Ýurdumyzyň demirgazyk sebitinde ýeralma hasylyny ýygnamak işi depginli alnyp barylýar. Ekiş we ideg boýunça öz wagtynda geçirilen agrotehniki çäreler 8 müň 800 gektar meýdanda oňat hasyl almaga mümkinçilik berdi.

Ekiniň esasyny «Santa», «Dostum», «Gala» we beýleki görnüşler düzýär. Bularyň hemmesi-de gowy tagamy, ýokary hasyllylygy, dürli kesellere çydamlylygy, uzak saklamaga we daşamaga ýaramlylygy bilen tapawutlanýar. Mundan başga-da, olaryň ýetişme möhleti ýerli howa şertleri üçin kabul ederliklidir.

Şabat etrabynda-da ýeralma hasylyny ýygnamak işleri ýokary depginde alnyp barylýar. Ol ýerde şu güne çenli eýýäm takmynan 17 müň tonna hasyl ýygnaldy. Bu etrap Akdepe etraby bilen bilelikde sebitde iň köp ýeralma öndürijidir.

Daýhanlar welaýat boýunça her gektardan azyndan 140 sentner hasyl ýygnamagy maksat edinýärler.

Ýeralmanyň köp öndürmegi gysga wagtyň içinde üstünlikli özleşdiren Daşoguz welaýatynyň daýhanlary ony ösdürip ýetişdirmek we saklamak tehnologiýalaryny yzygiderli kämilleşdirýärler. Daşoguz şäherinde ýerleşýän Türkmen oba hojalyk institutynyň hünärmenleri hem hasyly ösdürip ýetişdirmegiň amatly usullarynyň gözlegine ylmy goşant goşmaga çalyşýarlar.