Türkmenistanyň Gruziýadaky Ilçihanasynyň ýardam bermeginde gruzin KHBS-leri 2018-nji ýylyň noýabr aýynda Aşgabatda geçirilen Agyr atletika boýunça dünýä çempionatynyň altyn baýragyny eýelän Ýulduz Jumabaýewanyň sarpalamak dabarasyny giňişleýin beýan edýärler.

Gruziýanyň KHBS-niň türkmen sporty üçin möhüm waka uly üns bermegi ýurdumyza, onuň taryhyna we medeniýetine, jemgyýetçilik-syýasy ugruna, durmuşyň ähli ugurlarynda gazananlaryna gyzyklanmasynyň beýany boldy.

Gruziýanyň KHBS-niň birnäçesi, şol sanda «Свободная Грузия», «Newsday Georgia»  we  «Geoecohub» habarlar agentlikleri Türkmensitanyň Garaşsyzlgynyň 30 ýyllygyna, şeýle hem 2021-nji ýylyň Halkara parahatçylyk we ynanyşmak ýyly diýlip yglan edilmegine bagyşlanan makalalary çap etdiler.

Gruziýanyň KHBS-niň we Türkmenistanyň Tbilisidäki diplomatik wekilhanasynyň işjeň özara gatnaşyklary netijesinde dostlukly ýurduň jemgyýetçiligi ýurdumyzyň durmuş-ykdysady, jemgyýetçilik-syýasy durmuşy babatda, ylym-bilimde we sportda gazananlary, ýurtda bolup geçýän özgertmeler, türkmen halkynyň özboluşly taryhy-medeni mirasy barada giňişleýin düşünje alýarlar.