gümrük araçäginden geçirmegiň ýörite düzgünleri bellenilen harytlaryň ýa-da başga närseleriň Türkmenistanyň gümrük araçäginden uly möçberde geçirilip, kontrabanda edilmegi we neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasy bilen bagly bolsa), 216-218, 220-222, 227, 228, 230-232, 234-239, 241, 243-244, 247-249, 254 (Türkmenistanyň gümrük araçäginden geçirmegiň ýörite düzgünleri bellenilen harytlaryň ýa-da başga närseleriň Türkmenistanyň gümrük araçäginden uly möçberde geçirilip, kontrabanda edilmegi we neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasy), 256, 261-266, 278-279, 282, 286-310, 318, 321-323, 326-329, 333-335³ maddalarynda» diýen sözleri «107-117-nji, 123-nji, 126-njy, 131-nji, 133-nji, 136-140-njy, 153-156-njy, 159-njy, 162-164-nji, 226-228-nji, 235-nji (neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasy bilen bagly bolsa), 238-240-njy, 242-nji, 243-nji, 247-249-njy, 251-253-nji, 255-260-njy, 262-nji, 264-nji, 265-nji, 269-njy, 270-nji, 276-njy (neşe serişdeleriniň ýa-da psihotrop maddalaryň we olaryň prekursorlarynyň, neşe serişdelerini ýa-da psihotrop maddalary taýýarlamakda ulanylýan gurallaryň, düzüminde tramadol gidrohlorid (tramadolyň beýleki önümleri) ýa-da başga psihoaktiw maddalar bolan uly möçberdäki derman serişdeleriniň kontrabandasy bilen bagly bolsa), 278-nji, 283-288-nji, 309-njy, 310-njy, 317-nji, 321-345-nji, 356-njy, 359-361-nji, 364-368-nji, 372-383-nji maddalarynda» diýen sözlere çalşyrmaly;

dördünji bölekde «229-njy», «181-188-nji» we «267-270-nji» diýen sanlary degişlilikde «250-nji», «196-207-nji» we «289-292-nji» diýen sanlara çalşyrmaly;

bäşinji bölekde «201-204, 206, 210-njy» diýen sanlary «220-223-nji, 225-nji, 230-njy» diýen sanlara çalşyrmaly;

14) 480-nji maddada:

birinji bölegi şu görnüşde beýan etmeli:

«1. Türkmenistanyň Jenaýat kodeksiniň 77-nji maddasyna laýyklykda jezany çekmegi yza süýşürmek hakyndaky, Türkmenistanyň Jenaýat kodeksiniň 78-nji maddasyna laýyklykda jeza çekmekden boşatmak hakyndaky, Türkmenistanyň Jenaýat kodeksiniň 43-nji, 44-nji, 47-49-njy maddalarynda göz öňünde tutulan halatlarda ýetirilen zyýany düzetmek borjuny, jerimäni, hökmany işlerini, düzediş işlerini we belli bir ýerde ýaşamak borjuny başga jeza çäreleri bilen çalşyrmak hakyndaky, Türkmenistanyň Jenaýat kodeksiniň 98-nji maddasyna laýyklykda lukmançylyk häsiýetli mejbury çäreleriň ulanylmagyny uzaltmak, üýtgetmek we ýatyrmak hakyndaky, Türkmenistanyň Jenaýat kodeksiniň 94-nji maddasynyň ikinji bölegine we Türkmenistanyň jeza çäresini ýerine ýetiriş kanunçylygyna laýyklykda arakhorlukdan, neşekeşlikden ýa-da toksikomaniýadan ejir çekýänler barada lukmançylyk häsiýetli mejbury çäreleriň ulanylmagy hakyndaky meseleler, şeýle hem höküm ýerine ýetirilende ýüze çykýan her hili şübheler we aýdyň bolmadyk zatlar hökümi çykaran kazyýet tarapyndan çözülýär.»;

dördünji bölekde «68, 69-njy» we «78-nji» diýen sanlary degişlilikde «67-nji, 68-nji» we «77-nji» diýen sanlara çalşyrmaly.

2. 2011-nji ýylyň 25-nji martynda Türkmenistanyň Kanuny bilen tassyklanylan Türkmenistanyň Jenaýat-ýerine ýetiriş kodeksinde (Türkmenistanyň Mejlisiniň Maglumatlary, 2011 ý., № 1, 8-nji madda; 2013 ý., № 3, 58-nji madda; 2014 ý., № 1, 42-nji madda; 2015 ý., № 4, 125-nji madda; 2016 ý., № 4, 164-nji madda; 2017 ý., № 1, 14-nji madda, № 4, 167-nji madda; 2018 ý., № 2, 43-nji madda; 2019 ý., № 1, 9-njy madda; Türkmenistanyň Milli Geňeşiniň Maglumatlary, 2022 ý., № 1-2, 30-njy madda):

1) 13-nji maddada:

dördünji bölekde «Düzediş işleri» diýen sözleri «Hökmany işler, düzediş işleri» diýen sözlere çalşyrmaly;

onunjy bölekde «azatlygy çäklendirmek,» diýen sözlerden soň «hökmany işler,» diýen sözleri goşmaly;

2) 6-njy bapdan soň şu mazmunly baby goşmaly:

«6¹-njy BAP. HÖKMANY IŞLER GÖRNÜŞINDÄKI JEZANY ÝERINE ÝETIRMEK

 32¹-nji madda. Hökmany işler görnüşindäki  jezany ýerine ýetirmegiň  tertibi

1. Hökmany işler görnüşindäki jeza iş kesileniň ýaşaýan ýeri boýunça jezalary ýerine ýetirýän edara tarapyndan ýerine ýetiriji häkimiýetiň ýerli edaralary ýa-da ýerli öz-özüňi dolandyryş edaralary bilen ylalaşyp kesgitlenen ýerlerde çekilýär.

2. Hökmany işlere iş kesilenler hökümiň ýa-da beýleki kazyýet çözgüdiniň göçürme nusgasy bilen kazyýetiň degişli buýrugynyň jezalary ýerine ýetirýän edara gelip gowşan gününden on bäş gün möhletden gijä galman, jeza möhletini doldurmaga çekilýär.

3. Jezalary ýerine ýetirýän edara iş kesilenleriň hasabyny ýöredýär, iş kesilene jezany çekmegiň tertibini we şertlerini düşündirýär, ýerine ýetiriji häkimiýetiň ýerli edaralary ýa-da ýerli öz-özüňi dolandyryş edaralary bilen hökmany işler görnüşindäki jezany çekmeli ýerleriň sanawyny ylalaşýar, iş kesileniň özüni alyp barşyna we jezany çekmegiň şertleriniň berjaý edişine gözegçilik edýär, iş kesilenleriň işlän wagtynyň umumy hasabyny ýöredýär, esasly sebäpler bolmazdan çagyryşa ýa-da bellige aldyrmaga gelmeýän iş kesilenleri getirmek hakynda karar kabul edýär, iş kesilenleri agtaryp tapmak boýunça ilkinji çäreleri geçirýär, bolýan ýeri näbelli bolan iş kesilenler hakynda resminamalary taýýarlaýar we degişli gulluga geçirýär.

