Şu gün paýtagtymyzdaky Ruhyýet köşgünde hormatly Prezidentimiz Gurbanguly Berdimuhamedowyň gatnaşmagynda “Gazagystan-Türkmenistan –Eýran” halkara demir ýolunyň gurluşygyna mynasyp goşant goşan demirýolçulary sylaglamak dabarasy boldy.
Bu gün Aşgabadyň merkezi künjeginde ýerleşýän kaşaň binada baýramçylyk ýagdaýy emele geldi. Ýurdumyzyň hökümet agzalary, Türkmenistanyň Mejlisiniň Başlygy, harby we hukuk goraýjy edaralaryň, ministrlikleriň we pudaklaýyn düzümleriň, jemgyýetçilik guramalarynyň ýolbaşçylary, ýurdumyzyň demir ýol ulaglary pudagynyň işgärleri, habar beriş serişdeleriniň ýolbaşçylary bu ýere ýygnandylar.
Hormatly Prezidentimiz Gurbanguly Berdimuhamedowyň ulagy köşk meýdançasynda saklandy. Milli lybasdaky gyzlar döwlet Baştutanymyza gül desselerini gowşurdylar.
Döwlet Baştutanymyz köşgüň içine girýär. Dabara gatnaşyjylar we myhmanlar Türkmenistanyň täze taryhy eýýamynda beýik başlangyçlaryň amala aşyrylmagyna ruhlandyrýan hormatly Prezidentimiz Gurbanguly Berdimuhamedowy ör turup, şowhunly el çarpyşmalar bilen garşyladylar.
Dabarany alypbaryjy çärä gatnaşyjylaryň adyndan milli Liderimize çuňňur hoşallygyny beýan edip, türkmenistanlylaryň ählisi üçin Türkmenistanyň Prezidenti Gurbanguly Berdimuhamedowyň baştutanlygynda Watanymyz üçin ykbal çözüji bolan Berkarar döwletimiziň bagtyýarlyk döwründe ýaşamagyň we işlemegiň ägirt uly bagtdygyny aýtdy. Döwlet Baştutanymyzyň baştutanlygynda ýurdumyzyň ähli künjegini düýpli özgertmeler gurşap aldy, olary öz milli Lideriniň daşynda has-da jebisleşen, parahatçylygyň, döredijiligiň we ösüşiň ýoly bilen ynamly öňe barýan türkmen halky tüýs ýürekden goldaýar.
Milli Liderimiziň başlangyjy bilen, iri möçberli taslamanyň üstünlikli durmuşa geçirilmeginiň strategiki ähmiýeti barada aýdylyp, Ýewraziýa giňişliginde ulaglaryň hereketiniň işjeňleşmegi üçin ägirt uly mümkinçilikleri döredilýändigi we ol sebit hem-de dünýä möçberinde netijeli söwda-ykdysady hyzmatdaşlygyň ösdürilmegine gönükdirilendigi bellenildi.
Şunda, Gazagystan-Türkmenistan –Eýran demir ýoly diňe bir ykdysady taýdan esaslandyrylan taslama bolman, eýsem, sebitde we onuň daşynda umumy ýagdaýyň gowulanmagyna oňyn täsiri bolan geosyýasy mümkinçilikdir. Bu taslama Aziýa yklymynda durnuklylygyň we umumy ösüşiň berkidilmegine, işjeňlik esasynda ählumumy gatnaşyklara goşulyşylmagyna, hoşniýetli goşňuçylyk we özara peýdaly hyzmatdaşlyk gatnaşyklarynyň pugtalandyrylmagyna gönükdirilendir. Çünki ulag pudagy dünýä hojalyk gatnaşyklarynyň durnukly ösüşine we deňeçerligine göni täsir edýän ählumumy ykdysadyýetiň möhüm ugurlarynyň biridir.
Sebitara we halkara ulag ýollarynyň möhüm çatrygynda ýerleşýän geografik taýdan amatly orny eýeleýän ýurdumyz ägirt uly üstaşyr-ulag kuwwatyna eýedir we onuň durmuşa geçirilmegi ugrunda hemmetaraplaýyn tagalla edýär. Milli pudaklaýyn maksatnamalar, hormatly Prezidentimiz Gurbanguly Berdimuhamedowyň öňe sürýän oňyn halkara başlagyçlary hut şu maksada gönükdirilendir. Şeýle başlangyçlaryň hatarynda Demirgazyk-Günorta demir ýol geçelgesiniň döredilmegi bilen baglanyşykly we başga-da birnäçe netijeli teklipleriň bardygyny bellemeli.
...Türkmenistanyň Prezidenti sahnadaky münbere geçýär.
Türkmenistanyň Döwlet senasy ýaňlanýar.
Milli Liderimiz Gurbanguly Berdimuhamedow ýygnananlara ýüzlenip, Garaşsyz, hemişelik Bitarap Watanymyz Berkarar döwletimiziň bagtyýarlyk döwründe ösüşleriň täze belentliklerine tarap batly gadamlar bilen ynamly öňe barýar diýip nygtady. Merdana halkymyzyň yhlas bilen çekýän tutanýerli zähmeti netijesinde, ýurdumyzyň ykdysadyýetiniň ähli pudaklary güýçli depginler bilen ösýär.
Ata Watanymyz dünýäde ähli ugurlarda ýokary netijeleri gazanýan döwletleriň hatarynda mynasyp orny eýeleýär. Eziz Diýarymyzy yzygiderli ösdürmek we täze belentliklere çykarmak boýunça giň möçberli maksatnamalar üstünlikli durmuşa geçirilýär. Kabul edilen bu maksatnamalary amala aşyrmaga demir ýol ulaglary pudagynyň işgärleri hem uly goşant goşýarlar. Türkmen demirýolçulary diňe bir ýurdumyzyň demir ýol ulaglary pudagyny ösdürmek bilen çäklenmän, eýsem möhüm ähmiýetli halkara taslamalaryny durmuşa geçirmäge hem işjeň gatnaşýarlar.
