Halkara Bitaraplyk güni mynasybetli Türkmen oba hojalyk instituty Türkmenistanyň we daşary ýurtlaryň ýokary okuw mekdepleriniň talyplarynyň arasynda kompýuter we inženerçilik grafikasy boýunça II Halkara internet-olimpiadasyny geçirýär.

Olimpiada okuw ýylyna garamazdan, inženerçilik ugrundan okaýan talyplar çagyrylýar. Oňa her ýokary okuw mekdebinden bäş talyp gatnaşyp biler. Olimpiada şu ýylyň 6-njy dekabrynda özbaşdak bäsleşik görnüşinde geçiriler. Halkara gözden geçiriliş türkmen, iňlis we rus dillerinde bolar.

Halkara internet olimpiadasyna gatnaşmak isleýän Türkmenistanyň we daşary ýurtlaryň ýokary okuw mekdepleriniň talyplar topary we toparyň ýolbaşçysy barada maglumatlary şu ýylyň 25-nji noýabryna çenli institutyň tohi_tm@sanly.tm elektron poçta salgysyna ibermeli. Institutyň resmi saýtynyň I-Olimp bölüminde her gatnaşyjy hasaba alynýar. Olimpiadany geçirmek barada goşmaça maglumatlar, şeýle hem guramaçylar bilen habarlaşmak üçin aragatnaşyk belgileri we elektron poçta salgylary bar.

Bäsleşigiň netijeleri institutyň ýokarda agzalan saýtynda yglan ediler. Olimpiadanyň ýeňijilerine we onda abraýly orunlary eýelänlere degişli derejedäki diplomlar gowşurylar.