32²-nji madda. Hökmany işler görnüşindäki  jezany çekmegiň şertleri

1. Hökmany işlere iş kesilenler olar üçin kesgitlenen ýerlerde işlemäge we kazyýetiň höküminde bellenen hökmany işleriň möhletini tölegsiz işläp bermäge, jezany çekýän ýeri bolan kärhanasynyň içerki zähmet düzgün-tertibini we şertlerini berjaý etmäge, zähmete ak ýürekli garamaga, şu Kodeks bilen bellenilen borçlary ýerine ýetirmäge we gadagan etmeleri berjaý etmäge, jezany ýerine ýetirýän edaranyň çagyrmagy boýunça bellige aldyrmak üçin aýda iki gezek barmaga, terbiýeçilik çärelerine gatnaşmaga, hemişelik ýaşaýan ýeriniň üýtgemegi barada jezany ýerine ýetirýän edara habar bermäge borçludyrlar.

2. Iş kesileniň esasy işleýän ýeri boýunça her ýylky esasy rugsadynyň berilmegi, okuw ýylynyň dynç alyş döwründe bolunmagy hökmany işler jezasyny ýerine ýetirmegi togtatmaýar.

3. Hökmany işlere iş kesilen zähmete ukypsyz diýip ykrar edilende, pensiýa ýaşyna ýetende jezalary ýerine ýetirýän edara gözegçilik topary bilen bilelikde iş kesileni mundan beýläk jezany çekmekden boşatmak barada, iş kesilen aýalyň göwreli bolmagy bilen bolsa jezany çekmegi yza süýşürmek barada kazyýete teklipnama ugradýar.

32³-nji madda. Hökmany işler görnüşindäki  jezanyň möhletini  hasaplamak

1. Hökmany işleriň möhleti iş kesileniň hökmany işlerinde işlän sagatlary bilen hasaplanylýar.

2. Okuw sapaklarynyň ýok ýa-da esasy işinde işlemeýän günlerde hökmany işleriň sagady dört sagatdan, esasy işinde işleýän ýa-da okaýan günlerinde iş wagtynyň ýa-da okuw sapaklarynyň öňünden ýa-da soňundan iki sagatdan artyk bolup bilmez. Iş kesileniň haýyş etmegi boýunça esasy işinde işleýän ýa-da okaýan günlerinde hökmany işlerinde işlemegiň sagady artdyrylyp bilner, ýöne ol dört sagatdan artyk bolup bilmez.

32⁴-nji madda. Iş kesilenleriň hökmany işler  görnüşindäki jezany çekýän  ýerlerindäki kärhanalaryň,  edaralaryň we guramalaryň  administrasiýasynyň borçlary

1. Iş kesilen tarapyndan hökmany işler görnüşindäki jezany çekýän ýerlerindäki kärhanalaryň, edaralaryň we guramalaryň administrasiýasynyň üstüne iş kesileniň kesgitlenen işleri ýerine ýetirişine gözegçilik etmek, şu Kodeksde göz öňünde tutulan jezany çekmegiň şertlerini berjaý etmek, jezalary ýerine ýetirýän edara iş kesileniň işlän sagatlary barada maglumat bermek, şeýle hem iş kesilene ulanylan höweslendiriş we düzgün-nyzam temmi çäreleri, jezany çekmekden boýun gaçyrmagy hakynda habar bermek ýüklenilýär.

2. Hökmany işler görnüşindäki jezany çekmek bilen bagly iş kesilene şikes ýetirilen ýagdaýynda, ýetirilen zyýanyň öwezi Türkmenistanyň kanunçylygyna laýyklykda dolunýar.

32⁵-nji madda. Hökmany işler görnüşindäki  jezany çekmek tertibiniň  hem-de şertleriniň  bozulmagy we jezany  çekmekden zandyýamanlyk  bilen boýun gaçyrylmagy  üçin jogapkärçilik

1. Şu aşakdakylar hökmany işler görnüşindäki jezany çekmek tertibiniň we şertleriniň bozulmagydyr:

1) iş kesileniň esasly sebäpler bolmazdan hökmany işleri ýerine ýetirmezligi ýa-da işe çykmazlygy;

2) iş kesileniň kesgitlenen işlerde işlemekden ýüz döndermegi;

3) iş kesileniň hökmany işleri çekýän döwründe beýleki zähmet düzgün-tertibi bozmaklygy;

4) iş kesileniň esasly sebäpler bolmazdan, jezany ýerine ýetirýän edaranyň çagyrmagy boýunça gelmezligi.

2. Şu maddanyň birinji böleginde görkezilen düzgün bozulmalaryň islendigi üçin jezany ýerine ýetirýän edara tarapyndan hökmany işler görnüşindäki jezany çekmekden zandyýamanlyk bilen boýun gaçyrylsa, jezanyň görnüşiniň üýtgediljekdigi barada iş kesilene ýazmaça duýduryş yglan edilýär.

32⁶-nji madda. Hökmany işler görnüşindäki  jezany çekmekden  zandyýamanlyk bilen  boýun gaçyrmak

1. Hökmany işler görnüşindäki jezany çekmekden zandyýamanlyk bilen boýun gaçyrýan ýagdaýlar diýlip aşakdakylar ykrar edilýär:

1) şu Kodeksiň 32⁵-nji maddasynda görkezilen düzgün bozulmalaryň islendigi üçin oňa ýazmaça duýduryş yglan edilenden soň hökmany işler görnüşindäki jezany çekmegiň tertibiniň we şertleriniň gaýtadan bozulmagyna ýol beren adam;

2) jezany çekmekden boýun gaçyrmak maksady bilen ýaşaýan ýerinden gidip, bolýan ýeri näbelli bolan adam.

2. Ýaşaýan ýerinden gizlenip, bolýan ýeri näbelli bolan iş kesilene gözleg yglan edilýär we ol Türkmenistanyň kanunçylygynda göz öňünde tutulan tertipde içeri işler edarasy tarapyndan tutulyp saklanyp bilner, bu hakda prokurora habar berilýär.

3. Hökmany işler görnüşindäki jezany çekmekden zandyýamanlyk bilen boýun gaçyrýan iş kesilenler babatda jezalary ýerine ýetirýän edara gözegçilik topary bilen bilelikde Türkmenistanyň kanunçylygynda bellenilen tertipde bu jezany azatlykdan mahrum etmek jezasy bilen çalşyrmak hakynda kazyýete teklipnama iberýär.»;

3) 86-njy maddanyň altynjy böleginde, 169-njy we 171-nji maddalaryň mazmunynda, 173-nji maddanyň birinji böleginde «75-nji we 76-njy», «75-nji», «76-njy», «77-nji» diýen sanlary degişlilikde «74-nji we 75-nji», «74-nji», «75-nji», «76-njy» diýen sanlara çalşyrmaly;

4) 167-nji maddanyň birinji bölegini şu görnüşde beýan etmeli:

«1. Belli bir wezipede işlemek ýa-da belli bir iş bilen meşgullanmak hukugyndan mahrum etmek, belli bir ýerde ýaşamak borjuny ýüklemek, düzediş işleri, azatlygy çäklendirmek, azatlykdan mahrum etmek, şeýle hem harby gulluk boýunça çäklendirme we harby-düzediş bölüminde saklamak görnüşindäki jezalary çekmek Türkmenistanyň kanunçylygyna laýyklykda jeza möhletine girizilen üýtgetmeleri hem hasaba almak bilen, jeza çekmek möhletiniň iň soňky gününde, hökmany işler görnüşindäki jezany çekmek bolsa iň soňky sagadynda ýatyrylýar.».