Geçen ýylyň sentýabr aýynda Aşgabat şäherinde ulag-üstaşyr geçelgeleriniň tutýan ornuna bagyşlanyp halkara maslahaty geçirildi. Maslahatda kabul edilen resminamalar Birleşen Milletler Guramasynyň Baş Assambleýasynyň 69-njy mejlisine gatnaşan döwletler tarapyndan uly gyzyklanma bilen garşylandy we makullandy. Netijede, Türkmenistanyň başlangyjy bilen geçen ýylyň 19-njy dekabrynda Birleşen Milletler Guramasynyň Baş Assambleýasynyň «Durnukly ösüş üçin halkara hyzmatdaşlygyny üpjün etmekde ulag-üstaşyr geçelgeleriniň orny» atly Rezolýusiýasy biragyzdan kabul edildi. Häzirki döwürde Bitarap Türkmenistan beýleki döwletler bilen ýakyn hyzmatdaşlyk edip, bu Rezolýusiýanyň uly ähmiýetiniň bardygyny iş ýüzünde görkezýär.
Milli Liderimiziň belleýşi ýaly, ekologiýa taýdan örän amatly, howpsuz, netijeli we ygtybarly ulag-üstaşyr geçelgeleri arkaly ýolagçylary gatnatmakda we harytlary daşamakda Rezolýusiýa giň mümkinçilikleri açýar. Garaşsyz döwletimiziň sebit we sebitara täze ulag-aragatnaşyk ulgamlaryny döretmäge işjeň gatnaşýandygyna aýdyň şaýatlyk edýär. Şeýle ulgamlaryň döredilmegi bolsa, ählumumy durmuş-ykdysady ösüşiň esasy şertleriniň biridir.
Ata-babalarymyz ýol gurmagy, köpri gurmagy sogap iş hasaplapdyrlar. Biz hem ata-babalarymyzyň asylly däplerini dowam edip, ýurdumyzda döwrebap awtomobil we demir ýollaryny, iri köprüleri giň gerim bilen gurýarys. Bu ugurda demir ýol ulaglary pudagynda alnyp barylýan netijeli işleri mysal hökmünde görkezmek bolar. 2014-nji ýyl berkarar Watanymyzyň ýyl ýazgysyna demir ýol ulaglary pudagyny döwrebaplaşdyrmak hem-de ösdürmek boýunça örän iri taslamalaryň üstünlikli amala aşyrylan ýyly hökmünde müdimilik girdi diýip, hormatly Prezidentimiz Gurbanguly Berdimuhamedow aýtdy.
Mälim bolşy ýaly, geçen ýylyň dekabr aýynda «Demirgazyk–Günorta» halkara demir ýolunyň gurluşygy üstünlikli tamamlandy. Kontinentleri birleşdirýän bu täze ýoluň iň uzyn bölegi biziň döwletimiziň çäklerinden geçýär. Gapdal şahalary bilen bilelikde 825 kilometre uzap gidýän polat ýoly biz daşary ýurt kompaniýalaryny çekmezden, diňe öz güýjümiz bilen, öz serişdelerimiziň hasabyna gurduk diýip, döwlet Baştutanymyz belledi.
Kyn tebigy we howa şertlerine garamazdan, merdana türkmen demirýolçulary tutanýerli we gaýduwsyz zähmet çekdiler. Şeýle giň gerimli, uly möçberli taslamany durmuşa geçirmekde başarnyklaryny, hünär ussatlyklaryny görkezdiler diýip, milli Liderimiz sözüni dowam etdi. Olar halkara ähmiýetli şeýle möhüm taslamalary durmuşa geçirmegi başarýandyklaryny iş ýüzünde subut etdiler. Bu ägirt uly taslamany gysga döwrüň içinde – 7 ýylda amala aşyrmagy başardylar. Täze demir ýoly enjamlaşdyrmak we abadanlaşdyrmak boýunça hem ägirt uly işleri ýerine ýetirdiler. Halkara demir ýolunyň ugrunda onlarça inženerçilik desgalary, demir ýol menzilleri, depolar, beketler we duralgalar guruldy hem-de beýleki zerur üpjünçilik ulgamlary döredildi.
Gazagystanyň sähralaryndan Garagum çölüniň üsti bilen Eýranyň demirgazygyndaky daglyk Gülüstan welaýatyna çenli bu ýoluň umumy uzynlygy 1000 kilometrden hem gowrakdyr. Ykdysady taýdan örän bähbitli bolmak bilen, bu demir ýol ýükleri, şol sanda üstaşyr geçirilýän ýükleri gysga ugur boýunça daşamak üçin uly mümkinçilikleri döredýär. Täze gurlan ýol arkaly geljekde ýolagçylary gatnatmak hem göz öňünde tutulýar.
Hormatly Prezidentimiz Gurbanguly Berdimuhamedowyň belleýşi ýaly, sebitiň bu iri taslamasy Ýewropanyň we Aziýanyň demir ýol ulgamlaryny birleşdirdi. Gyzyklanma bildirýän ähli ýurtlar üçin Pars aýlagyna çykmaga örän amatly şertleri döretdi. Bu halkara demir ýolunyň ulag-üstaşyr geçelgelerini döretmekde, sebitde durnukly ösüşi we howpsuzlygy üpjün etmekde hem möhüm ähmiýeti bolar.
Şeýlelikde, biziň ýurdumyz müňýyllyklaryň dowamynda Ýewraziýanyň halklaryny özara baglanyşdyran we adamzadyň medeni ösüşinde ägirt uly ähmiýeti bolan Beýik Ýüpek ýolunyň täzeden dikeldilmegine örän işjeň gatnaşýar we bu ugurda alnyp barylýan işlere saldamly goşant goşýar diýip döwlet Baştutanysmyz Gurbanguly Berdimuhamedow aýtdy. «Demirgazyk–Günorta» demir ýoly diňe bir ykdysady we söwda ähmiýetli taslama bolmak bilen çäklenmän, eýsem, Birleşen Milletler Guramasy, Şanhaý Hyzmatdaşlyk Guramasy, Garaşsyz Döwletleriň Arkalaşygy, Ykdysady Hyzmatdaşlyk Guramasy ýaly halkara we sebit guramalaryna agza döwletleriň arasynda alnyp barylýan hyzmatdaşlygy, hoşniýetli goňşuçylyk gatnaşyklaryny, halklaryň dost-doganlygyny has-da berkitmäge ýardam berer! Parahatçylyga hem-de adamzadyň ählumumy abadançylygyna hyzmat eder.
Merdana halkymyz özüniň nurana geljegine aýdyň göz ýetirip, täze, abadan durmuşyny halal we yhlasly zähmeti bilen döredýär. Berkarar döwletimiziň ýokary depginler bilen ösmegine uly itergi berjek tutumly we beýik işleri amala aşyrýar diýip, milli Liderimiz sözüni dowam etdi. «Demirgazyk–Günorta» polat ýoly hem ata Watanymyzyň mundan beýläk-de gülläp ösmegine, mähriban halkymyzyň we geljekki nesillerimiziň bagtyýar durmuşda ýaşamagyna uly goşant goşar.
