Hepdäniň dynç günleri dürli görnüşli medeni çärelere baý bolar. 10-njy aprelde sagat 19:00-da Magtymguly adyndaky milli sazly drama teatry nusgawy saz söýüjileri fransuz sazynyň agşamyna çagyrýar. «Frankofoniýa bahary – 2026» festiwalynyň çäklerinde Aşgabatda ilkinji gezek meşhur pianinoçy Kristin Fonlýupt çykyş eder.

«Zenanlaryň ylhamy: XIX we XX asyryň fransuz sazlary» atly konsert myhmanlaryň solo ussatlygyny we Türkmenistanyň Döwlet simfoniki orkestriniň sazlaşygyny birleşdirer. Sahnada Klod Debýussiniň, Moris Raweliň we Jorj Bizeniň eserleri, şeýle hem ajaýyp zenan kompozitorlar Sesil Şaminadyň we Mel Boniniň seýrek eserleri ýerine ýetiriler.

12-nji aprelde sagat 17:00-da we 19:00-da «Watan» kinokonsert merkezinde «Älemiň sazy» atly konsert geçiriler. Maksatnama dünýä nusgawy eserlerini, şeýle hem meşhur filmleriň sazlaryny öz içine alýar. Myhmanlar diňe bir ussat ýerine ýetirijileri diňlemek bilen çäklenmän, eýsem karaoke görnüşinde özleriniň halaýan aýdymlaryny bilelikde aýdyp hem bilerler. Konserte Türkmenistanyň at gazanan artisti Röwşen Nepesowyň we dirižýor Eziz Jumaniýazowyň gatnaşmaklary sazyň täsirli utgaşygyny hem-de ajaýyp gurşawyny döreder.

Paýtagtymyzyň teatrlary bolsa aşakdaky sahna eserleri bilen tomaşaçylary begendirer.

Türkmenistanyň Beýik Saparmyrat Türkmenbaşy adyndaky Baş akademiki drama teatry:

11.04.2026: «Süýji durmuşyň gapysy» 19:00;

12.04.2026: «Gelinler» 19:00.

Magtymguly adyndaky milli sazly drama teatry:

11.04.2026: «Päk söýginiň güýji» 19:00;

12.04.2026: «Ynsap» 19:00.

Alp Arslan adyndaky milli drama teatry:

11.04.2026: «Garaşanym» 19:00;

12.04.2026: «Mähriban dideler» 19:00.

A.S.Puşkin adyndaky döwlet rus drama teatry:

11.04.2026: «Кривой ворон» 12:00;

11.04.2026: «Чеховские водевили» 19:00;

12.04.2026: «Красная шапочка» 11:00; 13:00;

12.04.2026: «Сад без земли» 19:00.

Türkmen döwlet gurjak teatry:

11.04.2026: «Janly gurjaklar» 17:00;

11.04.2026: «Çagaly öý bazar» 19:00;

12.04.2026: «Maşa we aýy» 12:00; 17:00;

12.04.2026: «Wah, bu söýgi-dä» 19:00.