3. 2013-nji ýylyň 29-njy awgustynda Türkmenistanyň Kanuny bilen tassyklanan Türkmenistanyň Administratiw hukuk bozulmalary hakynda kodeksinde (Türkmenistanyň Mejlisiniň Maglumatlary, 2013 ý., № 3, 52-nji madda, № 4, 76-njy madda; 2014 ý., № 1, 45-nji madda, № 2, 79-njy madda, № 4, 162-nji madda; 2015 ý., № 1, 10-njy madda, № 3, 104-nji madda, № 4, 124-nji we 143-nji maddalar; 2016 ý., № 1, 6-njy, 29-njy we 62-nji maddalar, № 4, 140-njy we 162-nji maddalar; 2017 ý., № 1, 12-nji we 30-njy maddalar, № 2, 74-nji madda, № 3, 105-nji madda, № 4, 147-nji we 167-nji maddalar; 2018 ý., № 2, 43-nji madda, № 4, 90-njy we 106-njy maddalar; 2019 ý., № 1, 7-nji madda, № 4, 65-nji we 90-njy maddalar; 2020 ý., № 3, 37-nji madda; 2021 ý., № 1, 13-nji madda; Türkmenistanyň Milli Geňeşiniň Maglumatlary, 2021 ý., № 2-3, 49-njy madda, № 4, 147-nji madda; 2022 ý., № 1-2, 26-njy madda):

1) 25-nji maddada «edilmegi» diýen sözden soň «ýa-da Türkmenistanyň Jenaýat kodeksiniň 70-72-nji maddalarynda görkezilen esaslar boýunça jenaýat jogapkärçiliginden boşadylmagy» diýen sözleri goşmaly;

2) 27-nji maddanyň dördünji böleginde «345-346-njy,» diýen sanlardan soň «349¹-njy,» diýen sany goşmaly;

3) 86-njy maddada:

üçünji bölekden soň şu mazmunly bölegi goşmaly:

«4. Ygtyýarnamasy ýa-da degişli lukmançylyk bilimi bolmadyk adamyň lukmançylyk işi bilen meşgullanmagy netijesinde adamyň saglygyna seresapsyzlykdan ortaça agyrlykda zyýanyň ýetirilmegine getirmegi —

fiziki şahslara binýatlyk mukdaryň onusyndan ýigrimisine, wezipeli adamlara – ýigrimisinden kyrkysyna çenli möçberde jerime salynmagyna ýa-da on gije-gündize çenli möhlete administratiw taýdan tussag edilmegine eltýär.»;

dördünji bölegi bäşinji bölek diýip hasap etmeli;

4) 86-njy maddadan soň şu mazmunly maddany goşmaly:

«86¹-njy madda. Hususy lukmançylyk  ýa-da hususy  farmasewtika işi bilen  bikanun meşgullanylmagy

1. Ygtyýarnamasy bolmadyk adam tarapyndan hususy lukmançylyk ýa-da hususy farmasewtika işi bilen meşgullanandygy üçin, eger şeýle işiň netijesinde adamyň saglygyna seresapsyzlykdan ýeňil zyýanyň ýetirilmegi —

binýatlyk mukdaryň onusyndan ýigrimisine çenli möçberde jerime salynmagyna eltýär.

2. Şonuň ýaly hereketler netijesinde adamyň saglygyna seresapsyzlykdan ortaça agyrlykda zyýanyň ýetirilmegi —

binýatlyk mukdaryň ýigrimisinden otuzysyna çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

5) 89-njy madda şu mazmunly belligi goşmaly.

«Bellik

Şu maddada suwa döwlet eýeçiligi hukugynyň bozulmagy netijesinde Türkmenistanyň kanunçylygynda jenaýat boýunça bellenilen binýatlyk mukdaryň iki ýüz ýigrimi bäşisinden geçmeýän halatynda ulanylýar.»;

6) 92-nji maddanyň belliginiň mazmunynda, 283-nji maddanyň belliginiň 2-nji böleginde, 312-nji we 313-nji maddalaryň bellikleriniň mazmunynda «zähmete hak tölemegiň ortaça aýlyk möçberinden», «zähmete hak tölemegiň ortaça aýlyk möçberiniň ýüzüsinden artyk gelýän, ýöne bäş ýüzüsinden», «zähmete hak tölemegiň ortaça aýlyk möçberiniň ýigrimisinden», «zähmete hak tölemegiň ortaça aýlyk möçberiniň ellisinden», «zähmete hak tölemegiň ortaça aýlyk möçberiniň on ikisine» diýen sözleri degişlilikde «binýatlyk mukdaryň on bäşisinden», «binýatlyk mukdaryň bir müň bäş ýüzüsinden», «binýatlyk mukdaryň altmyşysyndan», «binýatlyk mukdaryň ýüz ellisinden», «binýatlyk mukdaryň otuz altysyna» diýen sözlere çalşyrmaly;

7) 94-nji maddanyň sanksiýasyny we belligini şu görnüşde beýan etmeli:

«binýatlyk mukdaryň üçüsine çenli möçberde jerime salynmagyna eltýär.

Bellik

Eger ýetirilen zyýanyň möçberi Türkmenistanyň kanunçylygynda bellenilen binýatlyk mukdaryň on bäşisinden geçmese, onda ep-esli möçberde zyýan ýetirilmedik diýlip hasap edilýär.»;

8) 94-nji maddadan soň şu mazmunly maddany goşmaly:

«94¹-nji madda. Seresapsyzlykdan emlägiň  ýok edilmegi ýa-da  zaýalanylmagy

Kesekiniň emlägini seresapsyzlykdan uly bolmadyk möçberde ýok edene ýa-da zaýalana,

binýatlyk mukdaryň birisine çenli möçberde jerime salynmagyna eltýär.

Bellik

Şu maddada uly bolmadyk möçber diýlip, emlägiň binýatlyk mukdaryň onusyndan köp, ýöne iki ýüz ýigrimi bäşisinden geçmeýän möçberi hasap edilýär.»;

9) 96-njy madda şu mazmunly belligi goşmaly:

«Bellik

Şu maddada görnetin jenaýatçylykly ýol bilen ele salnan emlägiň gymmaty bellenilen binýatlyk mukdaryň on bäşisinden geçmeýän halatynda ulanylýar.»;

10) 99-njy maddadan soň şu mazmunly maddany goşmaly:

«99¹-njy madda. Hasyl almak maksady  bilen ýerleri özbaşdak  eýelemek

Daýhan birleşikleriniň, daýhan hojalyklaryň we beýleki ýerden peýdalanyjylaryň peýdalanmagyndaky ýa-da döwletiň eýeçiligindäki ýerleriň hasyl almak maksady bilen özbaşdak eýelenmegi, sürülmegi we ekilmegi üçin, eger şol etmişler raýatlara, guramalara ýa-da döwlete uly zyýan ýetirmеdik bolsa ýa-da uly möçberde girdeji almadyk ýa-da gadagan edilen ösümlikleriň bikanun ösdürilip ýetişdirilmegi bilen bagly bolmadyk ýagdaýda edilendigi üçin,

fiziki şahslara binýatlyk mukdaryň ellisine, wezipeli adamlara – ýetmiş bäşisine, ýuridik şahslara ýüzüsine çenli möçberde jerime salynmagyna eltýär.

Bellik

Şu maddada uly zyýan diýlip, binýatlyk mukdaryň üç ýüzüsinden, uly möçberde girdeji diýlip, binýatlyk mukdaryň dört ýüz ellisinden geçýän möçberi hasap edilýär.»;

11) 103-nji maddanyň sanksiýasynda «birisine» we «üçüsine» diýen sözleri degişlilikde «üçüsine» we «altysyna» diýen sözlere çalşyrmaly;

12) 103-nji maddadan soň şu mazmunly maddany goşmaly:

«103¹-nji madda. Ýerleri özbaşdak eýeläp,  bikanun gurluşyk etmek

Ýerleri özbaşdak eýeläp, bikanun gurluşyk edilmegi —

fiziki şahslara binýatlyk mukdaryň otuzysyna, wezipeli adamlara –kyrkysyna, ýuridik şahslara ellisine çenli möçberde jerime salynmagyna eltýär.»;

13) 118-nji madda şu mazmunly belligi goşmaly:

«Bellik

Şu maddada ýetirilen zyýan diýlip, binýatlyk mukdaryň kyrk bäşisinden geçmeýän möçberi hasap edilýär.