Hormatly Prezidentimiz bu demir ýoly gysga wagtyň içinde we ýokary hilli gurup, ulanmaga bermek ugrunda yhlas bilen zähmet çeken demir ýol ulaglary pudagynyň ähli işgärlerine we beýleki hünärmenlere tüýs ýürekden minnetdarlyk bildirip, il-ýurt bähbitli we halkara ähmiýetli şeýle iri taslamany merdana türkmen demirýolçularynyň hem-de ýurdumyzyň ähli ulag işgärleriniň üstünlikli durmuşa geçirendigi bizi örän buýsandyrýar diýip belledi.
«Demirgazyk–Günorta» halkara demir ýolunyň gurluşygyna işjeň gatnaşandyklary üçin, şeýle hem Garaşsyz döwletimiziň we mähriban halkymyzyň öňünde bitiren aýratyn hyzmatlaryny, uzak ýyllaryň dowamynda çeken yhlasly we halal zähmetini, gazanan ýokary netijelerini, hünär ussatlygyny nazara alyp, ýurdumyzyň demir ýol ulaglary pudagynyň has tapawutlanan işgärlerini döwlet sylaglary bilen sylaglamak we olara hormatly atlary dakmak baradaky karara gelindi. Döwlet sylaglary bilen sylaglanmagy we hormatly atlaryň dakylmagy merdana türkmen demirýolçularynyň yhlasly we tutanýerli zähmetine Hökümetimiziň hem-de halkymyzyň ýokary baha berýändiginiň aýdyň mysalydyr diýip, milli Liderimiz nygtady.
hormatly Prezidentimiz Gurbanguly Berdimuhamedowyň çykyşy dabara gatnaşyjylar tarapyndan üns bilen diňlenildi we olaryň şowhunly el çarpyşmalary bilen garşylandy.
Soňra Ministrler Kabinetiniň Başlygynyň orunbasary M.Ýazmuhammedowa “Gazagystan-Türkmenistan -Eýran” demir ýolunyň gurluşygyna işjeň gatnaşan demir ýol pudagynyň işgärlerine döwlet sylaglaryny bermek we hormatly atlary dakmak hakyndaky Permany okaýar.
Hormatly Prezidentimiz Gurbanguly Berdimuhamedow dabaraly ýagdaýda Türkmenistanyň döwlet sylaglaryna we hormatly atlara mynasyp bolan öňdebaryjy demirýolçulara degişli sylaglary gowşurdy. Pudagyň işgärleriniň birnäçesine hormatly atlar dakyldy.
Döwlet sylaglaryna mynasyp bolan pudagyň işgärleri yzly-yzyna sahna çykýarlar.
Olar belent buýsanç duýgusy we tolgunmak bilen hormatly Prezidentimiz Gurbanguly Berdimuhamedowyň elinden mynasyp bolan sylaglaryny alýarlar.
Serdar şäheriniň ýol-maşyn kärhanasynyň ýol işçisi S.Ataýew öz zähmetine berlen ýokary baha üçin hoşallygyny beýan etdi hem-de Bitaraplyk we parahatçylyk ýylynyň bosagasynda ulanmaga berlen bu polat ýoluň dostluk we doganlyk ýoly bolup, geljekki nesillere hem hyzmat etjekdigini belledi.
Daşoguz ýol we desgalar edarasynyň başlygy G.Kakabaýew Türkmenistanyň Prezidentinden ýokary döwlet sylagyny kabul edip, hususan-da: “Türkmenistan öz Lideriniň baştutanlygynda we gadymdan gelýän goňşulary Gazagystan we Eýran bilen bilelikde bütin dünýä derweze açdy. Şunda meniň hem goşandygym bardygyna buýsanýaryn” diýip aýtdy.
Mary ýol desgalar edarasynyň ýol bejerijisi A.Abdyýew türkmen Lideriniň uly hoşallygyny beýan edip, 2014-nji ýylyň diňe Türkmenistan üçin däl-de, eýsem, tutuş dünýäniň taryhy üçin hem şanly ýyl bolandygyny aýtdy. Giň halkara hyzmatdaşlygy netijesinde Gazagystan-Türkmenistan –Eýran demir ýoly guruldy we ulanmaga berildi, bu ýol üçin türkmen halkynyň geljekki nesilleri hem, sebitiň beýleki halklary hem Türkmenistanyň Prezidentine alkyş aýdarlar. Bu demir ýoluň açylyşynyň Magtymguly Pyragynyň ýubileý ýylyna gabat gelmegi buýsançlydyr we biz beýik şahyryň arzuw edip geçen Berkarar döwletimiziň bagtyýarlyk döwründe ýaşaýandygymyza guwanýarys.
Aşgabadyň ýolagçy we ýük wagon deposynyň gurluşykçylar toparynyň işçisi I.Seroženko ýokary döwlet sylagy üçin hormatly Prezidentimiz Gurbanguly Berdimuhamedowa tüýs ýürekden hoşallyk bildirdi. “Men indi 25 ýyl bäri demirýol pudagynda zähmet çekýärin. Siziň paýhasly ýolbaşçylygyňyzda bu pudakda ägirt uly özgertmeleriň durmuşa geçirilendigini aýtmak isleýärin. Täze demirýollar guruldy. Olaryň hemmesi dünýä ülňülerine laýyk gelýän häzirkizaman enjamlary bilen üpjün edildi. Bu zatlar Siziň halk baradaky atalyk aladaňyz netijesinde amal boldy. Men Size ýene bir ýola tüýs ýürekden çykýan sagbolsunymy aýdýaryn. Men öz Watanyma, hormatly Prezidentimize buýsanýaryn!” diýip, ruhubelentlik bilen I.Seroženko aýtdy.
Abadan ýol we desgalar edarasynyň işgärleriniň adyndan H.Hojaýew we A.Gulow döwlet Baştutanymyzy özleri hakynda edýän ýadawsyz aladasy üçin hoşallyk bildirdiler, öz güýjüni we zähmetini, tejribesini hem bilimlerini gaýgyrman, Garaşsyz Bitarap Watanymyzyň kuwwatyny berkitmäge goşant goşjakdyklaryna ynandyrdylar.
