ABŞ-nyň Türkmenistandaky ilçihanasynyň goldawy bilen Türkmenistanyň Ykdysadyýetçiler bileleşiginiň amala aşyrýan «Telekeçi zenanlar akademiýasy» maksatnamasy Aşgabatda, Daşoguzda, Maryda we Türkmenabatda durmuşa geçirilip başlandy.
Bu maksatnama telekeçi zenanlara täjirçilik işini giňeltmäge mümkinçilikler berýär. Oňa gatnaşýanlara Arizona ştatynyň uniwersitetiniň Thunderbird ählumumy menejment mekdebiniň taýýarlan onlaýn işewürlik okuwlary garaşýar. Okuwda her hepde geçirilýän sapaklara gatnaşyjylar iş meýilnamasyny işläp taýýarlarlar, soňra 2024-nji ýylyň iýun aýynda olary Aşgabatda meýilleşdirilýän jemleýji çärede ara alnyp maslahatlaşylar.
Maksatnamanyň işläp başlamagynyň açylyş dabarasyna gatnaşan Türkmenistanyň Ykdysadyýetçiler bileleşiginiň başlygy Ýuriý Aronskiý Türkmenistanda zenanlar telekeçiligini goldamak maksatnamasynyň telekeçiligiň we milli innowasiýa ykdysadyýetiniň ösmegine ýardam edýän işewürligiň möhüm tapgyrdygyny belledi. ABŞ-nyň Türkmenistandaky Ilçisi Metýu Klimou hem öz gezeginde türkmen zenanlarynyň bu maksatnama goşulýandygyna örän şatdygyny aýtdy.