Şu maddada ýetirilen zyýanyň ep-esli möçberi diýlip, binýatlyk mukdaryň on bäşisinden, uly möçberi diýlip, binýatlyk mukdaryň ýetmiş bäşisinden geçýän möçberi hasap edilýär»;

14) 155-nji madda şu mazmunly belligi goşmaly:

«Bellik

Şu maddada görkezilen bikanun aw awlamagyň we balyk tutmagyň netijesinde haýwanlaryň we guşlaryň, balygyň, deňiz haýwanynyň we suwuň beýleki haýwanlarynyň ýa-da senetçilik deňiz ösümlikleriniň tebigaty goramak babatda döwlet dolandyryşynyň ygtyýarly edarasy tarapyndan tassyklanan bahalar boýunça hasaplanyp çykarylan gymmatynyň bellenilen binýatlyk mukdaryň altmyşysyndan geçmeýän halatynda ulanylýar.»;

15) 163-nji maddada:

birinji bölegiň sanksiýasynda «ikisine» we «dördüsine» diýen sözleri degişlilikde «dördüsine» we «dördüsinden sekizisine» diýen sözlere çalşyrmaly;

ikinji bölegiň sanksiýasynda «ikisinden dördüsine» we «dördüsinden altysyna» diýen sözleri degişlilikde «dördüsinden altysyna» we «altysyndan onusyna» diýen sözlere çalşyrmaly;

16) 164-nji maddanyň sanksiýasynda «birisine» diýen sözi «üçüsine» diýen sözlere çalşyrmaly;

17) 180¹-nji madda şu mazmunly bölegi goşmaly:

«6. Gurluşyk guramalarynyň ýolbaşçylary, işleri ýerine ýetirijiler we gurluşygyň hiline gözegçiligi amala aşyrýan wezipeli adamlar tarapyndan ýaramaz hilli gurlan, tamamlanylmadyk ýa-da şertnamanyň we taslama resminamalarynyň şertlerine laýyk gelmeýän binalaryň we desgalaryň, awtomobil ýollarynyň, ýerasty geçelgeleriň, elektrostansiýalaryň, ýaşaýyş jaýlarynyň ýa-da gaýry gurluşyk obýektleriniň ulanylmaga tabşyrylandygy ýa-da kabul edilendigi, şonuň ýaly-da olarda pes hilli bejeriş işleriniň geçirilendigi üçin, eger olar seresapsyzlykdan adamyň saglygyna ortaça agyrlykda zyýan ýetirilmegine getirse,

fiziki şahslara binýatlyk mukdaryň kyrkysyna, wezipeli adamlara — ellisine, ýuridik şahslara altmyşysyna çenli möçberde jerime salynmagyna eltýär.»;

18) 208-nji maddadan soň şu mazmunly maddany goşmaly:

«208¹-nji madda. Demir ýol, suw ýa-da  howa gatnaw ulaglarynyň  hereketiniň we ony  ulanmagyň howpsuzlygynyň  düzgünleriniň bozulmagy

Ýerine ýetirýän işi ýa-da eýeleýän wezipesi boýunça demir ýol, howa, deňiz ýa-da derýa gatnaw ulaglarynyň hereketiniň we olary ulanmagyň howpsuzlyk düzgünleriniň berjaý edilmegini üpjün etmeli adam tarapyndan seresapsyzlykdan jebir çekeniň saglygyna ortaça agyrlykda zyýan ýetirilmegi bilen şol düzgünleriň bozulandygy üçin,

fiziki şahslara binýatlyk mukdaryň ellisine, wezipeli adamlara — altmyşysyna, ýuridik şahslara ýetmişisine çenli möçberde jerime salynmagyna eltýär.»;

19) 223-nji maddanyň birinji böleginde:

dispozisiýada «zähmete hak tölemegiň ortaça aýlyk möçberiniň onusyna» diýen sözleri «binýatlyk mukdaryň otuzysyna» diýen sözlere çalşyrmaly;

sanksiýada «ikisi möçberinde» diýen sözleri «bäşisine çenli möçberde» diýen söze çalşyrmaly;

20) 230-njy maddanyň birinji we ikinji bölekleriniň dispozisiýlarynda «zähmete hak tölemegiň ortaça aýlyk möçberiniň» diýen sözleri «binýatlyk mukdaryň» diýen sözlere çalşyrmaly;

21) 233-nji maddada:

adynda «Tehniki» diýen sözi «Ulag serişdeleriniň ýaramaz hilli bejerilişi, tehniki» diýen sözlere çalşyrmaly;

mazmunyny «1.» san bilen belgilemeli we şu mazmunly bölegi goşmaly:

«2. Ulag serişdeleriniň, gatnaw ýollarynyň, duýduryjy ýa-da aragatnaşyk serişdeleriniň ýa-da ulag enjamynyň bejeriş işleri geçirilende ýaramaz hilli edilendigi üçin, şonuň ýaly-da tehniki serişdeleriň tehniki ýagdaýy boýunça jogapkär adam tarapyndan tehniki taýdan näsaz tehniki serişdeleriň ulanylmaga goýberilendigi üçin, eger bu hereketler seresapsyzlykdan adamyň saglygyna ortaça agyrlykda zyýanyň ýetirilmegine getiren bolsa,

fiziki şahslara binýatlyk mukdaryň ýigrimisinden ellisine, wezipeli adamlara — otuzysyndan altmyşysyna çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

22) 243³-nji maddadan soň şu mazmunly maddany goşmaly:

«243⁴-nji madda. Ulag serişdeleriniň ýa-da  gatnaw ýollarynyň  ýaramaz hala getirilmegi

Ulag serişdeleriniň, gatnaw ýollarynyň duýduryjy serişdeleriniň ýa-da beýleki ulag enjamynyň bozulandygy, zaýalanandygy ýa-da başga usul arkaly ýaramsyz hala getirilendigi üçin, eger bu hereketler seresapsyzlykdan adamyň saglygyna ortaça agyrlykda zyýanyň ýetirilmegine getiren bolsa,

fiziki şahslara binýatlyk mukdaryň elli bäşisine, wezipeli adamlara — altmyş bäşisine, ýuridik şahslara ýetmiş bäşisine çenli möçberde jerime salynmagyna eltýär.»;

23) 247-nji maddany we onuň belligini şu görnüşde beýan etmeli:

«Magistral turbageçirijiler gurlanda, ulanylanda ýa-da bejeriş işleri geçirilende goramak we howpsuzlyk düzgünleriniň bozulmagy

1. Magistral turbageçirijiler gurlanda, ulanylanda ýa-da bejeriş işleri geçirilende goramak kadalarynyň bozulmagy —

duýduryş berilmegine ýa-da fiziki şahslara binýatlyk mukdaryň üçüsine, wezipeli adamlara — bäşisine çenli möçberde jerime salynmagyna eltýär.

2. Magistral turbageçirijiler gurlanda, ulanylanda ýa-da bejeriş işleri geçirilende howpsuzlyk düzgünleriniň bozulmagy, eger bu hereket seresapsyzlykdan adamyň saglygyna ortaça agyrlykda zyýanyň ýetirilmegine getirse —

fiziki şahslara binýatlyk mukdaryň onusyndan ýigrimisine, wezipeli adamlara — ýigrimisinden kyrkysyna ýa-da on bäş gije-gündize çenli möhlete administratiw taýdan tussag edilmegine, ýuridik şahslara — otuzysyndan ellisine çenli möçberde jerime salynmagyna eltýär.