Bereket lokomotiw deposynyň teplowozyň maşinisti G.Gurbanow milli Liderimize ýokary döwlet sylagy üçin tüýs ýürekden hoşallygyny beýan edip, bu demir ýoluň üç döwletiň çäklerinden geçip, onlarça ýurdy birleşdirendigini, müňlerçe täze iş orunlarynyň döredilendigini, demir ýolçular maşgalalarynyň köpüsiniň abadançylygynyň ýokarlanandygyny guwanç bilen aýtdy. Bu demir ýol diňe bir biziň döwürdeşlerimize däl-de, eýsem, geljekki nesillere hem hyzmat eder.
Sylaglananlaryň hemmesi hormatly Prezidentimiz Gurbanguly Berdimuhamedowa türkmen halkynyň bagtyýar durmuşynyň bähbidine alyp barýan ýadawsyz işi, öňdebaryjy özgertmeler syýasaty, Türkmenistana dünýä bileleşiginiň ykrarnamasyny we ýokary halkara abraýyny getiren oňyn başlangyçlary, döwlet Baştutanymyzyň türkmen halkynyň ruhy mirasyny gaýtadan dikeltmäge we ösdürmäge berýän yzygiderli ünsi üçin hoşallyklaryny bildirip, geljekde hem Watanymyzyň gülläp ösmeginiň bähbidine ähli gujur-gaýratlaryny, bilimlerini we tejribelerini bagyş etjekdiklerine ynandyrdylar.
Türkmen Lideriniň aýdan mähirli sözleri, berýän ünsi şu gün döwlet sylaglaryny almak üçin köşgüň sahnasyna çykan her bir demirýolçy üçin iň gymmatly sylag boldy.
Hormatly Prezidentimiz dabara gatnaşyjylary döwlet sylaglary we hormatly atlar bilen tüýs ýürekden gutlap, olara berk jan saglyk, maşgala abadançylygyny, bagtyýar durmuş, berkarar Watanymyzyň demir ýol ulaglary pudagyny yzygiderli ösdürmek ugrunda alyp barýan işlerinde uly üstünlikleri arzuw etdi. Döwlet Baştutanymyz demirýolçularyň mundan beýläk-de halal we netijeli zähmet çekip, öz öňlerinde duran wezipeleri abraý bilen ýerine ýetirjekdigine, pudagy ösdürmek boýunça alyp barýan işlerinde ýokary netijeleri we täze zähmet ýeňişlerini gazanjakdyklaryna ynam bildirdi.
“Biziň merdana demirýolçularymyz «Demirgazyk–Günorta» demir ýolunyň ýurdumyzyň çäklerinden geçýän böleginiň gurluşygyny öz güýçleri bilen üstünlikli tamamladylar” diýip, hormatly Prezidentimiz Gurbanguly Berdimuhamedow aýtdy.
Döwlet Baştutanymyzyň belleýşi ýaly, bu möhüm ähmiýetli demir ýol geçen ýylyň 3-nji dekabrynda dabaraly açylyp, ulanmaga berildi. Şunuň bilen baglylykda, hormatly Prezidentimiz Garaşsyz Watanymyzy yzygiderli ösdürmek boýunça öňde goýlan belent wezipeleri durmuşa geçirmäge, kabul edilen döwlet maksatnamalaryny üstünlikli amala aşyrmaga, ýurdumyzyň ykdysady kuwwatyny pugtalandyrmaga we zähmet öndürijiligini ýokarlandyrmaga demir ýol ulaglary pudagynyň işgärleriniň goşýan uly goşantlaryny nazara alyp, demir ýol ulaglary pudagynyň işgärleriniň hünär baýramyny döretmek we ony her ýylyň 3-nji dekabrynda belläp geçmek baradaky karara gelendigini aýtdy.
Dabara gatnaşyjylaryň şowhunly el çarpyşmalary astynda «Demir ýol ulaglary pudagynyň işgärleriniň gününi döretmek hakyndaky» Permana gol çekilýär.
Milli Liderimiz ýygnananlary bu şanly waka bilen gutlap we olara berk jan saglyk, bagt we işlerinde täze üstünlikler arzuw edip, bu ýerden ugrady.
* * *
Şu günüň ikinji ýarymynda Türkmenistanyň Demir ýol ulaglary ministrliginiň maslahatlar zalynda ýokary döwlet sylaglaryna mynasyp bolan demir ýolçulara hormatly Prezidentimiz Gurbanguly Berdimuhamedowyň adyndan sylaglary gowşurmak dabarasy dowam etdi. Dabara gatnaşyjylar demir ýol ulaglary pudagynyň her ýylyň 3-nji dekabrynda bellenilýän gününiň döredilmegi mynasybetli milli Liderimize özleriniň işlerine ýokary baha berendigi, şeýle hem türkmen halkynyň abadançylygynyň we bagtyýarlygynyň bähbidine ýadawsyz tagalla edýändigi üsin hoşallyk bildirdiler. Dabara gatnaşyjylar hormatly Prezidentimize hoşniýetli arzuwlaryny aýtmak bilen, döwlet Baştutanymyzyň başlangyjy esasynda durmuşa geçirilýän oňyn özgertmeler maksatnamasyndan gelip çykýan wezipeleriň abraý bilen ýerine ýetirilmegi ugrunda tagallalaryny gaýgyrmajakdyklaryna ynandyrdylar.
Döwlet Baştutanymyzyň adyndan Demirýol ulaglary ministrliginiň işgärler toparlaryna kuwwatly “KRAZ” ýuk awtoulaglarynyň açarlary gowşuryldy.
Soňra Maslahat köşgünde şanly waka mynasybetli uly baýramçylyk konserti boldy.
Konserte gatnaşanlaryň her biriniň çykyşy Berkarar döwletimiziň bagtyýarlyk döwründe eziz Watanymyzyň waspnamasyna öwrüldi. Çykyş edenleriň hatarynda meşhur estrada aýdymçylary we sazandalar, belli ýerine ýetiriji toparlar bar. Olar sahnada özleriniň zehinini we ussatlygyny görkezdiler.
Uly konsertiň ahyrynda “Arkadagyň baky dowam ýollary” atly aýdym ýaňlandy. Belentden ýaňlanan bu aýdym tomaşaçylaryň kalbyny gülläp ösýän eziz Watanymyza bolan hakyky buýsanç duýgusyndan doldurdy. Häzirki wagtda ata Watanymyz özüniň Lideriniň -- hormatly Prezidentimiz Gurbanguly Berdimuhamedowyň parasatly ýolbaşçylygynda parahatçylyk, döredijilik we ösüş ýoly bilen ynamly öňe gidip, her gün şol ýolda täze üstünlikleri we ýeňişleri gazanýar.
