Türkmenistanyň Myrat Garryýew adyndaky Döwlet lukmançylyk uniwersiteti resmi taýdan Aziýa uniwersitetleri birleşiginiň täze agzalygyna saýlandy.

Degişli şahadatnamany türkmen uniwersitetiniň wekillerine Birleşigiň ýolbaşçysynyň hut özi gowşurmak bilen, lukmançylyk uniwersitetiniň Türkmenistanyň birleşigiň çägindäki ilkinji ýokary okuw mekdebidigini belledi.

Myrat Garryýew adyndaky Türkmenistanyň Döwlet lukmançylyk uniwersitetini agzalyga kabul etmek baradaky karar biziň uniwersitetimiziň wekilleriniň gatnaşan Aziýa uniwersitetleri birleşiginiň VI gurultaýynda kabul edildi.

Bu gurultaý 4-nji oktýabrda Russiýa Federasiýasynyň Altaý ülkesiniň Belokuriha şäherinde geçen «Altaý – Aziýa 2024: Ýewraziýa bilim giňişligi – täze meseleler we iň oňat tejribeler» atly VI halkara bilim forumynyň çäginde geçdi.