Bellik

Magistral turbageçirijilerini goramak kadalarynyň bozulmagy netijesinde ýetirilen zyýanyň öwezi Türkmenistanyň kanunçylygynda kesgitlenilýän tertipde dolunýar.»;

24) 312-nji maddadan soň şu mazmunly maddany goşmaly:

«312¹-nji madda. Görnetin galp mahabat

Harytlar, işler ýa-da hyzmatlar babatdaky, şeýle hem olary taýýarlaýjylar (ýerine ýetirijiler, satyjylar) babatdaky mahabat betnebislik bähbitlerinden ugur alnyp, görnetin galp maglumaty peýdalanаndygy üçin, munuň özi ep-esli möçberde zyýan ýetiren bolsa,

fiziki şahslara binýatlyk mukdaryň otuzysyndan ellisine, wezipeli adamlara — kyrkysyndan altmyşysyna, ýuridiki şahslara — ellisinden ýetmiş bäşisine çenli möçberde jerime salynmagyna eltýär.»;

25) 334-nji maddada:

mazmunyny «1.» san bilen belgilemeli we sanksiýasynda «on bäş» diýen sözleri «on» diýen söze çalşyrmaly;

şu mazmunly bölegi goşmaly:

«2. Şu maddanyň birinji böleginde göz öňünde tutulan hukuk bozulmalary üçin administratiw temmisi ulanylandan soň, olaryň bir ýylyň dowamynda gaýtadan edilmegi —

binýatlyk mukdaryň onusyndan ýigrimisine çenli möçberde jerime salynmagyna ýa-da on günden on bäş gije-gündize çenli möhlete administratiw taýdan tussag edilmegine eltýär.»;

26) 334-nji maddadan soň şu mazmunly maddany goşmaly:

«334¹-nji madda. Saglyga bilkastlaýyn  ýeňil şikes ýa-da zyýan  ýetirilmegi

1. Syna bilkastlaýyn ýeňil şikesiň ýa-da saglyga başga zyýanyň ýetirilmegi saglyga gysga wagtlaýyn zyýan ýetirilmegine ýa-da umumy işe ýarawlylyk wagtynyň gysga wagtlyk ýitirilmegine getiren bolsa,

binýatlyk mukdaryň ýigrimisinden otuzysyna çenli möçberde jerime salynmagyna ýa-da on gije-gündize çenli möhlete administratiw taýdan tussag edilmegine eltýär.

2. Şu maddanyň birinji böleginde göz öňünde tutulan hukuk bozulmalary üçin administratiw temmisi ulanylandan soň, olaryň bir ýylyň dowamynda gaýtadan edilmegi —

binýatlyk mukdaryň otuzysyndan kyrkysyna çenli möçberde jerime salynmagyna ýa-da on bäş gije-gündiz möhletde administratiw taýdan tussag edilmegine eltýär.

27) 335-nji maddadan soň şu mazmunly maddalary goşmaly:

«335¹-nji madda. Gazaplanma ýagdaýynda  saglyga bilkastlaýyn  ortaça agyr zyýan ýetirmek

Jebir çekeniň zorluk etmegi, masgaralamagy ýa-da kemsitmegi netijesinde ýa-da gaýry kanuna ters gelýän ýa-da ahlaksyz hereketleri (hereketsizligi), şonuň ýaly-da jebir çekeniň yzygiderli hukuga ters gelýän ýa-da özüni ahlaksyz alyp barmagy bilen dörän uzak wagtlap psihika zeper ýetirýän ýagdaý netijesinde birden dörän güýçli ruhy tolgunmasy (gazaplanmasy) ýagdaýynda saglyga bilkastlaýyn ortaça agyr zyýan ýetirene —

binýatlyk mukdaryň otuzysyndan ellisine çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.

335²-nji madda. Zerur goranyş çäklerinden  çykmak bilen ýa-da  jenaýat eden adam  tutulanda saglyga  bilkastlaýyn ortaça agyr  zyýan ýetirmek

Zerur goranyş çäklerinden çykmak bilen ýa-da jenaýat eden adam tutulanda saglyga bilkastlaýyn ortaça agyr zyýan ýetirene —

binýatlyk mukdaryň otuz bäşisinden elli bäşisine çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

28) 345-nji maddada:

adynda we dispozisiýada «bozgakçylyk» diýen sözi «huligançylyk» diýen söze çalşyrmaly;

mazmunyny «1.» san bilen belgilemeli we şu mazmunly bölegi goşmaly:

«2. Jemgyýeti göz-görtele äsgermezlikden ybarat bolan raýatlara zorluk ulanmak ýa-da zorluk ulanmak haýbatyny atmak bilen baglanyşykly bolan, şonuň ýaly-da kesekiniň emlägini ýok etmegi ýa-da zaýalamagy bilen baglanyşykly bolan jemgyýetçilik tertibiniň gödek bozulmagy —

binýatlyk mukdaryň ýigrimisinden otuzysyna çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

29) 349-njy maddadan soň şu mazmunly maddany goşmaly:

«349¹-njy madda. Partlaýjy we (ýa-da)  pirotehniki serişdeleriň  bikanun (emeli usul bilen)  taýýarlanylmagy, gaýtadan  işlenilmegi, edinilmegi,   saklanylmagy, daşalmagy  we peýdalanylmagy

1. Partlaýjy we (ýa-da) pirotehniki serişdeleriň bikanun (emeli usul bilen) taýýarlanylmagy, gaýtadan işlenilmegi, edinilmegi, saklanylmagy, daşalmagy we peýdalanylmagy —

partlaýjy we (ýa-da) pirotehniki serişdeleri, olary taýýarlamak üçin niýetlenen çig maly, gurallary we gaýry närseleri muzdsuz alyp, binýatlyk mukdaryň dördüsinden sekizisine çenli möçberde jerime salynmagyna ýa-da on gije-gündize çenli möhlete administratiw taýdan tussag edilmegine eltýär.

2. Şu maddanyň birinji böleginde göz öňünde tutulan hukuk bozulmalary üçin administratiw temmisi ulanylandan soň, olaryň bir ýylyň dowamynda gaýtadan edilmegi —

partlaýjy we (ýa-da) pirotehniki serişdeleri, olary taýýarlamak üçin niýetlenen çig maly, gurallary we gaýry närseleri muzdsuz alyp, binýatlyk mukdaryň altysyndan onusyna çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.