Bu gün Aşgabadyň merkezi künjeginde ýerleşýän kaşaň binada baýramçylyk ýagdaýy emele geldi. Ýurdumyzyň hökümet agzalary, Türkmenistanyň Mejlisiniň Başlygy, harby we hukuk goraýjy edaralaryň, ministrlikleriň we pudaklaýyn düzümleriň, jemgyýetçilik guramalarynyň ýolbaşçylary, ýurdumyzyň demir ýol ulaglary pudagynyň işgärleri, habar beriş serişdeleriniň ýolbaşçylary bu ýere ýygnandylar.
Hormatly Prezidentimiz Gurbanguly Berdimuhamedowyň ulagy köşk meýdançasynda saklandy. Milli lybasdaky gyzlar döwlet Baştutanymyza gül desselerini gowşurdylar.
Döwlet Baştutanymyz köşgüň içine girýär. Dabara gatnaşyjylar we myhmanlar Türkmenistanyň täze taryhy eýýamynda beýik başlangyçlaryň amala aşyrylmagyna ruhlandyrýan hormatly Prezidentimiz Gurbanguly Berdimuhamedowy ör turup, şowhunly el çarpyşmalar bilen garşyladylar.
Dabarany alypbaryjy çärä gatnaşyjylaryň adyndan milli Liderimize çuňňur hoşallygyny beýan edip, türkmenistanlylaryň ählisi üçin Türkmenistanyň Prezidenti Gurbanguly Berdimuhamedowyň baştutanlygynda Watanymyz üçin ykbal çözüji bolan Berkarar döwletimiziň bagtyýarlyk döwründe ýaşamagyň we işlemegiň ägirt uly bagtdygyny aýtdy. Döwlet Baştutanymyzyň baştutanlygynda ýurdumyzyň ähli künjegini düýpli özgertmeler gurşap aldy, olary öz milli Lideriniň daşynda has-da jebisleşen, parahatçylygyň, döredijiligiň we ösüşiň ýoly bilen ynamly öňe barýan türkmen halky tüýs ýürekden goldaýar.
Milli Liderimiziň başlangyjy bilen, iri möçberli taslamanyň üstünlikli durmuşa geçirilmeginiň strategiki ähmiýeti barada aýdylyp, Ýewraziýa giňişliginde ulaglaryň hereketiniň işjeňleşmegi üçin ägirt uly mümkinçilikleri döredilýändigi we ol sebit hem-de dünýä möçberinde netijeli söwda-ykdysady hyzmatdaşlygyň ösdürilmegine gönükdirilendigi bellenildi.
Şunda, Gazagystan-Türkmenistan –Eýran demir ýoly diňe bir ykdysady taýdan esaslandyrylan taslama bolman, eýsem, sebitde we onuň daşynda umumy ýagdaýyň gowulanmagyna oňyn täsiri bolan geosyýasy mümkinçilikdir. Bu taslama Aziýa yklymynda durnuklylygyň we umumy ösüşiň berkidilmegine, işjeňlik esasynda ählumumy gatnaşyklara goşulyşylmagyna, hoşniýetli goşňuçylyk we özara peýdaly hyzmatdaşlyk gatnaşyklarynyň pugtalandyrylmagyna gönükdirilendir. Çünki ulag pudagy dünýä hojalyk gatnaşyklarynyň durnukly ösüşine we deňeçerligine göni täsir edýän ählumumy ykdysadyýetiň möhüm ugurlarynyň biridir.
Sebitara we halkara ulag ýollarynyň möhüm çatrygynda ýerleşýän geografik taýdan amatly orny eýeleýän ýurdumyz ägirt uly üstaşyr-ulag kuwwatyna eýedir we onuň durmuşa geçirilmegi ugrunda hemmetaraplaýyn tagalla edýär. Milli pudaklaýyn maksatnamalar, hormatly Prezidentimiz Gurbanguly Berdimuhamedowyň öňe sürýän oňyn halkara başlagyçlary hut şu maksada gönükdirilendir. Şeýle başlangyçlaryň hatarynda Demirgazyk-Günorta demir ýol geçelgesiniň döredilmegi bilen baglanyşykly we başga-da birnäçe netijeli teklipleriň bardygyny bellemeli.
...Türkmenistanyň Prezidenti sahnadaky münbere geçýär.
Türkmenistanyň Döwlet senasy ýaňlanýar.
Milli Liderimiz Gurbanguly Berdimuhamedow ýygnananlara ýüzlenip, Garaşsyz, hemişelik Bitarap Watanymyz Berkarar döwletimiziň bagtyýarlyk döwründe ösüşleriň täze belentliklerine tarap batly gadamlar bilen ynamly öňe barýar diýip nygtady. Merdana halkymyzyň yhlas bilen çekýän tutanýerli zähmeti netijesinde, ýurdumyzyň ykdysadyýetiniň ähli pudaklary güýçli depginler bilen ösýär.
Ata Watanymyz dünýäde ähli ugurlarda ýokary netijeleri gazanýan döwletleriň hatarynda mynasyp orny eýeleýär. Eziz Diýarymyzy yzygiderli ösdürmek we täze belentliklere çykarmak boýunça giň möçberli maksatnamalar üstünlikli durmuşa geçirilýär. Kabul edilen bu maksatnamalary amala aşyrmaga demir ýol ulaglary pudagynyň işgärleri hem uly goşant goşýarlar. Türkmen demirýolçulary diňe bir ýurdumyzyň demir ýol ulaglary pudagyny ösdürmek bilen çäklenmän, eýsem möhüm ähmiýetli halkara taslamalaryny durmuşa geçirmäge hem işjeň gatnaşýarlar.
Geçen ýylyň sentýabr aýynda Aşgabat şäherinde ulag-üstaşyr geçelgeleriniň tutýan ornuna bagyşlanyp halkara maslahaty geçirildi. Maslahatda kabul edilen resminamalar Birleşen Milletler Guramasynyň Baş Assambleýasynyň 69-njy mejlisine gatnaşan döwletler tarapyndan uly gyzyklanma bilen garşylandy we makullandy. Netijede, Türkmenistanyň başlangyjy bilen geçen ýylyň 19-njy dekabrynda Birleşen Milletler Guramasynyň Baş Assambleýasynyň «Durnukly ösüş üçin halkara hyzmatdaşlygyny üpjün etmekde ulag-üstaşyr geçelgeleriniň orny» atly Rezolýusiýasy biragyzdan kabul edildi. Häzirki döwürde Bitarap Türkmenistan beýleki döwletler bilen ýakyn hyzmatdaşlyk edip, bu Rezolýusiýanyň uly ähmiýetiniň bardygyny iş ýüzünde görkezýär.
