Magtymguly adyndaky Türkmen döwlet uniwersiteti All University Info sanawyna girizilen Türkmenistanyň ilkinji ýokary okuw mekdebi boldy.

All University Info dünýäniň öňdebaryjy uniwersitetleriniň sanawyny, şeýle hem olar baradaky maglumatlary çap edýär. Bu sanawda dünýäniň 180-den gowrak ýurdunyň ýokary okuw mekdepleri görkezilýär. Ähli uniwersitetleriň sanawy ýokary okuw mekdepleriniň iň köp sanlysy jemlenen ýurtlar boýunça düzülen.

All University Info QS World University Ranking (Dünýä uniwersitetleriniň görkezijilerine) salgylanýar we dünýäniň güýçli uniwersitetleri barada täze maglumatlary çap edýär. Abraýly sanawda ýokary hilli bilim berýän we talyplaryň arasynda has meşhur ýurtlar bar.

1931-nji ýylda döredilen Magtymguly adyndaky Türkmen döwlet uniwersiteti Türkmenistanyň esasy we baýry ýokary okuw mekdepleriniň biridir.

Häzirki wagtda Türkmen döwlet uniwersiteti talyplary hünär, bakalawr we magistr maksatnamalary boýunça taýýarlaýar. Uniwersitetde 12 fakultet bolup, olarda 7 müňden gowrak talyp okaýar.

Uniwersitetiň häzirki zaman maddy-tehniki binýady, iň täze tehnologiýalar, internet otaglary, barlaghanalar, kitaphanalar bilen enjamlaşdyrylan alty okuw binasy, muzeýleri, şeýle hem amatly umumy ýaşaýyş jaýlary, sport desgalary toplumy we ş.m. desgalary bar.

Türkmen döwlet uniwersiteti daşary ýurtlaryň öňdebaryjy uniwersitetleri bilen ylym, bilim we medeni gatnaşyklary işjeň amala aşyrýar.