Bellik

Özünde bar bolan bikanun (emeli usul bilen) taýýarlanylan partlaýjy we (ýa-da) pirotehniki serişdeleri meýletin tabşyran adam şu maddanyň birinji böleginde göz öňünde tutulan administratiw jogapkärçilikden boşadylýar.»;

30) 355¹-nji maddanyň mazmunyny «1.» san bilen belgilemeli we şu mazmunly bölegi goşmaly:

«2. Şu maddanyň birinji böleginde göz öňünde tutulan hukuk bozulmalary üçin administratiw temmisi ulanylandan soň, olaryň bir ýylyň dowamynda gaýtadan edilmegi —

binýatlyk mukdaryň ýigrimisinden otuzysyna çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

31) 358-nji maddada:

üçünji bölegiň dispozisiýasynda «bozgakçylyk» diýen sözi «huligançylyk» diýen söze çalşyrmaly;

şu mazmunly bölegi goşmaly:

«5. On alty ýaşa ýetmedik ýetginjekler tarapyndan partlaýjy we (ýa-da) pirotehniki serişdeleriň bikanun (emeli usul bilen) taýýarlanylmagy, gaýtadan işlenilmegi, edinilmegi, saklanylmagy, daşalmagy we peýdalanylmagy —

ata-enelerine ýa-da olaryň ornuny tutýan adamlara binýatlyk mukdaryň ikisinden bäşisine çenli möçberde jerime salynmagyna eltýär.»;

32) 358-nji maddadan soň şu mazmunly maddany goşmaly:

«358¹-nji madda. Kämillik ýaşyna  ýetmedigi terbiýelemek  wezipesi üstüne ýüklenen  adamyň hukuklaryny  zandyýamanlyk bilen  bozmak

Kämillik ýaşyna ýetmedigiň ýa-da ony terbiýelemek wezipesi üstüne ýüklenen adamyň namysyna we mertebesine zorlugy ulanmak ýa-da kemsitmek bilen, ata-enäniň ýa-da kazyýetiň çözgüdi boýunça kämillik ýaşyna ýetmedigi garamagyna berlen başga adamynyň hukuklaryny zandyýamanlyk bilen bozana,

fiziki şahslara binýatlyk mukdaryň onusyna, wezipeli adamlara — ýigrimisine, ýuridik şahslara otuzysyna çenli möçberde jerime salynmagyna eltýär.»;

33) 365-nji maddadan soň şu mazmunly maddany goşmaly:

«365¹-nji madda. Häkimiýet wekilini  masgaralamak

Öz gulluk borçlaryny ýerine ýetirýän mahalynda ýa-da şolaryň ýerine ýetirilmegi bilen baglanyşyklylykda häkimiýet wekilini jemagat öňünde masgaralana, şol sanda bu hereketler köpçülikleýin habar beriş serişdelerini ýa-da maglumat-telekommunikasiýa toruny peýdalanmak bilen edilen bolsa —

binýatlyk mukdaryň on bäşisinden ýigrimi bäşisine çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.

Bellik

Häkimiýet wekili diýlip, döwlet häkimiýet edarasyna wekilçilik edýän, hemişe ýa-da wagtlaýyn belli bir wezipeleri ýerine ýetirýän we öz ygtyýarlarynyň çäklerinde raýatlaryň köpüsi ýa-da ählisi ýa-da wezipeli adamlar üçin hökmany bolan hereketleri etmäge ýa-da buýruklary bermäge hukukdan peýdalanýan adam hasaplanylýar.»;

34) 373-nji maddada:

bäşinji bölegiň dispozisiýasynda «, şonuň ýaly-da adamyň saglygyna şikes ýetirilmegine» diýen sözleri aýyrmaly;

şu mazmunly bölegi goşmaly:

«6. Ýangyn howpsuzlyk kadalarynyň bozulmagy, eger bu seresapsyzlykdan adamyň saglygyna ýeňil ýa-da ortaça agyrlykda zyýanyň ýetirilmegine getiren bolsa —

fiziki şahslara binýatlyk mukdaryň otuzysyndan ellisine, wezipeli adamlara — ellisinden ýetmişisine çenli möçberde jerime salynmagyna eltýär.»;

35) 425-nji madda şu mazmunly bölegi goşmaly:

«4. Hukuk tertibini goramak boýunça öz borçlaryny ýerine ýetirmek bilen baglanyşyklylykda hukuk goraýjy edaranyň işgäri, harby gullukçy ýa-da olaryň ýakyn garyndaşlary babatda saglygy üçin howply bolmadyk zorluk ulanylmagy —

fiziki şahslara binýatlyk mukdaryň ýigrimisinden ellisine, wezipeli adamlara — ellisinden altmyşysyna çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

36) 427-nji maddany şu görnüşde beýan etmeli:

«427-nji madda. Eden-etdilik edilmegi

1. Eden-etdilik edilmegi, ýagny özüniň hakyky we çak edilýän hukugynyň baş-başdak, onuň Türkmenistanyň kanunçylygynda bellenilen tertibiniň bozulyp amala aşyrylmagy,

duýduryş berilmegine ýa-da fiziki şahslara binýatlyk mukdaryň 0,5 böleginden birisine, wezipeli adamlara — birisinden ikisine çenli möçberde jerime salynmagyna eltýär.

2. Şu maddanyň birinji böleginde göz öňünde tutulan hereketleriň amala aşyrylmagy fiziki ýa-da ýuridik şahslara düýpli zyýan ýetirse,

fiziki şahslara binýatlyk mukdaryň ýigrimisinden kyrkysyna, wezipeli adamlara — otuzysyndan ellisine çenli möçberde jerime salynmagyna ýa-da on bäş gije-gündize çenli möhlete administratiw taýdan tussag edilmegine eltýär.»;

37) 430-njy maddadan soň şu mazmunly maddany goşmaly:

«430¹-njy madda. Türkmenistanyň Jenaýat  kodeksiniň 70-72-nji  maddalarynda görkezilen  esaslar boýunça jenaýat  jogapkärçiliginden  boşadylmagy

Türkmenistanyň Jenaýat kodeksiniň 70-72-nji maddalarynda görkezilen esaslar boýunça jenaýat jogapkärçiliginden boşadylan adama,

hukuk bozulmanyň edilmeginiň guraly ýa-da gös-göni obýekti bolan emlägi muzdsuz alyp ýa-da alman, binýatlyk mukdaryň onusyndan ýigrimi bäşisine çenli möçberde jerime salynmagyna ýa-da on iki sagatdan ýetmiş iki sagada çenli möhlete jemgyýetçilik işleriniň berilmegine ýa-da on bäş gije-gündize çenli möhlete administratiw taýdan tussag edilmegine, (ýol hereketiniň we ulag serişdelerini ulanmagyň düzgünleriniň bozulmagy bilen bagly bolsa) binýatlyk mukdaryň onusyndan ýigrimi bäşisine çenli möçberde jerime salynmagyna, ulag serişdelerini dolandyrmak hukugynyň alty aýdan iki ýyla çenli möhlete çäklendirilmegine eltýär.

Bellik

Türkmenistanyň Administratiw hukuk bozulmalary hakynda kodeksiniň 430¹-njy maddasy boýunça administratiw jogapkärçiligine çekmeklik ýa-da şeýle jogapkärçilige çekilmegi üçin kazyýet edaralaryna ibermeklik Turkmenistanyň Jenaýat kodeksiniň 70-72-nji maddalarynda görkezilen esaslar boýunça adamy jenaýat jogapkärçiliginden boşadan degişli edara (wezipeli adam) tarapyndan amala aşyrylýar.»;

38) 445-nji maddanyň ikinji bölegini şu görnüşde beýan etmeli:

«2. Administratiw taýdan tussag etmek, muzdsuz almak, tölegli almak, fiziki şahsa berlen ýörite hukugy çäklendirmek, administratiw taýdan işi togtatmak, şeýle hem şu Kodeksiň 59-njy, 60-njy maddalarynda, 61-nji maddasynyň birinji böleginde, 62-nji, 63-nji we 65—77-nji maddalarynda, 78-nji maddasynyň üçünji böleginde, 86-njy maddasynyň dördünji böleginde, 86¹-njy maddasynyň ikinji böleginde, 93-nji, 95—97-nji, 174-nji maddalarynda, 184-nji maddasynyň üçünji böleginde, 185-nji maddasynyň ikinji böleginde, 212-nji maddasynyň üçünji böleginde, 214-nji maddasynyň bäşinji böleginde, 217-nji maddasynda, 222-nji maddasynyň birinji, ikinji, dördünji we bäşinji böleklerinde, 228-nji maddasynyň üçünji böleginde, 229-njy, 230-njy maddalarynda, 231-nji maddasynyň dördünji böleginde, 232¹-nji maddasynda, 233-nji maddasynyň ikinji böleginde, 235-nji maddasynyň ikinji böleginde, 247-nji maddasynyň ikinji böleginde, 256-njy, 257-nji, 262-nji, 263-nji, 265-nji, 266-njy, 279-njy, 308-nji, 326-njy we 334-344¹-nji maddalarynda, 345-nji maddasynyň ikinji böleginde, 348-nji maddasynyň üçünji böleginde, 348¹-nji, 349¹-njy, 355¹-nji, 359-361-nji we 364-nji maddalarynda, 365-nji maddasynyň birinji we üçünji böleklerinde, 365¹-nji, 378-nji, 382-nji we 419-430-njy maddalarynda göz öňünde tutulan administratiw hukuk bozulmalary barada işlere etraplaryň we etrap hukukly şäherleriň kazyýetleri tarapyndan seredilýär.»;

39) 446-njy maddanyň birinji bölegini şu görnüşde beýan etmeli:

«1. Etraplaryň, etrap hukukly şäherleriň administratiw toparlary şu Kodeksiň 83-85-nji maddalarynda, 86-njy maddasynyň birinji, ikinji, üçünji we bäşinji böleklerinde, 86¹-njy maddasynyň birinji böleginde, 87-nji, 92-nji, 92¹-nji, 94-nji, 94¹-nji, 99-njy, 99¹-njy, 103¹-nji, 108-nji (gazylyp alynýan peýdaly magdanlar işlenilip çykarylmaýan halatynda edilen administratiw hukuk bozulmalar üçin), 141-nji, 154-nji, 159-njy, 161-167-nji, 179-njy, 181-nji, 186-188-nji, 189-njy (gazdan peýdalanmak kadalarynyň bozulmagy), 190-191-nji maddalarynda, 195-nji maddasynyň birinji, ikinji we üçünji böleklerinde (raýat awiasiýasynyň çygrynda ygtyýarly edara garaşly bolmadyk aerodromlarda ýa-da olaryň sebitinde edilen administratiw hukuk bozulmalary), 225-nji, 227-nji, 235-nji (sürüjiniň ulag serişdesini rugsatsyz peýdalanmagy bilen bagly işler muňa girmeýär), 243-nji (awtomobil ýollarynda edilen administratiw hukuk bozulmalary üçin), 243⁴-nji, 244-246-njy maddalarynda, 247-nji maddasynyň birinji böleginde, 248-250-nji, 252-255-nji, 264-nji, 267-nji, 271-272-nji, 274-276-njy, 278-nji, 284-285-nji, 294-nji, 310-311-nji, 317-nji, 323-324-nji, 327-nji, 331-nji, 349-njy, 350-nji maddalarynda, 351-nji maddasynyň birinji böleginde, 354-nji, 357-nji, 362-363-nji, 366-368-nji, 408-nji we 418-nji maddalarynda göz öňünde tutulan administratiw hukuk bozulmalary barada işlere seredýärler.»;

40) 448-nji maddanyň birinji böleginde:

«208-nji,» diýen sandan soň «208¹-nji,» diýen sany goşmaly;

«358-nji maddasynyň üçünji we dördünji böleklerinde,» diýen sözleri «358-nji maddasynyň üçünji, dördünji we bäşinji böleklerinde, 358¹-nji,» diýen sözlere çalşyrmaly;

41) 487-nji maddanyň birinji bölegine şu mazmunly bendi goşmaly:

«8) ene dilinde ýa-da özüniň bilýän dilinde düşündiriş bermäge we terjimeçiniň hyzmatyndan peýdalanmaga.»;

42) 488-nji maddanyň ikinji bölegine şu mazmunly bentleri goşmaly:

«7) ene dilinde ýa-da özüniň bilýän dilinde düşündiriş bermäge we terjimeçiniň hyzmatyndan peýdalanmaga;

8) özüne ýetirilen zyýanyň öweziniň dolunmagyny talap etmäge.»;

43) 491-nji maddanyň adynda, birinji, ikinji, üçünji, dördünji we altynjy böleklerinde, 494-nji maddanyň 2-nji bendinde, 499-njy maddanyň birinji böleginde, ikinji böleginiň 1-nji bendinde, 500-nji maddanyň birinji böleginde, 514-nji maddanyň dördünji böleginde, 517-nji maddanyň birinji böleginiň 4-nji we 5-nji bentlerinde, 540-njy maddanyň 1-nji bendinde, 545-nji maddanyň birinji böleginiň 3-nji bendinde, 552-nji maddanyň birinji böleginde, 558-nji maddanyň ikinji böleginiň 3-nji we 8-nji bentlerinde «Aklawjy», «aklawjy», «aklawjynyň», «aklawjysy» we «aklawjysynyň» diýen sözleri degişlilikde «Adwokat», «adwokat», «adwokatyň», «adwokaty» we «adwokatynyň» diýen sözlere çalşyrmaly;

44) 493-nji maddanyň birinji böleginde «adamdan» diýen sözi «adam» diýen söze çalşyrmaly;

45) 511-nji madda şu mazmunly belligi goşmaly:

«Bellik

Türkmenistanyň Jenaýat kodeksiniň 70-72-nji maddalarynda görkezilen esaslar boýunça jenaýat jogapkärçiliginden boşadylan halatlary muňa degişli däldir.»;

46) 515-nji maddanyň üçünji böleginde we 577-nji maddanyň ikinji böleginde «bozgakçylyk» diýen sözi «huligançylyk» diýen söze çalşyrmaly.

4. 2009-njy ýylyň 2-nji oktýabryndaky «Türkmenistanyň döwlet sylaglary hakynda» Türkmenistanyň Kanunynyň (2016-njy ýylyň 18-nji iýunyndaky Türkmenistanyň Kanunynyň görnüşinde) (Türkmenistanyň Mejlisiniň Maglumatlary, 2016 ý., № 2, 93-nji madda; 2017 ý., № 3, 109-njy madda; 2019 ý., № 4, 91-nji madda; Türkmenistanyň Milli Geňeşiniň Maglumatlary, 2021 ý., № 2-3, 47-nji madda, № 4, 132-nji madda) 16-njy maddasyny şu görnüşde beýan etmeli:

«16-njy madda. Döwlet sylaglaryndan we  sylaglaryň aýratyn  görnüşlerinden mahrum  etmek

1. Döwlet sylaglary we sylaglaryň aýratyn görnüşleri (döwletiň we jemgyýetiň taryhynda möhüm seneleriň we wakalaryň şanyna döredilýän ýubileý, ýadygärlik medallary we beýleki sylaglar) bilen sylaglanan şahslar Türkmenistanyň Prezidenti tarapyndan şu halatlarda döwlet sylaglaryndan we sylaglaryň aýratyn görnüşlerinden mahrum edilip bilner:

a) agyr ýa-da aýratyn agyr jenaýat üçin iş kesilende — Türkmenistanyň kanunçylygynda bellenilen esaslarda we tertipde Türkmenistanyň Ýokary kazyýetiniň teklipnamasy boýunça;

b) döwlet sylaglaryna we sylaglaryň aýratyn görnüşlerine mynasyp bolan diýen ady abraýdan düşürýän etmiş edilende — sylaglamak hakynda teklipnama hödürlemäge hukukly edaranyň, wezipeli adamyň teklipnamasy boýunça.

2. Döwlet sylaglaryndan we sylaglaryň aýratyn görnüşlerinden mahrum edilende, şol döwlet sylaglary we sylaglaryň aýratyn görnüşleri döwlete gaýtarylyp berilmäge degişlidir.».