Milli Liderimiziň belleýşi ýaly, ekologiýa taýdan örän amatly, howpsuz, netijeli we ygtybarly ulag-üstaşyr geçelgeleri arkaly ýolagçylary gatnatmakda we harytlary daşamakda Rezolýusiýa giň mümkinçilikleri açýar. Garaşsyz döwletimiziň sebit we sebitara täze ulag-aragatnaşyk ulgamlaryny döretmäge işjeň gatnaşýandygyna aýdyň şaýatlyk edýär. Şeýle ulgamlaryň döredilmegi bolsa, ählumumy durmuş-ykdysady ösüşiň esasy şertleriniň biridir.
Ata-babalarymyz ýol gurmagy, köpri gurmagy sogap iş hasaplapdyrlar. Biz hem ata-babalarymyzyň asylly däplerini dowam edip, ýurdumyzda döwrebap awtomobil we demir ýollaryny, iri köprüleri giň gerim bilen gurýarys. Bu ugurda demir ýol ulaglary pudagynda alnyp barylýan netijeli işleri mysal hökmünde görkezmek bolar. 2014-nji ýyl berkarar Watanymyzyň ýyl ýazgysyna demir ýol ulaglary pudagyny döwrebaplaşdyrmak hem-de ösdürmek boýunça örän iri taslamalaryň üstünlikli amala aşyrylan ýyly hökmünde müdimilik girdi diýip, hormatly Prezidentimiz Gurbanguly Berdimuhamedow aýtdy.
Mälim bolşy ýaly, geçen ýylyň dekabr aýynda «Demirgazyk–Günorta» halkara demir ýolunyň gurluşygy üstünlikli tamamlandy. Kontinentleri birleşdirýän bu täze ýoluň iň uzyn bölegi biziň döwletimiziň çäklerinden geçýär. Gapdal şahalary bilen bilelikde 825 kilometre uzap gidýän polat ýoly biz daşary ýurt kompaniýalaryny çekmezden, diňe öz güýjümiz bilen, öz serişdelerimiziň hasabyna gurduk diýip, döwlet Baştutanymyz belledi.
Kyn tebigy we howa şertlerine garamazdan, merdana türkmen demirýolçulary tutanýerli we gaýduwsyz zähmet çekdiler. Şeýle giň gerimli, uly möçberli taslamany durmuşa geçirmekde başarnyklaryny, hünär ussatlyklaryny görkezdiler diýip, milli Liderimiz sözüni dowam etdi. Olar halkara ähmiýetli şeýle möhüm taslamalary durmuşa geçirmegi başarýandyklaryny iş ýüzünde subut etdiler. Bu ägirt uly taslamany gysga döwrüň içinde – 7 ýylda amala aşyrmagy başardylar. Täze demir ýoly enjamlaşdyrmak we abadanlaşdyrmak boýunça hem ägirt uly işleri ýerine ýetirdiler. Halkara demir ýolunyň ugrunda onlarça inženerçilik desgalary, demir ýol menzilleri, depolar, beketler we duralgalar guruldy hem-de beýleki zerur üpjünçilik ulgamlary döredildi.
Gazagystanyň sähralaryndan Garagum çölüniň üsti bilen Eýranyň demirgazygyndaky daglyk Gülüstan welaýatyna çenli bu ýoluň umumy uzynlygy 1000 kilometrden hem gowrakdyr. Ykdysady taýdan örän bähbitli bolmak bilen, bu demir ýol ýükleri, şol sanda üstaşyr geçirilýän ýükleri gysga ugur boýunça daşamak üçin uly mümkinçilikleri döredýär. Täze gurlan ýol arkaly geljekde ýolagçylary gatnatmak hem göz öňünde tutulýar.
Hormatly Prezidentimiz Gurbanguly Berdimuhamedowyň belleýşi ýaly, sebitiň bu iri taslamasy Ýewropanyň we Aziýanyň demir ýol ulgamlaryny birleşdirdi. Gyzyklanma bildirýän ähli ýurtlar üçin Pars aýlagyna çykmaga örän amatly şertleri döretdi. Bu halkara demir ýolunyň ulag-üstaşyr geçelgelerini döretmekde, sebitde durnukly ösüşi we howpsuzlygy üpjün etmekde hem möhüm ähmiýeti bolar.
Şeýlelikde, biziň ýurdumyz müňýyllyklaryň dowamynda Ýewraziýanyň halklaryny özara baglanyşdyran we adamzadyň medeni ösüşinde ägirt uly ähmiýeti bolan Beýik Ýüpek ýolunyň täzeden dikeldilmegine örän işjeň gatnaşýar we bu ugurda alnyp barylýan işlere saldamly goşant goşýar diýip döwlet Baştutanysmyz Gurbanguly Berdimuhamedow aýtdy. «Demirgazyk–Günorta» demir ýoly diňe bir ykdysady we söwda ähmiýetli taslama bolmak bilen çäklenmän, eýsem, Birleşen Milletler Guramasy, Şanhaý Hyzmatdaşlyk Guramasy, Garaşsyz Döwletleriň Arkalaşygy, Ykdysady Hyzmatdaşlyk Guramasy ýaly halkara we sebit guramalaryna agza döwletleriň arasynda alnyp barylýan hyzmatdaşlygy, hoşniýetli goňşuçylyk gatnaşyklaryny, halklaryň dost-doganlygyny has-da berkitmäge ýardam berer! Parahatçylyga hem-de adamzadyň ählumumy abadançylygyna hyzmat eder.
Merdana halkymyz özüniň nurana geljegine aýdyň göz ýetirip, täze, abadan durmuşyny halal we yhlasly zähmeti bilen döredýär. Berkarar döwletimiziň ýokary depginler bilen ösmegine uly itergi berjek tutumly we beýik işleri amala aşyrýar diýip, milli Liderimiz sözüni dowam etdi. «Demirgazyk–Günorta» polat ýoly hem ata Watanymyzyň mundan beýläk-de gülläp ösmegine, mähriban halkymyzyň we geljekki nesillerimiziň bagtyýar durmuşda ýaşamagyna uly goşant goşar.
