Hormatly sergä gatnaşyjylar! Gadyrly myhmanlar!
Sizi Eýran Yslam Respublikasynyň XII ýöriteleşdirilen sergisiniň öz işine başlamagy bilen tüýs ýürekden gutlaýaryn! Mirasa sarpa goýmak, Watany özgertmek ýylynda geçirilýän bu serginiň iki dostlukly döwletiň arasyndaky däbe öwrülen özara bähbitli gatnaşyklary pugtalandyrmaga uly itergi berjekdigine ynanýaryn.
Eýranyň haryt öndürijileriniň Aşgabatda geçirilýän ýöriteleşdirilen sergisi dostlukly ýurduň kompaniýalarynyň gazanan täze üstünliklerini görkezmek üçin oňat şertleri döredýär. Bu kompaniýalar öz ugurlary boýunça öňdäki orunlary eýeleýärler we Eýranyň iri senagat merkezlerine wekilçilik edýärler. Bu sergi iki ýurduň arasyndaky söwda-ykdysady hyzmatdaşlygyň mundan beýläk-de berkidilmegine we giňeldilmegine, barha ösdürilýän özara bähbitli gatnaşyklaryň täze ugurlarynyň döredilmegine gönükdirilendir.
Garaşsyz, hemişelik Bitarap Watanymyzyň halk hojalygyna täze tehnologiýalary we ylmyň in soňky gazananlaryny ornaşdyrmakda, milli ykdysadyýetimizi dünýä ölçeglerine laýyklykda ösdürmekde we döwrebaplaşdyrmakda halkara hyzmatdaşlygynyň ähmiýeti örän uludyr. Şoňa görä-de, biziň ýurtlarymyzyň arasynda uzak geljege gönükdirilen özara bähbitli gatnaşyklar yzygiderli ösdürilýär. Bu ugurda Ykdysady hyzmatdaşlyk boýunça bilelikdäki türkmen-eýran toparynyň, şeýle hem Türkmen-eýran işewürler maslahatynyň uly ähmiýetiniň bardygyny aýratyn bellemek isleýärin.
Hormatly myhmanlar! Eziz watandaşlar!
Biziň doganlyk ýurtlarymyzyň taryhynda hem-de medeniýetinde köp sanly umumylyklar bar. Bu bolsa ýüzýyllyklaryň synagyndan geçip gelýän dostlukly gatnaşyklary häzirki döwürde hil taýdan täze derejä çykarmaga we has-da pugtalandyrmaga giň mümkinçilikleri döredýär.
Serginiň dowamynda iki ýurduň işewürleri türkmen-eýran hyzmatdaşlygyny has-da pugtalandyrmaga ýardam etjek gepleşikleri geçirerler we häzirki döwürdäki gatnaşyklaryň örän möhüm ugurlaryny kesgitlemek boýunça pikir alşarlar. Munuň özi Eýran Yslam Respublikasynyň işewür toparlarynyň biziň ýurdumyz bilen söwda-ykdysady gatnaşyklary hemmetaraplaýyn giňeltmäge çalyşýandygyny görkezer.
Hormatly myhmanlar! Gadyrly dostlar!
Iki doganlyk ýurduň bazarlaryna harytlary we hyzmatlary çekmekde uly ähmiýeti boljak bu serginiň Türkmenistanyň we Eýran Yslam Respublikasynyň arasyndaky söwda-ykdysady gatnaşyklary mundan beýläk-de ösdürmäge, biziň döwletlerimiziň işewürler toparlarynyň özara bähbitli hyzmatdaşlygyny giňeltmäge, bilelikde işlemäge isleg bildirýän eýran kompaniýalary bilen hyzmatdaşlygy täze derejä çykarmaga giň mümkinçilikleri döretjekdigine ynanýaryn.
Turkmen we eýran halklarynyň dost-doganlyk gatnaşygynyň mundan beýläk-de pugtalandyrylmagyna, iki ýurduň arasyndaky söwda-ykdysady hyzmatdaşlygyň has-da ösdürilmegine gönükdirilen asylly işleriňizde uly üstünlikleri gazanmagyňyzy tüýs ýürekden arzuw edýärin!
