I. 2009-njy ýylyň 15-nji awgustyndaky «Kazyýet hakynda» Türkmenistanyň Kanunyna (2014-nji ýylyň 8-nji noýabryndaky Türkmenistanyň Kanunynyň görnüşinde) (Türkmenistanyň Mejlisiniň Maglumatlary, 2014 ý., № 4, 135-nji madda; 2015 ý., № 1, 22-nji madda; 2016 ý., № 1, 61-nji madda, № 3, 117-nji madda; 2017 ý., № 1, 31-nji madda; 2018 ý., № 2, 38-nji madda; 2019 ý., № 1, 9-njy madda; 2020 ý., № 1, 5-nji madda; 2021 ý., № 1, 14-nji madda, Türkmenistanyň Milli Geňeşiniň Maglumatlary, 2021 ý., № 4, 148-nji madda; 2022 ý., № 2, 30-njy madda; Türkmenistanyň Mejlisiniň Maglumatlary, 2023 ý., № 1, 5-nji madda) şu üýtgetmeleri we goşmaçany girizmeli:

1) 14-nji maddanyň mazmunynda, 21-nji maddanyň üçünji we dördünji böleklerinde, 40-njy maddanyň 2-nji bendinde, 46-njy maddanyň 4-nji we 5-nji bentlerinde, 47-nji maddanyň 17-nji bendinde, 50-nji we 60-njy maddalaryň birinji böleklerinde, 61-nji maddanyň ikinji böleginde, 65-nji maddanyň ikinji, dördünji, ýedinji, on ikinji we on dördünji böleklerinde, 66-njy maddanyň ikinji böleginde, 67-nji maddanyň üçünji böleginde, 69-njy maddanyň on dördünji böleginde, 70-nji maddanyň mazmunynda, 75-nji maddanyň birinji böleginiň 3-nji bendinde, sekizinji böleginiň 2-nji bendinde, dokuzynjy we on dördünji böleklerinde, 76-njy maddanyň birinji böleginiň 2-nji we 4-nji bentlerinde, üçünji we dördünji böleklerinde we dokuzynjy böleginiň 2-nji bendinde, 82-nji maddanyň birinji böleginde, 91-nji maddanyň 6-njy bendinde, 911-nji maddanyň 1-nji bendinde, 92-nji maddanyň üçünji we dördünji böleklerinde, 94-nji maddanyň ikinji böleginde «we welaýat hukukly» diýen sözleri «, welaýat hukukly we döwlet ähmiýetli» diýen sözlere çalşyrmaly;

2) 15-nji maddada:

ikinji bölekde «we welaýat hukukly» diýen sözleri «, welaýat hukukly we döwlet ähmiýetli» diýen sözlere çalşyrmaly;

üçünji bölegi şu görnüşde beýan etmeli:

«3. Türkmenistanyň ähli kazyýetleriniň kazylarynyň sany Türkmenistanyň Ýokary kazyýetiniň Başlygynyň teklipnamasy boýunça Türkmenistanyň Prezidenti tarapyndan kesgitlenilýär.

Türkmenistanyň ähli kazyýetleriniň kazyýet oturdaşlarynyň sany şu möçberde kesgitlenilýär:

etrap kazyýetleriniň we etrap hukukly şäher kazyýetleriniň her bir kazysy üçin 30 kazyýet oturdaşy;

welaýat kazyýetleriniň, welaýat hukukly we döwlet ähmiýetli şäher kazyýetleriniň her bir kazysy üçin 20 kazyýet oturdaşy;

Türkmenistanyň Ýokary kazyýetiniň her bir kazysy üçin 5 kazyýet oturdaşy.»;

şu mazmunly bölekleri goşmaly:

«4. Etrap kazyýeti we etrap hukukly şäher kazyýeti etrapda, etrap hukukly şäherde döredilýär, şeýle hem etrap we şäher üçin bir etrap, şäher kazyýeti ýa-da etrabara kazyýeti döredilip bilner.

5. Welaýat kazyýeti, welaýat hukukly we döwlet ähmiýetli şäher kazyýetleri degişlilikde welaýatda, welaýat hukukly we döwlet ähmiýetli şäherlerde döredilýär.»;

3) 16-njy maddany güýjüni ýitiren diýip ykrar etmeli;

4) III babyň adynda «we welaýat hukukly şäher kazyýeti» diýen sözleri «, welaýat hukukly we döwlet ähmiýetli şäher kazyýetleri» diýen sözlere çalşyrmaly;

5) 23-nji we 24-nji maddalaryň atlarynda we birinji tesimlerinde «we welaýat hukukly şäher kazyýetiniň» we «we welaýat hukukly şäher kazyýeti» diýen sözleri degişlilikde «, welaýat hukukly we döwlet ähmiýetli şäher kazyýetleriniň» we «, welaýat hukukly we döwlet ähmiýetli şäher kazyýetleri» diýen sözlere çalşyrmaly;

6) 25-nji maddada:

adynda we birinji bölekde «we welaýat hukukly şäher kazyýetiniň» diýen sözleri «, welaýat hukukly we döwlet ähmiýetli şäher kazyýetleriniň» diýen sözlere çalşyrmaly;

ikinji bölekde «we welaýat hukukly şäher kazyýetiniň» we «we welaýat hukukly şäher prokurory» diýen sözleri degişlilikde «, welaýat hukukly we döwlet ähmiýetli şäher kazyýetleriniň» we «, welaýat hukukly we döwlet ähmiýetli şäher prokurorlary» diýen sözlere çalşyrmaly;

7) 26-njy maddanyň adynda we birinji tesiminde, 27-nji maddanyň adynda we birinji böleginde, 28-nji maddada, 29-njy maddanyň adynda we birinji böleginde, 30-njy maddanyň adynda we birinji tesiminde, 31-nji maddada, 72-nji maddanyň ikinji böleginiň 3-nji bendinde «we welaýat hukukly şäher kazyýetiniň» diýen sözleri «, welaýat hukukly we döwlet ähmiýetli şäher kazyýetleriniň» diýen sözlere çalşyrmaly;

8) 57-nji maddanyň dördünji böleginde «şäher kazyýetiniň» diýen sözleri «we döwlet ähmiýetli şäher kazyýetleriniň» diýen sözlere çalşyrmaly;

9) 62-nji maddada:

altynjy we ýedinji böleklerde «we welaýat hukukly» diýen sözleri «, welaýat hukukly we döwlet ähmiýetli» diýen sözlere çalşyrmaly;

onunjy bölegi şu görnüşde beýan etmeli:

«10. Kazyýet oturdaşlary nobatlylyk tertibinde kazyýetde borçlaryny ýerine ýetirmäge zerurlygyna görä çagyrylýar.»;

10) 71-nji maddanyň üçünji böleginde:

1-nji bentde «we welaýat hukukly» diýen sözleri «, welaýat hukukly we döwlet ähmiýetli» diýen sözlere çalşyrmaly;

2-nji bentde «we welaýat hukukly şäher kazyýetiniň» we «we welaýat hukukly şäher kazyýetleriniň» diýen sözleri degişlilikde «, welaýat hukukly we döwlet ähmiýetli şäher kazyýetiniň» we «, welaýat hukukly we döwlet ähmiýetli şäher kazyýetleriniň» diýen sözlere çalşyrmaly.

II. Şu Kanun resmi taýdan çap edilen gününden herekete girizilýär.

Türkmenistanyň Prezidenti

Serdar BERDIMUHAMEDOW.

Aşgabat şäheri. 2023-nji ýylyň 3-nji iýuny.