26 – 27-nji noýabrda Aşgabatda, Türkmenistanyň Magtymguly adyndaky milli sazly drama teatrynyň sahnasynda Ural döwlet akademiki rus halk hor topary joşgunly çykyş etdi. Olar maksatnamada rus halk aýdymlaryny, uruş we uruşdan soňky ýyllaryň hoş owazly eserlerini, şadyýan wokal-horeografik teswirleri jemläpdirler.
Rus wokalçylarynyň türkmen sahnasynda ýerine ýetiren kompozisiýalary Russiýa Federasiýasynyň dürli sebitleriniň saz däpleriniň asyl we häzirki zaman aýratynlyklaryny aýdyň beýan etdi.
Biziň tomaşaçylarymyza rus aýdymlarynyň heňini, sazlaşygyny, depginini we aýdyň mazmunyny ýetirmek bilen, artistler onuň içindäki duýgulary, pikirleri we adaty ynsan mähirliligini düşünmäge itergi berdiler we şeýlelik bilen, sungatyň ähli milletleriň arasynda aragatnaşyk hem ýakynlaşmak üçin ebedi, umumy serişdedigini ýene bir gezek subut etdiler.
Şeýlelik bilen, Ural ansamblynyň kä endigan we labyzly, kä owazly we dartgynly, şeýle hem gujurly we pikirli saz sungaty aşgabatly tomaşaçylara özboluşly we baý rus medeniýet dünýäsine syýahat etmek mümkinçiligi üçin hoşallyklaryny uzak wagtlap dowam eden el çarpyşmalar arkaly beýan etdiler.
Russiýa Federasiýasynyň Türkmenistandaky diplomatik wekilhanasynyň başlygy Iwan Wolynkin tomaşaçylara ýüzlenmesinde dostluk gatnaşyklary barada gürrüň bermek bilen, Beýik Watançylyk urşunda gazanylan ýeňşiň 80 ýyllygynda myhmansöýer türkmen topragynda Ural horunyň çykyşlarynyň ähmiýetini aýratyn nygtady, bu ýerde-de hut Russiýada bolşy ýaly, ähli halklaryň harby we zähmet gahrymançylygy unudylmaýar we çuňňur hormatlanýar.
I.Wolynkin türkmen halkynyň rus diline we medeniýetine hormatly garaýşyny aýratyn belläp, Türkmenistanyň Hökümetine hoşallygyny bildirdi.
«Men şu pursatdan peýdalanyp, ikitaraplaýyn ynsanperwer gatnaşyklarymyzyň ösüşine üns berýändigi üçin, Türkmenistanyň Prezidenti hormatly Serdar Berdimuhamedowa we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa hoşallyk bildirmek isleýärin» diýip, diplomat aýtdy.
Ýekaterinburgdan gelen döredijilik toparynyň Aşgabatda eden çykyşlary Türkmenistanyň we Russiýa Federasiýasynyň Medeniýet ministrlikleri tarapyndan goldanýan «Rus dilini wagyz etmäge we giňden ýaýratmaga gönükdirilen daşary ýurtlardaky medeni çäreleriň toplumy» taslamasynyň çäginde geçýär.
Ural döwlet akademiki rus halk hory Russiýanyň iň gadymy we iň meşhur toparlarynyň biridir, ol Uralyň we tutuş ýurduň halk sungaty däplerini ýöredýär. Hor 1943-nji ýylyň iýul aýynda Swerdlowsk filarmoniýasynda döredildi. Ýyllaryň dowamynda bu jebis wokalçylar topary, nesil çalşygyna garamazdan, öz däplerine wepaly bolup galdy we köp sanly rus hem halkara bäsleşiklerinde ýeňiji boldy. Hor topary dünýäniň 50-den gowrak ýurdunda çykyş etdi.
Ural toparynyň Aşgabatdaky konsert maksatnamasyna «Katýuşa», «Moskwa agşamlary», «Ene topragym Russiýa», «Belentli, pesli daglarda», «Eý, sähra, sähra, sähra», «Giýewiň gapysynda», «Germewden aňyrda » we başga aýdymlar girdi.
Teatryň eýwanynda rus halk lybaslarynyň özboluşly sergisi bardy, bu bolsa Russiýanyň ruhy däpleriniň ussatlyk bilen amala aşyrylmagyna göz aýlamaga mümkinçilik berýär. Sergi toplum ýygyjy, tanymal etnografik alym Sergeý Glebuşkin tarapyndan taýýarlanypdyr.