Türkmenistanyň Prezidenti
Gurbanguly Berdimuhamedow
Sizi Eýran Yslam Respublikasynyň XII ýöriteleşdirilen sergisiniň öz işine başlamagy bilen tüýs ýürekden gutlaýaryn! Mirasa sarpa goýmak, Watany özgertmek ýylynda geçirilýän bu serginiň iki dostlukly döwletiň arasyndaky däbe öwrülen özara bähbitli gatnaşyklary pugtalandyrmaga uly itergi berjekdigine ynanýaryn.
Eýranyň haryt öndürijileriniň Aşgabatda geçirilýän ýöriteleşdirilen sergisi dostlukly ýurduň kompaniýalarynyň gazanan täze üstünliklerini görkezmek üçin oňat şertleri döredýär. Bu kompaniýalar öz ugurlary boýunça öňdäki orunlary eýeleýärler we Eýranyň iri senagat merkezlerine wekilçilik edýärler. Bu sergi iki ýurduň arasyndaky söwda-ykdysady hyzmatdaşlygyň mundan beýläk-de berkidilmegine we giňeldilmegine, barha ösdürilýän özara bähbitli gatnaşyklaryň täze ugurlarynyň döredilmegine gönükdirilendir.
Garaşsyz, hemişelik Bitarap Watanymyzyň halk hojalygyna täze tehnologiýalary we ylmyň in soňky gazananlaryny ornaşdyrmakda, milli ykdysadyýetimizi dünýä ölçeglerine laýyklykda ösdürmekde we döwrebaplaşdyrmakda halkara hyzmatdaşlygynyň ähmiýeti örän uludyr. Şoňa görä-de, biziň ýurtlarymyzyň arasynda uzak geljege gönükdirilen özara bähbitli gatnaşyklar yzygiderli ösdürilýär. Bu ugurda Ykdysady hyzmatdaşlyk boýunça bilelikdäki türkmen-eýran toparynyň, şeýle hem Türkmen-eýran işewürler maslahatynyň uly ähmiýetiniň bardygyny aýratyn bellemek isleýärin.
Hormatly myhmanlar! Eziz watandaşlar!
Biziň doganlyk ýurtlarymyzyň taryhynda hem-de medeniýetinde köp sanly umumylyklar bar. Bu bolsa ýüzýyllyklaryň synagyndan geçip gelýän dostlukly gatnaşyklary häzirki döwürde hil taýdan täze derejä çykarmaga we has-da pugtalandyrmaga giň mümkinçilikleri döredýär.
Serginiň dowamynda iki ýurduň işewürleri türkmen-eýran hyzmatdaşlygyny has-da pugtalandyrmaga ýardam etjek gepleşikleri geçirerler we häzirki döwürdäki gatnaşyklaryň örän möhüm ugurlaryny kesgitlemek boýunça pikir alşarlar. Munuň özi Eýran Yslam Respublikasynyň işewür toparlarynyň biziň ýurdumyz bilen söwda-ykdysady gatnaşyklary hemmetaraplaýyn giňeltmäge çalyşýandygyny görkezer.
Hormatly myhmanlar! Gadyrly dostlar!
Iki doganlyk ýurduň bazarlaryna harytlary we hyzmatlary çekmekde uly ähmiýeti boljak bu serginiň Türkmenistanyň we Eýran Yslam Respublikasynyň arasyndaky söwda-ykdysady gatnaşyklary mundan beýläk-de ösdürmäge, biziň döwletlerimiziň işewürler toparlarynyň özara bähbitli hyzmatdaşlygyny giňeltmäge, bilelikde işlemäge isleg bildirýän eýran kompaniýalary bilen hyzmatdaşlygy täze derejä çykarmaga giň mümkinçilikleri döretjekdigine ynanýaryn.
Turkmen we eýran halklarynyň dost-doganlyk gatnaşygynyň mundan beýläk-de pugtalandyrylmagyna, iki ýurduň arasyndaky söwda-ykdysady hyzmatdaşlygyň has-da ösdürilmegine gönükdirilen asylly işleriňizde uly üstünlikleri gazanmagyňyzy tüýs ýürekden arzuw edýärin!
Türkmenistanyň Prezidenti
Gurbanguly Berdimuhamedow