Hormatly Prezidentimiz bu demir ýoly gysga wagtyň içinde we ýokary hilli gurup, ulanmaga bermek ugrunda yhlas bilen zähmet çeken demir ýol ulaglary pudagynyň ähli işgärlerine we beýleki hünärmenlere tüýs ýürekden minnetdarlyk bildirip, il-ýurt bähbitli we halkara ähmiýetli şeýle iri taslamany merdana türkmen demirýolçularynyň hem-de ýurdumyzyň ähli ulag işgärleriniň üstünlikli durmuşa geçirendigi bizi örän buýsandyrýar diýip belledi.
«Demirgazyk–Günorta» halkara demir ýolunyň gurluşygyna işjeň gatnaşandyklary üçin, şeýle hem Garaşsyz döwletimiziň we mähriban halkymyzyň öňünde bitiren aýratyn hyzmatlaryny, uzak ýyllaryň dowamynda çeken yhlasly we halal zähmetini, gazanan ýokary netijelerini, hünär ussatlygyny nazara alyp, ýurdumyzyň demir ýol ulaglary pudagynyň has tapawutlanan işgärlerini döwlet sylaglary bilen sylaglamak we olara hormatly atlary dakmak baradaky karara gelindi. Döwlet sylaglary bilen sylaglanmagy we hormatly atlaryň dakylmagy merdana türkmen demirýolçularynyň yhlasly we tutanýerli zähmetine Hökümetimiziň hem-de halkymyzyň ýokary baha berýändiginiň aýdyň mysalydyr diýip, milli Liderimiz nygtady.
hormatly Prezidentimiz Gurbanguly Berdimuhamedowyň çykyşy dabara gatnaşyjylar tarapyndan üns bilen diňlenildi we olaryň şowhunly el çarpyşmalary bilen garşylandy.
Soňra Ministrler Kabinetiniň Başlygynyň orunbasary M.Ýazmuhammedowa “Gazagystan-Türkmenistan -Eýran” demir ýolunyň gurluşygyna işjeň gatnaşan demir ýol pudagynyň işgärlerine döwlet sylaglaryny bermek we hormatly atlary dakmak hakyndaky Permany okaýar.
Hormatly Prezidentimiz Gurbanguly Berdimuhamedow dabaraly ýagdaýda Türkmenistanyň döwlet sylaglaryna we hormatly atlara mynasyp bolan öňdebaryjy demirýolçulara degişli sylaglary gowşurdy. Pudagyň işgärleriniň birnäçesine hormatly atlar dakyldy.
Döwlet sylaglaryna mynasyp bolan pudagyň işgärleri yzly-yzyna sahna çykýarlar.
Olar belent buýsanç duýgusy we tolgunmak bilen hormatly Prezidentimiz Gurbanguly Berdimuhamedowyň elinden mynasyp bolan sylaglaryny alýarlar.
Serdar şäheriniň ýol-maşyn kärhanasynyň ýol işçisi S.Ataýew öz zähmetine berlen ýokary baha üçin hoşallygyny beýan etdi hem-de Bitaraplyk we parahatçylyk ýylynyň bosagasynda ulanmaga berlen bu polat ýoluň dostluk we doganlyk ýoly bolup, geljekki nesillere hem hyzmat etjekdigini belledi.
Daşoguz ýol we desgalar edarasynyň başlygy G.Kakabaýew Türkmenistanyň Prezidentinden ýokary döwlet sylagyny kabul edip, hususan-da: “Türkmenistan öz Lideriniň baştutanlygynda we gadymdan gelýän goňşulary Gazagystan we Eýran bilen bilelikde bütin dünýä derweze açdy. Şunda meniň hem goşandygym bardygyna buýsanýaryn” diýip aýtdy.
Mary ýol desgalar edarasynyň ýol bejerijisi A.Abdyýew türkmen Lideriniň uly hoşallygyny beýan edip, 2014-nji ýylyň diňe Türkmenistan üçin däl-de, eýsem, tutuş dünýäniň taryhy üçin hem şanly ýyl bolandygyny aýtdy. Giň halkara hyzmatdaşlygy netijesinde Gazagystan-Türkmenistan –Eýran demir ýoly guruldy we ulanmaga berildi, bu ýol üçin türkmen halkynyň geljekki nesilleri hem, sebitiň beýleki halklary hem Türkmenistanyň Prezidentine alkyş aýdarlar. Bu demir ýoluň açylyşynyň Magtymguly Pyragynyň ýubileý ýylyna gabat gelmegi buýsançlydyr we biz beýik şahyryň arzuw edip geçen Berkarar döwletimiziň bagtyýarlyk döwründe ýaşaýandygymyza guwanýarys.
Aşgabadyň ýolagçy we ýük wagon deposynyň gurluşykçylar toparynyň işçisi I.Seroženko ýokary döwlet sylagy üçin hormatly Prezidentimiz Gurbanguly Berdimuhamedowa tüýs ýürekden hoşallyk bildirdi. “Men indi 25 ýyl bäri demirýol pudagynda zähmet çekýärin. Siziň paýhasly ýolbaşçylygyňyzda bu pudakda ägirt uly özgertmeleriň durmuşa geçirilendigini aýtmak isleýärin. Täze demirýollar guruldy. Olaryň hemmesi dünýä ülňülerine laýyk gelýän häzirkizaman enjamlary bilen üpjün edildi. Bu zatlar Siziň halk baradaky atalyk aladaňyz netijesinde amal boldy. Men Size ýene bir ýola tüýs ýürekden çykýan sagbolsunymy aýdýaryn. Men öz Watanyma, hormatly Prezidentimize buýsanýaryn!” diýip, ruhubelentlik bilen I.Seroženko aýtdy.
Abadan ýol we desgalar edarasynyň işgärleriniň adyndan H.Hojaýew we A.Gulow döwlet Baştutanymyzy özleri hakynda edýän ýadawsyz aladasy üçin hoşallyk bildirdiler, öz güýjüni we zähmetini, tejribesini hem bilimlerini gaýgyrman, Garaşsyz Bitarap Watanymyzyň kuwwatyny berkitmäge goşant goşjakdyklaryna ynandyrdylar.
