Ýurdumyzyň otuz sany orta mekdebine wekilçilik edýän 1800-den gowrak okuwçy immunizasiýa we sagdyn durmuş ýörelgeleri boýunça saglyk okuwlarynyň birnäçesine gatnaşdylar.

Bu okuw Bütindünýä Saglygy Goraýyş guramasynda ýörite okuwyny tamamlan 20 maşgala lukmany we immunolog tarapyndan geçirildi. Sapaklary Bütindünýä Saglygy Goraýyş guramasynyň Türkmenistandaky edarasy, Türkmenistanyň Saglygy goraýyş we derman senagaty ministrligi we Türkmenistanyň Bilim ministrligi bilen bilelikde Aşgabat, Balkanabat, Türkmenbaşy, Daşoguz, Köneürgenç, Mary, Baýramaly, Türkmenabat we Kerki şäherlerinde geçirildi. Bu okuw okuwçylaryň ýokanç keseller baradaky düşünjelerini, sanjymyň ähmiýetini ýokarlandyrmak we gündelik durmuşynda sagdyn endikleri ornaşdyrmak üçin guraldy.

Şeýle hem okuwçylar immunizasiýa we sagdyn durmuş ýörelgeleri baradaky bilimleri güýçlendirmek üçin BSG tarapyndan orta mekdep okuwçylary üçin işlenip düzülen «Immun Patrul» sanly moduly düşünjesi bilen tanyşdylar. Okuwa gatnaşyjylara Bütindünýä Saglygy Goraýyş guramasy tarapyndan sowgatlar gowşuryldy.

2024-nji ýylda Bütindünýä Saglygy Goraýyş guramasynyň Ýewropa sebitleýin direktory «Youth4Health» guramasynyň ýörite başlangyjy hökmünde türkmen ýaşlaryny saglyk meselelerini çözmäge çekmegi dowam etdirer.