5. 2013-nji ýylyň 4-nji maýyndaky «Türkmenistanyň Döwlet serhedi hakynda» Türkmenistanyň Kanunynda (Türkmenistanyň Mejlisiniň Maglumatlary, 2013 ý., № 2, 19-njy madda; 2014 ý., № 4, 164-nji madda; 2016 ý., № 2, 98-nji we 103-nji maddalar; 2019 ý., № 1, 10-njy madda; 2020 ý., № 2, 23-nji madda, № 3, 40-njy madda; Türkmenistanyň Milli Geňeşiniň Maglumatlary, 2021 ý., № 2-3, 49-njy madda):

1) 4-nji maddanyň bäşinji bölegini güýjüni ýitiren diýip ykrar etmeli;

2) 5-nji maddanyň dördünji böleginde we 7-nji maddanyň birinji böleginde degişlilikde «, şeýle hem Türkmenistanyň deňiz ykdysady zolagynda» we «we deňiz ykdysady zolagyny» diýen sözleri aýyrmaly;

3) 11-nji maddanyň ikinji bölegine şu mazmunly tesimi goşmaly:

«Daşary ýurt suwasty gämileri we beýleki suwasty ulag serişdeleri Döwlet serhedinden geçende, Türkmenistanyň çäk deňzinde we içerki suwlarynda hereket edende suwuň ýüzünde ýüzmeli we baýdagy galdyrylan ýagdaýda bolmaly.»;

4) 16-njy madda şu mazmunly bendi goşmaly:

«6) adamlaryň, ulag serişdeleriniň Döwlet serhedinden geçmeginiň hem-de ýükleriň we zatlaryň serhediň üstünden geçirilmeginiň kadalaryny bozan adamlar.»;

5) 22-nji maddanyň dördünji bölegini şu görnüşde beýan etmeli:

«4. Howa gämileri Döwlet serhedini kesip geçen we olaryň gözegçilik-geçiriş ýerleriniň ýok ýerine gelen (gonan) halatynda gözegçiligi Türkmenistanyň milli howpsuzlyk edaralary ygtyýarly edilen beýleki döwlet edaralary bilen bilelikde geçirýärler.»;

6) 28-nji madda şu mazmunly bölegi goşmaly:

«6. Türkmenistanyň Döwlet gümrük gullugy:

1) öz ygtyýarlyklarynyň çäklerinde Döwlet serhedinde Türkmenistanyň ykdysady howpsuzlygyny goramak boýunça çäreleri guraýar we geçirýär;

2) Türkmenistanyň gümrük serhedinden geçirilýän harytlaryň we ulag serişdeleriniň gümrük taýdan resmileşdirilmegini we gümrük gözegçiligini amala aşyrýar;

3) Türkmenistanyň kanunçylygyna laýyklykda Döwlet serhedini goramagy üpjün etmekde Türkmenistanyň Döwlet serhet gullugyna ýardam berýär;

4) öz ygtyýarlyklarynyň çäklerinde jenaýatlaryň we beýleki hukuk bozulmalarynyň öňüni almak, olary ýüze çykarmak we olara ýol bermezlik boýunça çäreleri geçirýär;

5) öz ygtyýarlyklarynyň çäklerinde dessin-agtaryş çärelerini we anyklaýyşy geçirýär hem-de administratiw hukuk bozulmalary barada işler boýunça önümçiligi amala aşyrýar.».

6. 2014-nji ýylyň 8-nji noýabryndaky «Kazyýet-bilermenlik işi hakynda» Türkmenistanyň Kanunynda (Türkmenistanyň Mejlisiniň Maglumatlary, 2014 ý., № 4, 138-nji madda; 2017 ý., № 1, 31-nji madda; 2021 ý., № 1, 14-nji madda):

1) 1-nji maddada:

3-nji bentde «seljermesini» diýen sözden soň «, barlagyny» diýen sözi goşmaly;

3-nji bentden soň şu mazmunly bendi goşmaly:

«3¹). Kazyýet-bilermenlik barlagy — obýektleri we iş toplumlary öwrenmeklik netijesinde degişli usullary we usulyýetleri ulanmak arkaly bilermeniň namasyny çykarmak bilen tamamlanýan kazyýet bilermeniň geçirýän barlagy;»;

2) 22-nji maddada:

maddanyň adynda «seljermesini» diýen sözden soň «we barlagyny» diýen sözi goşmaly;

şu mazmunly bölekleri goşmaly:

«4. Kazyýet bilermenler seljermesi edarasy fiziki we ýuridik şahslaryň ýüztutmalary boýunça hem bilermenlik barlaglaryny geçirip biler. Şunda, bilermenlik barlagy ony geçirmek barada ýüz tutýan şahsyň kazyýet bilermenler seljermesi edarasy bilen baglaşylýan şertnamasy esasynda geçirilýär.

5. Bilermenlik barlaglaryny geçirmek we bilermeniň netijenamasyny bermek üçin zerur bolan barlag obýektleri we degişli resminamalary bilen üpjün etmek bilermenlik barlagynyň geçirilmegi üçin ýüz tutan fiziki we ýuridik şahs tarapyndan amala aşyrylýar.»;

3) 44-nji madda şu mazmunly bölegi goşmaly:

«3. Kazyýet bilermenler seljermesi edarasynyň şu Kanunyň 22-nji maddasynyň dördünji bölegine laýyklykda geçirýän bilermenlik barlaglary üçin töleg almaga hukugy bardyr. Fiziki we ýuridik şahslaryň ýüz tutmalary esasynda geçirilýän tölegli bilermenlik barlaglary üçin tölegleriň möçberi we olary almagyň tertibi Türkmenistanyň Maliýe we ykdysadyýet ministrligi bilen ylalaşyp, garamagynda kazyýet bilermenler seljermesi edarasy bolan ministrlikler we pudaklaýyn dolandyryş edaralary tarapyndan tassyklanylýar.».

7. 2017-nji ýylyň 25-nji noýabryndaky «Terrorçylyga garşy hereket etmek hakynda» Türkmenistanyň Kanunynyň (Türkmenistanyň Mejlisiniň Maglumatlary, 2017 ý., № 4, 163-nji madda; 2019 ý., № 1, 10-njy madda; Türkmenistanyň Milli Geňeşiniň Maglumatlary, 2021 ý., № 2-3, 49-njy madda) 3-nji maddasynyň 7-nji bendinde «169-169²-njy, 170-nji, 174-nji, 174¹-nji, 175-175³-nji maddalarynda, 176-njy maddasynyň birinji böleginde, 271-271⁵-nji, 273-nji, 277-277¹-nji, 283-nji, 285-nji» diýen sözleri «176-179-njy, 183-187-nji maddalarynda, 188-nji maddasynyň birinji böleginde, 191-nji, 293-298-nji, 300-nji, 307-nji, 308-nji, 318-nji, 320-nji» diýen sözlere çalşyrmaly.

II. Şu Kanun 2023-nji ýylyň 1-nji ýanwaryndan herekete girizilýär.

III. Şu Kanunyň birinji böleginiň 3-nji bendiniň 2-nji, 11-nji, 15-16-njy, 29-njy, 31-nji kiçi bentleri, 38-nji kiçi bendiniň mazmunyndaky Kodeksiň 349¹-njy maddasy babatyndaky kadasy hem-de 5-nji we 6-njy bentleri çap edilen gününden herekete girizilýär.

Türkmenistanyň Prezidenti
Serdar Berdimuhamedow.

Aşgabat şäheri, 2022-nji ýylyň 20-nji noýabry.