Bereket lokomotiw deposynyň teplowozyň maşinisti G.Gurbanow milli Liderimize ýokary döwlet sylagy üçin tüýs ýürekden hoşallygyny beýan edip, bu demir ýoluň üç döwletiň çäklerinden geçip, onlarça ýurdy birleşdirendigini, müňlerçe täze iş orunlarynyň döredilendigini, demir ýolçular maşgalalarynyň köpüsiniň abadançylygynyň ýokarlanandygyny guwanç bilen aýtdy. Bu demir ýol diňe bir biziň döwürdeşlerimize däl-de, eýsem, geljekki nesillere hem hyzmat eder.
Sylaglananlaryň hemmesi hormatly Prezidentimiz Gurbanguly Berdimuhamedowa türkmen halkynyň bagtyýar durmuşynyň bähbidine alyp barýan ýadawsyz işi, öňdebaryjy özgertmeler syýasaty, Türkmenistana dünýä bileleşiginiň ykrarnamasyny we ýokary halkara abraýyny getiren oňyn başlangyçlary, döwlet Baştutanymyzyň türkmen halkynyň ruhy mirasyny gaýtadan dikeltmäge we ösdürmäge berýän yzygiderli ünsi üçin hoşallyklaryny bildirip, geljekde hem Watanymyzyň gülläp ösmeginiň bähbidine ähli gujur-gaýratlaryny, bilimlerini we tejribelerini bagyş etjekdiklerine ynandyrdylar.
Türkmen Lideriniň aýdan mähirli sözleri, berýän ünsi şu gün döwlet sylaglaryny almak üçin köşgüň sahnasyna çykan her bir demirýolçy üçin iň gymmatly sylag boldy.
Hormatly Prezidentimiz dabara gatnaşyjylary döwlet sylaglary we hormatly atlar bilen tüýs ýürekden gutlap, olara berk jan saglyk, maşgala abadançylygyny, bagtyýar durmuş, berkarar Watanymyzyň demir ýol ulaglary pudagyny yzygiderli ösdürmek ugrunda alyp barýan işlerinde uly üstünlikleri arzuw etdi. Döwlet Baştutanymyz demirýolçularyň mundan beýläk-de halal we netijeli zähmet çekip, öz öňlerinde duran wezipeleri abraý bilen ýerine ýetirjekdigine, pudagy ösdürmek boýunça alyp barýan işlerinde ýokary netijeleri we täze zähmet ýeňişlerini gazanjakdyklaryna ynam bildirdi.
“Biziň merdana demirýolçularymyz «Demirgazyk–Günorta» demir ýolunyň ýurdumyzyň çäklerinden geçýän böleginiň gurluşygyny öz güýçleri bilen üstünlikli tamamladylar” diýip, hormatly Prezidentimiz Gurbanguly Berdimuhamedow aýtdy.
Döwlet Baştutanymyzyň belleýşi ýaly, bu möhüm ähmiýetli demir ýol geçen ýylyň 3-nji dekabrynda dabaraly açylyp, ulanmaga berildi. Şunuň bilen baglylykda, hormatly Prezidentimiz Garaşsyz Watanymyzy yzygiderli ösdürmek boýunça öňde goýlan belent wezipeleri durmuşa geçirmäge, kabul edilen döwlet maksatnamalaryny üstünlikli amala aşyrmaga, ýurdumyzyň ykdysady kuwwatyny pugtalandyrmaga we zähmet öndürijiligini ýokarlandyrmaga demir ýol ulaglary pudagynyň işgärleriniň goşýan uly goşantlaryny nazara alyp, demir ýol ulaglary pudagynyň işgärleriniň hünär baýramyny döretmek we ony her ýylyň 3-nji dekabrynda belläp geçmek baradaky karara gelendigini aýtdy.
Dabara gatnaşyjylaryň şowhunly el çarpyşmalary astynda «Demir ýol ulaglary pudagynyň işgärleriniň gününi döretmek hakyndaky» Permana gol çekilýär.
Milli Liderimiz ýygnananlary bu şanly waka bilen gutlap we olara berk jan saglyk, bagt we işlerinde täze üstünlikler arzuw edip, bu ýerden ugrady.
Şu günüň ikinji ýarymynda Türkmenistanyň Demir ýol ulaglary ministrliginiň maslahatlar zalynda ýokary döwlet sylaglaryna mynasyp bolan demir ýolçulara hormatly Prezidentimiz Gurbanguly Berdimuhamedowyň adyndan sylaglary gowşurmak dabarasy dowam etdi. Dabara gatnaşyjylar demir ýol ulaglary pudagynyň her ýylyň 3-nji dekabrynda bellenilýän gününiň döredilmegi mynasybetli milli Liderimize özleriniň işlerine ýokary baha berendigi, şeýle hem türkmen halkynyň abadançylygynyň we bagtyýarlygynyň bähbidine ýadawsyz tagalla edýändigi üsin hoşallyk bildirdiler. Dabara gatnaşyjylar hormatly Prezidentimize hoşniýetli arzuwlaryny aýtmak bilen, döwlet Baştutanymyzyň başlangyjy esasynda durmuşa geçirilýän oňyn özgertmeler maksatnamasyndan gelip çykýan wezipeleriň abraý bilen ýerine ýetirilmegi ugrunda tagallalaryny gaýgyrmajakdyklaryna ynandyrdylar.
Döwlet Baştutanymyzyň adyndan Demirýol ulaglary ministrliginiň işgärler toparlaryna kuwwatly “KRAZ” ýuk awtoulaglarynyň açarlary gowşuryldy.
Soňra Maslahat köşgünde şanly waka mynasybetli uly baýramçylyk konserti boldy.
Konserte gatnaşanlaryň her biriniň çykyşy Berkarar döwletimiziň bagtyýarlyk döwründe eziz Watanymyzyň waspnamasyna öwrüldi. Çykyş edenleriň hatarynda meşhur estrada aýdymçylary we sazandalar, belli ýerine ýetiriji toparlar bar. Olar sahnada özleriniň zehinini we ussatlygyny görkezdiler.
Uly konsertiň ahyrynda “Arkadagyň baky dowam ýollary” atly aýdym ýaňlandy. Belentden ýaňlanan bu aýdym tomaşaçylaryň kalbyny gülläp ösýän eziz Watanymyza bolan hakyky buýsanç duýgusyndan doldurdy. Häzirki wagtda ata Watanymyz özüniň Lideriniň -- hormatly Prezidentimiz Gurbanguly Berdimuhamedowyň parasatly ýolbaşçylygynda parahatçylyk, döredijilik we ösüş ýoly bilen ynamly öňe gidip, her gün şol ýolda täze üstünlikleri we ýeňişleri gazanýar.